Padavali

मैया मोरी मैं नहिं माखन खायो। ख्याल परे ये सखा सबै मिलि मेरैं मुख लपटायो॥

maiyā morī maiṃ nahiṃ mākhana khāyo| khyāla pare ye sakhā sabai mili meraiṃ mukha lapaṭāyo||

अंखियाँ हरि-दर्शन की प्यासी। देखि चहत कमलानन सुंदर बिरह-व्यथा अति भारी॥

aṃkhiyā~ hari-darśana kī pyāsī| dekhi cahata kamalānana suṃdara biraha-vyathā ati bhārī||

मैया मोहिं दाऊ बहुत खिझायो। मोसौं कहत मोल को लीन्हो तू जसुमति कब जायो॥

maiyā mohiṃ dāū bahuta khijhāyo| mosauṃ kahata mola ko līnho tū jasumati kaba jāyo||

ऊधो मन न भये दस-बीस। एक हुतो सो गयौ स्याम सँग को आराधै ईस॥

ūdho mana na bhaye dasa-bīsa| eka huto so gayau syāma sa~ga ko ārādhai īsa||

हरि बिनु ऐसी कौन करै। पतित उधारन भीर-हरन प्रभु अधम बिरद को धरै॥

hari binu aisī kauna karai| patita udhārana bhīra-harana prabhu adhama birada ko dharai||

जसोदा हरि पालनै झुलावै। हलरावै दुलरावै मल्हावै जोइ सोइ कछु गावै॥

jasodā hari pālanai jhulāvai| halarāvai dularāvai malhāvai joi soi kachu gāvai||

खेलत हरि निकसे ब्रज खोरी। कटि-कछनी पीताम्बर बाँधे हाथ लिए भँवरी॥

khelata hari nikase braja khorī| kaṭi-kachanī pītāmbara bā~dhe hātha lie bha~varī||

अब कै राखि लेहु भगवान। हौं अनाथ बैठ्यो द्रुम-डारनि पारधि साधे बान॥

aba kai rākhi lehu bhagavāna| hauṃ anātha baiṭhyo druma-ḍārani pāradhi sādhe bāna||

मेरो मन अनत कहाँ सुख पावै। जैसे उडि जहाज को पंछी फिरि जहाज पै आवै॥

mero mana anata kahā~ sukha pāvai| jaise uḍi jahāja ko paṃchī phiri jahāja pai āvai||

देखो माई आज सघन घन छाये। दामिनि दमक दसौं दिसि चमकति मद-गज-गरज सुनाये॥

dekho māī āja saghana ghana chāye| dāmini damaka dasauṃ disi camakati mada-gaja-garaja sunāye||

नंद के आनँद भयो जय कन्हैया लाल की। हाथी द्वारे, घोड़ा द्वारे और जगमग ज्योत बरै॥

naṃda ke āna~da bhayo jaya kanhaiyā lāla kī| hāthī dvāre, ghoḍa़ā dvāre aura jagamaga jyota barai||

निसिदिन बरसत नैन हमारे। सदा रहत पावस ऋतु हम पै जब ते स्याम सिधारे॥

nisidina barasata naina hamāre| sadā rahata pāvasa ṛtu hama pai jaba te syāma sidhāre||

प्रभु मेरे अवगुन चित न धरो। समदरसी है नाम तिहारो चाहे तो पार करो॥

prabhu mere avaguna cita na dharo| samadarasī hai nāma tihāro cāhe to pāra karo||

अविगत गति कछु कहत न आवै। ज्यों गूँगे मीठे फल को रस अन्तरगत ही भावै॥

avigata gati kachu kahata na āvai| jyoṃ gū~ge mīṭhe phala ko rasa antaragata hī bhāvai||

जो तुम तोरौ पिया मैं नहीं तोरौं। तोरि कृष्ण सों नातौ अपनौ कासौं प्रीति जोरौं॥

jo tuma torau piyā maiṃ nahīṃ torauṃ| tori kṛṣṇa soṃ nātau apanau kāsauṃ prīti jorauṃ||

बन्दौ चरण सरोज हरी के। जिनके सुमिरत सकल मनोरथ पूरत भीर हरी के॥

bandau caraṇa saroja harī ke| jinake sumirata sakala manoratha pūrata bhīra harī ke||

मधुबन तुम कत रहत हरे। बिरह बियोग स्याम सुंदर के ठाढ़े क्यों न जरे॥

madhubana tuma kata rahata hare| biraha biyoga syāma suṃdara ke ṭhāḍha़e kyoṃ na jare||

ऊधो जाहु तुमहिं हम जाने। स्याम तुम्हें ह्याँ कत पठयो है हमरो दरद न जाने॥

ūdho jāhu tumahiṃ hama jāne| syāma tumheṃ hyā~ kata paṭhayo hai hamaro darada na jāne||

हरि हैं राजनीति पढ़ि आये। समुझी बात कहत मधुकर सों समाचार सब पाये॥

hari haiṃ rājanīti paḍha़i āye| samujhī bāta kahata madhukara soṃ samācāra saba pāye||

ऊधो कर्मन की गति न्यारी। साधु असाधु सकल जग जानत सदा रहत यह जारी॥

ūdho karmana kī gati nyārī| sādhu asādhu sakala jaga jānata sadā rahata yaha jārī||

निरमोही गिरिधर हरि सोंहैं। यह बात सुनी मधुकर कै मुख तब मन भयौ अधीर॥

niramohī giridhara hari soṃhaiṃ| yaha bāta sunī madhukara kai mukha taba mana bhayau adhīra||

हमारे प्रभु अवगुन चित न धरौ। समदरसी है नाम तिहारो सोई पार करौ॥

hamāre prabhu avaguna cita na dharau| samadarasī hai nāma tihāro soī pāra karau||

दरस बिनु दूखन लागे नैन। जबते स्याम-सुंदर पिय पियारे जेठ मास भये दिन रैन॥

darasa binu dūkhana lāge naina| jabate syāma-suṃdara piya piyāre jeṭha māsa bhaye dina raina||

मैं नहिं माखन खायो। ग्वाल-बाल सब बैरि भये हैं बरबस मुख लपटायो॥

maiṃ nahiṃ mākhana khāyo| gvāla-bāla saba bairi bhaye haiṃ barabasa mukha lapaṭāyo||

जसोदा बार बार यों भाषै। है कोउ ब्रज में हितू हमारौ चलत गोपालहिं राखै॥

jasodā bāra bāra yoṃ bhāṣai| hai kou braja meṃ hitū hamārau calata gopālahiṃ rākhai||

ब्रज में चहुँ दिसि गोपी गावैं। नंद-सुवन के मंगल चरितनि सुनि-सुनि मन हुलसावैं॥

braja meṃ cahu~ disi gopī gāvaiṃ| naṃda-suvana ke maṃgala caritani suni-suni mana hulasāvaiṃ||

गोकुल सब बालक बौरे। कान्ह-कुँवर के मुख-छबि निरखत दीन्हे लोक-लाज सब छोरे॥

gokula saba bālaka baure| kānha-ku~vara ke mukha-chabi nirakhata dīnhe loka-lāja saba chore||

चरण-कमल बंदौं हरि राइ। जाकी कृपा पंगु गिरि लंघै अंधे कौ सब कछु दरसाइ॥

caraṇa-kamala baṃdauṃ hari rāi| jākī kṛpā paṃgu giri laṃghai aṃdhe kau saba kachu darasāi||

भज मन राम चरन सुखदाई। जिनकी कृपा होय जेहि ऊपर ताकौ बंध छुटाइ॥

bhaja mana rāma carana sukhadāī| jinakī kṛpā hoya jehi ūpara tākau baṃdha chuṭāi||

हे हरि कहा न दीन्हीं मनसा। जो कछु करौं सो तुम पै निर्भर तुम सम और न दूसर॥

he hari kahā na dīnhīṃ manasā| jo kachu karauṃ so tuma pai nirbhara tuma sama aura na dūsara||

नीकैं रंग दीन्हे बिन माने ना। स्याम-सुंदर के अनुराग बिना मन कतहूँ ठहराने ना॥

nīkaiṃ raṃga dīnhe bina māne nā| syāma-suṃdara ke anurāga binā mana katahū~ ṭhaharāne nā||

सखी री मेरी नींद नसानी। पिय बिछुरन की कौन कहै री जब ते बात सुनानी॥

sakhī rī merī nīṃda nasānī| piya bichurana kī kauna kahai rī jaba te bāta sunānī||

मुख दधि लेपन कर नवनीत। कटि किंकिनि चरनन में नूपुर मुरली अधर सजीत॥

mukha dadhi lepana kara navanīta| kaṭi kiṃkini caranana meṃ nūpura muralī adhara sajīta||

चलौ मन गंगा-जमुना तीर। गंगा-जमुना निर्मल पानी सीतल होत सरीर॥

calau mana gaṃgā-jamunā tīra| gaṃgā-jamunā nirmala pānī sītala hota sarīra||

अब हौं नाच्यो बहुत गुपाल। काम क्रोध को पहिर चोलना कंठ बिषय की माल॥

aba hauṃ nācyo bahuta gupāla| kāma krodha ko pahira colanā kaṃṭha biṣaya kī māla||

हरि पालने झुलावै। हलरावै दुलरावै मल्हावै जोइ सोइ कछु गावै॥

hari pālane jhulāvai| halarāvai dularāvai malhāvai joi soi kachu gāvai||

श्याम भजै सो काहे को डरै। जाके हृदय बसें हरि हलधर सो काहे को डरै॥

śyāma bhajai so kāhe ko ḍarai| jāke hṛdaya baseṃ hari haladhara so kāhe ko ḍarai||

चरण कमल हरि के दृढ़ चीन्हौं। सुर सीतल सरबंगि सुहावन सब बिधि मंगल कीन्हौं॥

caraṇa kamala hari ke dṛḍha़ cīnhauṃ| sura sītala sarabaṃgi suhāvana saba bidhi maṃgala kīnhauṃ||

सूरदास प्रभु तुम्हरे मिलन कौं। नैन तरसि-तरसि रहे पथ निहारत प्रान अधर अब आये॥

sūradāsa prabhu tumhare milana kauṃ| naina tarasi-tarasi rahe patha nihārata prāna adhara aba āye||

जय जय गोकुल-चंद कन्हैया। नंद-यशोदा के लाल मनोहर ब्रज-जन प्राण-पियारे॥

jaya jaya gokula-caṃda kanhaiyā| naṃda-yaśodā ke lāla manohara braja-jana prāṇa-piyāre||

पहिले करि परनाम नंद सों समाचार सब दीजो। और वहाँ वृषभानु गोप सों जाय सकल सुधि लीजो॥ श्रीदामा आदिक सब ग्वालन मेरे हुतो भेंटियो। सुख-संदेस सुनाय हमारो गोपिन को दुख मेटियो॥ मंत्री इक बन बसत हमारो ताहि मिले सचु पाइयो। सावधान ह्वै मेरे हूतो ताही माथ नवाइयो॥ सुन्दर परम किसोर बयक्रम चंचल नयन बिसाल। कर मुरली सिर मोरपंख पीताम्बर उर बनमाल॥ जनि डरियो तुम सघन बनन में ब्रजदेवी रखवार। बृन्दावन सो बसत निरंतर कबहुँ न होत नियार॥ उद्धव प्रति सब कही स्यामजू अपने मन की प्रीति। सूरदास किरपा करि पठए यहै सकल ब्रज रीति॥१॥

pahile kari paranāma naṃda soṃ samācāra saba dījo| aura vahā~ vṛṣabhānu gopa soṃ jāya sakala sudhi lījo|| śrīdāmā ādika saba gvālana mere huto bheṃṭiyo| sukha-saṃdesa sunāya hamāro gopina ko dukha meṭiyo|| maṃtrī ika bana basata hamāro tāhi mile sacu pāiyo| sāvadhāna hvai mere hūto tāhī mātha navāiyo|| sundara parama kisora bayakrama caṃcala nayana bisāla| kara muralī sira morapaṃkha pītāmbara ura banamāla|| jani ḍariyo tuma saghana banana meṃ brajadevī rakhavāra| bṛndāvana so basata niraṃtara kabahu~ na hota niyāra|| uddhava prati saba kahī syāmajū apane mana kī prīti| sūradāsa kirapā kari paṭhae yahai sakala braja rīti||1||

हरि गोकुल की प्रीति चलाई। सुनहु उपँगसुत मोहिं न बिसरत ब्रजबासी सुखदाई॥ यह चित होत जाउँ मैं अबही, यहाँ नहीं मन लागत। गोप सुग्वाल गाय बन चारत अति दुख पायो त्यागत॥ कहँ माखन चोरी? कह जसुमति 'पूत जेंव' करि प्रेम। सूर स्याम के बचन सहित सुनि ब्यापत आपन नेम॥४॥

hari gokula kī prīti calāī| sunahu upa~gasuta mohiṃ na bisarata brajabāsī sukhadāī|| yaha cita hota jāu~ maiṃ abahī, yahā~ nahīṃ mana lāgata| gopa sugvāla gāya bana cārata ati dukha pāyo tyāgata|| kaha~ mākhana corī? kaha jasumati 'pūta jeṃva' kari prema| sūra syāma ke bacana sahita suni byāpata āpana nema||4||

जदुपति लख्यो तेहि मुसकात। कहत हम मन रही जोई सोइ भई यह बात॥ बचन परगट करन लागे प्रेम-कथा चलाय। सुनहु उद्धव मोहिं ब्रज की सुधि नहीं बिसराय॥ रैनि सोवत, चलत, जागत लगत नहिं मन आन। नंद, जसुमति नारि नर ब्रज जहाँ मेरो प्रान॥ कहत हरि, सुनि उपँगसुत! यह कहत हौं रसरीति। सूर चित तें टरति नाहीं राधिका की प्रीति॥५॥

jadupati lakhyo tehi musakāta| kahata hama mana rahī joī soi bhaī yaha bāta|| bacana paragaṭa karana lāge prema-kathā calāya| sunahu uddhava mohiṃ braja kī sudhi nahīṃ bisarāya|| raini sovata, calata, jāgata lagata nahiṃ mana āna| naṃda, jasumati nāri nara braja jahā~ mero prāna|| kahata hari, suni upa~gasuta! yaha kahata hauṃ rasarīti| sūra cita teṃ ṭarati nāhīṃ rādhikā kī prīti||5||

सखा! सुनो मेरी इक बात। वह लतागन संग गोपिन सुधि करत पछितात॥ कहाँ वह वृषभानुतनया परम सुंदर गात। सुरति आए रासरस की अधिक जिय अकुलात॥ सदा हित यह रहत नाहीं सकल मिथ्या जात। सूर प्रभु यह सुनौ मोसों एक ही सों नात॥६॥

sakhā! suno merī ika bāta| vaha latāgana saṃga gopina sudhi karata pachitāta|| kahā~ vaha vṛṣabhānutanayā parama suṃdara gāta| surati āe rāsarasa kī adhika jiya akulāta|| sadā hita yaha rahata nāhīṃ sakala mithyā jāta| sūra prabhu yaha sunau mosoṃ eka hī soṃ nāta||6||

उद्धव! यह मन निस्चय जानो। मन क्रम बच मैं तुम्हैं पठावत ब्रज को तुरत पलानो॥ पूरन ब्रह्म, सकल, अबिनासी ताके तुम हौ ज्ञाता। रेख, न रूप, जाति, कुल नाहीं जाके नहिं पितु माता॥ यह मत दै गोपिन कहँ आवहु विरह-नदी में भासति। सूर तुरत यह जाय कहौ तुम ब्रह्म बिना नहिं आसति॥७॥

uddhava! yaha mana niscaya jāno| mana krama baca maiṃ tumhaiṃ paṭhāvata braja ko turata palāno|| pūrana brahma, sakala, abināsī tāke tuma hau jñātā| rekha, na rūpa, jāti, kula nāhīṃ jāke nahiṃ pitu mātā|| yaha mata dai gopina kaha~ āvahu viraha-nadī meṃ bhāsati| sūra turata yaha jāya kahau tuma brahma binā nahiṃ āsati||7||

उद्धव! बेगि ही ब्रज जाहु। सुरति सँदेस सुनाय मेटो बल्लभिन को दाहु॥ काम पावक तूलमय तन बिरह-स्वास समीर। भसम नाहिन होन पावत लोचनन के नीर॥ अजौं लौं यहि भाँति ह्वैहै कछुक सजग सरीर। इते पर बिनु समाधाने क्यों धरैं तिय धीर॥ सूर सुमति बिचारिए क्यों जियैं जल बिनु मीन॥८॥

uddhava! begi hī braja jāhu| surati sa~desa sunāya meṭo ballabhina ko dāhu|| kāma pāvaka tūlamaya tana biraha-svāsa samīra| bhasama nāhina hona pāvata locanana ke nīra|| ajauṃ lauṃ yahi bhā~ti hvaihai kachuka sajaga sarīra| ite para binu samādhāne kyoṃ dharaiṃ tiya dhīra|| sūra sumati bicārie kyoṃ jiyaiṃ jala binu mīna||8||

पथिक! सँदेसो कहियो जाय। आवैंगे हम दोनों भैया, मैया जनि अकुलाय॥ याको बिलगु बहुत हम मान्यो जो कहि पठयो धाय। कहँ लौं कीर्ति मानिए तुम्हरी बड़ो कियो पय प्याय॥ कहियो जाय नंदबाबा सों, अरु गहि पकर्यो पाय। दोऊ दुखी होन नहिं पावहिं धूमरि धौरी गाय॥ यद्यपि मथुरा बिभव बहुत है तुम बिनु कछु न सुहाय। सूरदास ब्रजबासी लोगनि भेंटत हृदय जुड़ाय॥९॥

pathika! sa~deso kahiyo jāya| āvaiṃge hama donoṃ bhaiyā, maiyā jani akulāya|| yāko bilagu bahuta hama mānyo jo kahi paṭhayo dhāya| kaha~ lauṃ kīrti mānie tumharī baḍa़o kiyo paya pyāya|| kahiyo jāya naṃdabābā soṃ, aru gahi pakaryo pāya| doū dukhī hona nahiṃ pāvahiṃ dhūmari dhaurī gāya|| yadyapi mathurā bibhava bahuta hai tuma binu kachu na suhāya| sūradāsa brajabāsī logani bheṃṭata hṛdaya juḍa़āya||9||

नीके रहियो जसुमति मैया। आवैंगे दिन चारि पाँच में हम हलधर दोउ भैया॥ जा दिन तें हम तुमतें बिछुरे काहु न कह्यो 'कन्हैया'। कबहूँ प्रात न कियो कलेवा, साँझ न पीन्हीं धैया॥ बंसी बेनु सँभारि राखियो और अबेर सबेरो। मति लै जाय चुराय राधिका कछुक खिलौनो मेरो॥ कहियो जाय नंदबाबा सों निपट निठुर जिय कीन्हो। सूर स्याम पहुँचाय मधुपुरी बहुरि सँदेस न लीन्हो॥१०॥

nīke rahiyo jasumati maiyā| āvaiṃge dina cāri pā~ca meṃ hama haladhara dou bhaiyā|| jā dina teṃ hama tumateṃ bichure kāhu na kahyo 'kanhaiyā'| kabahū~ prāta na kiyo kalevā, sā~jha na pīnhīṃ dhaiyā|| baṃsī benu sa~bhāri rākhiyo aura abera sabero| mati lai jāya curāya rādhikā kachuka khilauno mero|| kahiyo jāya naṃdabābā soṃ nipaṭa niṭhura jiya kīnho| sūra syāma pahu~cāya madhupurī bahuri sa~desa na līnho||10||

उद्धव मन अभिलाष बढ़ायो। जदुपति जोग जानि जिय साँचो नयन अकास चढ़ायो॥ नारिन पै मोको पठवत हौ कहत लिखावन जोग। मनहीं मन अब करत प्रसंसा है मिथ्या सुख-भोग॥ आयसु मानि लियो सिर ऊपर प्रभु-आज्ञा परमान। सूरदास प्रभु पठवत गोकुल मैं क्यों कहौं कि आन॥११॥

uddhava mana abhilāṣa baḍha़āyo| jadupati joga jāni jiya sā~co nayana akāsa caḍha़āyo|| nārina pai moko paṭhavata hau kahata likhāvana joga| manahīṃ mana aba karata prasaṃsā hai mithyā sukha-bhoga|| āyasu māni liyo sira ūpara prabhu-ājñā paramāna| sūradāsa prabhu paṭhavata gokula maiṃ kyoṃ kahauṃ ki āna||11||

सुनियो एक सँदेसो ऊधो तुम गोकुल को जात। ता पाछे तुम कहियो उनसों एक हमारी बात॥ मात-पिता को हेत जानि कै कान्ह मधुपुरी आए। नाहिंन स्याम तिहारे प्रीतम, ना जसुदा के जाए॥ समुझौ बूझौ अपने मन में तुम जो कहा भलो कीन्हो। कह बालक, तुम मत्त ग्वालिनी सबै आप-बस कीन्हो॥ और जसोदा माखन-काजै बहुतक त्रास दिखाई। तुमहिं सबै मिलि दाँवरि दीन्ही रंच दया नहिं आई॥ अरु वृषभानसुता जो कीन्ही सो तुम सब जिय जानो। सूरदास यह सुनि सुनि बातैं स्याम रहे सिर नाई। इत कुब्जा उत प्रेम ग्वालिनी कहत न कछु बनि आई॥१२॥

suniyo eka sa~deso ūdho tuma gokula ko jāta| tā pāche tuma kahiyo unasoṃ eka hamārī bāta|| māta-pitā ko heta jāni kai kānha madhupurī āe| nāhiṃna syāma tihāre prītama, nā jasudā ke jāe|| samujhau būjhau apane mana meṃ tuma jo kahā bhalo kīnho| kaha bālaka, tuma matta gvālinī sabai āpa-basa kīnho|| aura jasodā mākhana-kājai bahutaka trāsa dikhāī| tumahiṃ sabai mili dā~vari dīnhī raṃca dayā nahiṃ āī|| aru vṛṣabhānasutā jo kīnhī so tuma saba jiya jāno| sūradāsa yaha suni suni bātaiṃ syāma rahe sira nāī| ita kubjā uta prema gvālinī kahata na kachu bani āī||12||

कोऊ आवत है तन स्याम। वैसेइ पट, वैसिय रथ-वैठनि, वैसिय है उर दाम॥ जैसी हुतिं उठि तैसिय दौरीं छाँड़ि सकल गृह-काम। रोम पुलक, गदगद भई तिहि छन सोचि अंग अभिराम॥ इतनी कहत आय गए ऊधो, रहीं ठगी तिहि ठाम। सूरदास प्रभु ह्याँ क्यों आवै बंधे कुब्जा-रस स्याम॥१३॥

koū āvata hai tana syāma| vaisei paṭa, vaisiya ratha-vaiṭhani, vaisiya hai ura dāma|| jaisī hutiṃ uṭhi taisiya daurīṃ chā~ḍa़i sakala gṛha-kāma| roma pulaka, gadagada bhaī tihi chana soci aṃga abhirāma|| itanī kahata āya gae ūdho, rahīṃ ṭhagī tihi ṭhāma| sūradāsa prabhu hyā~ kyoṃ āvai baṃdhe kubjā-rasa syāma||13||

है कोई वैसीई अनुहारि। मधुबन ते इत आवत, सखि री! चितौ तु नयन निहारि॥ माथे मुकुट, मनोहर कुंडल, पीत बसन रुचिकारि। रथ पर बैठि कहत सारथि सों ब्रज-तन बाँह पसारि॥ जानति नाहिंन पहिचानति हौं मनु बीते जुग चारि। सूरदास स्वामी के बिछुरे जैसे मीन बिनु वारि॥१४॥

hai koī vaisīī anuhāri| madhubana te ita āvata, sakhi rī! citau tu nayana nihāri|| māthe mukuṭa, manohara kuṃḍala, pīta basana rucikāri| ratha para baiṭhi kahata sārathi soṃ braja-tana bā~ha pasāri|| jānati nāhiṃna pahicānati hauṃ manu bīte juga cāri| sūradāsa svāmī ke bichure jaise mīna binu vāri||14||

देखो नंदद्वार रथ ठाढ़ो। बहुरि सखी सुफलकसुत आयो पज्यो सँदेह उर गाढ़ो॥ प्रान हमारे तबहिं गयो लै अब केहि कारन आयो। जानति हौं अनुमान सखी री! कृपा करन उठि धायो। इतने अंतर आय उपंगसुत तेहि छन दरसन दीन्हो। तब पहिंचानि सखा हरिजू को परम सुचित तन कीन्हो॥ तब परनाम कियो अति रुचि सों और सबहि कर जोरे। सुनियत रहे तैसेई देखे परम चतुर मति-भोरे। तुम्हरो दरसन पाय आपनो जन्म सफल करि जान्यो। सूर ऊधो सों मिलत भयो सुख ज्यों झख पायो पान्यो॥१५॥

dekho naṃdadvāra ratha ṭhāḍha़o| bahuri sakhī suphalakasuta āyo pajyo sa~deha ura gāḍha़o|| prāna hamāre tabahiṃ gayo lai aba kehi kārana āyo| jānati hauṃ anumāna sakhī rī! kṛpā karana uṭhi dhāyo| itane aṃtara āya upaṃgasuta tehi chana darasana dīnho| taba pahiṃcāni sakhā harijū ko parama sucita tana kīnho|| taba paranāma kiyo ati ruci soṃ aura sabahi kara jore| suniyata rahe taiseī dekhe parama catura mati-bhore| tumharo darasana pāya āpano janma saphala kari jānyo| sūra ūdho soṃ milata bhayo sukha jyoṃ jhakha pāyo pānyo||15||

कहौ कहाँ तें आए हौ। जानति हौं अनुमान मनो तुम जादवनाथ पठाए हौ॥ वैसोइ बरन, बसन पुनि वैसेइ, तन भूषन सजि ल्याए हौ। सरबसु लै तब संग सिधारे अब कापर पहिराए हौ॥ सुनहु, मधुप! एकै मन सबको सो तो वहाँ लै छाए हौ। मधुबन की मानिनी मनोहर तहँहिं जाहु जहँ भाए हौ॥ अब यह कौन सयानप? ब्रज पर का कारन उठि धाए हौ। सूर जहाँ लौं ल्यामगात हैं जानि भले करि पाए हौ॥१६॥

kahau kahā~ teṃ āe hau| jānati hauṃ anumāna mano tuma jādavanātha paṭhāe hau|| vaisoi barana, basana puni vaisei, tana bhūṣana saji lyāe hau| sarabasu lai taba saṃga sidhāre aba kāpara pahirāe hau|| sunahu, madhupa! ekai mana sabako so to vahā~ lai chāe hau| madhubana kī māninī manohara taha~hiṃ jāhu jaha~ bhāe hau|| aba yaha kauna sayānapa? braja para kā kārana uṭhi dhāe hau| sūra jahā~ lauṃ lyāmagāta haiṃ jāni bhale kari pāe hau||16||

सुंदर स्याम सुजान पठायो मान दै॥ध्रुव॥ कोउ आयो उत तायँ जितै नँदसुवन सिधारे। वहै बेनु-धुनि होय मनो आए नँदप्यारे॥ धाई सब गलगाजि कै ऊधो देखे जाय। लै आईं ब्रजराज पै हो, आनँद उर न समाय॥ अरघ आरती, तिलक, दूब दधि माथे दीन्ही। कंचन-कलस भराय आनि परिकरमा कीन्हीं॥ गोप-भीर आँगन भई मिलि बैठे यादवजात। जलझारी आगे धरी, हो, बूझति हरि-कुसलात॥ कुसल-छेम बसुदेव, कुसल देवी कुवजाऊ। कुसल-छेम अक्रूर, कुसल नीके बलदाऊ॥ पूछि कुसल गोपाल की रहीं सकल गहि पाय। प्रेम-मगन ऊधो भए, हो. देखत व्रज को भाय॥ मन मन ऊधो कहै यह न बूझिय गोपालहि। ब्रज को हेतु बिसारि जोग सिखवत ब्रजबालहि॥ पाती बाँचि न आवई रहे नयन जल पूरि। देखि प्रेम गोपीन को, हो ज्ञान-गरब गयो दूरि॥ तब इत उत बहराय नीर नयनन में सोख्यो। ठानी कथा प्रबोध बोलि सब गुरू समोख्यो॥ जो ब्रत मुनिवर ध्यावही पर पावहिं नहिं पार। सो ब्रत सीखो गोपिका, हो, छाँड़ि विषय-विस्तार॥ सुनि ऊधो के बचन रहीं नीचे करि तारे। मनो सुधा सों सींचि आनि विषज्वाला जारे॥ हम अबला कह जानहीं जोग-जुगुति की रीति। अबिगत, अगह, अपार, आदि अवगत है सोई। आदि निरंजन नाम ताहि रंजै सब कोई॥ नासिका-अग्र है तहाँ ब्रह्म को बास। अबिनासी बिनसै नहीं, हो, सहज ज्योति-परकास॥ घर लागै' औघूरि कहे मन कहा बँधावै। मूरख जादवजात हैं हमहिं सिखावत जोग। बूझै निगम बोलाइ कै, कहै वेद समुझाय। ऊधो ताको न्याव है, हो, जाहि न सूझै नैन॥ हम बूझति सतभाव न्याव तुम्हरे मुख साँचो। प्रेम-नेम रसकथा कहौ कंचन की काँचो॥ जो कोउ पावै सीस दै ताको कीजै नेम। मधुप हमारी सौं कहो, हो, जोग भलो किधौं प्रेम॥ प्रेम प्रेम सों होय प्रेम सों पारहि जैए। प्रेस बँध्यो संसार, प्रेम परमारथ पैए॥ एकै निहचै प्रेम को जीवन-मुक्ति रसाल। साँचो निहचै प्रेम को, हो, जो मिलिहैं नँदलाल। सुनि गोपिन को प्रेम नेम ऊधो को भूल्यो। गावत गुन-गोपाल फिरत कुंजन में फूल्यो॥ छन गोपिन के पग धरै, धन्य तिहारो नेम। धाय धाय द्रुम भेंटहीं, हो, ऊधो छाके प्रेम॥ धनि गोपी, धनि गोप, धन्य सुरभी बनचारी। धन्य, धन्य! सो भूमि जहाँ बिहरे बनवारी॥ उपदेसन आयो हुतो मोहिं भयो उपदेस। ऊधो जदुपति पै गए, हो, किए गोप को बेस॥ भूल्यो जदुपति नाम, कहते गोपाल गोसाँई। एक बार ब्रज जाहु देहु गोपिन दिखराई॥ गोकुल को सुख छाँड़ि कै कहाँ बसे हौ आय। कृपावंत हरि जानि कै, हो, ऊधो पकरे पाय॥ देखत ब्रज को प्रेम नेम कछु नाहिंन भावै। उमड़्यो नयननि नीर बात कछु कहत न आवै॥ सूर स्याम भूतल गिरे, रहे नयन जल छाय। पोंछि पीतपट सों कह्यो, 'आए जोग सिखाय'?॥१७॥

suṃdara syāma sujāna paṭhāyo māna dai||dhruva|| kou āyo uta tāya~ jitai na~dasuvana sidhāre| vahai benu-dhuni hoya mano āe na~dapyāre|| dhāī saba galagāji kai ūdho dekhe jāya| lai āīṃ brajarāja pai ho, āna~da ura na samāya|| aragha āratī, tilaka, dūba dadhi māthe dīnhī| kaṃcana-kalasa bharāya āni parikaramā kīnhīṃ|| gopa-bhīra ā~gana bhaī mili baiṭhe yādavajāta| jalajhārī āge dharī, ho, būjhati hari-kusalāta|| kusala-chema basudeva, kusala devī kuvajāū| kusala-chema akrūra, kusala nīke baladāū|| pūchi kusala gopāla kī rahīṃ sakala gahi pāya| prema-magana ūdho bhae, ho. dekhata vraja ko bhāya|| mana mana ūdho kahai yaha na būjhiya gopālahi| braja ko hetu bisāri joga sikhavata brajabālahi|| pātī bā~ci na āvaī rahe nayana jala pūri| dekhi prema gopīna ko, ho jñāna-garaba gayo dūri|| taba ita uta baharāya nīra nayanana meṃ sokhyo| ṭhānī kathā prabodha boli saba gurū samokhyo|| jo brata munivara dhyāvahī para pāvahiṃ nahiṃ pāra| so brata sīkho gopikā, ho, chā~ḍa़i viṣaya-vistāra|| suni ūdho ke bacana rahīṃ nīce kari tāre| mano sudhā soṃ sīṃci āni viṣajvālā jāre|| hama abalā kaha jānahīṃ joga-juguti kī rīti| abigata, agaha, apāra, ādi avagata hai soī| ādi niraṃjana nāma tāhi raṃjai saba koī|| nāsikā-agra hai tahā~ brahma ko bāsa| abināsī binasai nahīṃ, ho, sahaja jyoti-parakāsa|| ghara lāgai' aughūri kahe mana kahā ba~dhāvai| mūrakha jādavajāta haiṃ hamahiṃ sikhāvata joga| būjhai nigama bolāi kai, kahai veda samujhāya| ūdho tāko nyāva hai, ho, jāhi na sūjhai naina|| hama būjhati satabhāva nyāva tumhare mukha sā~co| prema-nema rasakathā kahau kaṃcana kī kā~co|| jo kou pāvai sīsa dai tāko kījai nema| madhupa hamārī sauṃ kaho, ho, joga bhalo kidhauṃ prema|| prema prema soṃ hoya prema soṃ pārahi jaie| presa ba~dhyo saṃsāra, prema paramāratha paie|| ekai nihacai prema ko jīvana-mukti rasāla| sā~co nihacai prema ko, ho, jo milihaiṃ na~dalāla| suni gopina ko prema nema ūdho ko bhūlyo| gāvata guna-gopāla phirata kuṃjana meṃ phūlyo|| chana gopina ke paga dharai, dhanya tihāro nema| dhāya dhāya druma bheṃṭahīṃ, ho, ūdho chāke prema|| dhani gopī, dhani gopa, dhanya surabhī banacārī| dhanya, dhanya! so bhūmi jahā~ bihare banavārī|| upadesana āyo huto mohiṃ bhayo upadesa| ūdho jadupati pai gae, ho, kie gopa ko besa|| bhūlyo jadupati nāma, kahate gopāla gosā~ī| eka bāra braja jāhu dehu gopina dikharāī|| gokula ko sukha chā~ḍa़i kai kahā~ base hau āya| kṛpāvaṃta hari jāni kai, ho, ūdho pakare pāya|| dekhata braja ko prema nema kachu nāhiṃna bhāvai| umaḍa़yo nayanani nīra bāta kachu kahata na āvai|| sūra syāma bhūtala gire, rahe nayana jala chāya| poṃchi pītapaṭa soṃ kahyo, 'āe joga sikhāya'?||17||

सुनि ऊधो! हम समुझत नाहीं फिरि पूँछति हैं तातें॥ यहाँ हमारे परम मनोहर जीजतु हैं मुख चाहि॥ दिनप्रति जात सहज गोचारन गोप सखा लै संग। बासरगत रजनीमुख आवत करत नयन-गति पंग॥ सूर बृथा बकवाद करत हौ या ब्रज नंदकुमार॥१८॥

suni ūdho! hama samujhata nāhīṃ phiri pū~chati haiṃ tāteṃ|| yahā~ hamāre parama manohara jījatu haiṃ mukha cāhi|| dinaprati jāta sahaja gocārana gopa sakhā lai saṃga| bāsaragata rajanīmukha āvata karata nayana-gati paṃga|| sūra bṛthā bakavāda karata hau yā braja naṃdakumāra||18||

बिन समुझे हम फिरि बूझति हैं एक बार कहौ गाय॥ किन वै गवन कीन्हों सकटनि चढ़ि सुफलकसत के संग। माथे मोरमुकुट बनगुंजा, मुख मुरली-धुनि बाजै। सूरदास जसोदानंदन गोकुल कह न बिराजै ॥१९॥

bina samujhe hama phiri būjhati haiṃ eka bāra kahau gāya|| kina vai gavana kīnhoṃ sakaṭani caḍha़i suphalakasata ke saṃga| māthe moramukuṭa banaguṃjā, mukha muralī-dhuni bājai| sūradāsa jasodānaṃdana gokula kaha na birājai ||19||

हम तो नंदघोष की वासी। नाम गोपाल, जाति कुल गोपहि, गोप गोपाल-उपासी॥ गिरिवरधारी, गोधनचारी, बृन्दावन - अभिलासी। राजा नंद, जसोदा रानी, जलधि नदी जमुना सी॥ प्रान हमारे परम मनोहर कमलनयन सुखरासी। सूरदास प्रभु कहौं कहाँ लौं अष्ट महासिधि दासी॥२०॥

hama to naṃdaghoṣa kī vāsī| nāma gopāla, jāti kula gopahi, gopa gopāla-upāsī|| girivaradhārī, godhanacārī, bṛndāvana - abhilāsī| rājā naṃda, jasodā rānī, jaladhi nadī jamunā sī|| prāna hamāre parama manohara kamalanayana sukharāsī| sūradāsa prabhu kahauṃ kahā~ lauṃ aṣṭa mahāsidhi dāsī||20||

गोकुल सबै गोपाल-उपासी। जोग-अंग साधत जे ऊधो ते सब बसत ईसपुर कासी॥ यद्यपि हरि हम तजि अनाथ करि तदपि रहति चरननि रसरासी। अपनी सीतलताहि न छाँड़त यद्यपि है ससि राहु-गरासी। का अपराध जोग लिखि पठवत प्रेमभजन तजि करत उदासी। सूरदास ऐसी को बिरहिन माँगति मुक्ति तजे गुनरासी?॥२१॥

gokula sabai gopāla-upāsī| joga-aṃga sādhata je ūdho te saba basata īsapura kāsī|| yadyapi hari hama taji anātha kari tadapi rahati caranani rasarāsī| apanī sītalatāhi na chā~ḍa़ta yadyapi hai sasi rāhu-garāsī| kā aparādha joga likhi paṭhavata premabhajana taji karata udāsī| sūradāsa aisī ko birahina mā~gati mukti taje gunarāsī?||21||

जीवन मुँहचाही को नीको। दरस परस दिनरात करति हैं कान्ह पियारे पी को॥ नयनन मूँदि मूँदि किन देखौ बँध्यो ज्ञान पोथी को। आछे सुंदर स्याम मनोहर और जगत सब फीको॥ खाटी सही नहीं रुचि मानै सूर खवैया घी को॥२२॥

jīvana mu~hacāhī ko nīko| darasa parasa dinarāta karati haiṃ kānha piyāre pī ko|| nayanana mū~di mū~di kina dekhau ba~dhyo jñāna pothī ko| āche suṃdara syāma manohara aura jagata saba phīko|| khāṭī sahī nahīṃ ruci mānai sūra khavaiyā ghī ko||22||

आयो घोष बड़ो ब्योपारी। लादि खेप गुन ज्ञान-जोग की ब्रज में आय उतारी॥ फाटक दै कर हाटक माँगत भोरै निपट सु धारी। धुर ही तें खोटो खायो है लये फिरत सिर भारी॥ अपनो दूध छांडि को पीवै खार कूप को पानी॥ ऊधो जाहु सबार यहाँ तें बेगि गहरु जनि लावौ। मुँहमाँग्यो पैहो सूरज प्रभु साहुहि आनि दिखावौ॥२३॥

āyo ghoṣa baḍa़o byopārī| lādi khepa guna jñāna-joga kī braja meṃ āya utārī|| phāṭaka dai kara hāṭaka mā~gata bhorai nipaṭa su dhārī| dhura hī teṃ khoṭo khāyo hai laye phirata sira bhārī|| apano dūdha chāṃḍi ko pīvai khāra kūpa ko pānī|| ūdho jāhu sabāra yahā~ teṃ begi gaharu jani lāvau| mu~hamā~gyo paiho sūraja prabhu sāhuhi āni dikhāvau||23||

जोग ठगौरी ब्रज न बिकैहै। यह ब्योपार तिहारो ऊधो ऐसोई फिरि जैहै॥ जापै लै आए हौ मधुकर ताके उर न समैहै। मूरी के पातन के केना को मुक्ताहल दैहै। सूरदास प्रभु गुनहिं छांड़ि कै को निर्गुन निरबैहै? ॥२४॥

joga ṭhagaurī braja na bikaihai| yaha byopāra tihāro ūdho aisoī phiri jaihai|| jāpai lai āe hau madhukara tāke ura na samaihai| mūrī ke pātana ke kenā ko muktāhala daihai| sūradāsa prabhu gunahiṃ chāṃḍa़i kai ko nirguna nirabaihai? ||24||

आए जोग सिखावन पाँड़े। परमारथी पुराननि लादे ज्यों बनजारे टाँड़े॥ हमरी गति पति कमलनयन की जोग सिखैं ते राँड़े॥ कहौ, मधुप, कैसे समायँगे एक म्यान दो खाँड़े॥ कहु षटपद, कैसे खैयतु है हाथिन के संग गाँड़े। काकी भूख गई बयारि भखि बिना दूध घृत माँड़े॥ सूरदास तीनों नहिं उपजत धनिया धान कुम्हाँड़े॥२५॥

āe joga sikhāvana pā~ḍa़e| paramārathī purānani lāde jyoṃ banajāre ṭā~ḍa़e|| hamarī gati pati kamalanayana kī joga sikhaiṃ te rā~ḍa़e|| kahau, madhupa, kaise samāya~ge eka myāna do khā~ḍa़e|| kahu ṣaṭapada, kaise khaiyatu hai hāthina ke saṃga gā~ḍa़e| kākī bhūkha gaī bayāri bhakhi binā dūdha ghṛta mā~ḍa़e|| sūradāsa tīnoṃ nahiṃ upajata dhaniyā dhāna kumhā~ḍa़e||25||

तजि रसरीति नंदनंदन की सिखवत निर्गुन फीको॥ देखत सुनत नाहिं कछु स्रवननि, ज्योति ज्योति करि ध्यावत। सुनि रसाल मुरली-सुर की धुनि सोई कौतुक-रस भूलैं। अपनी भुजा ग्रीव पर मेलैं गोपिन के सुख फूलैं॥ लोककानि कुल को भ्रम प्रभु मिलि मिलि कै घर बन खेली। अब तुम सूर खवावन आए जोग जहर की बेली॥२६॥

taji rasarīti naṃdanaṃdana kī sikhavata nirguna phīko|| dekhata sunata nāhiṃ kachu sravanani, jyoti jyoti kari dhyāvata| suni rasāla muralī-sura kī dhuni soī kautuka-rasa bhūlaiṃ| apanī bhujā grīva para melaiṃ gopina ke sukha phūlaiṃ|| lokakāni kula ko bhrama prabhu mili mili kai ghara bana khelī| aba tuma sūra khavāvana āe joga jahara kī belī||26||

जाकि कहूं थाह नहिं पैए अगम, अपार, अगाधै। सूरदास मानिक परिहरि कै राख गाँठि को बाँधै? ॥२७॥

jāki kahūṃ thāha nahiṃ paie agama, apāra, agādhai| sūradāsa mānika parihari kai rākha gā~ṭhi ko bā~dhai? ||27||

हम तो दुहूं भाँति फल पायो। जो ब्रजनाथ मिलैं तो नीको, नातरु जग जस गायो॥ कहँ वै गोकुल की गोपी सब बरनहीन लघुजाती। कहँ वै कमला के स्वामी सँग मिलि बैठीं इक पाँती॥ निगमध्यान मुनिज्ञान अगोचर, ते भए घोषनिवासी। जोग-कथा, पा लागों उधो, ना कहु बारंबार। सूर स्याम तजि और भजै जो तानी जननी छार॥२८॥

hama to duhūṃ bhā~ti phala pāyo| jo brajanātha milaiṃ to nīko, nātaru jaga jasa gāyo|| kaha~ vai gokula kī gopī saba baranahīna laghujātī| kaha~ vai kamalā ke svāmī sa~ga mili baiṭhīṃ ika pā~tī|| nigamadhyāna munijñāna agocara, te bhae ghoṣanivāsī| joga-kathā, pā lāgoṃ udho, nā kahu bāraṃbāra| sūra syāma taji aura bhajai jo tānī jananī chāra||28||

पूरनता इन नयन न पूरी। तुम जो कहत स्रवननि सुनि समुझत, ये याही दुख मरति बिसूरी। हरि अंतर्यामी सब जानत बुद्धि बिचारत बचन समूरी। वै रस रूप रतन सागर निधि क्यों मनि पाय खवावत धूरी। रहु रे कुटिल, चपल, मधुलंपट, कितव सँदेस कहत कटु कूरी। कहँ मुनिध्यान कहाँ ब्रजयुवती! कैसे जात कुलिस करि चूरी। देखु प्रगट सरिता, सागर, सर सीतल सुभग स्वाद रुचि रूरी। सूर स्वातिजल बसै जिय चातक चित लागत सब झूरी॥२९॥

pūranatā ina nayana na pūrī| tuma jo kahata sravanani suni samujhata, ye yāhī dukha marati bisūrī| hari aṃtaryāmī saba jānata buddhi bicārata bacana samūrī| vai rasa rūpa ratana sāgara nidhi kyoṃ mani pāya khavāvata dhūrī| rahu re kuṭila, capala, madhulaṃpaṭa, kitava sa~desa kahata kaṭu kūrī| kaha~ munidhyāna kahā~ brajayuvatī! kaise jāta kulisa kari cūrī| dekhu pragaṭa saritā, sāgara, sara sītala subhaga svāda ruci rūrī| sūra svātijala basai jiya cātaka cita lāgata saba jhūrī||29||

हमतें हरि कबहूँ न उदास। राति-खवाय पिवाय अधररस सो क्यों बिसरत ब्रज को वास॥ तुमसों प्रेमकथा को कहिबो मनहुँ काटिबो घास। बहिरो तान-स्वाद कह जानै, गूँगो बात-मिठास॥ सुनु री सखी, बहुरि फिरि ऐहैं वे सुख बिबिध विलास। सूरदास ऊधो अब हमको भयो तेरहों मास॥३०॥

hamateṃ hari kabahū~ na udāsa| rāti-khavāya pivāya adhararasa so kyoṃ bisarata braja ko vāsa|| tumasoṃ premakathā ko kahibo manahu~ kāṭibo ghāsa| bahiro tāna-svāda kaha jānai, gū~go bāta-miṭhāsa|| sunu rī sakhī, bahuri phiri aihaiṃ ve sukha bibidha vilāsa| sūradāsa ūdho aba hamako bhayo terahoṃ māsa||30||

तेरो बुरो न कोऊ मानै। रस की बात मधुप नीरस, सुनु, रसिक होत सो जानै॥ दादुर बसै निकट कमलन के जन्म न रस पहिंचानै। अलि अनुराग उड़न मन बाँध्यो कहे सुनत नहिं कानै॥ सरिता चलै मिलन सागर को कूल मूल द्रुम भानै। कायर बकै, लोह तें भाजै, लरै जो सूर बखानै॥३१॥

tero buro na koū mānai| rasa kī bāta madhupa nīrasa, sunu, rasika hota so jānai|| dādura basai nikaṭa kamalana ke janma na rasa pahiṃcānai| ali anurāga uḍa़na mana bā~dhyo kahe sunata nahiṃ kānai|| saritā calai milana sāgara ko kūla mūla druma bhānai| kāyara bakai, loha teṃ bhājai, larai jo sūra bakhānai||31||

घर ही के बाढ़े रावरे। भुखमरि जाय चरै नहिं तिनुका सिंह को यहै स्वभाव रे। सूरदास कहा लै कीजै थाही नदिया नाव, रे!॥३२॥

ghara hī ke bāḍha़e rāvare| bhukhamari jāya carai nahiṃ tinukā siṃha ko yahai svabhāva re| sūradāsa kahā lai kījai thāhī nadiyā nāva, re!||32||

स्याममुख देखे ही परतीति। जो तुम कोटि जतन करि सिखवत जोग ध्यान की रीति॥ नाहिंन कछू सयान ज्ञान में यह हम कैसे मानैं। कहौ कहा कहिए या नभ को कैसे उर में आनैं॥ यह मन एक, एक वह मूरति, भृंगकीट सम माने। सूर सपथ दै बूझत ऊधो यह ब्रज लोग सयाने॥३३॥

syāmamukha dekhe hī paratīti| jo tuma koṭi jatana kari sikhavata joga dhyāna kī rīti|| nāhiṃna kachū sayāna jñāna meṃ yaha hama kaise mānaiṃ| kahau kahā kahie yā nabha ko kaise ura meṃ ānaiṃ|| yaha mana eka, eka vaha mūrati, bhṛṃgakīṭa sama māne| sūra sapatha dai būjhata ūdho yaha braja loga sayāne||33||

कहाँ कहौं ब्रजनाथ-चरित अब अँतरगति यों लूटत॥ चंचल चाल मनोहर चितवनि, वह मुसुकानि मंद धुनि गावत। नटवर भेस नंदनंदन को वह बिनोद गृह बन तें आवत॥ चरनकमल की सपथ करति हौं यह सँदेस मोहिं बिष सम लागत। सूरदास मोहि निमिष न बिसरत मोहन सूरति सोवत जागत॥३४॥

kahā~ kahauṃ brajanātha-carita aba a~taragati yoṃ lūṭata|| caṃcala cāla manohara citavani, vaha musukāni maṃda dhuni gāvata| naṭavara bhesa naṃdanaṃdana ko vaha binoda gṛha bana teṃ āvata|| caranakamala kī sapatha karati hauṃ yaha sa~desa mohiṃ biṣa sama lāgata| sūradāsa mohi nimiṣa na bisarata mohana sūrati sovata jāgata||34||

बूचिहि खुभी आँधरी काजर, नकटी पहिरै बेसरि। मुँडली पाटी पारन चाहै, कोढ़ी अंगहि केसरि॥ ऐसो न्याव है ताको ऊधो जो हमैं जोग सिखावै॥ जो तुम हमको लाए कृपा करि सिर चढ़ाय हम लीन्ह। सूरदास नरियर जो बिष को करहिं बंदना कीन्ह॥३५॥

būcihi khubhī ā~dharī kājara, nakaṭī pahirai besari| mu~ḍalī pāṭī pārana cāhai, koḍha़ī aṃgahi kesari|| aiso nyāva hai tāko ūdho jo hamaiṃ joga sikhāvai|| jo tuma hamako lāe kṛpā kari sira caḍha़āya hama līnha| sūradāsa nariyara jo biṣa ko karahiṃ baṃdanā kīnha||35||

बरु वै कुब्जा भलो कियो। सुनि सुनि समाचार ऊधो मो कछुक सिरात हियो॥ जाको गुन, गति, नाम, रूप हरि, हार्यो फिरि न दियो। तिन अपनो मन हरत न जान्यो हँसि हँसि लोग जियो॥ सूर तनक चंदन चढ़ाय तन ब्रजपति बस्य कियो। और सकल नागरि नारिन को दासी दाँव लियो॥३६॥

baru vai kubjā bhalo kiyo| suni suni samācāra ūdho mo kachuka sirāta hiyo|| jāko guna, gati, nāma, rūpa hari, hāryo phiri na diyo| tina apano mana harata na jānyo ha~si ha~si loga jiyo|| sūra tanaka caṃdana caḍha़āya tana brajapati basya kiyo| aura sakala nāgari nārina ko dāsī dā~va liyo||36||

जौ हरि मिलत नहीं यहि औसर, अवधि बतावत लामी॥ सो कह पीर पराई जानै जो हरि गरुड़ागामी॥ आई उघरि प्रीति कलई सी जैसे खाटी आमी। सूर इते पर अनख मरति हैं, उधो पीवत मामी॥३७॥

jau hari milata nahīṃ yahi ausara, avadhi batāvata lāmī|| so kaha pīra parāī jānai jo hari garuḍa़āgāmī|| āī ughari prīti kalaī sī jaise khāṭī āmī| sūra ite para anakha marati haiṃ, udho pīvata māmī||37||

वह मथुरा काजर की कोठरि जे आवहिं ते कारे॥ तुम कारे, सुफलकसुत कारे, कारे मधुप भँवारे। तिनके संग अधिक छबि उपजत कमलनैन मनिआरे॥ मानहु नील माट तें काढ़े लै जमुना ज्यों पखारे। ता गुन स्याम भई कालिंदी सूर स्याम-गुन न्यारे॥३८॥

vaha mathurā kājara kī koṭhari je āvahiṃ te kāre|| tuma kāre, suphalakasuta kāre, kāre madhupa bha~vāre| tinake saṃga adhika chabi upajata kamalanaina maniāre|| mānahu nīla māṭa teṃ kāḍha़e lai jamunā jyoṃ pakhāre| tā guna syāma bhaī kāliṃdī sūra syāma-guna nyāre||38||

अपने स्वारथ को सब कोऊ। चुप करि रहौ, मधुप रस लंपट! तुम देखे अरु वोऊ॥ औरौ कछू सँदेस कहन को कहि पठयो किन सोऊ। लीन्हे फिरत जोग जुबतिन को बड़े सयाने दोऊ॥ अब हमरे जिय बैठो यह पद 'होनी होउ सो होऊ'॥ मिटि गयो मान परेखो ऊधो हिरदय हतो सो होऊ। सूरदास प्रभु गोकुलनायक चित-चिंता अब खोऊ॥३९॥

apane svāratha ko saba koū| cupa kari rahau, madhupa rasa laṃpaṭa! tuma dekhe aru voū|| aurau kachū sa~desa kahana ko kahi paṭhayo kina soū| līnhe phirata joga jubatina ko baḍa़e sayāne doū|| aba hamare jiya baiṭho yaha pada 'honī hou so hoū'|| miṭi gayo māna parekho ūdho hiradaya hato so hoū| sūradāsa prabhu gokulanāyaka cita-ciṃtā aba khoū||39||

तुम जो कहत सँदेसो आनि। कहा करौं वा नँदनंदन सों होत नहीं हितहानि॥ सने सनेह स्यामसुन्दर के हिलि मिलि कै मन मानि॥ सोहत लोह परसि पारस ज्यों सुबरन बारह बानि। पुनि वह चोप कहाँ चुम्बक ज्यों लटपटाय लपटानि॥ रूपरहित नीरासा निरगुन निगमहु परत न जानि। सूरदास कौन बिधि तासों अब कीजै पहिचानि? ॥४०॥

tuma jo kahata sa~deso āni| kahā karauṃ vā na~danaṃdana soṃ hota nahīṃ hitahāni|| sane saneha syāmasundara ke hili mili kai mana māni|| sohata loha parasi pārasa jyoṃ subarana bāraha bāni| puni vaha copa kahā~ cumbaka jyoṃ laṭapaṭāya lapaṭāni|| rūparahita nīrāsā niraguna nigamahu parata na jāni| sūradāsa kauna bidhi tāsoṃ aba kījai pahicāni? ||40||

हम तौ कान्ह केलि की भूखी। कहिए कहा यहौ नहिं जानत काहि जोग है जोग। पा लागों तुमहीं सों, वा पुर बसत बावरे लोग॥ अंजन, अभरन, चीर, चारु बरु नेकु आप तन कीजै। दंड, कमंडल, भस्म, अधारी जौ जुवतिन को दीजै॥ सूर देखि दृढ़ता गोपिन की ऊधो यह ब्रत पायो। कहै 'कृपानिधि हो कृपाल हो! प्रेमै पढ़न पठायो'॥४१॥

hama tau kānha keli kī bhūkhī| kahie kahā yahau nahiṃ jānata kāhi joga hai joga| pā lāgoṃ tumahīṃ soṃ, vā pura basata bāvare loga|| aṃjana, abharana, cīra, cāru baru neku āpa tana kījai| daṃḍa, kamaṃḍala, bhasma, adhārī jau juvatina ko dījai|| sūra dekhi dṛḍha़tā gopina kī ūdho yaha brata pāyo| kahai 'kṛpānidhi ho kṛpāla ho! premai paḍha़na paṭhāyo'||41||

अँखिया हरि-दरसन की भूखी। कैसे रहैं रूपरसराची ये बतियाँ सुनि रूखी॥ अवधि गनत इकटक मग जोवत तब एती नहिं झूखी। अब इन जोग-सँदेसन ऊधो अति अकुलानी दूखी॥ बारक वह मुख फेरि दिखाओ दुहि पय पिवत पतूखी। सूर सिकत हठि नाव चलाओ ये सरिता हैं सूखी॥४२॥

a~khiyā hari-darasana kī bhūkhī| kaise rahaiṃ rūparasarācī ye batiyā~ suni rūkhī|| avadhi ganata ikaṭaka maga jovata taba etī nahiṃ jhūkhī| aba ina joga-sa~desana ūdho ati akulānī dūkhī|| bāraka vaha mukha pheri dikhāo duhi paya pivata patūkhī| sūra sikata haṭhi nāva calāo ye saritā haiṃ sūkhī||42||

जाय कहौ बूझी कुसलात। जाके ज्ञान न होय सो मानै कही तिहारी बात॥ कारो नाम, रूप पुनि कारो, कारे अंग सखा सब गात। जौ पै भले होत कहुँ कारे तौ कत बदलि सुता लै जात॥ सूरदास सेए सो पति कै पाले जिन्ह तेही पछितात॥४३॥

jāya kahau būjhī kusalāta| jāke jñāna na hoya so mānai kahī tihārī bāta|| kāro nāma, rūpa puni kāro, kāre aṃga sakhā saba gāta| jau pai bhale hota kahu~ kāre tau kata badali sutā lai jāta|| sūradāsa see so pati kai pāle jinha tehī pachitāta||43||

कहाँ लौं कीजै बहुत बड़ाई। अतिहि अगाध अपार अगोचर मनसा तहाँ न जाई॥ जल बिनु तरँग, भीति बिनु चित्रन, बिन चित ही चतुराई। अब ब्रज में अनरीति कछू यह ऊधो आनि चलाई॥ रूप न रेख, बदन, बपु जाके संग न सखा सहाई। मन चुभि रही माधुरी मूरति रोम रोम अरुझाई। हौं बलि गई सूर प्रभु ताके जाके स्याम सदा सुखदाई॥४४॥

kahā~ lauṃ kījai bahuta baḍa़āī| atihi agādha apāra agocara manasā tahā~ na jāī|| jala binu tara~ga, bhīti binu citrana, bina cita hī caturāī| aba braja meṃ anarīti kachū yaha ūdho āni calāī|| rūpa na rekha, badana, bapu jāke saṃga na sakhā sahāī| mana cubhi rahī mādhurī mūrati roma roma arujhāī| hauṃ bali gaī sūra prabhu tāke jāke syāma sadā sukhadāī||44||

सपने की पहिंचानि जानि कै हमहिं कलंक लगावत। ज्यों गजराज काज के औसर औरै दसन दिखावत। कहन सुनन को हम हैं ऊधो सूर अंत बिरमावत॥४५॥

sapane kī pahiṃcāni jāni kai hamahiṃ kalaṃka lagāvata| jyoṃ gajarāja kāja ke ausara aurai dasana dikhāvata| kahana sunana ko hama haiṃ ūdho sūra aṃta biramāvata||45||

दिन दस प्रीति करी स्वारथ-हित रहत आपने काजन॥ सबै अयानि भईं सुनि मुरली ठगी कपट की छाजन। अब मन भयो सिंधु के खग ज्यों फिरि फिरि सरत जहाजन॥ वह नातो टूटो ता दिन तें सुफलकसुत-सँग भाजन। गोपीनाथ कहाय सूर प्रभु कत मारत हौ लाजन॥४६॥

dina dasa prīti karī svāratha-hita rahata āpane kājana|| sabai ayāni bhaīṃ suni muralī ṭhagī kapaṭa kī chājana| aba mana bhayo siṃdhu ke khaga jyoṃ phiri phiri sarata jahājana|| vaha nāto ṭūṭo tā dina teṃ suphalakasuta-sa~ga bhājana| gopīnātha kahāya sūra prabhu kata mārata hau lājana||46||

लिखि आई ब्रजनाथ की छाप। बाँधे फिरत सीस पर ऊधो देखत आवै ताप॥ नूतन रीति नंदनंदन की घरघर दीजत थाप। हरि आगे कुब्जा अधिकारी, तातें है यह दाप॥ आए कहन जोग अवराधो अबिगत-कथा की जाप। सूर सँदेसो सुनि नहिं लागै कहौ कौन को पाप? ॥४७॥

likhi āī brajanātha kī chāpa| bā~dhe phirata sīsa para ūdho dekhata āvai tāpa|| nūtana rīti naṃdanaṃdana kī gharaghara dījata thāpa| hari āge kubjā adhikārī, tāteṃ hai yaha dāpa|| āe kahana joga avarādho abigata-kathā kī jāpa| sūra sa~deso suni nahiṃ lāgai kahau kauna ko pāpa? ||47||

प्रातकाल उठि देखत, ऊधो, घर घर माखन खात॥ जाकी बात कहत हौ हमसों सो है हमसों दूरि। ह्याँ है निकट जसोदानँदन प्रान-सजीवनमूरि॥ बालक संग लये दधि चोरत खात खवावत ड़ोलत। सूर सीस सुनि चौंकत नावहिं अब काहे न मुख बोलत?॥४८॥

prātakāla uṭhi dekhata, ūdho, ghara ghara mākhana khāta|| jākī bāta kahata hau hamasoṃ so hai hamasoṃ dūri| hyā~ hai nikaṭa jasodāna~dana prāna-sajīvanamūri|| bālaka saṃga laye dadhi corata khāta khavāvata ḍa़olata| sūra sīsa suni cauṃkata nāvahiṃ aba kāhe na mukha bolata?||48||

ऊधो की ये निरगुन बातैं मीठी कैसे लेत। धर्म, अधर्म कामना सुनावत सुख औ मुक्ति समेत॥ काकी भूख गई मनलाडू सो देखहु चित चेत। सूर स्याम तजि को भुस फटकै मधुप तिहारे हेत? ॥४९॥

ūdho kī ye niraguna bātaiṃ mīṭhī kaise leta| dharma, adharma kāmanā sunāvata sukha au mukti sameta|| kākī bhūkha gaī manalāḍū so dekhahu cita ceta| sūra syāma taji ko bhusa phaṭakai madhupa tihāre heta? ||49||

हमको हरि की कथा सुनाव। अपनी ज्ञानकथा हो, ऊधो! मथुरा ही लै गाव॥ नागरि नारि भले बूझैंगी अपने वचन सुभाव। पा लागों, इन बातनि, रे अलि! उनहीं जाय रिझाव॥ सुनि, प्रियसखा स्यामसन्दर के जो पै जिय सति भाव। हरिमुख अति आरत इन नयननि बारक बहुरि दिखाव॥ सूरदास मीन को जल बिनु नाहिंन और उपाव॥५०॥

hamako hari kī kathā sunāva| apanī jñānakathā ho, ūdho! mathurā hī lai gāva|| nāgari nāri bhale būjhaiṃgī apane vacana subhāva| pā lāgoṃ, ina bātani, re ali! unahīṃ jāya rijhāva|| suni, priyasakhā syāmasandara ke jo pai jiya sati bhāva| harimukha ati ārata ina nayanani bāraka bahuri dikhāva|| sūradāsa mīna ko jala binu nāhiṃna aura upāva||50||

मेरे तन में भेद बहुत बिधि रसना न जानै नयन की दसहि॥ जिन देखे ते आहिं बचन बिनु, जिन्हैं बचन दरसन न तिसहि। बिन बानी भरि उमगि प्रेमजल सुमिरि वा सगुन-जसहि॥ चार बार पछितात यहै मन कहा करै जो बिधि न बसहि। सूरदास अँगन की यह गति को समुझावै पाछपद पसुहि?*॥५१॥ पशु (मूर्ख) छपद (षट्पद, भ्रमर) को कौन समझाए'।

mere tana meṃ bheda bahuta bidhi rasanā na jānai nayana kī dasahi|| jina dekhe te āhiṃ bacana binu, jinhaiṃ bacana darasana na tisahi| bina bānī bhari umagi premajala sumiri vā saguna-jasahi|| cāra bāra pachitāta yahai mana kahā karai jo bidhi na basahi| sūradāsa a~gana kī yaha gati ko samujhāvai pāchapada pasuhi?*||51|| paśu (mūrkha) chapada (ṣaṭpada, bhramara) ko kauna samajhāe'|

हमारे हरि हारिल की लकरी। मन बच क्रम नँदनँदन सों उर यह दृढ़ करि पकरी॥ जागत सोवत, सपने सौंतुख कान्ह कान्ह जक री। सुनतहि जोग लगत ऐसो अलि! ज्यों करुई ककरी॥ सोई ब्याधि हमैं लै आए देखी सुनी न करी। यह तौ सूर तिन्हैं लै दीजै जिनके मन चकरी॥५२॥

hamāre hari hārila kī lakarī| mana baca krama na~dana~dana soṃ ura yaha dṛḍha़ kari pakarī|| jāgata sovata, sapane sauṃtukha kānha kānha jaka rī| sunatahi joga lagata aiso ali! jyoṃ karuī kakarī|| soī byādhi hamaiṃ lai āe dekhī sunī na karī| yaha tau sūra tinhaiṃ lai dījai jinake mana cakarī||52||

दुसह बचन अलि यों लागत उर ज्यों जारे पर लौन॥ सिंगी, भस्म, त्वचामृग, मुद्रा, अरु अवरोधन पौन। हम अबला अहीर, सठ मधुकर! घर बन जानै कौन॥ यह मत लै तिनहीं उपदेसौ जिन्हैं आजु सब सोहत। सूर आज लौं सुनी न देखी पोत सूतरी पोहत॥५३॥

dusaha bacana ali yoṃ lāgata ura jyoṃ jāre para launa|| siṃgī, bhasma, tvacāmṛga, mudrā, aru avarodhana pauna| hama abalā ahīra, saṭha madhukara! ghara bana jānai kauna|| yaha mata lai tinahīṃ upadesau jinhaiṃ āju saba sohata| sūra āja lauṃ sunī na dekhī pota sūtarī pohata||53||

नयनन निज कमलनयन सुन्दर मुख हेरो। तामें कहु मधुकर! हम कहा लैन जाहीं। जिनके तुम सखा साधु बातें कहु तिनकी। जीवैं सुनि स्यामकथा दासी हम जिनकी॥ निरगुन अबिनासी गुन आनि आनि भाखौ। सूरदास जिय के जिय कहाँ कान्ह राखौ? ॥५४॥

nayanana nija kamalanayana sundara mukha hero| tāmeṃ kahu madhukara! hama kahā laina jāhīṃ| jinake tuma sakhā sādhu bāteṃ kahu tinakī| jīvaiṃ suni syāmakathā dāsī hama jinakī|| niraguna abināsī guna āni āni bhākhau| sūradāsa jiya ke jiya kahā~ kānha rākhau? ||54||

जनि चालौ, अलि, बात पराई। ना कोउ कहै सुनै या ब्रज में नइ कीरति सब जाति हिराई॥ बूझैं समाचार मुख ऊधो कुल की सब आरति बिसराई। भले संग बसि भई भली मति, भले मेल पहिचान कराई॥ सुन्दर कथा कटुक सी लागति उपजत उर उपदेस खराई। उलटो न्याव सूर के प्रभु को बहे जात माँगत उतराई॥५५॥

jani cālau, ali, bāta parāī| nā kou kahai sunai yā braja meṃ nai kīrati saba jāti hirāī|| būjhaiṃ samācāra mukha ūdho kula kī saba ārati bisarāī| bhale saṃga basi bhaī bhalī mati, bhale mela pahicāna karāī|| sundara kathā kaṭuka sī lāgati upajata ura upadesa kharāī| ulaṭo nyāva sūra ke prabhu ko bahe jāta mā~gata utarāī||55||

जाकी रहनि कहनि अनमिल, अलि, कहत समुझि अति थोरे॥ आपुन पद-मकरंद-सुधारस हृदय रहत नित बोरे। हमसों कहत बिरस समझौ, है गगन कूप खनि खोरे। धान को गाँव पयार तें जानौ ज्ञान बिषयरस भोरे। सूर सो बहुत कहे न रहै रस गूलर को फल फोरे॥५६॥

jākī rahani kahani anamila, ali, kahata samujhi ati thore|| āpuna pada-makaraṃda-sudhārasa hṛdaya rahata nita bore| hamasoṃ kahata birasa samajhau, hai gagana kūpa khani khore| dhāna ko gā~va payāra teṃ jānau jñāna biṣayarasa bhore| sūra so bahuta kahe na rahai rasa gūlara ko phala phore||56||

निरखत अंक स्यामसुन्दर के बारबार लावति छाती। लोचन-जल कागद-मसि मिलि कै ह्वै गइ स्याम स्याम की पाती॥ गोकुल बसत संग गिरिधर के कबहुं बयारि लगी नहिं ताती। तब की कथा कहा कहौं, ऊधो, जब हम बेनुनाद सुनि जाती॥ हरि के लाड़ गनति नहिं काहू निसिदिन सुदिन रासरसमाती। प्राननाथ तुम कब धौं मिलौगे सूरदास प्रभु बालसँघाती॥५७॥

nirakhata aṃka syāmasundara ke bārabāra lāvati chātī| locana-jala kāgada-masi mili kai hvai gai syāma syāma kī pātī|| gokula basata saṃga giridhara ke kabahuṃ bayāri lagī nahiṃ tātī| taba kī kathā kahā kahauṃ, ūdho, jaba hama benunāda suni jātī|| hari ke lāḍa़ ganati nahiṃ kāhū nisidina sudina rāsarasamātī| prānanātha tuma kaba dhauṃ milauge sūradāsa prabhu bālasa~ghātī||57||

मोहिं अलि दुहूं भाँति फल होत। तब रस-अधर लेति मुरली, अब भई कूबरी सौत॥ तुम जो जोगमत सिखवन आए भस्म चढ़ावन अँग। कानन मुद्रा पहिरि मेखली धरे जटा आधारी। यहाँ तरल तरिवन कहँ देखे अरु तनसुख की सारी॥ परम बियोगिनि रटति रैन दिन धरि मनमोहन-ध्यान। तुम तो चलो वेगि मधुबन को जहाँ जोग को ज्ञान॥ निसिदिन जीजतु है या ब्रज में देखि मनोहर रूप। सूर जोग लै घर घर डोलौ, लेहु लेहु धरि सूप॥५८॥

mohiṃ ali duhūṃ bhā~ti phala hota| taba rasa-adhara leti muralī, aba bhaī kūbarī sauta|| tuma jo jogamata sikhavana āe bhasma caḍha़āvana a~ga| kānana mudrā pahiri mekhalī dhare jaṭā ādhārī| yahā~ tarala tarivana kaha~ dekhe aru tanasukha kī sārī|| parama biyogini raṭati raina dina dhari manamohana-dhyāna| tuma to calo vegi madhubana ko jahā~ joga ko jñāna|| nisidina jījatu hai yā braja meṃ dekhi manohara rūpa| sūra joga lai ghara ghara ḍolau, lehu lehu dhari sūpa||58||

बिलग जनि मानौ हमरी बात। डरपति बचन कठोर कहति, मति बिनु पति यों उठि जात। जो कोउ कहत जरे अपने कछु फिरि पाछे पछितात। जो प्रसाद पावत तुम ऊधो कृस्न नाम लै खात॥ मन जु तिहारो हरिचरनन तर अचल रहत दिनरात। 'सूर स्याम तें जोग अधिक' केहि कहि आवत यह बात?॥५९॥

bilaga jani mānau hamarī bāta| ḍarapati bacana kaṭhora kahati, mati binu pati yoṃ uṭhi jāta| jo kou kahata jare apane kachu phiri pāche pachitāta| jo prasāda pāvata tuma ūdho kṛsna nāma lai khāta|| mana ju tihāro haricaranana tara acala rahata dinarāta| 'sūra syāma teṃ joga adhika' kehi kahi āvata yaha bāta?||59||

अपनी सी कठिन करत मन निसिदिन। कहि कहि कथा, मधुप, समुझावति तदपि न रहत नंदनंदन बिन॥ बरजत श्रवन सँदेस, नयन जल, मुख बतियाँ कछु और चलावत। बहुत भाँति चित धरत निठुरता सब तजि और यहै जिय आवत॥ कोटि स्वर्ग सम सुख अनुमानत हरि-समीप-समता नहिं पावत। थकित सिंधु-नौका के खग ज्यों फिरि फिरि फेरि वहै गुन गावत॥ जे बासना न बिदरत अंतर तेइ तेइ अधिक अनूअर दाहत। सूरदास परिहरि न सकत तन बारक बहुरि मिल्यो है चाहत॥६०॥

apanī sī kaṭhina karata mana nisidina| kahi kahi kathā, madhupa, samujhāvati tadapi na rahata naṃdanaṃdana bina|| barajata śravana sa~desa, nayana jala, mukha batiyā~ kachu aura calāvata| bahuta bhā~ti cita dharata niṭhuratā saba taji aura yahai jiya āvata|| koṭi svarga sama sukha anumānata hari-samīpa-samatā nahiṃ pāvata| thakita siṃdhu-naukā ke khaga jyoṃ phiri phiri pheri vahai guna gāvata|| je bāsanā na bidarata aṃtara tei tei adhika anūara dāhata| sūradāsa parihari na sakata tana bāraka bahuri milyo hai cāhata||60||

रहु रे, मधुकर! मधुमतवारे। कहा करौं निर्गुन लै कै हौं जीवहु कान्ह हमारे॥ लोटत नीच परागपंक में पचत, न आपु सम्हारे। बारम्बार सरक मदिरा की अपरस कहा उघारे॥ तुम जानत हमहूँ वैसी हैं जैसे कुसुम तिहारे। घरी पहर सबको बिलमावत जेते आवत कारे॥ सुन्दरस्याम कमलदल-लोचन जसुमति-नँद-दुलारे। सूर स्याम को सर्बस अर्प्यो अब कापै हम लेहिं उधारे॥६१॥

rahu re, madhukara! madhumatavāre| kahā karauṃ nirguna lai kai hauṃ jīvahu kānha hamāre|| loṭata nīca parāgapaṃka meṃ pacata, na āpu samhāre| bārambāra saraka madirā kī aparasa kahā ughāre|| tuma jānata hamahū~ vaisī haiṃ jaise kusuma tihāre| gharī pahara sabako bilamāvata jete āvata kāre|| sundarasyāma kamaladala-locana jasumati-na~da-dulāre| sūra syāma ko sarbasa arpyo aba kāpai hama lehiṃ udhāre||61||

कै तुम सिखै पठाए कुब्जा, कै कहीं स्यामघन जू धौं। ताको कहा परेखो कीजै जानत छाछ न दूधो। सूर मूर अक्रूर गए लै ब्याज निबेरत ऊधो॥६२॥

kai tuma sikhai paṭhāe kubjā, kai kahīṃ syāmaghana jū dhauṃ| tāko kahā parekho kījai jānata chācha na dūdho| sūra mūra akrūra gae lai byāja niberata ūdho||62||

बातन सब कोऊ समुझावै। जेहि बिधि मिलन मिलैं वै माधव सो बिधि कोउ न वतावै॥ जद्यपि जतन अनेक रचीं पचि और अनत बिरमावै। तद्यपि हठी हमारे नयना और न देखे भावै॥ बासर-निसा प्रानबल्लभ तजि रसना और न गावै। सूरदास प्रभु प्रेमहिं लगि करि कहिए जो कहि आवै॥६३॥

bātana saba koū samujhāvai| jehi bidhi milana milaiṃ vai mādhava so bidhi kou na vatāvai|| jadyapi jatana aneka racīṃ paci aura anata biramāvai| tadyapi haṭhī hamāre nayanā aura na dekhe bhāvai|| bāsara-nisā prānaballabha taji rasanā aura na gāvai| sūradāsa prabhu premahiṃ lagi kari kahie jo kahi āvai||63||

मधुकर! हँसि समुझाय, सौंह दै बूझति साँच, न हाँसी॥ कैसो बरन भेस है कैसो केहि रस में अभिलासी॥ पावैगो पुनि कियो आपनो जो रे! कहैगो गाँसी। सुनत मौन ह्वै रह्यो ठग्यो सो सूर सबै मति नासी॥६४॥

madhukara! ha~si samujhāya, sauṃha dai būjhati sā~ca, na hā~sī|| kaiso barana bhesa hai kaiso kehi rasa meṃ abhilāsī|| pāvaigo puni kiyo āpano jo re! kahaigo gā~sī| sunata mauna hvai rahyo ṭhagyo so sūra sabai mati nāsī||64||

नाहिंन रह्यो मन में ठौर। चलत, चितवत, दिवस जागत, सपन सोवत राति। हृदय तें वह स्याम मूरति छन न इत उत जाति॥ कहत कथा अनेक ऊधो लोक-लाभ दिखाय। कहा करौं तन प्रेम-पूरन घट न सिंधु समाय॥ स्याम गात सरोज-आनन ललित अति मृदु हास। सूर ऐसे रूप-कारन मरत लोचन प्यास॥६५॥

nāhiṃna rahyo mana meṃ ṭhaura| calata, citavata, divasa jāgata, sapana sovata rāti| hṛdaya teṃ vaha syāma mūrati chana na ita uta jāti|| kahata kathā aneka ūdho loka-lābha dikhāya| kahā karauṃ tana prema-pūrana ghaṭa na siṃdhu samāya|| syāma gāta saroja-ānana lalita ati mṛdu hāsa| sūra aise rūpa-kārana marata locana pyāsa||65||

ब्रजजन सकल स्याम-ब्रतधारी॥ बिन गोपाल और नहिं जानत आन कहैं व्यभिचारी॥ इतनी दूरि जाहु चलि कासी जहाँ बिकति है प्यारी॥ यह सँदेस नहिं सुन तिहारो, है मण्डली अनन्य हमारी। महामुक्ति कोऊ नहिं बूझै, जदपि पदारथ चारी। सूरदास स्वामी मनमोहन मूरति की बलिहारी॥६६॥

brajajana sakala syāma-bratadhārī|| bina gopāla aura nahiṃ jānata āna kahaiṃ vyabhicārī|| itanī dūri jāhu cali kāsī jahā~ bikati hai pyārī|| yaha sa~desa nahiṃ suna tihāro, hai maṇḍalī ananya hamārī| mahāmukti koū nahiṃ būjhai, jadapi padāratha cārī| sūradāsa svāmī manamohana mūrati kī balihārī||66||

कहति कहा ऊधो सों बौरी। कहा कहत री! मैं पत्यात री नहीँ सुनी कहनावत। करनी भली भलेई जानै, कपट कुटिल की खानि। हरि को सखा नहीँ री माई! यह मन निसचय जानि॥ कहाँ रास-रस कहाँ जोग-जप? इतनो अँतर भाखत। सूर सबै तुम कत भइँ बौरी याकी पति जो राखत॥६७॥

kahati kahā ūdho soṃ baurī| kahā kahata rī! maiṃ patyāta rī nahī~ sunī kahanāvata| karanī bhalī bhaleī jānai, kapaṭa kuṭila kī khāni| hari ko sakhā nahī~ rī māī! yaha mana nisacaya jāni|| kahā~ rāsa-rasa kahā~ joga-japa? itano a~tara bhākhata| sūra sabai tuma kata bhai~ baurī yākī pati jo rākhata||67||

ऐसेई जन दूत कहावत। बचन कठोर कहत, कहि दाहत, अपनी महत गँवावत। ऐसी परकृति परति छाँह की जुवतिन ज्ञान बुझावत॥ आपुन निलज रहत नखसिख लौं एते पर पुनि गावत। सूर करत परसँसा अपनी, हारेहु जीति कहावत॥६८॥

aiseī jana dūta kahāvata| bacana kaṭhora kahata, kahi dāhata, apanī mahata ga~vāvata| aisī parakṛti parati chā~ha kī juvatina jñāna bujhāvata|| āpuna nilaja rahata nakhasikha lauṃ ete para puni gāvata| sūra karata parasa~sā apanī, hārehu jīti kahāvata||68||

प्रकृति जोई जाके अंग परी। स्वान-पूँछ कोटिक जो लागै सूधि न काहु करी॥ जैसे काग भच्छ नहिं छाँड़ै जनमत जौन घरी। ज्यों अहि डसत उदर नहिं पूरत ऐसी धरनि धरी। सूर होउ सो होउ सोच नहिं, तैसे हैं एउ री॥६९॥

prakṛti joī jāke aṃga parī| svāna-pū~cha koṭika jo lāgai sūdhi na kāhu karī|| jaise kāga bhaccha nahiṃ chā~ḍa़ai janamata jauna gharī| jyoṃ ahi ḍasata udara nahiṃ pūrata aisī dharani dharī| sūra hou so hou soca nahiṃ, taise haiṃ eu rī||69||

तौ हम मानैं बात तुम्हारी। अपनो ब्रह्म दिखावहु ऊधो मुकुट-पितांबरधारी॥ भजिहैं तब ताको सब गोपी सहि रहिहैं बरु गारी। भूत समान बतावत हमको जारहु स्याम बिसारी॥ सूरदास प्रभु एक अंग पर रीझि रहीं ब्रजनारी॥७०॥

tau hama mānaiṃ bāta tumhārī| apano brahma dikhāvahu ūdho mukuṭa-pitāṃbaradhārī|| bhajihaiṃ taba tāko saba gopī sahi rahihaiṃ baru gārī| bhūta samāna batāvata hamako jārahu syāma bisārī|| sūradāsa prabhu eka aṃga para rījhi rahīṃ brajanārī||70||

यहै सुनत ही नयन पराने। जबहीं सुनत बात तुव मुख की रोवत रमत ढराने॥ बारँबार स्यामघन धन तें भाजत फिरन लुकाने। हमकों नहिं पतियात तबहिं तें जब ब्रज आपु समाने॥ नातरु यहौ काछ हम काछति वै यह जानि छपाने। सूर दोष हमरै सिर धरिहौ तुम हौ बड़े सयाने॥७१॥

yahai sunata hī nayana parāne| jabahīṃ sunata bāta tuva mukha kī rovata ramata ḍharāne|| bāra~bāra syāmaghana dhana teṃ bhājata phirana lukāne| hamakoṃ nahiṃ patiyāta tabahiṃ teṃ jaba braja āpu samāne|| nātaru yahau kācha hama kāchati vai yaha jāni chapāne| sūra doṣa hamarai sira dharihau tuma hau baḍa़e sayāne||71||

नयननि वहै रूप जौ देख्यो। तौ ऊधो यह जोबन जग को साँचु सफल करि लेख्यो॥ लोचन चारु चपल खंजन, मनरँजन हृदय हमारे। रुचिर कमल मृग मीन मनोहर स्वेत अरुन अरु कारे॥ रतन जटित कुंडल श्रवननि वर, गंड कपोलनि झाँई। मनु दिनकर-प्रतिबिंब मुकुट महँ ढूँढ़त यह छबि पाई॥ मुरली अधर विकट भौंहैं करि ठाढ़े होत त्रिभंग। मुकुट माल उर नीलसिखर तें धँसि धरनी ज्यों गंग॥ और भेस को कहै बरनि सब अँग अँग केसरि खौर। देखत बनै, कहत रसना सो सूर बिलोकत और॥७२॥

nayanani vahai rūpa jau dekhyo| tau ūdho yaha jobana jaga ko sā~cu saphala kari lekhyo|| locana cāru capala khaṃjana, manara~jana hṛdaya hamāre| rucira kamala mṛga mīna manohara sveta aruna aru kāre|| ratana jaṭita kuṃḍala śravanani vara, gaṃḍa kapolani jhā~ī| manu dinakara-pratibiṃba mukuṭa maha~ ḍhū~ḍha़ta yaha chabi pāī|| muralī adhara vikaṭa bhauṃhaiṃ kari ṭhāḍha़e hota tribhaṃga| mukuṭa māla ura nīlasikhara teṃ dha~si dharanī jyoṃ gaṃga|| aura bhesa ko kahai barani saba a~ga a~ga kesari khaura| dekhata banai, kahata rasanā so sūra bilokata aura||72||

नयनन नंदनंदन ध्यान। तहाँ लै उपदेस दीजै जहाँ निरगुन ज्ञान॥ पानिपल्लव-रेख गनि गुन-अवधि बिधि-बंधान। इते पर कहि कटुक बचनन हनत जैसे प्रान॥ चंद्र कोटि प्रकास मुख, अवतंस कोटिक भान। कोटि मन्मथ वारि छबि पर, निरखि दीजित दान॥ भृकुटि कोटि कुदंड रुचि अवलोकनी सँधान। कोटि बारिज बंक नयन कटाच्छ कोटिक बान॥ कंबु ग्रीवा रतनहार उदार उर मनि जान। आजानुबाहु उदार अति कर पद्म सुधानिधान॥ मनहु निर्तत नील घन में तड़ित अति दुतिमान॥ रासरसिक गोपाल मिलि मधु अधर करती पान। सूर ऐसे रूप बिनु कोउ कहा रच्छक आन? ॥७३॥

nayanana naṃdanaṃdana dhyāna| tahā~ lai upadesa dījai jahā~ niraguna jñāna|| pānipallava-rekha gani guna-avadhi bidhi-baṃdhāna| ite para kahi kaṭuka bacanana hanata jaise prāna|| caṃdra koṭi prakāsa mukha, avataṃsa koṭika bhāna| koṭi manmatha vāri chabi para, nirakhi dījita dāna|| bhṛkuṭi koṭi kudaṃḍa ruci avalokanī sa~dhāna| koṭi bārija baṃka nayana kaṭāccha koṭika bāna|| kaṃbu grīvā ratanahāra udāra ura mani jāna| ājānubāhu udāra ati kara padma sudhānidhāna|| manahu nirtata nīla ghana meṃ taḍa़ita ati dutimāna|| rāsarasika gopāla mili madhu adhara karatī pāna| sūra aise rūpa binu kou kahā racchaka āna? ||73||

त्रिकुटी सँग भ्रूभंग, तराटक नैन नैन लगि लागे। हँसन प्रकास, सुमुख कुंडल मिलि चंद्र सूर अनुरागे॥ मुरली अधर श्रवन धुनि सो सुनि अनहद शब्द प्रमाने। बरसत रस रुचि-बचन-सँग, सुख-पद-आनन्द-समाने॥ मंत्र दियो मनजात भजन लगि, ज्ञान ध्यान हरि ही को। सूर, कहौं गुरु कौन करै, अलि, कौन सुनै मत फीको?॥७८॥ किसी बिंदु पर दृष्टि गड़ाने का अभ्यास।

trikuṭī sa~ga bhrūbhaṃga, tarāṭaka naina naina lagi lāge| ha~sana prakāsa, sumukha kuṃḍala mili caṃdra sūra anurāge|| muralī adhara śravana dhuni so suni anahada śabda pramāne| barasata rasa ruci-bacana-sa~ga, sukha-pada-ānanda-samāne|| maṃtra diyo manajāta bhajana lagi, jñāna dhyāna hari hī ko| sūra, kahauṃ guru kauna karai, ali, kauna sunai mata phīko?||78|| kisī biṃdu para dṛṣṭi gaḍa़āne kā abhyāsa|

कहिबे जीय न कछु सक राखो। लावा मेलि दए हैं तुमको बकत रहौं दिन आखों॥ जाकी बात कहौ तुम हमसों सो धौं कहौ को काँधी। तेरो कहो सो पवन भूस भयो, वहो जात ज्यों आँधी॥ कत श्रम करत, सुनत को ह्याँ है, होत जो बन को रोयो। सूर इते पै समुझत नाहीं, निपट दई को खोयो॥७९॥

kahibe jīya na kachu saka rākho| lāvā meli dae haiṃ tumako bakata rahauṃ dina ākhoṃ|| jākī bāta kahau tuma hamasoṃ so dhauṃ kahau ko kā~dhī| tero kaho so pavana bhūsa bhayo, vaho jāta jyoṃ ā~dhī|| kata śrama karata, sunata ko hyā~ hai, hota jo bana ko royo| sūra ite pai samujhata nāhīṃ, nipaṭa daī ko khoyo||79||

अब नीके कै समुझि परी। जिन लगि हुती बहुत उर आसा सोऊ बात निबरी॥ वै सुफलकसुत, ये, सखि! ऊधो मिली एक परिपाटी। उन तो वह कीन्ही तब हमसों, ये रतन छँड़ाइ गहावत माटी॥ ऊपर मृदु भीतर तें कुलिस सम, देखत के प्रति भोरे। जोइ जोई आवत वा मथुरा तें एक डार के से तोरे॥ यह, सखि, मैं पहले कहि राखी असित न अपने होंहीं। सूर कोटि जौ माथो दीजै चलत आपनी गौं हीं॥८०॥

aba nīke kai samujhi parī| jina lagi hutī bahuta ura āsā soū bāta nibarī|| vai suphalakasuta, ye, sakhi! ūdho milī eka paripāṭī| una to vaha kīnhī taba hamasoṃ, ye ratana cha~ḍa़āi gahāvata māṭī|| ūpara mṛdu bhītara teṃ kulisa sama, dekhata ke prati bhore| joi joī āvata vā mathurā teṃ eka ḍāra ke se tore|| yaha, sakhi, maiṃ pahale kahi rākhī asita na apane hoṃhīṃ| sūra koṭi jau mātho dījai calata āpanī gauṃ hīṃ||80||

मधुकर रह्यो जोग लौं नातो। कतहिं बकत बेकाम काज बिनु, होय न ह्याँ तें हातो॥ जब मिलि मिलि मधुपान कियो हो तब तू कहि धौं कहाँ तो। तू आयो निर्गुन उपदेसन सो नहिं हमैं सुहातो॥ काँचे गुन लै तनु ज्यों बेधौ; लै बारिज को ताँतो। मेरे जान गह्यो चाहत हौ फेरि कै भैगल मातो॥ यह लै देहु सूर के प्रभु को आयो जोग जहाँ तो। जब चहिहैं तब माँगि पठै हैं जो कोउ आवत-जातो॥८१॥

madhukara rahyo joga lauṃ nāto| katahiṃ bakata bekāma kāja binu, hoya na hyā~ teṃ hāto|| jaba mili mili madhupāna kiyo ho taba tū kahi dhauṃ kahā~ to| tū āyo nirguna upadesana so nahiṃ hamaiṃ suhāto|| kā~ce guna lai tanu jyoṃ bedhau; lai bārija ko tā~to| mere jāna gahyo cāhata hau pheri kai bhaigala māto|| yaha lai dehu sūra ke prabhu ko āyo joga jahā~ to| jaba cahihaiṃ taba mā~gi paṭhai haiṃ jo kou āvata-jāto||81||

मोहन माँग्यो अपनो रूप। या ब्रज बसत अँचै तुम बैठी, ता बिनु तहाँ निरूप॥ मेरो मन, मेरो, अलि! लोचन लै जो गए धुपधूप। हमसों बदलो लेन उठि धाए मनो धारि कर सूप॥ अपनो काज सँवारि सूर, सुनु, हमहिं बताव त कूप। लेवा-देइ बराबर में है, कौन रंक को भूप ॥८२॥

mohana mā~gyo apano rūpa| yā braja basata a~cai tuma baiṭhī, tā binu tahā~ nirūpa|| mero mana, mero, ali! locana lai jo gae dhupadhūpa| hamasoṃ badalo lena uṭhi dhāe mano dhāri kara sūpa|| apano kāja sa~vāri sūra, sunu, hamahiṃ batāva ta kūpa| levā-dei barābara meṃ hai, kauna raṃka ko bhūpa ||82||

हरि सों भलो सो पति सीता को। बन बन खोजत फिरे बंधु-सँग, कियो सिंधु बीता को॥ रावन मार्यो, लंका जारी, मुख देख्यो भीता को। दूत हाथ उन्हैं लिखि न पठायो निगम-ज्ञान गीता को॥ अब धौं कहा परेखो कीजै कुबजा के मीता को। कीन्हीं कृपा जोग लिखि पठयो, निरखु पत्र री! ताको। सूरदास प्रेम कह जानै लोभी नवनीता को॥८३॥

hari soṃ bhalo so pati sītā ko| bana bana khojata phire baṃdhu-sa~ga, kiyo siṃdhu bītā ko|| rāvana māryo, laṃkā jārī, mukha dekhyo bhītā ko| dūta hātha unhaiṃ likhi na paṭhāyo nigama-jñāna gītā ko|| aba dhauṃ kahā parekho kījai kubajā ke mītā ko| kīnhīṃ kṛpā joga likhi paṭhayo, nirakhu patra rī! tāko| sūradāsa prema kaha jānai lobhī navanītā ko||83||

कपट करि करि प्रीति कपटी लै गयो मन गोय॥ काल-मुख तें काढ़ि आनी बहुरि दीन्हीं ढोय। मेरे जिय की सोइ जानै जाहि बीती होय॥ सोच, आँखि मँजीठ कीन्हीं निपट काँची पोय। सूर गोपी मधुप आगे दरकि दीन्हों रोय॥८४॥

kapaṭa kari kari prīti kapaṭī lai gayo mana goya|| kāla-mukha teṃ kāḍha़i ānī bahuri dīnhīṃ ḍhoya| mere jiya kī soi jānai jāhi bītī hoya|| soca, ā~khi ma~jīṭha kīnhīṃ nipaṭa kā~cī poya| sūra gopī madhupa āge daraki dīnhoṃ roya||84||

बिन गोपाल बैरिन भइँ कुंजैं। तब ये लता-लगति अति सीतल, अब भइँ विषम ज्वाल की पुंजैं॥ बृथा बहति जमुना, खग बोलत, बृथा कमल फूलैं, अलि गुंजैं। पवन पानि घनसार सँजीवनि दधिसुत किरन भानु भइँ भुंजैं॥ ए, ऊधो, कहियो माधव सों बिरह कदन करि मारत लुंजैं। सूरदास प्रभु को मग जोवत अँखियाँ भईं बरन ज्यों गुंजैं॥८५॥

bina gopāla bairina bhai~ kuṃjaiṃ| taba ye latā-lagati ati sītala, aba bhai~ viṣama jvāla kī puṃjaiṃ|| bṛthā bahati jamunā, khaga bolata, bṛthā kamala phūlaiṃ, ali guṃjaiṃ| pavana pāni ghanasāra sa~jīvani dadhisuta kirana bhānu bhai~ bhuṃjaiṃ|| e, ūdho, kahiyo mādhava soṃ biraha kadana kari mārata luṃjaiṃ| sūradāsa prabhu ko maga jovata a~khiyā~ bhaīṃ barana jyoṃ guṃjaiṃ||85||

जो कछु बिचार होय उर-अंतर रचि पचि सोचि गहौं। मुख आनत, ऊधो-तन चितवत न सो बिचार, न हौं॥ अब सोई सिख देहु, सयानी! जाते सखहिं लहौं। सूरदास प्रभु के सेवक सों विनती कै निबहौं॥८६॥ है और न मैं, अर्थात् सब सुधबुध भूल जाती है।

jo kachu bicāra hoya ura-aṃtara raci paci soci gahauṃ| mukha ānata, ūdho-tana citavata na so bicāra, na hauṃ|| aba soī sikha dehu, sayānī! jāte sakhahiṃ lahauṃ| sūradāsa prabhu ke sevaka soṃ vinatī kai nibahauṃ||86|| hai aura na maiṃ, arthāt saba sudhabudha bhūla jātī hai|

बहुरो ब्रज वह बात न चाली। वह जो एक बार ऊधो-कर कमलनयन पाती दै घाली॥ पथिक! तिहारे पा लागति हौं मथुरा जाव जहाँ बनमाली। करियो प्रगट पुकार द्वार ह्वै 'कालिंदी फिरि आयो काली'॥ जबै कृपा जदुनाथ कि हमपै रही सुरुचि जो प्रीति प्रतिपाली। माँगत कुसुम देखि द्रुम ऊँचे, गोद पकरि लेते गहि डाली॥ सूरदास प्रभु प्रीति पुरातन सुमिरि सुमिरि राधा-उर साली॥८७॥

bahuro braja vaha bāta na cālī| vaha jo eka bāra ūdho-kara kamalanayana pātī dai ghālī|| pathika! tihāre pā lāgati hauṃ mathurā jāva jahā~ banamālī| kariyo pragaṭa pukāra dvāra hvai 'kāliṃdī phiri āyo kālī'|| jabai kṛpā jadunātha ki hamapai rahī suruci jo prīti pratipālī| mā~gata kusuma dekhi druma ū~ce, goda pakari lete gahi ḍālī|| sūradāsa prabhu prīti purātana sumiri sumiri rādhā-ura sālī||87||

सुमिरि सुमिरि गुन अधिक तपत हैं सुनत तिहारों बैन॥ हैं जो मनोहर बदनचंद के सादर कुमुद चकोर। परम-तृषारत सजल स्यामघन के जो चातक मोर॥ मधुप, मराल चरनपंकज के, गति-बिलास-जल मीन। चक्रबाक, मनिदुति दिनकर के, मृग मुरली आधीन॥ सकल लोक सूनो लागतु है बिन देखे वा रूप। सूरदास प्रभु नँदनंदन के नखसिख अंग अनूप॥८८॥

sumiri sumiri guna adhika tapata haiṃ sunata tihāroṃ baina|| haiṃ jo manohara badanacaṃda ke sādara kumuda cakora| parama-tṛṣārata sajala syāmaghana ke jo cātaka mora|| madhupa, marāla caranapaṃkaja ke, gati-bilāsa-jala mīna| cakrabāka, maniduti dinakara ke, mṛga muralī ādhīna|| sakala loka sūno lāgatu hai bina dekhe vā rūpa| sūradāsa prabhu na~danaṃdana ke nakhasikha aṃga anūpa||88||

सँदेसनि मधुबन-कूप भरे। जो कोउ पथिक गए हैं ह्याँ तें फिरि नहिं अवन करे॥ अपने नहिं पठवत नँदनंदन हमरेउ फेरि धरे॥ मसि खूँटी, कागर जल भीजे, सर दव लागि जरे। पाती लिखें कहो क्यों करि जो पलक-कपाट अरे?॥८९॥

sa~desani madhubana-kūpa bhare| jo kou pathika gae haiṃ hyā~ teṃ phiri nahiṃ avana kare|| apane nahiṃ paṭhavata na~danaṃdana hamareu pheri dhare|| masi khū~ṭī, kāgara jala bhīje, sara dava lāgi jare| pātī likheṃ kaho kyoṃ kari jo palaka-kapāṭa are?||89||

जौ कीजै तौ है जल, रवि औ जलधर की सी रीति॥ जैसे मीन, कमल, चातक की ऐसे ही गइ बीति। तलफत, जरत, पुकारत सुनु, सठ! नाहिंन है यह रीति॥ मन हठि परे, कबंध-जुद्ध ज्यों, हारेहू भइ जीति। बँधत न प्रेम-समुद्र सूर बल कहुँ बारुहि की भीति॥९०॥

jau kījai tau hai jala, ravi au jaladhara kī sī rīti|| jaise mīna, kamala, cātaka kī aise hī gai bīti| talaphata, jarata, pukārata sunu, saṭha! nāhiṃna hai yaha rīti|| mana haṭhi pare, kabaṃdha-juddha jyoṃ, hārehū bhai jīti| ba~dhata na prema-samudra sūra bala kahu~ bāruhi kī bhīti||90||

मुख औरै अंतर्गत औरै पतियाँ लिखि पठवत हैं बनाय॥ ज्यों कोइलसुत काग जिआवत भाव-भगति भोजनहिं खवाय। कुहकुहाय आए बसंत ऋतु, अंत मिलै कुल अपने जाय॥ जैसे मधुकर पुहुप-बास लै फेरि न बूझै वातहु आय। सूर जहाँ लौं स्यामगात हैं तिनसों क्यों कीजिए लगाय?॥९१॥

mukha aurai aṃtargata aurai patiyā~ likhi paṭhavata haiṃ banāya|| jyoṃ koilasuta kāga jiāvata bhāva-bhagati bhojanahiṃ khavāya| kuhakuhāya āe basaṃta ṛtu, aṃta milai kula apane jāya|| jaise madhukara puhupa-bāsa lai pheri na būjhai vātahu āya| sūra jahā~ lauṃ syāmagāta haiṃ tinasoṃ kyoṃ kījie lagāya?||91||

हरि हैं राजनीति पढ़ि आए। इक अति चतुर हुते पहिले ही, अरु करि नेह दिखाए। जानी बुद्धि बड़ी, जुवतिन को जोग सँदेस पठाए॥ भले लोग आगे के, सखि री! परहित डोलत धाए। वे अपने मन फेरि पाइए जे हैं चलत चुराए॥ राजधर्म सब भए सूर जहँ प्रजा न जायँ सताए॥९२॥

hari haiṃ rājanīti paḍha़i āe| ika ati catura hute pahile hī, aru kari neha dikhāe| jānī buddhi baḍa़ī, juvatina ko joga sa~desa paṭhāe|| bhale loga āge ke, sakhi rī! parahita ḍolata dhāe| ve apane mana pheri pāie je haiṃ calata curāe|| rājadharma saba bhae sūra jaha~ prajā na jāya~ satāe||92||

जोग की गति सुनत मेरे अंग आगि बई। सुलगि सुलगि हम रही तन में फूँक आनि दई॥ सिंह गज तजि तृनहिं खंडत सुनी बात नई॥ कर्मरेखा मिटति नाहीं जो बिधि आनि ठई। सूर हरि की कृपा जापै सकल सिद्धि भई॥९३॥

joga kī gati sunata mere aṃga āgi baī| sulagi sulagi hama rahī tana meṃ phū~ka āni daī|| siṃha gaja taji tṛnahiṃ khaṃḍata sunī bāta naī|| karmarekhā miṭati nāhīṃ jo bidhi āni ṭhaī| sūra hari kī kṛpā jāpai sakala siddhi bhaī||93||

ऊधो! जान्यो ज्ञान तिहारो। जानै कहा राजगति-लीला अंत अहीर बिचारो॥ हम सबै अयानी, एक सयानी कुबजा सों मन मान्यो। आवत नाहिं लाज के मारे, मानहु कान्ह खिस्यान्यो॥ ऊधो जाहु बाँह धरि ल्याओ सुन्दरस्याम पियारो। ब्याहौ लाख, धरौं दस कुबरी, अंतहि कान्ह हमारो॥ सुन, री सखी! कछू नहिं कहिए माधव आवन दीजै। जबहीं मिलैं सूर के स्वामी हाँसी करि करि लीजै॥९४॥

ūdho! jānyo jñāna tihāro| jānai kahā rājagati-līlā aṃta ahīra bicāro|| hama sabai ayānī, eka sayānī kubajā soṃ mana mānyo| āvata nāhiṃ lāja ke māre, mānahu kānha khisyānyo|| ūdho jāhu bā~ha dhari lyāo sundarasyāma piyāro| byāhau lākha, dharauṃ dasa kubarī, aṃtahi kānha hamāro|| suna, rī sakhī! kachū nahiṃ kahie mādhava āvana dījai| jabahīṃ milaiṃ sūra ke svāmī hā~sī kari kari lījai||94||

उर में माखनचोर गड़े। अब कैसहु निकसत नहिं ऊधो! तिरछे ह्वै जो अड़े॥ जदपि अहीर जसोदानंदन तदपि न जात छड़े। वहाँ बने जदुबंस महाकुल हमहिं न लगत बड़े॥ को बसुदेव, देवकी है को, ना जानैं औ बूझैं। सूर स्यामसुन्दर बिनु देखें और न कोऊ सूझैं॥९५॥

ura meṃ mākhanacora gaḍa़e| aba kaisahu nikasata nahiṃ ūdho! tirache hvai jo aḍa़e|| jadapi ahīra jasodānaṃdana tadapi na jāta chaḍa़e| vahā~ bane jadubaṃsa mahākula hamahiṃ na lagata baḍa़e|| ko basudeva, devakī hai ko, nā jānaiṃ au būjhaiṃ| sūra syāmasundara binu dekheṃ aura na koū sūjhaiṃ||95||

अर्थ, धर्म, कामना सुनावत सब सुख मुकुति-समेति। जे व्यापकहिं बिचारत बरनत निगम कहत हैं नेति॥ ताकी भूलि गई मनसाहू देखहु जौ चित चेति। सूर स्याम तजि कौन सकत है, अलि, काकी गति एति॥९६॥

artha, dharma, kāmanā sunāvata saba sukha mukuti-sameti| je vyāpakahiṃ bicārata baranata nigama kahata haiṃ neti|| tākī bhūli gaī manasāhū dekhahu jau cita ceti| sūra syāma taji kauna sakata hai, ali, kākī gati eti||96||

उपमा एक न नैन गही। कबिजन कहत कहत चलि आए सुधि करि करि काहू न कही॥ कहे चकोर, मुख-बिधु बिनु जीवन; भँवर न, तहँ उड़ि जात। खंजन मनरंजन जन जौ पै, कबहुँ नाहिं सतरात। पंख पसारि न उड़त, मंद ह्वै समर-समीप बिकात॥ देखत भागि बसै घन बन में जहँ कोउ संग न धाय॥ ब्रजलोचन बिनु लोचन कैसे? प्रति छिन अति दुख बाढ़त। सूरदास मीनता कछू इक, जल भरि संग न छाँड़त॥९७॥

upamā eka na naina gahī| kabijana kahata kahata cali āe sudhi kari kari kāhū na kahī|| kahe cakora, mukha-bidhu binu jīvana; bha~vara na, taha~ uḍa़i jāta| khaṃjana manaraṃjana jana jau pai, kabahu~ nāhiṃ satarāta| paṃkha pasāri na uḍa़ta, maṃda hvai samara-samīpa bikāta|| dekhata bhāgi basai ghana bana meṃ jaha~ kou saṃga na dhāya|| brajalocana binu locana kaise? prati china ati dukha bāḍha़ta| sūradāsa mīnatā kachū ika, jala bhari saṃga na chā~ḍa़ta||97||

हरिमुख निरखि निमेख बिसारे। ता दिन तें मनो भए दिगंबर इन नैनन के तारे॥ घूँघट-पट छांड़े बीथिन महँ अहनिसि अटत उघारे। सहज समाधि रूपरुचि इकटक टरत न टक तें टारे॥ सूर, सुमति समुझति, जिय जानति, ऊधो! बचन तिहारे। करैं कहा ये कह्यो न मानत लोचन हठी हमारे॥९८॥

harimukha nirakhi nimekha bisāre| tā dina teṃ mano bhae digaṃbara ina nainana ke tāre|| ghū~ghaṭa-paṭa chāṃḍa़e bīthina maha~ ahanisi aṭata ughāre| sahaja samādhi rūparuci ikaṭaka ṭarata na ṭaka teṃ ṭāre|| sūra, sumati samujhati, jiya jānati, ūdho! bacana tihāre| karaiṃ kahā ye kahyo na mānata locana haṭhī hamāre||98||

दूर करहु बीना कर धरिबो। मोहे मृग नाही रथ हाँक्यो, नाहिंन होत चंद को ढरिबो॥ बीती जाहि पै सोई जानै कठिन है प्रेम-पास को परिबो। जब तें बिछुरे कमलनयन, सखि, रहत न नयन नीर को गरिबो॥ सीतल चंद अगिनि सम लागत कहिए धीर कौन बिधि धरिबो। सूरदास प्रभु तुम्हरे दरस बिनु सब झूठो जतननि को करिबो॥९९॥

dūra karahu bīnā kara dharibo| mohe mṛga nāhī ratha hā~kyo, nāhiṃna hota caṃda ko ḍharibo|| bītī jāhi pai soī jānai kaṭhina hai prema-pāsa ko paribo| jaba teṃ bichure kamalanayana, sakhi, rahata na nayana nīra ko garibo|| sītala caṃda agini sama lāgata kahie dhīra kauna bidhi dharibo| sūradāsa prabhu tumhare darasa binu saba jhūṭho jatanani ko karibo||99||

अति मलीन बृषभानुकुमारी। हरि-स्रमजल अंतर-तनु भीजे ता लालच न धुआवति सारी। अधोमुख रहति उरध नहिं चितवति ज्यों गथ हारे थकित जुआरी। छूटे चिहुर, बदन कुम्हिलाने, ज्यों नलिनी हिमकर की मारी॥ हरि-सँदेस सुनि सहज मृतक भईं, इक बिरहिनि दूजे अलि जारी। सूर स्याम बिनु यों जीवति हैं ब्रजबनिता सब स्यामदुलारी॥१००॥

ati malīna bṛṣabhānukumārī| hari-sramajala aṃtara-tanu bhīje tā lālaca na dhuāvati sārī| adhomukha rahati uradha nahiṃ citavati jyoṃ gatha hāre thakita juārī| chūṭe cihura, badana kumhilāne, jyoṃ nalinī himakara kī mārī|| hari-sa~desa suni sahaja mṛtaka bhaīṃ, ika birahini dūje ali jārī| sūra syāma binu yoṃ jīvati haiṃ brajabanitā saba syāmadulārī||100||

ऊधो! तुम हौ अति बड़भागी। अपरस रहत सनेहतगा तें, नाहिंन मन अनुरागी॥ पुरइनि-पात रहत जल-भीतर ता रस देह न दागी। ज्यों जल माँह तेल की गागरि बूँद न ताके लागी॥ प्रीति-नदी में पावँ न बोस्यो, दृष्टि न रूप परागी। सूरदास अबला हम भोरी गुर चींटी ज्यों पागी॥१०१॥

ūdho! tuma hau ati baḍa़bhāgī| aparasa rahata sanehatagā teṃ, nāhiṃna mana anurāgī|| puraini-pāta rahata jala-bhītara tā rasa deha na dāgī| jyoṃ jala mā~ha tela kī gāgari bū~da na tāke lāgī|| prīti-nadī meṃ pāva~ na bosyo, dṛṣṭi na rūpa parāgī| sūradāsa abalā hama bhorī gura cīṃṭī jyoṃ pāgī||101||

ऊधो! यह मन और न होय। पहिले ही चढ़ि रह्यो स्याम-रँग छुटत न देख्यो धोय॥ कैतव-बचन छाँड़ि हरि हमको सोइ करैं जो मूल। जोग हमैं ऐसो लागत है ज्यों तोहि चंपक फूल॥ सूर, स्याममुख आनि दिखाओ जाहि निरखि करि जीजै॥१०२॥

ūdho! yaha mana aura na hoya| pahile hī caḍha़i rahyo syāma-ra~ga chuṭata na dekhyo dhoya|| kaitava-bacana chā~ḍa़i hari hamako soi karaiṃ jo mūla| joga hamaiṃ aiso lāgata hai jyoṃ tohi caṃpaka phūla|| sūra, syāmamukha āni dikhāo jāhi nirakhi kari jījai||102||

ऊधो! ना हम बिरही, ना तुम दास। कहत सुनत घट प्रान रहत हैं, हरि तजि भजहु अकास॥ बिरही मीन मरत जल बिछुरे छाँड़ि जियन की आस। दास-भाव नहिं तजत पपीहा बरु सहिं रहत पियास॥ प्रगट प्रीति दसरथ प्रतिपाली प्रीतम के बनवास। सूर स्याम सों दृढ़ब्रत कीन्हों मेटि जगत-उपहास॥१०३॥

ūdho! nā hama birahī, nā tuma dāsa| kahata sunata ghaṭa prāna rahata haiṃ, hari taji bhajahu akāsa|| birahī mīna marata jala bichure chā~ḍa़i jiyana kī āsa| dāsa-bhāva nahiṃ tajata papīhā baru sahiṃ rahata piyāsa|| pragaṭa prīti dasaratha pratipālī prītama ke banavāsa| sūra syāma soṃ dṛḍha़brata kīnhoṃ meṭi jagata-upahāsa||103||

ऊधो! कही सो बहुरि न कहियो। जौ तुम हमहिं जिवायो चाहौ अनबोले ह्वै रहियो॥ हमरे प्रान अघात होत हैं, तुम जानत हौ हाँसी। या जीवन तें मरन भलो है करवट लैबो कासी॥ जब हरि गवन कियौ पूरब लौं तब लिखि जोग पठायो। यह तन जरिकै भस्म ह्वै निबर्यौ बहुरि मसान जगायो॥ कै रे! मनोहर आनि मिलायो, कै लै चलु हम साथे। सूरदास अब मरन बन्यो है, पाप तिहारे माथे॥१०४॥

ūdho! kahī so bahuri na kahiyo| jau tuma hamahiṃ jivāyo cāhau anabole hvai rahiyo|| hamare prāna aghāta hota haiṃ, tuma jānata hau hā~sī| yā jīvana teṃ marana bhalo hai karavaṭa laibo kāsī|| jaba hari gavana kiyau pūraba lauṃ taba likhi joga paṭhāyo| yaha tana jarikai bhasma hvai nibaryau bahuri masāna jagāyo|| kai re! manohara āni milāyo, kai lai calu hama sāthe| sūradāsa aba marana banyo hai, pāpa tihāre māthe||104||

ऊधो! तुम अपनो जतन करौ। जाय करौ उपचार आपनो, हम जो कहत हैं जी की। कछू कहत कछुवै कहि डारत, धुन देखियत नहिं नीकी। साधु होय तेहि उत्तर दीजै तुमसों मानी हारि। याही तें तुम्हैं नँदनंदनजू यहाँ पठाए टारि॥ मथुरा बेगि गहौ इन पाँयन, उपज्यौ है तन रोग। सूर सुबैद बेगि किन ढूँढ़ौ भए अर्द्धजल जोग॥१०५॥

ūdho! tuma apano jatana karau| jāya karau upacāra āpano, hama jo kahata haiṃ jī kī| kachū kahata kachuvai kahi ḍārata, dhuna dekhiyata nahiṃ nīkī| sādhu hoya tehi uttara dījai tumasoṃ mānī hāri| yāhī teṃ tumhaiṃ na~danaṃdanajū yahā~ paṭhāe ṭāri|| mathurā begi gahau ina pā~yana, upajyau hai tana roga| sūra subaida begi kina ḍhū~ḍha़au bhae arddhajala joga||105||

ऊधो! जाके माथे भोग। कुबजा को पटरानी कीन्हों, हमहिं देत वैराग॥ तलफत फिरत सकल ब्रजबनिता चेरी चपरि *सोहाग। बन्यो बनायो संग सखी री! वै रे! हंस वै काग॥ लौंडी के घर डौंड़ी बाजी स्याम राग अनुराग। हाँसी, कमलनयन-संग खेलति बारहमासी फाग॥ जोग की बेलि लगावन आए काटि प्रेम को बाग। सूरदास प्रभु ऊख छाँड़ि कै चतुर चिचोरत आग॥१०६॥

ūdho! jāke māthe bhoga| kubajā ko paṭarānī kīnhoṃ, hamahiṃ deta vairāga|| talaphata phirata sakala brajabanitā cerī capari *sohāga| banyo banāyo saṃga sakhī rī! vai re! haṃsa vai kāga|| lauṃḍī ke ghara ḍauṃḍa़ī bājī syāma rāga anurāga| hā~sī, kamalanayana-saṃga khelati bārahamāsī phāga|| joga kī beli lagāvana āe kāṭi prema ko bāga| sūradāsa prabhu ūkha chā~ḍa़i kai catura cicorata āga||106||

ऊधो! अब यह समुझ भई। नँदनंदन के अंग अंग प्रति उपमा न्याय दई॥ कुंतल, कुटिल, भँवर, भरि भाँवरि मालति भुरै लई। तजत न गहरु कियो कपटी जब जानी निरस गई॥ आनन-इंदुबरन-सँमुख तजि करखे तें न नई। निरमोही नहिं नेह, कुमुदिनी अंतहि हेम हई॥ तन घनस्याम सेइ निसिबासर, रटि रसना छिजई। सूर विवेकहीन चातक-मुख बूँदौ तौ न सई॥१०७॥

ūdho! aba yaha samujha bhaī| na~danaṃdana ke aṃga aṃga prati upamā nyāya daī|| kuṃtala, kuṭila, bha~vara, bhari bhā~vari mālati bhurai laī| tajata na gaharu kiyo kapaṭī jaba jānī nirasa gaī|| ānana-iṃdubarana-sa~mukha taji karakhe teṃ na naī| niramohī nahiṃ neha, kumudinī aṃtahi hema haī|| tana ghanasyāma sei nisibāsara, raṭi rasanā chijaī| sūra vivekahīna cātaka-mukha bū~dau tau na saī||107||

ऊधो! हम अति निपट अनाथ। जैसे मधु तोरे की माखी त्यों हम बिनु ब्रजनाथ॥ अधर-अमृत की पीर मुई, हम बालदसा तें जोरी। सो तौ बधिक सुफलकसुत लै गयो अनायास ही तोरी॥ जब लगि पलक पानि मीड़ति रही तब लगि गए हरि दूरी। कै निरोध निबरे तिहि अवसर दै पग रथ की धूरी॥ सब दिन करी कृपन की संगति, कबहुँ न कीन्हों भोग। सूर बिधाता रचि राख्यो है, कुबजा के मुख-जोग॥१०८॥

ūdho! hama ati nipaṭa anātha| jaise madhu tore kī mākhī tyoṃ hama binu brajanātha|| adhara-amṛta kī pīra muī, hama bāladasā teṃ jorī| so tau badhika suphalakasuta lai gayo anāyāsa hī torī|| jaba lagi palaka pāni mīḍa़ti rahī taba lagi gae hari dūrī| kai nirodha nibare tihi avasara dai paga ratha kī dhūrī|| saba dina karī kṛpana kī saṃgati, kabahu~ na kīnhoṃ bhoga| sūra bidhātā raci rākhyo hai, kubajā ke mukha-joga||108||

ऊधो! ब्रज की दसा बिचारौ। ता पाछे यह सिद्धि आपनी जोगकथा बिस्तारौ॥ जेहि कारन पठए नँदनंदन सो सोचहु मन माहीं। केतिक बीच बिरह परमारथ जानत हौ किधौं नाहीं॥ तुम निज दास जो सखा स्याम के संतत निकट रहत हौ। जल बूड़त अवलम्ब फेन को फिरि फिरि कहा गहत हौ॥ वै अति ललित मनोहर आनन कैसे मनहिं बिसारौं। जोग जुक्ति औ मुक्ति बिबिध बिधि वा मुरली पर वारौं॥ जेहि उर बसे स्यामसुंदर घन क्यों निर्गुन कहि आवै। सूरस्याम सोइ भजन बहावै जाहि दूसरो भावै॥१०९॥

ūdho! braja kī dasā bicārau| tā pāche yaha siddhi āpanī jogakathā bistārau|| jehi kārana paṭhae na~danaṃdana so socahu mana māhīṃ| ketika bīca biraha paramāratha jānata hau kidhauṃ nāhīṃ|| tuma nija dāsa jo sakhā syāma ke saṃtata nikaṭa rahata hau| jala būḍa़ta avalamba phena ko phiri phiri kahā gahata hau|| vai ati lalita manohara ānana kaise manahiṃ bisārauṃ| joga jukti au mukti bibidha bidhi vā muralī para vārauṃ|| jehi ura base syāmasuṃdara ghana kyoṃ nirguna kahi āvai| sūrasyāma soi bhajana bahāvai jāhi dūsaro bhāvai||109||

निसिदिन नयन तपत दरसन को तुम जो कहत हिय-माहे॥ नींद न परति चहूं दिसि चितवति बिरह-अनल के दाहै। उर तेँ निकसि करत क्यों न सीतल जो पै कान्ह यहाँ है॥ पा लागों ऐसेहि रहन दे अवधि-आस-जल-थाहै। जनि बोरहि निर्गुन-समुद्र में, फिरि न पायहौ चाहे॥ जाको मन जाही तेँ राच्यो तासों बनै निबाहे। सूर कहा लै करै पपीहा एते सर सरिता हैं?॥११०॥

nisidina nayana tapata darasana ko tuma jo kahata hiya-māhe|| nīṃda na parati cahūṃ disi citavati biraha-anala ke dāhai| ura te~ nikasi karata kyoṃ na sītala jo pai kānha yahā~ hai|| pā lāgoṃ aisehi rahana de avadhi-āsa-jala-thāhai| jani borahi nirguna-samudra meṃ, phiri na pāyahau cāhe|| jāko mana jāhī te~ rācyo tāsoṃ banai nibāhe| sūra kahā lai karai papīhā ete sara saritā haiṃ?||110||

ऊधो! ब्रज में पैठ करी। यह निर्गुन, निर्मूल गाठरी अब किन करहु खरी॥ नफा जानिकै ह्याँ लै आए सबै बस्तु अकरी। यह सौदा तुम ह्वाँ लै बेंचौ जहाँ बड़ी नगरी॥ हम ग्वालिन, गोरस दधि बेंचौ, लेहिं अबै सबरी। सूर यहाँ कोउ गाहक नाहीं देखियत गरे परी॥१११॥

ūdho! braja meṃ paiṭha karī| yaha nirguna, nirmūla gāṭharī aba kina karahu kharī|| naphā jānikai hyā~ lai āe sabai bastu akarī| yaha saudā tuma hvā~ lai beṃcau jahā~ baḍa़ī nagarī|| hama gvālina, gorasa dadhi beṃcau, lehiṃ abai sabarī| sūra yahā~ kou gāhaka nāhīṃ dekhiyata gare parī||111||

गुप्त मते की बात कहौ जनि कहुँ काहू के आगे। कै हम जानैं कै तुम, ऊधो! इतनो पावैं माँगे॥ एक बेर खेलत बृँदाबन कंटक चुभि गयो पाँय। कंटक सों कंटक लै काढ्यो अपने हाथ सुभाय॥ एक दिवस बिहरत बन-भीतर मैं जो सुनाई भूख। पाके फल वै देखि मनोहर चढ़े कृपा करि रूख॥ ऐसी प्रीति हमारी उनकी बसते गोकुल-बास। सूरदास प्रभु सब बिसराई मधुबन कियो निवास॥११२॥

gupta mate kī bāta kahau jani kahu~ kāhū ke āge| kai hama jānaiṃ kai tuma, ūdho! itano pāvaiṃ mā~ge|| eka bera khelata bṛ~dābana kaṃṭaka cubhi gayo pā~ya| kaṃṭaka soṃ kaṃṭaka lai kāḍhyo apane hātha subhāya|| eka divasa biharata bana-bhītara maiṃ jo sunāī bhūkha| pāke phala vai dekhi manohara caḍha़e kṛpā kari rūkha|| aisī prīti hamārī unakī basate gokula-bāsa| sūradāsa prabhu saba bisarāī madhubana kiyo nivāsa||112||

मधुकर! राखु जोग की बात। कहि कहि कथा स्यामसुंदर की सीतल करु सब गात॥ तेहि निर्गुन गुनहीन गुनैबो सुनि सुंदरि अनखात। हम तन हेरि, चितै अपनो पट देखि पसारहि लात। सूरदास वा सगुन छाँड़ि छन जैसे कल्प बिहात॥११३॥

madhukara! rākhu joga kī bāta| kahi kahi kathā syāmasuṃdara kī sītala karu saba gāta|| tehi nirguna gunahīna gunaibo suni suṃdari anakhāta| hama tana heri, citai apano paṭa dekhi pasārahi lāta| sūradāsa vā saguna chā~ḍa़i chana jaise kalpa bihāta||113||

ऊधो! तुम अति चतुर सुजान। जे पहिले रँग रंगी स्यामरँग तिन्हैं न चढ़ै रँग आन॥ द्वै लोचन जो विरद किए स्रुति गावत एक समान। भेद चकोर कियो तिनहू में बिधु प्रीतम, रिपु भान॥ बिरहिनि बिरह भजै पा लागों तुम हौ पूरन-ज्ञान। दादुर जल बिनु जियै पवन भखि, मीन तजै हठि प्रान॥ सूरदास गोपीन प्रतिज्ञा, छुवत न जोग बिरान॥११४॥

ūdho! tuma ati catura sujāna| je pahile ra~ga raṃgī syāmara~ga tinhaiṃ na caḍha़ai ra~ga āna|| dvai locana jo virada kie sruti gāvata eka samāna| bheda cakora kiyo tinahū meṃ bidhu prītama, ripu bhāna|| birahini biraha bhajai pā lāgoṃ tuma hau pūrana-jñāna| dādura jala binu jiyai pavana bhakhi, mīna tajai haṭhi prāna|| sūradāsa gopīna pratijñā, chuvata na joga birāna||114||

ऊधो! कोकिल कूजत कानन। तुम हमको उपदेस करत हौ भस्म लगावन आनन॥ औरों सब तजि, सिंगी लै लै टेरन, चढ़न पखानन। पै नित आनि पपीहा के मिस मदन हनत निज बानन॥ हम तौ निपट अहीरि बावरी जोग दीजिए ज्ञानिन। कहा कथत मामी के आगे जानत नानी नानन॥ सुन्दरस्याम मनोहर मूरति भावति नीके गानन। सूर मुकुति कैसे पूजति है वा मुरली को तानन?॥११५॥

ūdho! kokila kūjata kānana| tuma hamako upadesa karata hau bhasma lagāvana ānana|| auroṃ saba taji, siṃgī lai lai ṭerana, caḍha़na pakhānana| pai nita āni papīhā ke misa madana hanata nija bānana|| hama tau nipaṭa ahīri bāvarī joga dījie jñānina| kahā kathata māmī ke āge jānata nānī nānana|| sundarasyāma manohara mūrati bhāvati nīke gānana| sūra mukuti kaise pūjati hai vā muralī ko tānana?||115||

ऊधो, हम अजान मतिभोरी। जानति हैं ते जोग की बातें नागरि नवल किसोरी॥ कहौ कौन पै कढ़त कनूकी जिन हठि भूसी पछोरी॥ यह ब्यवहार तिहारो, बलि बलि! हम अबला मति थोरी। निरखहिं सूर स्याम-मुख चंदहि अँखिया लगनि-चकोरी॥११६॥

ūdho, hama ajāna matibhorī| jānati haiṃ te joga kī bāteṃ nāgari navala kisorī|| kahau kauna pai kaḍha़ta kanūkī jina haṭhi bhūsī pachorī|| yaha byavahāra tihāro, bali bali! hama abalā mati thorī| nirakhahiṃ sūra syāma-mukha caṃdahi a~khiyā lagani-cakorī||116||

ऊधो! कमलनयन बिनु रहिए। तन मलीन, मन कमलनयन सों मिलिबे की धरि आस। सूरदास स्वामी बिन देखे लोचन मरत पियास॥११७॥

ūdho! kamalanayana binu rahie| tana malīna, mana kamalanayana soṃ milibe kī dhari āsa| sūradāsa svāmī bina dekhe locana marata piyāsa||117||

यह तो वेद उपनिषद मत है महापुरुष ब्रतधारी। हम अहीरि अबला ब्रजबासिनि नाहिंन परत सँभारी॥ सूर स्याम-सँग जात भयो मन अहि केंचुलि सी डारी॥११८॥

yaha to veda upaniṣada mata hai mahāpuruṣa bratadhārī| hama ahīri abalā brajabāsini nāhiṃna parata sa~bhārī|| sūra syāma-sa~ga jāta bhayo mana ahi keṃculi sī ḍārī||118||

ऊधो! जो तुम हमहिं सुनायो। सो हम निपट कठिनई करिकै या मन कोँ समुझायो॥ जुगुति जतन करि हमहुँ ताहि गहि सुपथ पंथ लौँ लायो। भटकि फिर्यो बोहित के खग ज्योँ, पुनि फिरि हरि पै आयो॥ हमको सबै अहित लागति है तुम अति हितहि बतायो। अब वैसो उपाय उपदेसौं जिहि जिय जात जियायो। एक बार जौ मिलहिं सूर प्रभु कीजै अपनो भायो॥११९॥

ūdho! jo tuma hamahiṃ sunāyo| so hama nipaṭa kaṭhinaī karikai yā mana ko~ samujhāyo|| juguti jatana kari hamahu~ tāhi gahi supatha paṃtha lau~ lāyo| bhaṭaki phiryo bohita ke khaga jyo~, puni phiri hari pai āyo|| hamako sabai ahita lāgati hai tuma ati hitahi batāyo| aba vaiso upāya upadesauṃ jihi jiya jāta jiyāyo| eka bāra jau milahiṃ sūra prabhu kījai apano bhāyo||119||

ऊधो! जोग बिसरि जनि जाहु। बाँधहु गाँठि कहूँ जनि छूटै फिरि पाछे पछिताहु॥ ऐसी बस्तु अनूपम मधुकर मरम न जानै और। ब्रजबासिन के नाहिं काम की, तुम्हरे ही है ठौर॥ जो हरि हित करि हमको पठयो सो हम तुमको दीन्हीं। सूरदास नरियर ज्यों विष को करै बंदना कीन्हीं॥१२०॥

ūdho! joga bisari jani jāhu| bā~dhahu gā~ṭhi kahū~ jani chūṭai phiri pāche pachitāhu|| aisī bastu anūpama madhukara marama na jānai aura| brajabāsina ke nāhiṃ kāma kī, tumhare hī hai ṭhaura|| jo hari hita kari hamako paṭhayo so hama tumako dīnhīṃ| sūradāsa nariyara jyoṃ viṣa ko karai baṃdanā kīnhīṃ||120||

ऊधो! प्रीति न मरन बिचारै। प्रीति पतंग जरै पावक परि, जरत अंग नहिं टारै॥ प्रीति परेवा उड़त गगन चढ़ि गिरत न आप सम्हारै। प्रीति मधुप केतकी-कुसुम बसि कंटक आपु प्रहारै॥ प्रीति जानु जैसे पय पानी जानि अपनपो जारै। प्रीति कुरंग नादरस, लुब्धक तानि तानि सर मारै॥ सूर स्याम सोँ प्रीति गोपिन की कहु कैसे निरुवारै॥१२१॥

ūdho! prīti na marana bicārai| prīti pataṃga jarai pāvaka pari, jarata aṃga nahiṃ ṭārai|| prīti parevā uḍa़ta gagana caḍha़i girata na āpa samhārai| prīti madhupa ketakī-kusuma basi kaṃṭaka āpu prahārai|| prīti jānu jaise paya pānī jāni apanapo jārai| prīti kuraṃga nādarasa, lubdhaka tāni tāni sara mārai|| sūra syāma so~ prīti gopina kī kahu kaise niruvārai||121||

ऊधो! जाहु तुम्हैं हम जाने। स्याम तुम्हैं ह्याँ नाहिं पठाए तुम हौ बीच भुलाने॥ ब्रजवासिन सौँ जोग कहत हौ, बातहु कहन न जाने। बड़ लागै न विवेक तुम्हारो ऐसे नए अयाने॥ हमसोँ कही लई सो सहिकै जिय गुनि लेहु अपाने॥ कहँ अबला कहँ दसा दिगंबर सँमुख करौ, पहिचाने॥ सांच कहौ तुमको अपनी सौं बूझति बात निदाने। सूर स्याम जब तुम्हैं पठाए तब नेकहु मुसुकाने?॥१२२॥

ūdho! jāhu tumhaiṃ hama jāne| syāma tumhaiṃ hyā~ nāhiṃ paṭhāe tuma hau bīca bhulāne|| brajavāsina sau~ joga kahata hau, bātahu kahana na jāne| baḍa़ lāgai na viveka tumhāro aise nae ayāne|| hamaso~ kahī laī so sahikai jiya guni lehu apāne|| kaha~ abalā kaha~ dasā digaṃbara sa~mukha karau, pahicāne|| sāṃca kahau tumako apanī sauṃ būjhati bāta nidāne| sūra syāma jaba tumhaiṃ paṭhāe taba nekahu musukāne?||122||

ऊधो! स्यामसखा तुम सांचे। कै करि लियो स्वांग बीचहि तें, वैसेहि लागत कांचे। जैसी कही हमहिं आवत ही औरनि कही पछिताते। अपनो पति तजि और बतावत महिमानी कछु खाते॥ सूर सुनत गोपिन की बानी उद्धव सीस नवाए॥१२३॥

ūdho! syāmasakhā tuma sāṃce| kai kari liyo svāṃga bīcahi teṃ, vaisehi lāgata kāṃce| jaisī kahī hamahiṃ āvata hī aurani kahī pachitāte| apano pati taji aura batāvata mahimānī kachu khāte|| sūra sunata gopina kī bānī uddhava sīsa navāe||123||

ऊधोजू! देखे हौ ब्रज जात। जाय कहियो स्याम सों या विरह को उत्पात॥ नयनन कछु नहिं सूझई, कछु श्रवन सुनत न बात। स्याम बिन आंसुवन बूड़त दुसह धुनि भइ बात॥ आइए तो आइए, जिय बहुरि सरीर समात। सूर के प्रभु बहुरि मिलिहौ पाछे हू पछितात॥१२४॥

ūdhojū! dekhe hau braja jāta| jāya kahiyo syāma soṃ yā viraha ko utpāta|| nayanana kachu nahiṃ sūjhaī, kachu śravana sunata na bāta| syāma bina āṃsuvana būḍa़ta dusaha dhuni bhai bāta|| āie to āie, jiya bahuri sarīra samāta| sūra ke prabhu bahuri milihau pāche hū pachitāta||124||

ऊधो! बेगि मधुबन जाहु। जोग लेहु संभारि अपनो बेंचिए जहँ लाहु॥ तहां दीजै मूर पूजै, नफा कछु तुम खाहु॥ जौ नहीं ब्रज में बिकानो नगरनारि बिसाहु। सूर वै सब सुनत लैहैं जिय कहा पछिताहु॥१२५॥

ūdho! begi madhubana jāhu| joga lehu saṃbhāri apano beṃcie jaha~ lāhu|| tahāṃ dījai mūra pūjai, naphā kachu tuma khāhu|| jau nahīṃ braja meṃ bikāno nagaranāri bisāhu| sūra vai saba sunata laihaiṃ jiya kahā pachitāhu||125||

ऊधो! कछु कछु समुझि परी। तुम जो हमको जोग लाए भली करनि करी॥ एक बिरह जरि रहीं हरि के, सुनत अतिहि जरी। जाहु जनि अब लोन लावहु देखि तुमहिं डरी॥ जोग-पाती दई तुम कर बड़े जान हरी। आनि आस निरास कीन्ही, सूर सुनि हहरी॥१२६॥

ūdho! kachu kachu samujhi parī| tuma jo hamako joga lāe bhalī karani karī|| eka biraha jari rahīṃ hari ke, sunata atihi jarī| jāhu jani aba lona lāvahu dekhi tumahiṃ ḍarī|| joga-pātī daī tuma kara baḍa़e jāna harī| āni āsa nirāsa kīnhī, sūra suni haharī||126||

ऊधो! सुनत तिहारे बोल। ल्याए हरि-कुसलात धन्य तुम घर घर पार्यो गोल॥ कहन देहु कह करै हमारो बरि उड़ि जैहै झोल। आवत ही याको पहिंचान्यो निपटहि ओछो तोल॥ जिनके सोचन रही कहिबे तें, ते बहु गुननि अमोल। जानी जाति सूर हम इनकी बतचल चंचल लोल॥१२७॥

ūdho! sunata tihāre bola| lyāe hari-kusalāta dhanya tuma ghara ghara pāryo gola|| kahana dehu kaha karai hamāro bari uḍa़i jaihai jhola| āvata hī yāko pahiṃcānyo nipaṭahi ocho tola|| jinake socana rahī kahibe teṃ, te bahu gunani amola| jānī jāti sūra hama inakī batacala caṃcala lola||127||

ज्यों त्रिदोष उपजे जक लागति, निकसत बचन न सूधो॥ आपन तौ उपचार करौ कछु तब औरन सिख देहु। मेरे कहे बनाय न राखौ थिर कै कतहूँ गेहु॥ जौ तुम पद्मपराग छांड़िकै करहु ग्राम-बसबास। तौ हम सूर यहौ करि देखैं निमिष छांड़हीं पास॥१२८॥

jyoṃ tridoṣa upaje jaka lāgati, nikasata bacana na sūdho|| āpana tau upacāra karau kachu taba aurana sikha dehu| mere kahe banāya na rākhau thira kai katahū~ gehu|| jau tuma padmaparāga chāṃḍa़ikai karahu grāma-basabāsa| tau hama sūra yahau kari dekhaiṃ nimiṣa chāṃḍa़hīṃ pāsa||128||

ऊधो! जानि परे सयान। नारियन को जोग लाए, भले जान सुजान॥ निगम हूँ नहिं पार पायो कहत जासों ज्ञान। नयनत्रिकुटी जोरि संगम जेहि करत अनुमान॥ पवन धरि रबि-तन निहारत, मनहिं राख्यो मारि। सूर सो मन हाथ नाहीं गयो संग बिसारि॥१२९॥

ūdho! jāni pare sayāna| nāriyana ko joga lāe, bhale jāna sujāna|| nigama hū~ nahiṃ pāra pāyo kahata jāsoṃ jñāna| nayanatrikuṭī jori saṃgama jehi karata anumāna|| pavana dhari rabi-tana nihārata, manahiṃ rākhyo māri| sūra so mana hātha nāhīṃ gayo saṃga bisāri||129||

ऊधो! मन नहिं हाथ हमारे। रथ चढ़ाय हरि संग गए लै मथुरा जबै सिधारे॥ नातरु कहा जोग हम छांड़हि अति रुचि कै तुम ल्याए। हम तौ झकति स्याम की करनी, मन लै जोग पठाए॥ अजहूँ मन अपनो हम पावैं तुमतें होय तो होय। सूर, सपथ हमैं कोटि तिहारी कहौ करैंगी सोय॥१३०॥

ūdho! mana nahiṃ hātha hamāre| ratha caḍha़āya hari saṃga gae lai mathurā jabai sidhāre|| nātaru kahā joga hama chāṃḍa़hi ati ruci kai tuma lyāe| hama tau jhakati syāma kī karanī, mana lai joga paṭhāe|| ajahū~ mana apano hama pāvaiṃ tumateṃ hoya to hoya| sūra, sapatha hamaiṃ koṭi tihārī kahau karaiṃgī soya||130||

ऊधो! जोग सुन्यो हम दुर्लभ। आपु कहत हम सुनत अचंभित जानत हौ जिय सुल्लभ॥ रेख न रूप बरन जाके नहिं ताकों हमैं बतावत।

ūdho! joga sunyo hama durlabha| āpu kahata hama sunata acaṃbhita jānata hau jiya sullabha|| rekha na rūpa barana jāke nahiṃ tākoṃ hamaiṃ batāvata|

ऊधो! मन माने की बात। जरत पतंग दीप में जैसे, औ फिरि फिरि लपटात॥ रहत चकोर पुहुमि पर, मधुकर! ससि अकास भरमात। ऐसो ध्यान धरो हरिजू पै छन इत उत नहिं जात॥ दादुर रहत सदा जल-भीतर कमलहिं नहिं नियरात। काठ फोरि घर कियो मधुप पै बंधे अंबुज के पात॥ बरषा बरसत निसिदिन, ऊधो! पुहुमी पूरि अघात। स्वाति-बूंद के काज पपीहा छन छन रटत रहात॥ सेहि न खात अमृतफल भोजन तोमरि को ललचात। सूर कृस्न कुबरी रीझे गोपिन देखि लजात॥१३८॥

ūdho! mana māne kī bāta| jarata pataṃga dīpa meṃ jaise, au phiri phiri lapaṭāta|| rahata cakora puhumi para, madhukara! sasi akāsa bharamāta| aiso dhyāna dharo harijū pai chana ita uta nahiṃ jāta|| dādura rahata sadā jala-bhītara kamalahiṃ nahiṃ niyarāta| kāṭha phori ghara kiyo madhupa pai baṃdhe aṃbuja ke pāta|| baraṣā barasata nisidina, ūdho! puhumī pūri aghāta| svāti-būṃda ke kāja papīhā chana chana raṭata rahāta|| sehi na khāta amṛtaphala bhojana tomari ko lalacāta| sūra kṛsna kubarī rījhe gopina dekhi lajāta||138||

ऊधो! खरिऐ जरी हरि के सूलन की। कुंज कलोल करे बन ही बन सुधि बिसरी वा भूलन की। ब्रज हम दौरि आँक भरि लीन्ही देखि छाँह नव मूलन की॥ अब वह प्रीति कहाँ लौं बरनौं वा जमुना के कूलन की॥ वह छवि छाकि रहे दोउ लोचन बहियां गहि बन झूलन की। खटकति है वह सूर हिये मों माल दई मोहिं फूलन की॥१३९॥

ūdho! khariai jarī hari ke sūlana kī| kuṃja kalola kare bana hī bana sudhi bisarī vā bhūlana kī| braja hama dauri ā~ka bhari līnhī dekhi chā~ha nava mūlana kī|| aba vaha prīti kahā~ lauṃ baranauṃ vā jamunā ke kūlana kī|| vaha chavi chāki rahe dou locana bahiyāṃ gahi bana jhūlana kī| khaṭakati hai vaha sūra hiye moṃ māla daī mohiṃ phūlana kī||139||

मधुकर! हम न होहिं वे बेली। जिनको तुम तजि भजत प्रीति बिनु करत कुसुमरस-केली॥ बारे तें बलबीर बढ़ाई पोसी प्याई पानी। बिन पिय-परस प्रात उठि फूलन होत सदा हित-हानी॥ ये बल्ली बिहरत बृंदावन अरुझीं स्याम-तमालहिं। प्रेमपुष्प-रस-बास हमारे बिलसत मधुप गोपालहिं॥ जोग-समीर धीर नहिं डोलत, रूपडार-ढिग लागी। सूर पराग न तजत हिये तें कमल-नयन-अनुरागी॥१४०॥

madhukara! hama na hohiṃ ve belī| jinako tuma taji bhajata prīti binu karata kusumarasa-kelī|| bāre teṃ balabīra baḍha़āī posī pyāī pānī| bina piya-parasa prāta uṭhi phūlana hota sadā hita-hānī|| ye ballī biharata bṛṃdāvana arujhīṃ syāma-tamālahiṃ| premapuṣpa-rasa-bāsa hamāre bilasata madhupa gopālahiṃ|| joga-samīra dhīra nahiṃ ḍolata, rūpaḍāra-ḍhiga lāgī| sūra parāga na tajata hiye teṃ kamala-nayana-anurāgī||140||

मधुकर! स्याम हमारे ईस। जिनको ध्यान धरे उर-अंतर आनहिं नए न उन बिंन सीस॥ जोगिन जाय जोग उपदेसौ जिनके मन दस बीस। एकै मन, एकै वह मूरति, नित बितवत दिन तीस॥ काहे निर्गुन-ज्ञान आपुनो जित तित डारत खीस। सूर प्रभू नंदनंदन हैं उनतें को जगदीस?॥१४१॥

madhukara! syāma hamāre īsa| jinako dhyāna dhare ura-aṃtara ānahiṃ nae na una biṃna sīsa|| jogina jāya joga upadesau jinake mana dasa bīsa| ekai mana, ekai vaha mūrati, nita bitavata dina tīsa|| kāhe nirguna-jñāna āpuno jita tita ḍārata khīsa| sūra prabhū naṃdanaṃdana haiṃ unateṃ ko jagadīsa?||141||

मधुकर! तुम हौ स्याम-सखाई। पा लागों यह दोष बकसियो संमुख करत ढिठाई॥ सूरदास तू फिरि फिरि आवत यामें कौन बड़ाई?॥१४२॥

madhukara! tuma hau syāma-sakhāī| pā lāgoṃ yaha doṣa bakasiyo saṃmukha karata ḍhiṭhāī|| sūradāsa tū phiri phiri āvata yāmeṃ kauna baḍa़āī?||142||

मधुकर! मन तो एकै आहि। रे सठ, कुटिल-बचन, रसलंपट! अबलन तन धौं चाहि। अब काहे को देत लोन हौ बिरहअनल तन दाहि॥ परमारथ उपचार करत हौ, बिरहव्यथा नहिं जाहि। जाको राजदोष कफ ब्यापै दही खवावत ताहि॥ सुंदरस्याम-सलोनी-मूरति पूरि रही हिय माहिं। सूर ताहि तजि निर्गुन-सिंधुहि कौन सकै अवगाहि?॥१४३॥

madhukara! mana to ekai āhi| re saṭha, kuṭila-bacana, rasalaṃpaṭa! abalana tana dhauṃ cāhi| aba kāhe ko deta lona hau birahaanala tana dāhi|| paramāratha upacāra karata hau, birahavyathā nahiṃ jāhi| jāko rājadoṣa kapha byāpai dahī khavāvata tāhi|| suṃdarasyāma-salonī-mūrati pūri rahī hiya māhiṃ| sūra tāhi taji nirguna-siṃdhuhi kauna sakai avagāhi?||143||

मधुकर! छाँड़ु अटपटी बातें। फिरि फिरि बार बार सोइ सिखवत हम दुख पावति जातें॥ अनुदिन देति असीस प्रांत उठि, अरु सुख सोवत न्हातें। तुम निसिदिन उर-अंतर सोचत ब्रजजुबतिन को घातें॥ पुनि पुनि तुम्हैं कहत क्यों आवै, कछु जाने यहि नाते। सूरदास जो रंगी स्यामरंग फिरि न चढ़त अब राते॥१४४॥

madhukara! chā~ḍa़u aṭapaṭī bāteṃ| phiri phiri bāra bāra soi sikhavata hama dukha pāvati jāteṃ|| anudina deti asīsa prāṃta uṭhi, aru sukha sovata nhāteṃ| tuma nisidina ura-aṃtara socata brajajubatina ko ghāteṃ|| puni puni tumhaiṃ kahata kyoṃ āvai, kachu jāne yahi nāte| sūradāsa jo raṃgī syāmaraṃga phiri na caḍha़ta aba rāte||144||

मधुप! रावरी पहिचानि। बास रस लै अनत बैठे पुहुप को तजि कानि॥ बाटिका बहु बिपिन जाके एक जौ कुम्हलानि। कामपावक जरति छाती लोन लाए आनि। जोग-पाती हाथ दीन्हीं बिप चढ़ायो सानि॥ सीस तें मनि हरी जिनके कौन तिनमें बानि। सूर के प्रभु निरखि हिरदय ब्रज तज्यो यह जानि॥१४५॥

madhupa! rāvarī pahicāni| bāsa rasa lai anata baiṭhe puhupa ko taji kāni|| bāṭikā bahu bipina jāke eka jau kumhalāni| kāmapāvaka jarati chātī lona lāe āni| joga-pātī hātha dīnhīṃ bipa caḍha़āyo sāni|| sīsa teṃ mani harī jinake kauna tinameṃ bāni| sūra ke prabhu nirakhi hiradaya braja tajyo yaha jāni||145||

मधुकर! स्याम हमारे चोर। मन हरि लियो माधुरी मूरति चितै नयन की कोर॥ पकर्यो तेहि हिरदय उर-अंतर प्रेम-प्रीति के जोर। गए छंड़ाय छोरि सब बंधन दै गए हँसनि अंकोर॥ सोवत तें हम उचकि परी हैं दूत मिल्यो मोहिं भोर। सूर स्याम मुसकनि मेरो सर्वस लै गए नंदकिसोर॥१४६॥

madhukara! syāma hamāre cora| mana hari liyo mādhurī mūrati citai nayana kī kora|| pakaryo tehi hiradaya ura-aṃtara prema-prīti ke jora| gae chaṃḍa़āya chori saba baṃdhana dai gae ha~sani aṃkora|| sovata teṃ hama ucaki parī haiṃ dūta milyo mohiṃ bhora| sūra syāma musakani mero sarvasa lai gae naṃdakisora||146||

मधुकर! समुझि कहौ मुख बात। बीच जो परै सत्य सो भाखै, बोलै सत्य स्वरूप। मुख देखत को न्याव न कीजै, कहा रंक कह भूप॥ कछु कहत कछुऐ मुख निकसत, परनिंदक व्यभिचारी। ब्रजजुवतिन को जोग सिखावत कीरति आनि पसारी॥ परम गुरू सिर मूँडि बापुरे करमुख छार लगाई॥ यहै अनीति बिधाता कीन्हीं तौऊ समुझत नाहीं। जो कोउ परहित कूप खनावै परै सो कूपहि माहीं॥ तब अक्रूर अबै इन ऊधो दुहुँ मिलि छाती जारी॥१४७॥

madhukara! samujhi kahau mukha bāta| bīca jo parai satya so bhākhai, bolai satya svarūpa| mukha dekhata ko nyāva na kījai, kahā raṃka kaha bhūpa|| kachu kahata kachuai mukha nikasata, paraniṃdaka vyabhicārī| brajajuvatina ko joga sikhāvata kīrati āni pasārī|| parama gurū sira mū~ḍi bāpure karamukha chāra lagāī|| yahai anīti bidhātā kīnhīṃ tauū samujhata nāhīṃ| jo kou parahita kūpa khanāvai parai so kūpahi māhīṃ|| taba akrūra abai ina ūdho duhu~ mili chātī jārī||147||

मधुकर! हम जो कहौ करैं। पठयो है गोपाल कृपा कै आयसु तें न टरैं॥ रसना वारि फेरि नव खंड कै, दै निर्गुन के साथ। इतनी तनक बिलग जनि-मानहुँ, अँखियाँ नाहीं हाथ॥ सेवा कठिन, अपूरब दरसन कहत अबहुँ मैं फेरि। कहियो जाय सूर के प्रभु सों केरा पास ज्यों बेरि॥१४८॥

madhukara! hama jo kahau karaiṃ| paṭhayo hai gopāla kṛpā kai āyasu teṃ na ṭaraiṃ|| rasanā vāri pheri nava khaṃḍa kai, dai nirguna ke sātha| itanī tanaka bilaga jani-mānahu~, a~khiyā~ nāhīṃ hātha|| sevā kaṭhina, apūraba darasana kahata abahu~ maiṃ pheri| kahiyo jāya sūra ke prabhu soṃ kerā pāsa jyoṃ beri||148||

मधुकर! तौ औरनि सिख देहु। जानौगे जब लागैगो, हो, खरो कठिन है नेहु॥ मन जो तिहारो हरिचरनन-तर, तन धरि गोकुल आयो। ह्याँई रहौ जाहु जनि मथुरा, झूठो माया-मोहु। गोपी सूर कहत ऊधो सों हमहीं से तुम होहु॥१४९॥

madhukara! tau aurani sikha dehu| jānauge jaba lāgaigo, ho, kharo kaṭhina hai nehu|| mana jo tihāro haricaranana-tara, tana dhari gokula āyo| hyā~ī rahau jāhu jani mathurā, jhūṭho māyā-mohu| gopī sūra kahata ūdho soṃ hamahīṃ se tuma hohu||149||

मधुकर! जानत नाहिंन बात। फूँकि फूँकि हियरा सुलगावत उठि न यहाँ तें जात॥ जदपि सकल बल्ली बन बिहरत जाय बसत जलजात। सूरदास ब्रज मिले बनि आवै? दासी की कुसलात॥१५०॥

madhukara! jānata nāhiṃna bāta| phū~ki phū~ki hiyarā sulagāvata uṭhi na yahā~ teṃ jāta|| jadapi sakala ballī bana biharata jāya basata jalajāta| sūradāsa braja mile bani āvai? dāsī kī kusalāta||150||

दृष्टि-धार करि मारि साँवरे घायल सब ब्रजनारि॥ रही सुखेत ठौर बृन्दाबन, रनहु न मानति हारि। बिलपति रही संभारत छन छन बदन-सुधाकर-बारि॥ सुंदरस्याम-मनोहर-मूरति रहिहौं छबिहि निहारि। रंचक सेष रही सूर प्रभु अब जनि डारौ मारि॥१५१॥

dṛṣṭi-dhāra kari māri sā~vare ghāyala saba brajanāri|| rahī sukheta ṭhaura bṛndābana, ranahu na mānati hāri| bilapati rahī saṃbhārata chana chana badana-sudhākara-bāri|| suṃdarasyāma-manohara-mūrati rahihauṃ chabihi nihāri| raṃcaka seṣa rahī sūra prabhu aba jani ḍārau māri||151||

सिखवहु ताहि समाधि की बातें जैहैं लोग सयाने। हम अपने ब्रज ऐसेहि बसिहैं बिरह-बाय-बौराने॥ सोवत जागत सपने सौंतुख रहिहैं सो पति माने। बालकुमार किसोर को लीलासिंधु सो तामें साने॥ जाके तन धन प्रान सूर हरि-मुख-मुसुकानि बिकाने॥१५२॥

sikhavahu tāhi samādhi kī bāteṃ jaihaiṃ loga sayāne| hama apane braja aisehi basihaiṃ biraha-bāya-baurāne|| sovata jāgata sapane sauṃtukha rahihaiṃ so pati māne| bālakumāra kisora ko līlāsiṃdhu so tāmeṃ sāne|| jāke tana dhana prāna sūra hari-mukha-musukāni bikāne||152||

मधुकर! ये मन बिगरि परे। समुझत नाहिं ज्ञानगीता को हरि-मुसुकानि अरे॥ बालमुकुंद-रूप-रसराचे तातें बक्र खरे। होय न सूधी स्वान पूँछि ज्यों कोटिक जतन करे॥ हरि-पद-नलिन बिसारत नाहीं सीतल उर संचरे। जोग गंभीर है अंधकूप तेहि देखत दूरि डरे॥ हरि-अनुराग सुहाग भाग भरे अमिय तें गरल गरे। सूरदास बरु ऐसेहि रहिहैं कान्हबियोग-भरे॥१५३॥

madhukara! ye mana bigari pare| samujhata nāhiṃ jñānagītā ko hari-musukāni are|| bālamukuṃda-rūpa-rasarāce tāteṃ bakra khare| hoya na sūdhī svāna pū~chi jyoṃ koṭika jatana kare|| hari-pada-nalina bisārata nāhīṃ sītala ura saṃcare| joga gaṃbhīra hai aṃdhakūpa tehi dekhata dūri ḍare|| hari-anurāga suhāga bhāga bhare amiya teṃ garala gare| sūradāsa baru aisehi rahihaiṃ kānhabiyoga-bhare||153||

मधुकर! जौ तुम हितू हमारे। तौ या भजन-सुधानिधि में जनि डारौ जोग-जल खारे॥ जो भयभीत होत रजु देखत क्यों बढ़वत अहि कारे॥ निज कृत बूझि, बिना दसनन हति तजत धाम नहिं हारे। सो बल अछत निसा पंकज में दल-कपाट नहिं टारे॥ सूर स्याम-छबि क्यों बिसरत है नखसिख अंग बिराज?॥१५४॥

madhukara! jau tuma hitū hamāre| tau yā bhajana-sudhānidhi meṃ jani ḍārau joga-jala khāre|| jo bhayabhīta hota raju dekhata kyoṃ baḍha़vata ahi kāre|| nija kṛta būjhi, binā dasanana hati tajata dhāma nahiṃ hāre| so bala achata nisā paṃkaja meṃ dala-kapāṭa nahiṃ ṭāre|| sūra syāma-chabi kyoṃ bisarata hai nakhasikha aṃga birāja?||154||

ब्रजजुवतिन को जोग-कथा तुम कहत सबै बिपरीति॥ जा सिर फूल फुलेल मेलिकै हरि-कर ग्रंथैं छोरी। ता सिर भसम, मसान पै सेवन, जटा करत आघोरी॥ रतनजटित ताटंक बिराजत अरु कमलन की जोति। तिन स्रवनन पहिरावत मुद्रा तोहिं दया नहिं होति॥ बेसरि नाक, कंठ मनिमाला, मुखनि सार असवास। तिन मुख सिंगी कहौ बजावन, भोजन आक, पलास॥ जा तन को मृगमद घसि चंदन सूछम पट पहिराए। ता तन को रचि चीर पुरातन दै ब्रजनाथ पठाए॥ वै अबिनासी ज्ञान घटैगो यहि बिधि जोग सिखाए। करैं भोग भरिपूर सूर तहँ, जोग करैं ब्रज आए॥१५५॥

brajajuvatina ko joga-kathā tuma kahata sabai biparīti|| jā sira phūla phulela melikai hari-kara graṃthaiṃ chorī| tā sira bhasama, masāna pai sevana, jaṭā karata āghorī|| ratanajaṭita tāṭaṃka birājata aru kamalana kī joti| tina sravanana pahirāvata mudrā tohiṃ dayā nahiṃ hoti|| besari nāka, kaṃṭha manimālā, mukhani sāra asavāsa| tina mukha siṃgī kahau bajāvana, bhojana āka, palāsa|| jā tana ko mṛgamada ghasi caṃdana sūchama paṭa pahirāe| tā tana ko raci cīra purātana dai brajanātha paṭhāe|| vai abināsī jñāna ghaṭaigo yahi bidhi joga sikhāe| karaiṃ bhoga bharipūra sūra taha~, joga karaiṃ braja āe||155||

मधुकर! ये नयना पै हारे। निरखि निरखि मग कमलनयन को प्रेममगन भए भारे॥ ता दिन तें नींदौ पुनि नासी, चौंकि परत अधिकारे। सपन तुरी जागत पुनि सोई जो हैं हृदय हमारे॥ यह निगुन लै ताहि बतावो जो जानैं याके सारे। सूरदास गोपाल छाँड़ि कै चूसैं टेटी खारे॥१५६॥

madhukara! ye nayanā pai hāre| nirakhi nirakhi maga kamalanayana ko premamagana bhae bhāre|| tā dina teṃ nīṃdau puni nāsī, cauṃki parata adhikāre| sapana turī jāgata puni soī jo haiṃ hṛdaya hamāre|| yaha niguna lai tāhi batāvo jo jānaiṃ yāke sāre| sūradāsa gopāla chā~ḍa़i kai cūsaiṃ ṭeṭī khāre||156||

ज्यों जल मीन, कमल पै अलि की, त्यों नहिं इनकी प्रीति॥ कोकिल कुटिल कपट बायस छलि फिरि नहिं वहि वन जाति। तैसेहि कान्ह केलि-रस अँचयो बैठि एक ही पाँति॥ सुत-हित जोग जज्ञ ब्रत कीजत बहु बिधि नींकी भाँति। देखहु अहि मन मोहमया तजि ज्यों जननी जनि खाति॥ तिनको क्यों मन बिसमौ कीजै औगुन लौं सुख-सांति। तैसेइ सूर सुनौ जदुनंदन, बजी एकस्वर तांति॥१५७॥

jyoṃ jala mīna, kamala pai ali kī, tyoṃ nahiṃ inakī prīti|| kokila kuṭila kapaṭa bāyasa chali phiri nahiṃ vahi vana jāti| taisehi kānha keli-rasa a~cayo baiṭhi eka hī pā~ti|| suta-hita joga jajña brata kījata bahu bidhi nīṃkī bhā~ti| dekhahu ahi mana mohamayā taji jyoṃ jananī jani khāti|| tinako kyoṃ mana bisamau kījai auguna lauṃ sukha-sāṃti| taisei sūra sunau jadunaṃdana, bajī ekasvara tāṃti||157||

मधुकर! ल्याए जोग-संदेसो। भली स्याम-कुसलात सुनाई, सुनतहिं भयो अंदेसो॥ आस रही जिय कबहुँ मिलन की, तुम आवत ही नासी। जुवतिन कहत जटा सिर बांधहु तो मिलिहैं अबिनासी॥ तुमको जिन गोकुलहिं पठायो ते बसुदेव-कुमार। सूर स्याम मनमोहन बिहरत ब्रज में नंददुलार॥१५८॥

madhukara! lyāe joga-saṃdeso| bhalī syāma-kusalāta sunāī, sunatahiṃ bhayo aṃdeso|| āsa rahī jiya kabahu~ milana kī, tuma āvata hī nāsī| juvatina kahata jaṭā sira bāṃdhahu to milihaiṃ abināsī|| tumako jina gokulahiṃ paṭhāyo te basudeva-kumāra| sūra syāma manamohana biharata braja meṃ naṃdadulāra||158||

स्याम विनोदी रे मधुबनियाँ। अब हरि गोकुल कांहे को आवहिं चाहत नवयौवनियाँ॥ वे दिन माधव भूलि बिसरि गए गोद खिलाए कनियाँ। गुहि गुहि देते नंद जसोदा तनक कांच के मनियाँ॥ दिना चारि तें पहिरन सीखे पट पीतांबर तनियाँ। सूरदास प्रभु तजी कामरी अब हरि भए चिकनियाँ॥१५९॥

syāma vinodī re madhubaniyā~| aba hari gokula kāṃhe ko āvahiṃ cāhata navayauvaniyā~|| ve dina mādhava bhūli bisari gae goda khilāe kaniyā~| guhi guhi dete naṃda jasodā tanaka kāṃca ke maniyā~|| dinā cāri teṃ pahirana sīkhe paṭa pītāṃbara taniyā~| sūradāsa prabhu tajī kāmarī aba hari bhae cikaniyā~||159||

ऊधो! हम ही हैं अति बौरी। सुभग कलेवर कुंकुम खौरी। गुंजमाल अरु पीत पिछौरी॥ रूप निरखि दृग लागे ढोरी। चित चुराय लयो मूरति सो, री! गहियत सो जा समय अंकोरी। याही तें बुधि कहियत बौरी॥ सूर स्याम सों कहिय कठोरी! यह उपदेस सुने तें बौरी॥१६०॥

ūdho! hama hī haiṃ ati baurī| subhaga kalevara kuṃkuma khaurī| guṃjamāla aru pīta pichaurī|| rūpa nirakhi dṛga lāge ḍhorī| cita curāya layo mūrati so, rī! gahiyata so jā samaya aṃkorī| yāhī teṃ budhi kahiyata baurī|| sūra syāma soṃ kahiya kaṭhorī! yaha upadesa sune teṃ baurī||160||

बिन गोपाल, ऊधो, मेरी छाती ह्वै न गई द्वै टूक॥ तन, मन, जौबन वृथा जात है ज्यों भुवंग की फूँक। हृदय अग्नि को दवा बरत है, कठिन बिरह की हूक॥ सूरदास ब्रजबास बसीं हम मनहूँ दाहिने सूक॥

bina gopāla, ūdho, merī chātī hvai na gaī dvai ṭūka|| tana, mana, jaubana vṛthā jāta hai jyoṃ bhuvaṃga kī phū~ka| hṛdaya agni ko davā barata hai, kaṭhina biraha kī hūka|| sūradāsa brajabāsa basīṃ hama manahū~ dāhine sūka||

हम अबला कह जोग जानैं जियत जाको रौन॥ जोग हमपै होय न आवै, धरि न आवै मौन। गुरु हमारे कूबरी-कर-मंत्र-माला जौन॥ सूर प्रभु कब आयहैं वे श्याम दुख के दौन?॥१६२॥

hama abalā kaha joga jānaiṃ jiyata jāko rauna|| joga hamapai hoya na āvai, dhari na āvai mauna| guru hamāre kūbarī-kara-maṃtra-mālā jauna|| sūra prabhu kaba āyahaiṃ ve śyāma dukha ke dauna?||162||

फिर ब्रज बसहु गोकुलनाथ। बहुरि न तुमहिं जगाय पठवौं गोधनन के साथ॥ बरजौं न माखन खात कबहूँ, दैहौं देन लुटाय। कबहूँ न दैहौं उराहनो जसुमति के आगे जाय॥ दौरि दाम न देहुँगी, लकुटी न जसुमति-पानि। चोरी न देहुँ उघारि, किए औगुन न कहिहौं आनि॥ करिहौं न तुमसों मान हठ, हठिहौं न माँगत दान। कहिहौं न मृदु मुरली बजावन, करन तुमसों गान॥ कहिहौं न चरनन देन जावक, गुहन बेनी फूल। कहिहौं न करन सिंगार बट-तर, बसन जमुना-कूल॥ भुज भूषननयुत कंध धरिकै रास नृत्य न कराउँ। हौं संकेत-निकुंज बसिकै दूति-मुख न बुलाउँ। एक बार जु दरस दिखवहु प्रीति-पंथ बसाय। चँवर करौं, चढ़ाय आसन, नयन अंग अंग लाय॥ देहु दरसन नंदनंदन मिलन ही की आस। सूर प्रभु की कुँवर-छंबि को मरत लोचन प्यास॥१६३॥

phira braja basahu gokulanātha| bahuri na tumahiṃ jagāya paṭhavauṃ godhanana ke sātha|| barajauṃ na mākhana khāta kabahū~, daihauṃ dena luṭāya| kabahū~ na daihauṃ urāhano jasumati ke āge jāya|| dauri dāma na dehu~gī, lakuṭī na jasumati-pāni| corī na dehu~ ughāri, kie auguna na kahihauṃ āni|| karihauṃ na tumasoṃ māna haṭha, haṭhihauṃ na mā~gata dāna| kahihauṃ na mṛdu muralī bajāvana, karana tumasoṃ gāna|| kahihauṃ na caranana dena jāvaka, guhana benī phūla| kahihauṃ na karana siṃgāra baṭa-tara, basana jamunā-kūla|| bhuja bhūṣananayuta kaṃdha dharikai rāsa nṛtya na karāu~| hauṃ saṃketa-nikuṃja basikai dūti-mukha na bulāu~| eka bāra ju darasa dikhavahu prīti-paṃtha basāya| ca~vara karauṃ, caḍha़āya āsana, nayana aṃga aṃga lāya|| dehu darasana naṃdanaṃdana milana hī kī āsa| sūra prabhu kī ku~vara-chaṃbi ko marata locana pyāsa||163||

पूछत नंद पिता ऊधो सों अरु जसुमति महतारी॥ बासुदेव घर-भीतर आए हम अहीर नहिं जाने॥ पहिले गरग कह्यो हो हमसों, 'या देखे जनि भूलै'। सूरदास स्वामी के बिछुरे राति-दिवस उर सूलै॥१६४॥

pūchata naṃda pitā ūdho soṃ aru jasumati mahatārī|| bāsudeva ghara-bhītara āe hama ahīra nahiṃ jāne|| pahile garaga kahyo ho hamasoṃ, 'yā dekhe jani bhūlai'| sūradāsa svāmī ke bichure rāti-divasa ura sūlai||164||

भली बात सुनियत हैं आज। कोऊ कमलनयन पठयो है तन बनाय अपनो सो साज॥ बूझौ सखा कहौ कैसे कै, अब नाहीं कीबे कछु काज। कंस मारि बसुदेव गृह आने, उग्रसेन को दीनो राज॥ अब जो सूर करौ कोउ कोटिक नाहिंन कान्ह रहत ब्रज आज॥१६५॥

bhalī bāta suniyata haiṃ āja| koū kamalanayana paṭhayo hai tana banāya apano so sāja|| būjhau sakhā kahau kaise kai, aba nāhīṃ kībe kachu kāja| kaṃsa māri basudeva gṛha āne, ugrasena ko dīno rāja|| aba jo sūra karau kou koṭika nāhiṃna kānha rahata braja āja||165||

उधो! हम आजु भईं बड़भागी। जैसे सुमन-गंध लै आवतु पवन मधुप अनुरागी। अति आनंद बढ़्यो अँग अँग मैं, परै न यह सुख त्यागी। बिसरे सब दुख देखत तुमको स्यामसुन्दर हम लागी॥ ज्यों दर्पन मधि दृग निरखत जहँ हाथ तहाँ नहिं जाई। त्यों ही सूर हम मिलीं साँवरे बिरह-बिथा बिसराई॥१६६॥

udho! hama āju bhaīṃ baḍa़bhāgī| jaise sumana-gaṃdha lai āvatu pavana madhupa anurāgī| ati ānaṃda baḍha़yo a~ga a~ga maiṃ, parai na yaha sukha tyāgī| bisare saba dukha dekhata tumako syāmasundara hama lāgī|| jyoṃ darpana madhi dṛga nirakhata jaha~ hātha tahā~ nahiṃ jāī| tyoṃ hī sūra hama milīṃ sā~vare biraha-bithā bisarāī||166||

पाती सखि! मधुबन तें आई। अपने अपने गृह तें दौरीं लै पाती उर लाई। नयनन नीर निरखि नहिं खंडित प्रेम न बिथा बुझाई॥ कहा करौं सूनो यह गोकुल हरि बिनु कछु न सुहाई। सूरदास प्रभु कौन चूक तें स्याम सुरति बिसराई?॥१६७॥

pātī sakhi! madhubana teṃ āī| apane apane gṛha teṃ daurīṃ lai pātī ura lāī| nayanana nīra nirakhi nahiṃ khaṃḍita prema na bithā bujhāī|| kahā karauṃ sūno yaha gokula hari binu kachu na suhāī| sūradāsa prabhu kauna cūka teṃ syāma surati bisarāī?||167||

सुनु गोपी हरि को सँदेस। करि समाधि अंतर-गति चितवौ प्रभु को यह उपदेस॥ वै अबिगत, अबिनासी, पूरन, घटघट रहे समाय। तिहि निश्चय कै ध्यावहु ऐसे सुचित कमलमन लाइ॥ यह उपाय करि बिरह तजौगी मिलै ब्रह्म तब आय। तत्त्वज्ञान बिनु मुक्ति न होई निगम सुनाबत गाय॥ सुनत सँदेस दुसह माधव के गोपीजन बिलखानी। सूर बिरह की कौन चलावै, नयन ढरत अति पानी॥१६८॥

sunu gopī hari ko sa~desa| kari samādhi aṃtara-gati citavau prabhu ko yaha upadesa|| vai abigata, abināsī, pūrana, ghaṭaghaṭa rahe samāya| tihi niścaya kai dhyāvahu aise sucita kamalamana lāi|| yaha upāya kari biraha tajaugī milai brahma taba āya| tattvajñāna binu mukti na hoī nigama sunābata gāya|| sunata sa~desa dusaha mādhava ke gopījana bilakhānī| sūra biraha kī kauna calāvai, nayana ḍharata ati pānī||168||

मधुकर! भली सुमति मति खोई। हाँसी होन लगी या ब्रज में जोगै राखौ गोई॥ आतमराम लखावत डोलत घटघट व्यापक जोई। चापे काँख फिरत निर्गुन को, ह्याँ गाहक नहिं कोई॥ प्रेम-बिथा सोई पै जानै जापै बीती होई। तू नीरस एती कह जानै? बूझि देखिबे ओई॥ बड़ो दूत तू, बड़े ठौर को, कहिए बुद्धि बड़ोई। सूरदास पूरीषहि षटपद! कहत फिरत है सोई॥१६९॥

madhukara! bhalī sumati mati khoī| hā~sī hona lagī yā braja meṃ jogai rākhau goī|| ātamarāma lakhāvata ḍolata ghaṭaghaṭa vyāpaka joī| cāpe kā~kha phirata nirguna ko, hyā~ gāhaka nahiṃ koī|| prema-bithā soī pai jānai jāpai bītī hoī| tū nīrasa etī kaha jānai? būjhi dekhibe oī|| baḍa़o dūta tū, baḍa़e ṭhaura ko, kahie buddhi baḍa़oī| sūradāsa pūrīṣahi ṣaṭapada! kahata phirata hai soī||169||

सुनियत ज्ञानकथा अलि गात। जिहि मुख सुधा बेनुरवपूरित हरि प्रति छनहिं सुनात॥ जहँ लीलारस सखी-समाजहिं कहत कहत दिन जात। बिधिना फेरि दियो सब देखत, तहँ षटपद समुझात॥ रूपरहित कछु बकत बदन ते मति कोउ ठग भुरवात॥ साधुबाद स्रुतिसार जानिकै उचित न मन बिसरात। नँदनंदन कर-कमलन को छबि मुख उर पर परसात॥ एक एक ते सबै सयानी ब्रजसुँदरि न सकात। सूर स्याम-रससिंधुगामिनी नहिं वह दसा हिरात॥१७०॥

suniyata jñānakathā ali gāta| jihi mukha sudhā benuravapūrita hari prati chanahiṃ sunāta|| jaha~ līlārasa sakhī-samājahiṃ kahata kahata dina jāta| bidhinā pheri diyo saba dekhata, taha~ ṣaṭapada samujhāta|| rūparahita kachu bakata badana te mati kou ṭhaga bhuravāta|| sādhubāda srutisāra jānikai ucita na mana bisarāta| na~danaṃdana kara-kamalana ko chabi mukha ura para parasāta|| eka eka te sabai sayānī brajasu~dari na sakāta| sūra syāma-rasasiṃdhugāminī nahiṃ vaha dasā hirāta||170||

ऊधो! इतनी कहियो जाय। अति कृसगात भई हैं तुम बिनु बहुत दुखारी गाय॥ जल समूह बरसत अँखियन तें, हूंकत लीने नाँव। जहाँ जहाँ गोदोहन करते ढूँढ़त सोइ सोई ठाँव॥ परति पछार खाय तेहि तेहि थल अति व्याकुल ह्वै दीन। मानहुँ सूर काढ़ि डारे हैं बारि मध्य तें मीन॥१७१॥

ūdho! itanī kahiyo jāya| ati kṛsagāta bhaī haiṃ tuma binu bahuta dukhārī gāya|| jala samūha barasata a~khiyana teṃ, hūṃkata līne nā~va| jahā~ jahā~ godohana karate ḍhū~ḍha़ta soi soī ṭhā~va|| parati pachāra khāya tehi tehi thala ati vyākula hvai dīna| mānahu~ sūra kāḍha़i ḍāre haiṃ bāri madhya teṃ mīna||171||

ऊधो जोग सिखावन आए। सिंधी, भस्म, अधारी, मुद्रा लै ब्रजनाथ पठाए॥ तबहिं ज्ञान काहे न उपदेस्यो, अधर-सुधारस प्याए॥ मुरली सब्द सुनत बन गवनति सुत पति गृह बिसराए। सूरदास सँग छाँड़ि स्याम को मनहिं रहे पछिताए॥१७२॥

ūdho joga sikhāvana āe| siṃdhī, bhasma, adhārī, mudrā lai brajanātha paṭhāe|| tabahiṃ jñāna kāhe na upadesyo, adhara-sudhārasa pyāe|| muralī sabda sunata bana gavanati suta pati gṛha bisarāe| sūradāsa sa~ga chā~ḍa़i syāma ko manahiṃ rahe pachitāe||172||

ऊधो! लहनौ अपनो पैए। जो कछु विधना रची सो भइए आन दोष न लगैए॥ कहिए कहा जु कहत बनाई सोच हृदय पछितैए। कुब्जा बर पावै मोहन सो, हमहीं जोग बतैए॥ आज्ञा होय सोई तुम कहिबो, बिनती यहै सुनैए। सूरदास प्रभु-कृपा जानि जो दरसन सुधा पिबैए॥१७३॥

ūdho! lahanau apano paie| jo kachu vidhanā racī so bhaie āna doṣa na lagaie|| kahie kahā ju kahata banāī soca hṛdaya pachitaie| kubjā bara pāvai mohana so, hamahīṃ joga bataie|| ājñā hoya soī tuma kahibo, binatī yahai sunaie| sūradāsa prabhu-kṛpā jāni jo darasana sudhā pibaie||173||

जौ लगि नाहिं गोपालहिं देखति बिरह दहति मेरी छाती॥ निमिष एक मोहिं बिसरत नाहिंन सरद-समय की राती। मन तौ तबही तें हरि लीन्हों जब भयो मदन बराती॥ पीर पराई कह तुम जानौ तुम तो स्याम-सँघाती। सूरदास स्वामी सों तुम पुनि कहियो ठकुरसुहाती॥१७४॥

jau lagi nāhiṃ gopālahiṃ dekhati biraha dahati merī chātī|| nimiṣa eka mohiṃ bisarata nāhiṃna sarada-samaya kī rātī| mana tau tabahī teṃ hari līnhoṃ jaba bhayo madana barātī|| pīra parāī kaha tuma jānau tuma to syāma-sa~ghātī| sūradāsa svāmī soṃ tuma puni kahiyo ṭhakurasuhātī||174||

ऊधौ! बिरहौ प्रेमु करै। ज्यों बिनु पुट पट गहै न रंगहिं, पुट गहे रसहि परै॥ जौ आँवौ घट दहत अनल तनु तौ पुनि अमिय भरै। जौ धरि बीज देह अंकुर चिरि तौ सत फरनि फरै॥ जौ सर सहत सुभट संमुख रन तौ रबिरथहि सरै। सूर गोपाल प्रेमपथ-जल तें कोउ न दुखहिं डरै॥१७५॥ बिनु पुट...रंगहि=जैसे बिना पुट दिए कपड़े पर रंग नहीं चढ़ता। प्रकार के फल फलता है।

ūdhau! birahau premu karai| jyoṃ binu puṭa paṭa gahai na raṃgahiṃ, puṭa gahe rasahi parai|| jau ā~vau ghaṭa dahata anala tanu tau puni amiya bharai| jau dhari bīja deha aṃkura ciri tau sata pharani pharai|| jau sara sahata subhaṭa saṃmukha rana tau rabirathahi sarai| sūra gopāla premapatha-jala teṃ kou na dukhahiṃ ḍarai||175|| binu puṭa...raṃgahi=jaise binā puṭa die kapaḍa़e para raṃga nahīṃ caḍha़tā| prakāra ke phala phalatā hai|

ऊधो! इतनी जाय कहो। सब बल्लभी कहति हरि सों ये दिन मधुपुरी रहो॥ आज काल तुमहूँ देखत हौ तपत तरनि सम चंद। सुंदरस्याम परम कोमल तनु क्यों सहि हैं नँदनंद॥ मधुर मोर पिक परुष प्रबल अति बन उपबन चढ़ि बोलत। सिंह बृकन सम गाय बच्छ ब्रज बीथिन बीथिन डोलत॥ आसन असन, बसन विष अहि सम भूषन भवन भँडार। जित तित फिरत दुसह द्रुम द्रुम प्रति धनुष लए सत मार॥ तुम तौ परम साधु कोमलमन जानत हौ सब रीति। सूर स्याम को क्यों बोलैं ब्रज बिन टारे यह ईति॥१७६॥

ūdho! itanī jāya kaho| saba ballabhī kahati hari soṃ ye dina madhupurī raho|| āja kāla tumahū~ dekhata hau tapata tarani sama caṃda| suṃdarasyāma parama komala tanu kyoṃ sahi haiṃ na~danaṃda|| madhura mora pika paruṣa prabala ati bana upabana caḍha़i bolata| siṃha bṛkana sama gāya baccha braja bīthina bīthina ḍolata|| āsana asana, basana viṣa ahi sama bhūṣana bhavana bha~ḍāra| jita tita phirata dusaha druma druma prati dhanuṣa lae sata māra|| tuma tau parama sādhu komalamana jānata hau saba rīti| sūra syāma ko kyoṃ bolaiṃ braja bina ṭāre yaha īti||176||

जौ पै ऊधो! हिरदय माँझ हरी। इंद्र रिसाय बरस नयनन मग, घटत न एक घरी। भीजत सीत भीत तन काँपत रहे, गिरि क्यों न धरी। कर कंकन दर्पन लै दोऊ अब यहि अनख मरी। एतो मान सूर सुनि योग जु बिरहिनि बिरह धरी॥१७७॥

jau pai ūdho! hiradaya mā~jha harī| iṃdra risāya barasa nayanana maga, ghaṭata na eka gharī| bhījata sīta bhīta tana kā~pata rahe, giri kyoṃ na dharī| kara kaṃkana darpana lai doū aba yahi anakha marī| eto māna sūra suni yoga ju birahini biraha dharī||177||

ऊधो! इतै हितूकर रहियो। या ब्रज के व्योहार जिते हैं सब हरि सों कहियो। देखि जात अपनी इन आँखिन दावानल दहियो। कहँ लौं कहौं बिथा अति लाजति यह मन को सहियो॥ कितो प्रहार करत मकरध्वज हृदय फारि चहियौ। यह तन नहिं जरि जात सूर प्रभु नयनन को बहियौ॥१७८॥

ūdho! itai hitūkara rahiyo| yā braja ke vyohāra jite haiṃ saba hari soṃ kahiyo| dekhi jāta apanī ina ā~khina dāvānala dahiyo| kaha~ lauṃ kahauṃ bithā ati lājati yaha mana ko sahiyo|| kito prahāra karata makaradhvaja hṛdaya phāri cahiyau| yaha tana nahiṃ jari jāta sūra prabhu nayanana ko bahiyau||178||

ऊधो! यहि ब्रज बिरह बढ़्यो। घर, बाहिर, सरिता, बन, उपबन, बल्ली, द्रुमन चढ्यो॥ बासर-रैन सधूम भयानक दिसि दिसि तिमिर मढ्यो। द्वँद करत अति प्रबल होत पुर, पय सों अनल डढ्यो॥ जरि किन होत भस्म छन महियाँ हा हरि, मँत्र पढ्यो। सूरदास प्रभु नँदनँदन बिनु नाहिंन जात कढ्यो॥१७९॥

ūdho! yahi braja biraha baḍha़yo| ghara, bāhira, saritā, bana, upabana, ballī, drumana caḍhyo|| bāsara-raina sadhūma bhayānaka disi disi timira maḍhyo| dva~da karata ati prabala hota pura, paya soṃ anala ḍaḍhyo|| jari kina hota bhasma chana mahiyā~ hā hari, ma~tra paḍhyo| sūradāsa prabhu na~dana~dana binu nāhiṃna jāta kaḍhyo||179||

ऊधो! तुम कहियो ऐसे गोकुल आवैं। दिन दस रहे सो भली कीनी अब जनि गहरु लगावैं॥ तुम बिनु कछु न सुहाय प्रानपति कानन भवन न भावैं। बाल बिलख, मुख गौ न चरत तृन, बछरनि छीर न प्यावैं॥ देखत अपनी आँखिन, ऊधो, हम कहि कहा जनावैं। सूर स्याम बिनु तपति रैन-दिनु हरिहि मिले सचु पावैं॥१८०॥

ūdho! tuma kahiyo aise gokula āvaiṃ| dina dasa rahe so bhalī kīnī aba jani gaharu lagāvaiṃ|| tuma binu kachu na suhāya prānapati kānana bhavana na bhāvaiṃ| bāla bilakha, mukha gau na carata tṛna, bacharani chīra na pyāvaiṃ|| dekhata apanī ā~khina, ūdho, hama kahi kahā janāvaiṃ| sūra syāma binu tapati raina-dinu harihi mile sacu pāvaiṃ||180||

ऊधो! अब जो कान्ह न ऐहैं। जिय जानौ अरु हृदय बिचारौ हम न इतो दुख सैहैं॥ खायो खेल्यो संग हमारे, ताको कहां बनैहैं॥ गोकुलमनि मथुरा के बासी कौ लों झूठो कैहैं। अब हम लिखि पठवन चाहति हैं वहाँ पाति नहिं पै हैं। इन गैयन चरिवा छाँड्यो है जो नहिं लाल चरै हैं। एते पै नहिं मिलत सूर प्रभु फिरि पाछे पछितैहैं॥१८१॥

ūdho! aba jo kānha na aihaiṃ| jiya jānau aru hṛdaya bicārau hama na ito dukha saihaiṃ|| khāyo khelyo saṃga hamāre, tāko kahāṃ banaihaiṃ|| gokulamani mathurā ke bāsī kau loṃ jhūṭho kaihaiṃ| aba hama likhi paṭhavana cāhati haiṃ vahā~ pāti nahiṃ pai haiṃ| ina gaiyana carivā chā~ḍyo hai jo nahiṃ lāla carai haiṃ| ete pai nahiṃ milata sūra prabhu phiri pāche pachitaihaiṃ||181||

ऊधो! हमैं दोउ कठिन परी। जो जीवैं तो, सुन सठ! ज्ञानी, तन तजैं रूपहरी॥ गुन गावैं तौ सुक-सनकादिक, संग धावै तौ लीला करी। आसा अवधि संतोष धरैं तौ धार्मिक ब्रज-सुन्दरी॥ स्यामा है सब सखी सुजाती पै सब बिरह-भरी। सोक-सिंधु तरिबे की नौका जिहि मुख मुरलि धरी॥ निसिदिन फिरत निरंकुस अति बड़ मातो मदन-करी। डाहैगो सब धाम सूर जो चितौ न वह केहरी॥१८२॥

ūdho! hamaiṃ dou kaṭhina parī| jo jīvaiṃ to, suna saṭha! jñānī, tana tajaiṃ rūpaharī|| guna gāvaiṃ tau suka-sanakādika, saṃga dhāvai tau līlā karī| āsā avadhi saṃtoṣa dharaiṃ tau dhārmika braja-sundarī|| syāmā hai saba sakhī sujātī pai saba biraha-bharī| soka-siṃdhu taribe kī naukā jihi mukha murali dharī|| nisidina phirata niraṃkusa ati baḍa़ māto madana-karī| ḍāhaigo saba dhāma sūra jo citau na vaha keharī||182||

ऊधो! बहुतै दिन गए चरनकमल-बिमुख ही। दरस-हीन, दुखित दीन, छन छन विपदा सही॥ रजनी अति प्रेमपीर, गृह बन मन धरै न धीर। बासर मग जोवत, उर सरिता बही नयननीर॥ आवन की अवधि-आस सोई गनि घटत स्वास। इतो बिरह बिरहिनि क्यों सहि सकै कह सूरदास?॥१८३॥

ūdho! bahutai dina gae caranakamala-bimukha hī| darasa-hīna, dukhita dīna, chana chana vipadā sahī|| rajanī ati premapīra, gṛha bana mana dharai na dhīra| bāsara maga jovata, ura saritā bahī nayananīra|| āvana kī avadhi-āsa soī gani ghaṭata svāsa| ito biraha birahini kyoṃ sahi sakai kaha sūradāsa?||183||

ऊधो! कहत न कछू बनै। जेहि लोचन अवलोके नखसिख-सुन्दर नंदतनै। रागिनि राग तरँग तान घन जे स्रुति मुरलि सुनै। ते स्रुति जोग-सँदेस कठिन कह काँकर मेलि हनै॥ सूरदास स्यामा मोहन के यह गुन बिबिध गुनै। कनकलता तें उपज न मुक्ता, षटपद! रंग चुनै॥१८४॥

ūdho! kahata na kachū banai| jehi locana avaloke nakhasikha-sundara naṃdatanai| rāgini rāga tara~ga tāna ghana je sruti murali sunai| te sruti joga-sa~desa kaṭhina kaha kā~kara meli hanai|| sūradāsa syāmā mohana ke yaha guna bibidha gunai| kanakalatā teṃ upaja na muktā, ṣaṭapada! raṃga cunai||184||

ऊधो! इन नयनन नेम लियो। नँदनंदन सों पतिव्रत बाँध्यो, दरसत नाहि बियो॥ इंदु चकोर, मेघ प्रति चातक जैसे धरन दियो। तैसे ये लोचन गोपालै इकटक प्रेम पियो॥ ज्ञानकुसुम लै आए ऊधो! चपल न उचित कियो। हरिमुख-कमल अमियरस सूर चाहत वहै लियो॥१८५॥

ūdho! ina nayanana nema liyo| na~danaṃdana soṃ pativrata bā~dhyo, darasata nāhi biyo|| iṃdu cakora, megha prati cātaka jaise dharana diyo| taise ye locana gopālai ikaṭaka prema piyo|| jñānakusuma lai āe ūdho! capala na ucita kiyo| harimukha-kamala amiyarasa sūra cāhata vahai liyo||185||

ऊधो! ब्रजरिपु बहुरि जिए। जे हमरे कारन नँदनंदन हति हति दूरि किए॥ निसि के वेष बकी है आवति अति डर करति सकंप हिए। तिन पय तें तन प्रान हमारे रबि ही छिनक छिनाय लिए॥ बन बृकरूप, अघासुर सम गृह, कितहू तौ न बितै सकिए। कोटिक कालीसम कालिंदी, दोषन सलिल न जात पिए॥ अरु ऊँचे उच्छास तृनाव्रत तिहिं सुख सकल उड़ाय दिए। केसी सकल कर्म केसव बिन, सूर सरन काकी तकिए?॥१८६॥

ūdho! brajaripu bahuri jie| je hamare kārana na~danaṃdana hati hati dūri kie|| nisi ke veṣa bakī hai āvati ati ḍara karati sakaṃpa hie| tina paya teṃ tana prāna hamāre rabi hī chinaka chināya lie|| bana bṛkarūpa, aghāsura sama gṛha, kitahū tau na bitai sakie| koṭika kālīsama kāliṃdī, doṣana salila na jāta pie|| aru ū~ce ucchāsa tṛnāvrata tihiṃ sukha sakala uḍa़āya die| kesī sakala karma kesava bina, sūra sarana kākī takie?||186||

हरि बिछुरत जेती सहियत हैं इते बिरह के घाए॥ परम प्रबीन सबै जानत हौ, तातें यह कहि आए। अपनी कौन कहै सुनु सूर मात-पिता बिसराए॥१८७॥

hari bichurata jetī sahiyata haiṃ ite biraha ke ghāe|| parama prabīna sabai jānata hau, tāteṃ yaha kahi āe| apanī kauna kahai sunu sūra māta-pitā bisarāe||187||

ऊधो! भली करी गोपाल। आपुन तौ आवत नाहीं ह्याँ, वहाँ, रहे यहि काल॥ चन्दन चन्द हुतो तब सीतल, कोकिलसब्द रसाल। अब समीर पावक सम लागत, सब ब्रज उलटी चाल॥ हार, चीर, कंचुकि कंटक भए, तरनि तिलक भए भाल। सेज सिंह, गृह तिमिर-कंदरा, सर्प सुमन-मनिमाल। हम तौ न्याय सहैं एतो दुख बनवासी जो ग्वाल। सूरदास स्वामी सुखसागर भोगी भ्रमर भुवाल॥१८८॥

ūdho! bhalī karī gopāla| āpuna tau āvata nāhīṃ hyā~, vahā~, rahe yahi kāla|| candana canda huto taba sītala, kokilasabda rasāla| aba samīra pāvaka sama lāgata, saba braja ulaṭī cāla|| hāra, cīra, kaṃcuki kaṃṭaka bhae, tarani tilaka bhae bhāla| seja siṃha, gṛha timira-kaṃdarā, sarpa sumana-manimāla| hama tau nyāya sahaiṃ eto dukha banavāsī jo gvāla| sūradāsa svāmī sukhasāgara bhogī bhramara bhuvāla||188||

अपने मन सुरति करत रहिबी। ऊधो! इतनी बात स्याम सों समय पाय कहिबी॥ घोष बसत की चूक हमारी कछू न जिय गहिबी। परम दीन जदुनाथ जानिकै गुन बिचारि सहिबी॥ एकहि बार दयाल दरस दै बिरह-रासि दहिबी। सूरदास प्रभु बहुत कहा कहौं बचन-लाज बहिबी॥१८९॥

apane mana surati karata rahibī| ūdho! itanī bāta syāma soṃ samaya pāya kahibī|| ghoṣa basata kī cūka hamārī kachū na jiya gahibī| parama dīna jadunātha jānikai guna bicāri sahibī|| ekahi bāra dayāla darasa dai biraha-rāsi dahibī| sūradāsa prabhu bahuta kahā kahauṃ bacana-lāja bahibī||189||

उधो! नँदनंदन सों इतनी कहियो। जद्यपि ब्रज अनाथ करि छाँड़्यो तदपि बार इक चित करि रहियो॥ तिनकातोरे करौ जनि हमसों एक वास की लज्जा गहियो। गुन-औगुनन रोष नहिं कीजत दासनिदासि की इतनी सहियो॥ तुम बिन स्याम कहा हम करिहैं यह अवलंब न सपने लहियो। सूरदास प्रभु यह कहि पठई कहाँ जोग कहँ पीवन दहियो॥१९०॥

udho! na~danaṃdana soṃ itanī kahiyo| jadyapi braja anātha kari chā~ḍa़yo tadapi bāra ika cita kari rahiyo|| tinakātore karau jani hamasoṃ eka vāsa kī lajjā gahiyo| guna-augunana roṣa nahiṃ kījata dāsanidāsi kī itanī sahiyo|| tuma bina syāma kahā hama karihaiṃ yaha avalaṃba na sapane lahiyo| sūradāsa prabhu yaha kahi paṭhaī kahā~ joga kaha~ pīvana dahiyo||190||

ऊधो! हरि करि पठवत जेती। हृदय कठोर कुलिस हू तें अति तामें चेत अचेती। तब उर बिच अंचल नहिं सहती, अब जमुना की रेती॥ सूरदास प्रभु तुम्हरे मिलन को, सरन देहु अब सेंती। बिन देखे मोहिं कल न परत है जाको स्रुति गावत है नेती॥१९१॥

ūdho! hari kari paṭhavata jetī| hṛdaya kaṭhora kulisa hū teṃ ati tāmeṃ ceta acetī| taba ura bica aṃcala nahiṃ sahatī, aba jamunā kī retī|| sūradāsa prabhu tumhare milana ko, sarana dehu aba seṃtī| bina dekhe mohiṃ kala na parata hai jāko sruti gāvata hai netī||191||

जौ लौं घोष रहे तौ लों हम सँतत सेवा कीनी। बारक कबहुँ उलूखल परसे, सोई मानि जिय लीनी॥

jau lauṃ ghoṣa rahe tau loṃ hama sa~tata sevā kīnī| bāraka kabahu~ ulūkhala parase, soī māni jiya līnī||

ऊधो! जो हरि आवैं तो प्रान रहैं। आवत, जात, उलटि फिरि बैठत जीवन-अवधि गहे॥ जब हे दाम उखल सों बाँधे बदन नवाय रहे। सूर स्याम गुन-रसनिधि तजिकै को घटनीर बहे?॥१९८॥

ūdho! jo hari āvaiṃ to prāna rahaiṃ| āvata, jāta, ulaṭi phiri baiṭhata jīvana-avadhi gahe|| jaba he dāma ukhala soṃ bā~dhe badana navāya rahe| sūra syāma guna-rasanidhi tajikai ko ghaṭanīra bahe?||198||

ऊधो! यह निस्चय हम जानी। खोयो गयो नेहनग उनपै, प्रीति-कोठरी भई पुरानी॥ पहिले अधरसुधा करि सींची, दियो पोष बहु लाड़ लड़ानी। बहुरै खेल कियो केसव सिसु-गृहरचना ज्यों चलत बुझानी॥ ऐसे ही परतीति दिखाई पन्नग केंचुरि ज्यों लपटानी। बहुरौ सुरति लई नहिं जैसे भँवर लता त्यागत कुम्हिलानी॥ बहुरंगी जहँ जाय तहाँ सुख, एकरंग दुख देह दहानी। सूरदास पसु धनी चोर के खायो चाहत दाना पानी॥१९९॥

ūdho! yaha niscaya hama jānī| khoyo gayo nehanaga unapai, prīti-koṭharī bhaī purānī|| pahile adharasudhā kari sīṃcī, diyo poṣa bahu lāḍa़ laḍa़ānī| bahurai khela kiyo kesava sisu-gṛharacanā jyoṃ calata bujhānī|| aise hī paratīti dikhāī pannaga keṃcuri jyoṃ lapaṭānī| bahurau surati laī nahiṃ jaise bha~vara latā tyāgata kumhilānī|| bahuraṃgī jaha~ jāya tahā~ sukha, ekaraṃga dukha deha dahānī| sūradāsa pasu dhanī cora ke khāyo cāhata dānā pānī||199||

उधो! हम हैं तुम्हरी दासी। काहे को कटु बचन कहत हौ, करत आपनी हाँसी॥ जैसी तुम कीनी सो सब ही जानतु है संसार॥ जो कछु भली बुरी तुम कहिहौ सो सब हम सहि लैहैं। अपनो कियो आप भुगतैंगी दोष न काहू दैहैं॥ तुम तौ बड़े, बड़े के पठए, अरु सबके सरदार। यह दुख भयो सूर के प्रभु सुनि कहस लगाबन छार॥२००॥

udho! hama haiṃ tumharī dāsī| kāhe ko kaṭu bacana kahata hau, karata āpanī hā~sī|| jaisī tuma kīnī so saba hī jānatu hai saṃsāra|| jo kachu bhalī burī tuma kahihau so saba hama sahi laihaiṃ| apano kiyo āpa bhugataiṃgī doṣa na kāhū daihaiṃ|| tuma tau baḍa़e, baḍa़e ke paṭhae, aru sabake saradāra| yaha dukha bhayo sūra ke prabhu suni kahasa lagābana chāra||200||

ऊधो! तुम जो कहत हरि हृदय रहत हैं। कैसे होय प्रतीति क्रूर सुनि ये बातैं जु सहत हैं॥ बासर-रैनि कठिन बिरहानल अंतर प्रान दहत है। प्रजरि प्रजरि पचि निकसि धूम अब नयनन नीर बहत है॥ अधिक अवज्ञा होत, देह दुख मर्यादा न गहत है। कहि! क्यों मन मानै सूर प्रभु इन बातनि जु कहत है॥२०१॥

ūdho! tuma jo kahata hari hṛdaya rahata haiṃ| kaise hoya pratīti krūra suni ye bātaiṃ ju sahata haiṃ|| bāsara-raini kaṭhina birahānala aṃtara prāna dahata hai| prajari prajari paci nikasi dhūma aba nayanana nīra bahata hai|| adhika avajñā hota, deha dukha maryādā na gahata hai| kahi! kyoṃ mana mānai sūra prabhu ina bātani ju kahata hai||201||

ऊधो! तुमहीं हौ सब जान। हमको सोई सिखावन दीजै नँदसुवन की आन॥ आमिष भोजन हित है जाके सो क्यों साग प्रमान। हम बिन स्याम बियोगिनि रहिहैं जब लग यहि घट प्रान। सुख ता दिन तें होय सूर प्रभु ब्रज आवैं ब्रजभान॥२०२॥

ūdho! tumahīṃ hau saba jāna| hamako soī sikhāvana dījai na~dasuvana kī āna|| āmiṣa bhojana hita hai jāke so kyoṃ sāga pramāna| hama bina syāma biyogini rahihaiṃ jaba laga yahi ghaṭa prāna| sukha tā dina teṃ hoya sūra prabhu braja āvaiṃ brajabhāna||202||

ऊधो! यहै बिचार गहौ। कै तन गए भलो मानैं, कै हरि ब्रज आय रहौ॥ कानन-देह विरह-दव लागी इन्द्रिय-जीव जरौ। बुझै स्याम-धन कमल-प्रेम मुख मुरली-बूँद परौ॥ चरन-सरोवर-मनस मीन-मन रहै एक रसरीति। तुम निर्गुनबारू महँ डारौ; सूर कौन यह नीति?॥२०३॥

ūdho! yahai bicāra gahau| kai tana gae bhalo mānaiṃ, kai hari braja āya rahau|| kānana-deha viraha-dava lāgī indriya-jīva jarau| bujhai syāma-dhana kamala-prema mukha muralī-bū~da parau|| carana-sarovara-manasa mīna-mana rahai eka rasarīti| tuma nirgunabārū maha~ ḍārau; sūra kauna yaha nīti?||203||

अति मीठी मधुरी हरि-मुख की हैं उर-अंतर साली॥ स्याम सघन तन सींची बेली, हस्त कमल धरि पाली। अब ये बेली सूखन लागीं, छाँड़ि दई हरि-माली॥ तब तो कृपा करत ब्रज ऊपर संग लता ब्रजबाली। सूर स्याम बिन मरि न गई क्यों बिरहबिथा की घाली?॥२०४॥

ati mīṭhī madhurī hari-mukha kī haiṃ ura-aṃtara sālī|| syāma saghana tana sīṃcī belī, hasta kamala dhari pālī| aba ye belī sūkhana lāgīṃ, chā~ḍa़i daī hari-mālī|| taba to kṛpā karata braja ūpara saṃga latā brajabālī| sūra syāma bina mari na gaī kyoṃ birahabithā kī ghālī?||204||

ऊधो! जो हरि हितू तिहारे। तौ तुम कहियो जाय कृपाकै जे दुख सबै हमारे॥ तन तरुवर ज्यों जरति बिरहिनी, तुम दव ज्यों हम जारे। नहिं सिरात, नहिं जरत छार ह्वै सुलगि सुलगि भए कारे॥ जद्यपि उमगि प्रेमजल भिजवत बरषि बरषि घन-तारे। जौ सींचे यहि भाँति जतन करि तौ इतने प्रतिपारे॥ कीर, कपोत, कोकिला, खँजन बधिक-बियोग बिडारे। इन दुःखन क्यों जियहिं सूर प्रभु ब्रज के लोग बिचारे?॥२०५॥

ūdho! jo hari hitū tihāre| tau tuma kahiyo jāya kṛpākai je dukha sabai hamāre|| tana taruvara jyoṃ jarati birahinī, tuma dava jyoṃ hama jāre| nahiṃ sirāta, nahiṃ jarata chāra hvai sulagi sulagi bhae kāre|| jadyapi umagi premajala bhijavata baraṣi baraṣi ghana-tāre| jau sīṃce yahi bhā~ti jatana kari tau itane pratipāre|| kīra, kapota, kokilā, kha~jana badhika-biyoga biḍāre| ina duḥkhana kyoṃ jiyahiṃ sūra prabhu braja ke loga bicāre?||205||

हित की कहत अहित की लागत, बकत न आबै लाज॥ आपुन को उपचार करौ कछु तब औरनि सिख देहु। मेरे कहे जाहु सत्वर ही, गहौ सीयरे गेहु॥ हाँ भेषज नानाबिधि के अरु मधुरिपु से हैं बैदु। हम कातर डराति अपने सिर कहुँ कलँक ह्वै कैदु॥ सूरदास मुक्ताफलभोगी हंस बह्नि क्यों चुनिहैं?॥२०६॥

hita kī kahata ahita kī lāgata, bakata na ābai lāja|| āpuna ko upacāra karau kachu taba aurani sikha dehu| mere kahe jāhu satvara hī, gahau sīyare gehu|| hā~ bheṣaja nānābidhi ke aru madhuripu se haiṃ baidu| hama kātara ḍarāti apane sira kahu~ kala~ka hvai kaidu|| sūradāsa muktāphalabhogī haṃsa bahni kyoṃ cunihaiṃ?||206||

ऊधो! तुम कहियो हरि सों जाय हमारे जिय को दरद। दिन नहिं चैन, रैन नहिं सोवत, पावक भई जुन्हैया सरद॥ जब ते अक्रूर लै गए मधुपुरी, भई बिरह तन बाय छरद। कीन्हीं प्रबल जगी अति, ऊधो! सोचन भइ जस पीरी हरद। सखा प्रवीन निरंतर हौ तुम ताते कहियत खोलि परद। काथ रूप दरसन बिन हरि के सूर मूरि नहिं हियो सुरद॥२०७॥

ūdho! tuma kahiyo hari soṃ jāya hamāre jiya ko darada| dina nahiṃ caina, raina nahiṃ sovata, pāvaka bhaī junhaiyā sarada|| jaba te akrūra lai gae madhupurī, bhaī biraha tana bāya charada| kīnhīṃ prabala jagī ati, ūdho! socana bhai jasa pīrī harada| sakhā pravīna niraṃtara hau tuma tāte kahiyata kholi parada| kātha rūpa darasana bina hari ke sūra mūri nahiṃ hiyo surada||207||

सहायक, सखा राजपदवी मिलि दिन दस कछुक कमावते॥ कह्यो जु धर्म कृपा करि कानन सो उत बसिकै गावते। गुरू निवर्त्ति देखि आँखिन जे स्रोता सकल अघावते। जो कछु कहत सबन सों तुम सो अनुभव कै सुख पावते॥ सूरदास प्रभु दरसन बिनु वह बार बार पछितावते॥२०८॥

sahāyaka, sakhā rājapadavī mili dina dasa kachuka kamāvate|| kahyo ju dharma kṛpā kari kānana so uta basikai gāvate| gurū nivartti dekhi ā~khina je srotā sakala aghāvate| jo kachu kahata sabana soṃ tuma so anubhava kai sukha pāvate|| sūradāsa prabhu darasana binu vaha bāra bāra pachitāvate||208||

ऊधो! यहै प्रकृति परि आई तेरे। जो कोउ कोटि करै कैसे हूँ फिरत नहीं मन फेरे॥ जा दिन तें जसुदागृह आए मोहन जादवराई। ता दिन तें हरिदरस परस बिनु और न कछू सुहाई॥ क्रीड़त हँसत कृपा अवलोकत, जुग छन भरि तब जात। परम तृप्त सबहिन तन होती, लोचन हृदय अघात॥ जागत, सोवत, स्वप्न स्यामघन सुंदर तन अति भावै। सूरदास अब कमलनयन बिनु बातन हो बहरावै॥२०९॥

ūdho! yahai prakṛti pari āī tere| jo kou koṭi karai kaise hū~ phirata nahīṃ mana phere|| jā dina teṃ jasudāgṛha āe mohana jādavarāī| tā dina teṃ haridarasa parasa binu aura na kachū suhāī|| krīḍa़ta ha~sata kṛpā avalokata, juga chana bhari taba jāta| parama tṛpta sabahina tana hotī, locana hṛdaya aghāta|| jāgata, sovata, svapna syāmaghana suṃdara tana ati bhāvai| sūradāsa aba kamalanayana binu bātana ho baharāvai||209||

ऊधो! मन नाहीं दस बीस। भइँ अति सिथिल सबै माधव बिनु जथा देह बिन सीस। स्वासा अटकि रहे आसा लगि, जीवहिं कोटि बरीस॥ तुम तौ सखा स्यामसुंदर के सकल जोग के ईस। सूरदास रसिक की बतियाँ पुरवौ मन जगदीस॥२१०॥

ūdho! mana nāhīṃ dasa bīsa| bhai~ ati sithila sabai mādhava binu jathā deha bina sīsa| svāsā aṭaki rahe āsā lagi, jīvahiṃ koṭi barīsa|| tuma tau sakhā syāmasuṃdara ke sakala joga ke īsa| sūradāsa rasika kī batiyā~ puravau mana jagadīsa||210||

ऊधो! तुम सब साथी भोरे। मेरे कहे बिलग मानौगे, कोटि कुटिल लै जोरे॥ वै अक्रूर क्रूर कृत तिनके, रीते भरे, भरे गहि ढोरे। वै घनस्याम, स्याम अंतरमन, स्याम काम महँ बोरे॥ ये मधुकर दुति निर्गुन गुनते, देखे फटकि पछोरे। सूरदास कारन संगति के कहा पूजियत गोरे?॥२११॥

ūdho! tuma saba sāthī bhore| mere kahe bilaga mānauge, koṭi kuṭila lai jore|| vai akrūra krūra kṛta tinake, rīte bhare, bhare gahi ḍhore| vai ghanasyāma, syāma aṃtaramana, syāma kāma maha~ bore|| ye madhukara duti nirguna gunate, dekhe phaṭaki pachore| sūradāsa kārana saṃgati ke kahā pūjiyata gore?||211||

ऊधो! समुझावै सो बैरनि। रे मधुकर! निसिदिन मरियतु है कान्ह कुँवर-औसेरनि॥ चित चुभि रही मोहनी मूरति, चपल दृगन की हेरनि। तन मन लियो चुराय हमारो वा मुरली की टेरनि॥ बिसरति नाहिं सुभग तन-सोभा पीताम्बर की फेरनि। कहत न बनै काँध लकुटी धरि छबि बन गायन घेरनि॥ तुम प्रबीन, हम बिरहि, बतावत आँखि मूँदि भटभेरनि॥ जिहि उर बसत स्यामघन सो क्यों परै मुक्ति के झेरनि। तुम हमको कहँ लाए, ऊधो! जोग-दुखन के ढेरनि। सूर रसिक बिन क्यों जीवत हैं निर्गुन कठिन करेरनि?॥२१२॥

ūdho! samujhāvai so bairani| re madhukara! nisidina mariyatu hai kānha ku~vara-auserani|| cita cubhi rahī mohanī mūrati, capala dṛgana kī herani| tana mana liyo curāya hamāro vā muralī kī ṭerani|| bisarati nāhiṃ subhaga tana-sobhā pītāmbara kī pherani| kahata na banai kā~dha lakuṭī dhari chabi bana gāyana gherani|| tuma prabīna, hama birahi, batāvata ā~khi mū~di bhaṭabherani|| jihi ura basata syāmaghana so kyoṃ parai mukti ke jherani| tuma hamako kaha~ lāe, ūdho! joga-dukhana ke ḍherani| sūra rasika bina kyoṃ jīvata haiṃ nirguna kaṭhina karerani?||212||

ऊधो! स्यामहिं तुम लै आओ। ब्रजजन-चातक प्यास मरत हैं, स्वातिबूँद बरसाओ॥ घोष-सरोज भए हैं संपुट, दिनमनि ह्वै बिगसाओ। ह्याँ तें जाव बिलम्ब करौ जनि, हमरी दसा सुनाओ॥ जौ ऊधो हरि यहाँ न आवैं, हमको तहाँ बुलाओ। सूरदास प्रभु वेगि मिलाए संतन में जस पाओ॥२१३॥ ⁠ऊधोजू! जोग तबहिं हम जान्यो। जा दिन तें सुफलकसुत के संग रथ ब्रजनाथ पलान्यो॥ जा दिन तैं सब छोह-मोह मिटि सुत-पति-हेत भुलान्यो। तजि माया संसारसार की ब्रजबनितन ब्रत ठान्यो॥ नयन मुँदे, मुख रहे मौन धरि, तन तपि तेज सुखान्यो। नंदनँदन-मुख मुरलीधारी, यहै रूप उर आन्यो॥ सोउ सँजोग जिहि भूलैं हम कहि तुमहूँ जोग बखान्यो। ब्रह्मा पचि पचि मुए प्रान तजि तऊ न तिहि पहिंचान्यो॥

ūdho! syāmahiṃ tuma lai āo| brajajana-cātaka pyāsa marata haiṃ, svātibū~da barasāo|| ghoṣa-saroja bhae haiṃ saṃpuṭa, dinamani hvai bigasāo| hyā~ teṃ jāva bilamba karau jani, hamarī dasā sunāo|| jau ūdho hari yahā~ na āvaiṃ, hamako tahā~ bulāo| sūradāsa prabhu vegi milāe saṃtana meṃ jasa pāo||213|| ⁠ūdhojū! joga tabahiṃ hama jānyo| jā dina teṃ suphalakasuta ke saṃga ratha brajanātha palānyo|| jā dina taiṃ saba choha-moha miṭi suta-pati-heta bhulānyo| taji māyā saṃsārasāra kī brajabanitana brata ṭhānyo|| nayana mu~de, mukha rahe mauna dhari, tana tapi teja sukhānyo| naṃdana~dana-mukha muralīdhārī, yahai rūpa ura ānyo|| sou sa~joga jihi bhūlaiṃ hama kahi tumahū~ joga bakhānyo| brahmā paci paci mue prāna taji taū na tihi pahiṃcānyo||

कहौ सु जोग कहा लै कीजै? निर्गुन परत न जान्यो। सूर वहै निज रूप स्याम को उर माहिं समान्यो॥२१४॥ छन छन नयनन निरखति जो मुख, फिरि मन जात तहाँ॥ मुख मुरली, सिर मोरपखौआ उर घुँघुचिन को हारु। आगे धेनु रेतु तन-मण्डित तिरछी चितवनि चारु॥ राति-द्यौस तब संग आपने, खेलत, बोलत, खात। सूरदास यह प्रभुता चितवत कहि न सकति वह बात॥२१५॥ ⁠कहि, ऊधो! हरि गए तजि मथुरा कौन बड़ाई पाई। भुवन चतुर्दस की बिभूति वह, नृप की जूठि पराई॥ जो यह काज करै ताको सेवक स्रुति पढ़ै बताई। सेवत सेवत जन्म घटावत करत फिरत निठुराई॥ तुम तौ परम साधु अन्तरहित जनि कछु कहौ बनाई। सूर स्याम मन कहा बिचार्यो, कौन ठगौरी लाई?॥२१६॥ ऊधो! जाय बहुरि सुनि आवहु कहा कह्यो है नंदकुमार। यह न होय उपदेस स्याम को कहत लगावन छार॥ निर्गुन-ज्योति कहा उन पाई सिखवत बारम्बार। काल्हिहि करत हुते हमरे अँग अपने हाथ सिंगार॥ ब्याकुल भए गोपालहि बिछुरे गयो गुनज्ञान सँभार। तातें ज्यों भावै त्यों बकत हौ, नाही दोष तुम्हार॥ बिरह सहन को हम सिरजी हैं, पाहन हृदय हमार। सूरदास अन्तरगति मोहन जीवन-प्रान-अधार॥२१७॥

kahau su joga kahā lai kījai? nirguna parata na jānyo| sūra vahai nija rūpa syāma ko ura māhiṃ samānyo||214|| chana chana nayanana nirakhati jo mukha, phiri mana jāta tahā~|| mukha muralī, sira morapakhauā ura ghu~ghucina ko hāru| āge dhenu retu tana-maṇḍita tirachī citavani cāru|| rāti-dyausa taba saṃga āpane, khelata, bolata, khāta| sūradāsa yaha prabhutā citavata kahi na sakati vaha bāta||215|| ⁠kahi, ūdho! hari gae taji mathurā kauna baḍa़āī pāī| bhuvana caturdasa kī bibhūti vaha, nṛpa kī jūṭhi parāī|| jo yaha kāja karai tāko sevaka sruti paḍha़ai batāī| sevata sevata janma ghaṭāvata karata phirata niṭhurāī|| tuma tau parama sādhu antarahita jani kachu kahau banāī| sūra syāma mana kahā bicāryo, kauna ṭhagaurī lāī?||216|| ūdho! jāya bahuri suni āvahu kahā kahyo hai naṃdakumāra| yaha na hoya upadesa syāma ko kahata lagāvana chāra|| nirguna-jyoti kahā una pāī sikhavata bārambāra| kālhihi karata hute hamare a~ga apane hātha siṃgāra|| byākula bhae gopālahi bichure gayo gunajñāna sa~bhāra| tāteṃ jyoṃ bhāvai tyoṃ bakata hau, nāhī doṣa tumhāra|| biraha sahana ko hama sirajī haiṃ, pāhana hṛdaya hamāra| sūradāsa antaragati mohana jīvana-prāna-adhāra||217||

ऊधो! जाय बहुरि सुनि आवहु कहा कह्यो है नंदकुमार। यह न होय उपदेस स्याम को कहत लगावन छार॥ निर्गुन-ज्योति कहा उन पाई सिखवत बारम्बार। काल्हिहि करत हुते हमरे अँग अपने हाथ सिंगार॥ ब्याकुल भए गोपालहि बिछुरे गयो गुनज्ञान सँभार। तातें ज्यों भावै त्यों बकत हौ, नाही दोष तुम्हार॥ बिरह सहन को हम सिरजी हैं, पाहन हृदय हमार। सूरदास अन्तरगति मोहन जीवन-प्रान-अधार॥२१७॥

ūdho! jāya bahuri suni āvahu kahā kahyo hai naṃdakumāra| yaha na hoya upadesa syāma ko kahata lagāvana chāra|| nirguna-jyoti kahā una pāī sikhavata bārambāra| kālhihi karata hute hamare a~ga apane hātha siṃgāra|| byākula bhae gopālahi bichure gayo gunajñāna sa~bhāra| tāteṃ jyoṃ bhāvai tyoṃ bakata hau, nāhī doṣa tumhāra|| biraha sahana ko hama sirajī haiṃ, pāhana hṛdaya hamāra| sūradāsa antaragati mohana jīvana-prāna-adhāra||217||

आवहु री सखि! सब मिलि सोचैं ज्यों पावैं नँदलाल॥ घर बाहर तें बोलि लेहु सब जावदेक ब्रजबाल। कमलासन बैठहु री माई! मूँदहु नयन बिसाल॥ षट्पद कही सोऊ करि देखी, हाथ कछू नहिं आई। सुन्दरस्याम कमलदललोचन नेकु न देत दिखाई॥ फिरि भईं मगन बिरहसागर में काहुहि सुधि न रही। पूरन प्रेम देखि गोपिन को मधुकर मौन गही॥ कहुं धुनि सुनि स्रवननि चातक की प्रान पलटि तब आए। सूर सु अबकै टेरि पपीहै बिरहिन मृतक जिवाए॥२१८॥

āvahu rī sakhi! saba mili socaiṃ jyoṃ pāvaiṃ na~dalāla|| ghara bāhara teṃ boli lehu saba jāvadeka brajabāla| kamalāsana baiṭhahu rī māī! mū~dahu nayana bisāla|| ṣaṭpada kahī soū kari dekhī, hātha kachū nahiṃ āī| sundarasyāma kamaladalalocana neku na deta dikhāī|| phiri bhaīṃ magana birahasāgara meṃ kāhuhi sudhi na rahī| pūrana prema dekhi gopina ko madhukara mauna gahī|| kahuṃ dhuni suni sravanani cātaka kī prāna palaṭi taba āe| sūra su abakai ṭeri papīhai birahina mṛtaka jivāe||218||

जे नहिं जानैं पीर पराई हैं सर्वज्ञ कहावत॥ प्यासे प्रान जात हैं जल बिनु सुधासमुद्र बतावत॥ हम बिरहिनी स्यामसुन्दर की तुम निर्गुनहिं जनावत। ये दृग-मधुप सुमन सब परिहरि कमलबदन-रस भावत॥ करो न कुटिल निठुर चित-अन्तर सूरदास कवि गावत॥२१९॥

je nahiṃ jānaiṃ pīra parāī haiṃ sarvajña kahāvata|| pyāse prāna jāta haiṃ jala binu sudhāsamudra batāvata|| hama birahinī syāmasundara kī tuma nirgunahiṃ janāvata| ye dṛga-madhupa sumana saba parihari kamalabadana-rasa bhāvata|| karo na kuṭila niṭhura cita-antara sūradāsa kavi gāvata||219||

ऊधो! भली करी अब आए। विधि-कुलाल कीने काँचे घट ते तुम आनि पकाए॥ रंग दियो हो कान्ह साँवरे, अँग अँग चित्र बनाए। गलन न पाए नयन-नीर तें अवधि अटा जो छाए॥ ब्रज करि अँवाँ, जोग करि ईंधन सुरति-अगिनि सुलगाए। फूँक उसास, बिरह परजारनि, दरसन-आस फिराए॥ भए सँपूरन भरे प्रेम-जल, छुवन न काहू पाए। राजकाज तें गए सूर सुनि, नंदनंदन कर लाए॥२२०॥

ūdho! bhalī karī aba āe| vidhi-kulāla kīne kā~ce ghaṭa te tuma āni pakāe|| raṃga diyo ho kānha sā~vare, a~ga a~ga citra banāe| galana na pāe nayana-nīra teṃ avadhi aṭā jo chāe|| braja kari a~vā~, joga kari īṃdhana surati-agini sulagāe| phū~ka usāsa, biraha parajārani, darasana-āsa phirāe|| bhae sa~pūrana bhare prema-jala, chuvana na kāhū pāe| rājakāja teṃ gae sūra suni, naṃdanaṃdana kara lāe||220||

ऊधो! कुलिस भई यह छाती। मेरो मन रसिक लग्यो नँदलालहि, झखत रहत दिनराती॥ तजि ब्रजलोक, पिता अरु जननी, कंठ लाय गए काती। ऐसे निठुर भए हरि हमको कबहुँ न पठई पाती॥ पिय पिय कहत रहत जिय मेरो ह्वै चातक की जाती। सूरदास प्रभु प्रानहिं राखहु ह्वै कै बूँद-सवाती॥२२१॥

ūdho! kulisa bhaī yaha chātī| mero mana rasika lagyo na~dalālahi, jhakhata rahata dinarātī|| taji brajaloka, pitā aru jananī, kaṃṭha lāya gae kātī| aise niṭhura bhae hari hamako kabahu~ na paṭhaī pātī|| piya piya kahata rahata jiya mero hvai cātaka kī jātī| sūradāsa prabhu prānahiṃ rākhahu hvai kai bū~da-savātī||221||

ऊधो! कहु मधुबन की रीति। निसि-लौं करत दाह दिनकर ज्यों हुतो सदा ससि सीति। पुरवा पवन कह्यो नहिं मानत गए सहज बपु जीति॥ कुब्जा-काज कंस को मार्यो, भई निरंतर प्रीति। सूर बिरह ब्रज भलो न लागत जहाँ ब्याह तहँ गीति॥२२२॥

ūdho! kahu madhubana kī rīti| nisi-lauṃ karata dāha dinakara jyoṃ huto sadā sasi sīti| puravā pavana kahyo nahiṃ mānata gae sahaja bapu jīti|| kubjā-kāja kaṃsa ko māryo, bhaī niraṃtara prīti| sūra biraha braja bhalo na lāgata jahā~ byāha taha~ gīti||222||

ऊधो! काल-चाल चौरासी। मन हरि मदनगोपाल हमारो बोलत बोल उदासी॥ एते पै हम जोग करहिं क्यों लै अबिगत अबिनासी। गुप्त गोपाल करी बनलीला हम लूटी सुखरासी॥ लोचन उमगि चलत हरि के हित बिन देखे बरिसा सी। रसना सूर स्याम के रस बिनु चातकहू तें प्यासी॥२२३॥

ūdho! kāla-cāla caurāsī| mana hari madanagopāla hamāro bolata bola udāsī|| ete pai hama joga karahiṃ kyoṃ lai abigata abināsī| gupta gopāla karī banalīlā hama lūṭī sukharāsī|| locana umagi calata hari ke hita bina dekhe barisā sī| rasanā sūra syāma ke rasa binu cātakahū teṃ pyāsī||223||

ऊधो! सरद समयहू आयो। बहुतै दिवस रटत चातक तकि तेउ स्वाति-जल पायो॥ कबहुँक ध्यान धरत उर-अन्तर मुख मुरली लै गावत। सो रसरास पुलिन जमुना की ससि देखे सुधि आवत॥ जासों लगन-प्रीति अन्तरगत औगुन गुन करि भावत। हमसों कपट, लोक-डर तातें सूर सनेह जनावत॥२२४॥

ūdho! sarada samayahū āyo| bahutai divasa raṭata cātaka taki teu svāti-jala pāyo|| kabahu~ka dhyāna dharata ura-antara mukha muralī lai gāvata| so rasarāsa pulina jamunā kī sasi dekhe sudhi āvata|| jāsoṃ lagana-prīti antaragata auguna guna kari bhāvata| hamasoṃ kapaṭa, loka-ḍara tāteṃ sūra saneha janāvata||224||

ऊधो! कौन कुदिन छाँड़्यो हो गोकुल। बहुरि न आए फिरि या ब्रज में, बिछुर्यो तबहिं मिल्यो अब सो कुल॥ गरग-बचन समुझे अब मधुबन-कथा-प्रसंग सुन्यो हो जो कुल। सूर भये अब त्रिभुवन के पति नातो ज्ञाति लहे अब निज कुल॥२२५॥

ūdho! kauna kudina chā~ḍa़yo ho gokula| bahuri na āe phiri yā braja meṃ, bichuryo tabahiṃ milyo aba so kula|| garaga-bacana samujhe aba madhubana-kathā-prasaṃga sunyo ho jo kula| sūra bhaye aba tribhuvana ke pati nāto jñāti lahe aba nija kula||225||

ऊधो! राखिए वह बात। कहत हौ अनहद सुबानी सुनत हम चपि जात॥ जोग फल-कुष्मांड ऐसो अजामुख न समात। नयन प्यासे रूप के, जल दए नाहिं अघात। सूर प्रभु मन हरि गए लै छाँड़ि तन-कुसलात॥२२६॥

ūdho! rākhie vaha bāta| kahata hau anahada subānī sunata hama capi jāta|| joga phala-kuṣmāṃḍa aiso ajāmukha na samāta| nayana pyāse rūpa ke, jala dae nāhiṃ aghāta| sūra prabhu mana hari gae lai chā~ḍa़i tana-kusalāta||226||

ऊधो! बात तिहारी जानी। आए हौ ब्रज को बिन काजहि, दहत हृदय कटु बानी॥ झूठी बातनि क्यों मन मानत चलमति, अलप गियानी॥ सिखवहु जाय जहाँ नटनागर रहत प्रेम लपटाने॥ दासी घेरि रहे हरि, तुम ह्याँ गढ़ि गढ़ि कहत बनाई। निपट निलज्ज अजहुँ न चलत उठि, कहत सूर समुझाई॥२२७॥

ūdho! bāta tihārī jānī| āe hau braja ko bina kājahi, dahata hṛdaya kaṭu bānī|| jhūṭhī bātani kyoṃ mana mānata calamati, alapa giyānī|| sikhavahu jāya jahā~ naṭanāgara rahata prema lapaṭāne|| dāsī gheri rahe hari, tuma hyā~ gaḍha़i gaḍha़i kahata banāī| nipaṭa nilajja ajahu~ na calata uṭhi, kahata sūra samujhāī||227||

ऊधो! राखति हौं पति तेरी। ह्याँ तें जाहु, दुर आगे तें देखत आँखि बरति हैं मेरी॥ तुम जो कहत गोपाल सत्य है, देखहु आय न कुब्जा घेरी। ते तौ तैसेई दोउ बने हैं, वै अहीर वह कँस की चेरी॥ तुम सारिखे बसीठ पठाए, कहा कहौं उनकी मति फेरी। सूरदास प्रभु तुम्हरे मिलन को ग्वालिनि कै सँग जोवति हेरी॥२२८॥

ūdho! rākhati hauṃ pati terī| hyā~ teṃ jāhu, dura āge teṃ dekhata ā~khi barati haiṃ merī|| tuma jo kahata gopāla satya hai, dekhahu āya na kubjā gherī| te tau taiseī dou bane haiṃ, vai ahīra vaha ka~sa kī cerī|| tuma sārikhe basīṭha paṭhāe, kahā kahauṃ unakī mati pherī| sūradāsa prabhu tumhare milana ko gvālini kai sa~ga jovati herī||228||

ऊधो! बेदबचन परमान। श्री-निकेत-समेत सब गुन, सकल-रूप-निधान। अधर-सुधा पिवाय बिछुरे पठै दीनो ज्ञान॥ दूरि नहीं दयाल सब घट कहत एक समान। रूप-रेख न देखिए, बिन स्वाद सब्द भुलान। ईखदंडहि डारि हरिगुन, गहत पानि बिषान॥ बीतराग सुजान जोगिन, भक्तजनन निवास। निगम-बानी मेटिकै क्यों कहै सूरदास?॥२२९॥

ūdho! bedabacana paramāna| śrī-niketa-sameta saba guna, sakala-rūpa-nidhāna| adhara-sudhā pivāya bichure paṭhai dīno jñāna|| dūri nahīṃ dayāla saba ghaṭa kahata eka samāna| rūpa-rekha na dekhie, bina svāda sabda bhulāna| īkhadaṃḍahi ḍāri hariguna, gahata pāni biṣāna|| bītarāga sujāna jogina, bhaktajanana nivāsa| nigama-bānī meṭikai kyoṃ kahai sūradāsa?||229||

ऊधो! अब चित भए कठोर। पूरब प्रीति बिसारी गिरिधर नवतन राचे और॥ जा दिन तें मधुपुरी सिधारे धीरज रह्यो न मोर। जन्म जन्म की दासी तुम्हरी नागर नंदकिसोर॥ चितवनि-बान लगाए मोहन निकसे उर वहि ओर। सूरदास प्रभु कबहिं मिलौगे, कहाँ रहे रनछोर?॥२३०॥

ūdho! aba cita bhae kaṭhora| pūraba prīti bisārī giridhara navatana rāce aura|| jā dina teṃ madhupurī sidhāre dhīraja rahyo na mora| janma janma kī dāsī tumharī nāgara naṃdakisora|| citavani-bāna lagāe mohana nikase ura vahi ora| sūradāsa prabhu kabahiṃ milauge, kahā~ rahe ranachora?||230||

ऊधो! अब नहिं स्याम हमारे। मधुबन बसत बदलि से गे वे, माधव मधुप तिहारे॥ इतनिहि दूरि भए कछु औरै, जोय जोय मगु हारे। कपटी कुटिल काक कोकिल ज्यों अन्त भए उड़ि न्यारे॥ रस लै भँवर जाय स्वारथ-हित प्रीतम चितहिं बिसारे। सूरदास तिनसों कह कहिए जे तन हूँ मन कारे॥२३१॥

ūdho! aba nahiṃ syāma hamāre| madhubana basata badali se ge ve, mādhava madhupa tihāre|| itanihi dūri bhae kachu aurai, joya joya magu hāre| kapaṭī kuṭila kāka kokila jyoṃ anta bhae uḍa़i nyāre|| rasa lai bha~vara jāya svāratha-hita prītama citahiṃ bisāre| sūradāsa tinasoṃ kaha kahie je tana hū~ mana kāre||231||

ऊधो! पा लागौं भले आए। तुम देखे जनु माधव देखे, तुम त्रयताप नसाए॥ नँद जसोदा नातो टूटो बेद पुरानन गाए। हम अहीरि, तुम अहिर नाम तजि निर्गुन नाम लखाए॥ तब यहि घोष खेल बहु खेले ऊखल भुजा बँधाए। सूरदास प्रभु यहै सूल जिय बहुरि न चरन दिखाए॥२३२॥

ūdho! pā lāgauṃ bhale āe| tuma dekhe janu mādhava dekhe, tuma trayatāpa nasāe|| na~da jasodā nāto ṭūṭo beda purānana gāe| hama ahīri, tuma ahira nāma taji nirguna nāma lakhāe|| taba yahi ghoṣa khela bahu khele ūkhala bhujā ba~dhāe| sūradāsa prabhu yahai sūla jiya bahuri na carana dikhāe||232||

ऊधो! निरगुन कहत हौ तुमहीं अब धौं लेहु। सगुन मूरति नंदनन्दन हमहिं आनि सु देहु॥ अगम पन्थ परम कठिन गवन तहाँ नाहिं। मन बच क्रम कहत सूर बैरनि की बानि॥२३३॥

ūdho! niraguna kahata hau tumahīṃ aba dhauṃ lehu| saguna mūrati naṃdanandana hamahiṃ āni su dehu|| agama pantha parama kaṭhina gavana tahā~ nāhiṃ| mana baca krama kahata sūra bairani kī bāni||233||

सीऊ कहि डारौ पा लागैं, हम सब सुनि सहिबे को॥ यह उपदेस आज लौं मैं, सखि, स्रवन सुन्यो नहिं देख्यो। बसत स्याम निकसत न एक पल हिये मनोहर ऐन। या कहँ यहाँ ठौर नाहीं, लै राखौ जहाँ सुचैन॥ हम सब सखि गोपाल-उपासिनि हमसों बातैं छाँड़ि। सुर मधुप! लै राखु मधुपुरी कुबजा के घर गाड़ि॥२३४॥

sīū kahi ḍārau pā lāgaiṃ, hama saba suni sahibe ko|| yaha upadesa āja lauṃ maiṃ, sakhi, sravana sunyo nahiṃ dekhyo| basata syāma nikasata na eka pala hiye manohara aina| yā kaha~ yahā~ ṭhaura nāhīṃ, lai rākhau jahā~ sucaina|| hama saba sakhi gopāla-upāsini hamasoṃ bātaiṃ chā~ḍa़i| sura madhupa! lai rākhu madhupurī kubajā ke ghara gāḍa़i||234||

ऊधो! कहियो सबै सोहती। अंतहु सीख सुनहुगे हमरी कहियत बात बिचारि। फुरत न बचन कछू कहिबे को, रहे प्रीति सों हारि॥ देखियत हौ करुना की मूरति, सुनियत हौ परपीरक। सोय करौ ज्यों मिटै हृदय को दाह परै उर सीरक॥ राजपंथ तें टारि बतावत उरझ कुबील कुपैंड़ो। सूरदास समाय कहाँ लौं अज के बदन कुम्हैड़ो?॥२३५॥

ūdho! kahiyo sabai sohatī| aṃtahu sīkha sunahuge hamarī kahiyata bāta bicāri| phurata na bacana kachū kahibe ko, rahe prīti soṃ hāri|| dekhiyata hau karunā kī mūrati, suniyata hau parapīraka| soya karau jyoṃ miṭai hṛdaya ko dāha parai ura sīraka|| rājapaṃtha teṃ ṭāri batāvata urajha kubīla kupaiṃḍa़o| sūradāsa samāya kahā~ lauṃ aja ke badana kumhaiḍa़o?||235||

ऊधो! तुमहुं सुनौ इक बात। जो तुम करत सिखावन सो हमैं नाहिंन नेकु सुहात॥ ससि-दरसन बिनु मलिन कुमोदिनि ज्यों रवि बिनु जल जात। त्यों हम कमलनयन बिन देखे तलफि तलफि मुरझात॥ रहे स्रवन मुरलीधर सों रत, सिंगी सुनत डरात॥ अबलनि आनि जोग उपदेसत नाहिंन नेकु लजात। अवधि-आस गनि गनि जीवति हैं, अब नहिं प्रान खटात। सूर स्याम हम निपट बिसारी ज्यों तरु जीरन पात॥२३६॥

ūdho! tumahuṃ sunau ika bāta| jo tuma karata sikhāvana so hamaiṃ nāhiṃna neku suhāta|| sasi-darasana binu malina kumodini jyoṃ ravi binu jala jāta| tyoṃ hama kamalanayana bina dekhe talaphi talaphi murajhāta|| rahe sravana muralīdhara soṃ rata, siṃgī sunata ḍarāta|| abalani āni joga upadesata nāhiṃna neku lajāta| avadhi-āsa gani gani jīvati haiṃ, aba nahiṃ prāna khaṭāta| sūra syāma hama nipaṭa bisārī jyoṃ taru jīrana pāta||236||

ऊधो! अँखियाँ अति अनुरागी। इकटक मग जोवति अरु रोवति, भूलेहु पलक न लागी॥ बिन पावस पावस ऋतु आई देखत हौ बिदमान। अब धौं कहा कियो चाहत हौ? छाँड़हु नीरस ज्ञान॥ सुनु प्रिय सखा स्यामसुन्दर के जानत सकल सुभाव। जैसे मिलैं सूर प्रभु हमको सो कछु करहु उपाव॥२३७॥

ūdho! a~khiyā~ ati anurāgī| ikaṭaka maga jovati aru rovati, bhūlehu palaka na lāgī|| bina pāvasa pāvasa ṛtu āī dekhata hau bidamāna| aba dhauṃ kahā kiyo cāhata hau? chā~ḍa़hu nīrasa jñāna|| sunu priya sakhā syāmasundara ke jānata sakala subhāva| jaise milaiṃ sūra prabhu hamako so kachu karahu upāva||237||

ऊधो! कहत कही नहिं जाय। मदनगोपाल लाल के बिछुरत प्रान रहे मुरझाय॥ अब स्यंदन चढ़ि गवन कियो इत फिरि चितयो गोपाल। तबहीं परम कृतज्ञ सबै उठि सँग लगीं ब्रजबाल॥ अब यह औरै सृष्टि बिरह की बकति बाय-बौरानो। तिनसों कहा देत फिरि उत्तर? तुम हौ पूरन ज्ञानी॥ अब सो मान घटै, का कीजै? ज्यों उपजै परतीति। सूरदास कछु बरनि न आवै कठिन बिरह की रीति॥२३८॥

ūdho! kahata kahī nahiṃ jāya| madanagopāla lāla ke bichurata prāna rahe murajhāya|| aba syaṃdana caḍha़i gavana kiyo ita phiri citayo gopāla| tabahīṃ parama kṛtajña sabai uṭhi sa~ga lagīṃ brajabāla|| aba yaha aurai sṛṣṭi biraha kī bakati bāya-baurāno| tinasoṃ kahā deta phiri uttara? tuma hau pūrana jñānī|| aba so māna ghaṭai, kā kījai? jyoṃ upajai paratīti| sūradāsa kachu barani na āvai kaṭhina biraha kī rīti||238||

ऊधो! यह मन अधिक कठोर। निकसि न गयो कुँभ काँचे ज्यों बिछुरत नँदकिसोर॥ हम कछु प्रीति-रीति नहिं जानी तब ब्रजनाथ तजी। हमरे प्रेम न उनको, ऊधो! सब रस-रीति लजी॥ हमतें भली जलचरी बपुरी अपनो नेम निबाहैं। जल तें बिछुरत ही तन त्यागैं जल ही जल को चाहैं। अचरज एक भयो सुनो, ऊधो! जल बिनु मीन जियो। सूरदास प्रभु आवन कहि गए मन बिस्वास कियो॥२३९॥

ūdho! yaha mana adhika kaṭhora| nikasi na gayo ku~bha kā~ce jyoṃ bichurata na~dakisora|| hama kachu prīti-rīti nahiṃ jānī taba brajanātha tajī| hamare prema na unako, ūdho! saba rasa-rīti lajī|| hamateṃ bhalī jalacarī bapurī apano nema nibāhaiṃ| jala teṃ bichurata hī tana tyāgaiṃ jala hī jala ko cāhaiṃ| acaraja eka bhayo suno, ūdho! jala binu mīna jiyo| sūradāsa prabhu āvana kahi gae mana bisvāsa kiyo||239||

पा लागौं कहियो हरिजू सों दरस देहु इक बेर। सूरदास प्रभु सों बिनती करि यहै सुनैयो टेर॥२४०॥

pā lāgauṃ kahiyo harijū soṃ darasa dehu ika bera| sūradāsa prabhu soṃ binatī kari yahai sunaiyo ṭera||240||

ऊधो! हमैं जोग नहिं भावै। तुम जो कही सत्य सब बातें, हमरे लेखे धूरि। या घट-भीतर सगुन निरँतर रहे स्याम भरि पूरि॥ पा लागौं कहियो मोहन सों जोग कूबरी दीजै। सूरदास प्रभु-रूप निहारैं हमरे संमुख कीजै॥२४१॥

ūdho! hamaiṃ joga nahiṃ bhāvai| tuma jo kahī satya saba bāteṃ, hamare lekhe dhūri| yā ghaṭa-bhītara saguna nira~tara rahe syāma bhari pūri|| pā lāgauṃ kahiyo mohana soṃ joga kūbarī dījai| sūradāsa prabhu-rūpa nihāraiṃ hamare saṃmukha kījai||241||

ऊधो! हम न जोगपद साधे। सुन्दरस्याम सलोनो गिरिधर नँदनँदन आराधे॥ जा तन रचि रचि भूषन पहिरे भाँति भाँति के साज। ता तन को कहै भस्म चढ़ावन, आवत नाहिंन लाज॥ घट-भीतर नित बसत साँवरो मोरमुकुट सिर धारे। सूरदास चित तिन सों लाग्यो, जोगहिं कौन सँभारे?॥२४२॥

ūdho! hama na jogapada sādhe| sundarasyāma salono giridhara na~dana~dana ārādhe|| jā tana raci raci bhūṣana pahire bhā~ti bhā~ti ke sāja| tā tana ko kahai bhasma caḍha़āvana, āvata nāhiṃna lāja|| ghaṭa-bhītara nita basata sā~varo moramukuṭa sira dhāre| sūradāsa cita tina soṃ lāgyo, jogahiṃ kauna sa~bhāre?||242||

ऊधो! कहियो यह संदेस। लोग कहत कुबजा-रस-माते, तातें तुम सकुचौ जनि लेस॥ कबहुँक इत पग धारि सिधारौ धरि हरिखँड सुबेस। हमरो मनरंजन कीन्हें तें ह्वैहौ भुवननरेस॥ जब तुम इत ठहराय रहौगे देखौगे सब देस। इतनी कहत कहत स्यामा पै कछु न रह्यो अवसेस। मोहनलाल प्रबाल मृदुलमन ततछन करी सुहेस॥ मुख मृदुछबि मुरली रव पूरित गोरज-कर्बुर केस। नट-नाटकगति बिकट लटक जब बन तें कियो प्रबेस॥ अति आतुर अकुलाय धाय पिय पोंछत नैन कुसेस। कुम्हिलानो मुखपद्म परस करि देखत छविहि बिसेस॥ सूर सोम, सनकादि, इंद्र, अज, सारद, निगम, महेस। नित्यबिहार सकल रस भ्रमगति कहि गावहिं मुख सेस॥२४३॥ हुई धूल लगने के कारण धूमले बाल।

ūdho! kahiyo yaha saṃdesa| loga kahata kubajā-rasa-māte, tāteṃ tuma sakucau jani lesa|| kabahu~ka ita paga dhāri sidhārau dhari harikha~ḍa subesa| hamaro manaraṃjana kīnheṃ teṃ hvaihau bhuvananaresa|| jaba tuma ita ṭhaharāya rahauge dekhauge saba desa| itanī kahata kahata syāmā pai kachu na rahyo avasesa| mohanalāla prabāla mṛdulamana tatachana karī suhesa|| mukha mṛduchabi muralī rava pūrita goraja-karbura kesa| naṭa-nāṭakagati bikaṭa laṭaka jaba bana teṃ kiyo prabesa|| ati ātura akulāya dhāya piya poṃchata naina kusesa| kumhilāno mukhapadma parasa kari dekhata chavihi bisesa|| sūra soma, sanakādi, iṃdra, aja, sārada, nigama, mahesa| nityabihāra sakala rasa bhramagati kahi gāvahiṃ mukha sesa||243|| huī dhūla lagane ke kāraṇa dhūmale bāla|

ऊधो! हरिजू हित जनाय चित चोराय लयो। ऊधो! चपल नयन चलाय अंगराग दयो॥ परम साधु सखा सुजन जदुकुल के मानि। कहौ बात प्रात एक साँची जिय जानि॥ सरद-बारिज सरिस दृग भौंह काम-कमान। मोहन मथुरा पै बसैं, ब्रज पठयो जोगसँदेस। तुम सयाने स्याम के देखहु जिय बिचारि। प्रीतम पति नृपति भए औ गहे वर नारि॥ कोमल कर मधुर मुरलि अधर धरे तान। मृगी मृगज-लोचनी भए उभय एक प्रकार। नाद नयनबिष-तते न जान्यो मारनहार॥ गोधन तजि गवन कियो लियो बिरद गोपाल। नीके कै कहिबी, यह भली निगम-चाल॥२४४॥

ūdho! harijū hita janāya cita corāya layo| ūdho! capala nayana calāya aṃgarāga dayo|| parama sādhu sakhā sujana jadukula ke māni| kahau bāta prāta eka sā~cī jiya jāni|| sarada-bārija sarisa dṛga bhauṃha kāma-kamāna| mohana mathurā pai basaiṃ, braja paṭhayo jogasa~desa| tuma sayāne syāma ke dekhahu jiya bicāri| prītama pati nṛpati bhae au gahe vara nāri|| komala kara madhura murali adhara dhare tāna| mṛgī mṛgaja-locanī bhae ubhaya eka prakāra| nāda nayanabiṣa-tate na jānyo māranahāra|| godhana taji gavana kiyo liyo birada gopāla| nīke kai kahibī, yaha bhalī nigama-cāla||244||

⁠मधुकर! जानत है सब कोऊ। जैसे तुम औ मीत तुम्हारे, गुननि निपुन हौ दौऊ॥ पाके चोर, हृदय के कपटी, तुम कारे औ वोऊ। सरबसु हरत, करत अपनो सुख, कैसेहू किन होऊ॥ परम कृपन थोरे धन जीवन उबरत नाहिंन सोऊ। सूर सनेह करै जो तुमसों सो करै आप-बिगोऊ॥२४५॥

⁠madhukara! jānata hai saba koū| jaise tuma au mīta tumhāre, gunani nipuna hau dauū|| pāke cora, hṛdaya ke kapaṭī, tuma kāre au voū| sarabasu harata, karata apano sukha, kaisehū kina hoū|| parama kṛpana thore dhana jīvana ubarata nāhiṃna soū| sūra saneha karai jo tumasoṃ so karai āpa-bigoū||245||

मधुकर! कहियत बहुत सयाने। तुम्हरी मति कापै बनि आवै हमरे काज अजाने। तैसोई तू, तैसो तेरो ठाकुर, एकहि बरनहि बाने। पहिले प्रीति पिवाय सुधारस पाछे जोग बखाने॥ एक समय पंकजरस वासे दिनकर अस्त न माने। सोइ सूर गति भइ ह्याँ हरि बिनु हाथ मीड़ि पछिताने॥२४६॥

madhukara! kahiyata bahuta sayāne| tumharī mati kāpai bani āvai hamare kāja ajāne| taisoī tū, taiso tero ṭhākura, ekahi baranahi bāne| pahile prīti pivāya sudhārasa pāche joga bakhāne|| eka samaya paṃkajarasa vāse dinakara asta na māne| soi sūra gati bhai hyā~ hari binu hātha mīḍa़i pachitāne||246||

⁠मधुकर! कहत सँदेसो सूलहु। हरिपद छाँड़ि चले तातें तुम प्रीतिप्रेम भ्रमि भूलहु॥ नहिं या उक्ति मृदुल श्रीमुख की जे तुम उर में हूलहु। बिलज न बदन होत या उचरत जो संधान न मूलहु॥ उत बड़ ठौर नगर मथुरा, इत तरनितनूजा कूलहु। उत महराज चतुर्भुज सुमिरौ, इत किसोरनँद दूलहु॥ जे तुम कही बड़ेन की बतियाँ ब्रज जन नहिं समतूलहु। सूर स्याम गोपी-सँग बिलसे कंठ धरे भुजमूलहु॥२४७॥

⁠madhukara! kahata sa~deso sūlahu| haripada chā~ḍa़i cale tāteṃ tuma prītiprema bhrami bhūlahu|| nahiṃ yā ukti mṛdula śrīmukha kī je tuma ura meṃ hūlahu| bilaja na badana hota yā ucarata jo saṃdhāna na mūlahu|| uta baḍa़ ṭhaura nagara mathurā, ita taranitanūjā kūlahu| uta maharāja caturbhuja sumirau, ita kisorana~da dūlahu|| je tuma kahī baḍa़ena kī batiyā~ braja jana nahiṃ samatūlahu| sūra syāma gopī-sa~ga bilase kaṃṭha dhare bhujamūlahu||247||

⁠मधुकर! यहाँ नहीं मन मेरो। गयो जो सँग नंदनंदन के बहुरि न कीन्हो फेरो॥ लयो नयन मुसकानि मोल है, कियो परायो चेरो। सौंप्यो जाहि भयो बस ताके, बिसर्यो बास-बसेरो॥ मँदे पर्यो, सिधारू अनत लै, यह निर्गुन मत तेरो॥२४८॥

⁠madhukara! yahā~ nahīṃ mana mero| gayo jo sa~ga naṃdanaṃdana ke bahuri na kīnho phero|| layo nayana musakāni mola hai, kiyo parāyo cero| sauṃpyo jāhi bhayo basa tāke, bisaryo bāsa-basero|| ma~de paryo, sidhārū anata lai, yaha nirguna mata tero||248||

मधुकर! हमहीं कौ समझावत। बारंबार ज्ञानगाथा ब्रज अबलन आगे गावत॥ कमलनयन करकमल कमलपग कमलबदन बिरमावत। सूरदास प्रभु अलि अनुरागी काहे को और भुकावत?॥२४९॥

madhukara! hamahīṃ kau samajhāvata| bāraṃbāra jñānagāthā braja abalana āge gāvata|| kamalanayana karakamala kamalapaga kamalabadana biramāvata| sūradāsa prabhu ali anurāgī kāhe ko aura bhukāvata?||249||

अपनी चाँड़ आनि उड़ि बैठ्यो भँवर भलो रस जानि। कै वह बेलि बढ़ौ कै सूखौ, तिनको कह हितहानि॥ प्रथम बेनु बन हरत हरिन-मन राग-रागिनी ठानि। जैसे बधिक बिसासि बिबस करि बधत विषम सर तानि॥ पय प्यावत पूतना हनी, छपि बालि हन्यो, बलि दानि। सूपनखा, ताड़का निपाती सूर स्याम यह बानि॥२५०॥

apanī cā~ḍa़ āni uḍa़i baiṭhyo bha~vara bhalo rasa jāni| kai vaha beli baḍha़au kai sūkhau, tinako kaha hitahāni|| prathama benu bana harata harina-mana rāga-rāginī ṭhāni| jaise badhika bisāsi bibasa kari badhata viṣama sara tāni|| paya pyāvata pūtanā hanī, chapi bāli hanyo, bali dāni| sūpanakhā, tāḍa़kā nipātī sūra syāma yaha bāni||250||

⁠मधुकर के पठए तें तुम्हरी व्यापक न्यून परी। नगरनारि-मुखछबि-तन निरखत द्वै बतियाँ बिसरीं॥ ब्रज को नेह, अरु आप पूर्नता एकौ ना उबरी। तीजो पंथ प्रगट भयो देखियत जब भेंटी कुबरी॥ यह तौ परम साधु तुम डहक्यो, इन यह मन न धरी। जो कछु कह्यो सुनि चल्यो सीस धरि जोग-जुगुति-गठरी॥ राजमान सुख रहै कोटि पै घोष न एक घरी॥२५१॥

⁠madhukara ke paṭhae teṃ tumharī vyāpaka nyūna parī| nagaranāri-mukhachabi-tana nirakhata dvai batiyā~ bisarīṃ|| braja ko neha, aru āpa pūrnatā ekau nā ubarī| tījo paṃtha pragaṭa bhayo dekhiyata jaba bheṃṭī kubarī|| yaha tau parama sādhu tuma ḍahakyo, ina yaha mana na dharī| jo kachu kahyo suni calyo sīsa dhari joga-juguti-gaṭharī|| rājamāna sukha rahai koṭi pai ghoṣa na eka gharī||251||

तनक न तोहिं पत्याऊँ, कपटी अंतर-कपट न खोलत॥ तू अति चपल अलप को सगी बिकल चहूँ दिसि डोलत। सूरदास यह रटत बियोगिनि दुसह दाह क्यों झोलत। अमृतरूप आनन्द अँगनिधि अनमिल अगम अमोलत॥२५२॥

tanaka na tohiṃ patyāū~, kapaṭī aṃtara-kapaṭa na kholata|| tū ati capala alapa ko sagī bikala cahū~ disi ḍolata| sūradāsa yaha raṭata biyogini dusaha dāha kyoṃ jholata| amṛtarūpa ānanda a~ganidhi anamila agama amolata||252||

⁠मधुकर! देखि स्याम तन तेरो। हरि-मुख की सुनि मीठी बातैं डरपत है मन मेरो॥ कहत हौं चरन छुवन रसलंपट, बरजत हौ बेकाज। बुधि बिबेक अरु बचन-चातुरी ते सब चितै चुराए। सो उनको कहो कहा बिसार्यो, लाज छाँड़ि ब्रज आए॥ अब लौं कौन हेतु गावत है हम आगे यह गीत। सूर इते सों गारि कहा है जौ पै त्रिगुन अतीत?॥२५३॥

⁠madhukara! dekhi syāma tana tero| hari-mukha kī suni mīṭhī bātaiṃ ḍarapata hai mana mero|| kahata hauṃ carana chuvana rasalaṃpaṭa, barajata hau bekāja| budhi bibeka aru bacana-cāturī te saba citai curāe| so unako kaho kahā bisāryo, lāja chā~ḍa़i braja āe|| aba lauṃ kauna hetu gāvata hai hama āge yaha gīta| sūra ite soṃ gāri kahā hai jau pai triguna atīta?||253||

दिवस चारि की प्रीति-सगाई सो लै अनत गए॥ डहकत फिरत आपने स्वारथ पाखँड और ठए। चाँड़ै सरे चिन्हारी मेटी, करत हैं प्रीति नए॥ चितहि उचाटि मेलि गए रावल मन हरि हरि जु लए। सूरदास प्रभु दूत-धरम तजि बिष के बीज बए॥२५४॥

divasa cāri kī prīti-sagāī so lai anata gae|| ḍahakata phirata āpane svāratha pākha~ḍa aura ṭhae| cā~ḍa़ai sare cinhārī meṭī, karata haiṃ prīti nae|| citahi ucāṭi meli gae rāvala mana hari hari ju lae| sūradāsa prabhu dūta-dharama taji biṣa ke bīja bae||254||

लोकबेद स्रुति-ग्रंथ-रहित सब कथा कहत विपरीत॥ अति कुलीन गुन रूप अमित सब दासी जाय भजी॥ जोगसमाधि गूढ़ स्रुति मुनिमग क्यों समुझिहै गँवारि। रहु रे मधुप! कपट स्वारथ हित तजि बहु बचन बिसेखि। मन क्रम बचन बचत यहि नाते सूर स्याम तन देखि॥२५५॥

lokabeda sruti-graṃtha-rahita saba kathā kahata viparīta|| ati kulīna guna rūpa amita saba dāsī jāya bhajī|| jogasamādhi gūḍha़ sruti munimaga kyoṃ samujhihai ga~vāri| rahu re madhupa! kapaṭa svāratha hita taji bahu bacana bisekhi| mana krama bacana bacata yahi nāte sūra syāma tana dekhi||255||

⁠मधुकर! होहु यहाँ तें न्यारे। तुम देखत तन अधिक तपत है अरु नयनन के तारे॥ तोरे हित अपने मुख करिहैं मीठे तें नहिं खारे॥ हमरे गिरिवरधर के नाम गुन बसे कान्ह उर बारे। सूरदास हम सबै एकमत, तुम सब खोटे कारे॥२५६॥

⁠madhukara! hohu yahā~ teṃ nyāre| tuma dekhata tana adhika tapata hai aru nayanana ke tāre|| tore hita apane mukha karihaiṃ mīṭhe teṃ nahiṃ khāre|| hamare girivaradhara ke nāma guna base kānha ura bāre| sūradāsa hama sabai ekamata, tuma saba khoṭe kāre||256||

⁠मधुप! बिराने लोग बटाऊ। दिन दस रहत काज अपने को तजि गए फिरे न काऊ॥ प्रथम सिद्धि पठई हरि हमको, आयौ ज्ञान अगाऊ। हमको जोग, भोग कुब्जा को, वाको यहै सुभाऊ॥ कीजै कहा नंदनन्दन को जिनके है सतभाऊ। सूरदास प्रभु तन मन अरप्यो प्रान रहैं कै जाऊ॥२५७॥

⁠madhupa! birāne loga baṭāū| dina dasa rahata kāja apane ko taji gae phire na kāū|| prathama siddhi paṭhaī hari hamako, āyau jñāna agāū| hamako joga, bhoga kubjā ko, vāko yahai subhāū|| kījai kahā naṃdanandana ko jinake hai satabhāū| sūradāsa prabhu tana mana arapyo prāna rahaiṃ kai jāū||257||

⁠मधुकर! महाप्रबीन सयाने। जानत तीन लोक की बातैं अबलन काज अयाने॥ जे कच कनक-कचोरा भरि भरि मेलत तेल फुलेल। तिन केसन को भस्म बतावत, टेसू कैसो खेल॥ जिन केसन कबरी गहि सुन्दर अपने हाथ बनाई॥ जिन स्रबनन ताटंक, खुभी अरु करनफूल खुटिलाऊ। तिन स्रबनन कसमीरी मुद्रा लटकन, चीर झलाऊ॥ भाल तिलक, काजर चख, नाला नकबेसरि, नथ फूली। ते सब तजि हमरे मेलन को उज्वल भस्मी खूली॥ कंठ सुमाल हार मनि, मुक्ता, हीरा, रतन अपार। ताही कंठ बाँधिबे के हित सिंगी जोगसिंगार॥ जिहि मुख मीत सुभाखत गावत करत परस्पर हास। कंचुकि छीन, उबटि घसि चन्दन, सारी सारस चन्द। ऊधो, उठो सबै पा लागैं, देख्यो ज्ञान तुम्हारो। सूरदास मुख बहुरि देखिहैं जीजौ कान्ह हमारो॥२५८॥

⁠madhukara! mahāprabīna sayāne| jānata tīna loka kī bātaiṃ abalana kāja ayāne|| je kaca kanaka-kacorā bhari bhari melata tela phulela| tina kesana ko bhasma batāvata, ṭesū kaiso khela|| jina kesana kabarī gahi sundara apane hātha banāī|| jina srabanana tāṭaṃka, khubhī aru karanaphūla khuṭilāū| tina srabanana kasamīrī mudrā laṭakana, cīra jhalāū|| bhāla tilaka, kājara cakha, nālā nakabesari, natha phūlī| te saba taji hamare melana ko ujvala bhasmī khūlī|| kaṃṭha sumāla hāra mani, muktā, hīrā, ratana apāra| tāhī kaṃṭha bā~dhibe ke hita siṃgī jogasiṃgāra|| jihi mukha mīta subhākhata gāvata karata paraspara hāsa| kaṃcuki chīna, ubaṭi ghasi candana, sārī sārasa canda| ūdho, uṭho sabai pā lāgaiṃ, dekhyo jñāna tumhāro| sūradāsa mukha bahuri dekhihaiṃ jījau kānha hamāro||258||

जब तें क्रूर गयो लै मोहन तब तें भेद न पाए॥ जाने सखा साधु हरिजू के अवधि बदन को आए। अब या भाग, नन्दनन्दन को या स्वामित को पाए॥ आसन, ध्यान, वायु-अवरोधन, अलि, तन मन अति भाए। है बिचित्र अति, गुनत सुलच्छन गुनी जोगमत गाए॥ मुद्रा, सिंगी, भस्म, त्वचा मृग, ब्रजजुवती-तन ताए। अतसी कुसुमबरन मुख मुरली सूर स्याम किन लाए?॥२५९॥

jaba teṃ krūra gayo lai mohana taba teṃ bheda na pāe|| jāne sakhā sādhu harijū ke avadhi badana ko āe| aba yā bhāga, nandanandana ko yā svāmita ko pāe|| āsana, dhyāna, vāyu-avarodhana, ali, tana mana ati bhāe| hai bicitra ati, gunata sulacchana gunī jogamata gāe|| mudrā, siṃgī, bhasma, tvacā mṛga, brajajuvatī-tana tāe| atasī kusumabarana mukha muralī sūra syāma kina lāe?||259||

⁠मधुकर! कान्ह कही नहिं होहीं। यह तौ नई सखी सिखई है निज अनुराग बरोही॥ सँचि राखी कूबरी-पीठि पै ये बातैं चकचोही। स्याम सुगाहक पाय, सखी री, छार दिखायो मोही॥ नागरमनि जे सोभा-सागर जग जुवती हँसि मोही। लियो रूप है ज्ञान ठगौरी, भलो ठग्यो ठग वोही। है निर्गुन सरवरि कुबरी अब घटी करी हम जोही॥ सूर सो नागरि जोग दीन जिन तिनहिं आज सब सोही॥२६०॥

⁠madhukara! kānha kahī nahiṃ hohīṃ| yaha tau naī sakhī sikhaī hai nija anurāga barohī|| sa~ci rākhī kūbarī-pīṭhi pai ye bātaiṃ cakacohī| syāma sugāhaka pāya, sakhī rī, chāra dikhāyo mohī|| nāgaramani je sobhā-sāgara jaga juvatī ha~si mohī| liyo rūpa hai jñāna ṭhagaurī, bhalo ṭhagyo ṭhaga vohī| hai nirguna saravari kubarī aba ghaṭī karī hama johī|| sūra so nāgari joga dīna jina tinahiṃ āja saba sohī||260||

राग सोरठ। ये सब भईं चित्र की पुतरी सून्य सरीरहिं दाहत॥ हमसों तोसों बैर कहा, अलि, स्याम अजान ज्यों राहत। झारि झूरि मन तो हरि लै गए बहुरि पयारहि गाहत॥ सूर कोट-मध्य तू ह्वै रह, अपनो कियो तू पैहै॥२६१॥

rāga soraṭha| ye saba bhaīṃ citra kī putarī sūnya sarīrahiṃ dāhata|| hamasoṃ tosoṃ baira kahā, ali, syāma ajāna jyoṃ rāhata| jhāri jhūri mana to hari lai gae bahuri payārahi gāhata|| sūra koṭa-madhya tū hvai raha, apano kiyo tū paihai||261||

⁠मधुकर! आवत यहै परेखो। जोग-जज्ञ, तप, दान, नेम-ब्रत करत रहे पितु-मात। क्यों हूँ सुत जो बढ्यो कुसल सों, कठिन मोह की बात॥ करनी प्रगट प्रीति पिक-कीरति अपने काज लौं भीर। काज सर्यो दुख गयो कहाँ धौं, कहँ बायस को बीर॥ जहँ जहँ रहौ राज करौ तहँ तहँ लेव कोटि सिर भार। यह असीस हम देति सूर सुनु न्हात खसै जनि बार॥२६२॥

⁠madhukara! āvata yahai parekho| joga-jajña, tapa, dāna, nema-brata karata rahe pitu-māta| kyoṃ hū~ suta jo baḍhyo kusala soṃ, kaṭhina moha kī bāta|| karanī pragaṭa prīti pika-kīrati apane kāja lauṃ bhīra| kāja saryo dukha gayo kahā~ dhauṃ, kaha~ bāyasa ko bīra|| jaha~ jaha~ rahau rāja karau taha~ taha~ leva koṭi sira bhāra| yaha asīsa hama deti sūra sunu nhāta khasai jani bāra||262||

⁠मधुकर! प्रीति किए पछितानी। हम जानी ऐसी निबहैगी उन कछु औरै ठानी॥ कारे तन को कौन पत्यानो? बोलत मधुरी बानी। हमको लिखि लिखि जोग पठावत आपु करत रजधानी। सूनी सेज स्याम बिनु मोको तलफत रैनि बिहानी। सूर स्याम प्रभु मिलिकै बिछुरे तातें मति जु हिरानी॥२६३॥

⁠madhukara! prīti kie pachitānī| hama jānī aisī nibahaigī una kachu aurai ṭhānī|| kāre tana ko kauna patyāno? bolata madhurī bānī| hamako likhi likhi joga paṭhāvata āpu karata rajadhānī| sūnī seja syāma binu moko talaphata raini bihānī| sūra syāma prabhu milikai bichure tāteṃ mati ju hirānī||263||

मधुकर की संगति तें जनियत बंस अपन चितयो। बिन समझे कह चहति सुन्दरी सोई मुख-कमल गह्यो॥ आलापहु, गावहु, कै नाचहु दावँ परे लै मारि॥ जुआ कियो ब्रजमंडल यह हरि जीति अबिधि सों खेलि। हाथ परी सो गही चपल तिय, रखी सदन में हेलि॥ ऊनो कर्म कियो मातुल बधि मदिरा-मत्त प्रमाद। सूर स्याम एते औगुन में निर्गुन तें अति स्वाद॥२६४॥

madhukara kī saṃgati teṃ janiyata baṃsa apana citayo| bina samajhe kaha cahati sundarī soī mukha-kamala gahyo|| ālāpahu, gāvahu, kai nācahu dāva~ pare lai māri|| juā kiyo brajamaṃḍala yaha hari jīti abidhi soṃ kheli| hātha parī so gahī capala tiya, rakhī sadana meṃ heli|| ūno karma kiyo mātula badhi madirā-matta pramāda| sūra syāma ete auguna meṃ nirguna teṃ ati svāda||264||

⁠मधुकर! चलु आगे तें दूर। जोग सिखावन को हमैं आयो बड़ो निपट तू क्रूर॥ जा घट रहत स्यामघन सुन्दर सदा निरन्तर पूर। ब्रज में सब गोपाल-उपासी, कोउ न लगावै धूर। अपनो नेम सदा जो निबाहै सोई कहावै सूर॥२६५॥

⁠madhukara! calu āge teṃ dūra| joga sikhāvana ko hamaiṃ āyo baḍa़o nipaṭa tū krūra|| jā ghaṭa rahata syāmaghana sundara sadā nirantara pūra| braja meṃ saba gopāla-upāsī, kou na lagāvai dhūra| apano nema sadā jo nibāhai soī kahāvai sūra||265||

⁠मधुकर! सुनहु लोचन-बात। बहुत रोके अंग सब पै नयन उड़ि उड़ि जात॥ ज्यों कपोत बियोग-आतुर भ्रमत है तजि धाम। जात दृग त्यों, फिरि न आवत बिना दरसे स्याम॥ रहे मूँदि कपाट पल दोउ, भए घूँघट-ओट। स्वास कढ़ि तौ जात तितही निकसि मन्मथ फोट॥ स्रवन सुनि जस रहत हरि को, मन रहत धरि ध्यान। रहत रसना नाम रटि, पै इनहिं दरसन हान॥ करत देह बिभाग भोगहिं, जो कछू सब लेत। सूर दरसन हीं बिना यह पलक चैन न देत॥२६६॥

⁠madhukara! sunahu locana-bāta| bahuta roke aṃga saba pai nayana uḍa़i uḍa़i jāta|| jyoṃ kapota biyoga-ātura bhramata hai taji dhāma| jāta dṛga tyoṃ, phiri na āvata binā darase syāma|| rahe mū~di kapāṭa pala dou, bhae ghū~ghaṭa-oṭa| svāsa kaḍha़i tau jāta titahī nikasi manmatha phoṭa|| sravana suni jasa rahata hari ko, mana rahata dhari dhyāna| rahata rasanā nāma raṭi, pai inahiṃ darasana hāna|| karata deha bibhāga bhogahiṃ, jo kachū saba leta| sūra darasana hīṃ binā yaha palaka caina na deta||266||

⁠मधुकर! जो हरि कही करैं। बारक कहे उलूखल बाँधे, वहै कान्ह जिय लीन्ही॥ जौ पै कोटि करैं ब्रजनायक बहुतै राजकुमारी। सूरदास अब सोई करिए बहुरि हरिहि लै ऐहो॥२६७॥

⁠madhukara! jo hari kahī karaiṃ| bāraka kahe ulūkhala bā~dhe, vahai kānha jiya līnhī|| jau pai koṭi karaiṃ brajanāyaka bahutai rājakumārī| sūradāsa aba soī karie bahuri harihi lai aiho||267||

⁠मधुकर! भल आए बलवीर। कहत बचन, बिचारि बिनवहिं सोधियों उन पाहिं। कौन तुम सों कहैं, मधुकर! कहन जोगै नाहिं। प्रीति की कछु रीति न्यारी जानिहौ मन माहिं। नयन नींद न परै निसिदिन बिरह बाढ्यो देह। कठिन निर्दय नंद के सुत जोरि तोर्यो नेह॥ कहा तुम सों कहैं, षटपद! हृदय गुप्त कि बात। सूर के प्रभु क्यों बनैं जो करैं अबला घात?॥२६८॥

⁠madhukara! bhala āe balavīra| kahata bacana, bicāri binavahiṃ sodhiyoṃ una pāhiṃ| kauna tuma soṃ kahaiṃ, madhukara! kahana jogai nāhiṃ| prīti kī kachu rīti nyārī jānihau mana māhiṃ| nayana nīṃda na parai nisidina biraha bāḍhyo deha| kaṭhina nirdaya naṃda ke suta jori toryo neha|| kahā tuma soṃ kahaiṃ, ṣaṭapada! hṛdaya gupta ki bāta| sūra ke prabhu kyoṃ banaiṃ jo karaiṃ abalā ghāta?||268||

⁠मधुकर! यह कारे की रीति। मन दै हरत परायो सर्बस करै कपट की प्रीति। ज्यों षटपद अम्बुज के दल में बसत निसा रति मानी। दिनकर उए अनत उड़ि बैठैं फिर न करत पहिचानि॥ भवन भुजंग पिटारे पाल्यो ज्यों जननी जनि तात। कुल-करतूति जाति नहिं कबहूं सहज सो डसि भजि जात॥ कोकिल काग कुरंग स्याम की छन छन सुरति करावत। सूरदास, प्रभु को मुख देख्यो निसदिन ही मोहिं भावत॥२६९॥

⁠madhukara! yaha kāre kī rīti| mana dai harata parāyo sarbasa karai kapaṭa kī prīti| jyoṃ ṣaṭapada ambuja ke dala meṃ basata nisā rati mānī| dinakara ue anata uḍa़i baiṭhaiṃ phira na karata pahicāni|| bhavana bhujaṃga piṭāre pālyo jyoṃ jananī jani tāta| kula-karatūti jāti nahiṃ kabahūṃ sahaja so ḍasi bhaji jāta|| kokila kāga kuraṃga syāma kī chana chana surati karāvata| sūradāsa, prabhu ko mukha dekhyo nisadina hī mohiṃ bhāvata||269||

⁠मधुप! तुम कहा यहै गुन गावहु। यह प्रिय कथा नगर-नारिन सों कहौं जहाँ कछु पावहु। जानत मरम नंदनंदन को, और प्रसंग चलावहु। हम नाहीं कमलिनि-सी भोरी करि चतुरई मनावहु॥ जनि परसौं अलि! चरन हमारे बिरह-ताप उपजावहु। हम नाहीं कुबिजा-सी भोरी, करि चातुरी दिखावहु॥ अति बिचित्र लरिका की नाईं गुरु दिखाय बहरावहु। सूरदास प्रभु नागरमनि सों कोउ बिधि आनि मिलाबहु॥२७०॥

⁠madhupa! tuma kahā yahai guna gāvahu| yaha priya kathā nagara-nārina soṃ kahauṃ jahā~ kachu pāvahu| jānata marama naṃdanaṃdana ko, aura prasaṃga calāvahu| hama nāhīṃ kamalini-sī bhorī kari caturaī manāvahu|| jani parasauṃ ali! carana hamāre biraha-tāpa upajāvahu| hama nāhīṃ kubijā-sī bhorī, kari cāturī dikhāvahu|| ati bicitra larikā kī nāīṃ guru dikhāya baharāvahu| sūradāsa prabhu nāgaramani soṃ kou bidhi āni milābahu||270||

जनु अन्तरमुख पांडु रोग भयो जुवतिन जो दुख देत॥ रसमय तन मन स्याम-धाम सो ज्यों उजरो संकेत। कमलनयन के बचन सुधा से करट घूँट भरि लेत॥ इन चतुरी तें लोग बापुरे कहत धर्म को सेत॥ माथे परौ जोगपथ तिनके वक्ता छपद समेत। लोचन ललित कटाच्छ मोच्छ बिनु महि में जिऐं निचेत॥ मनसा बाचा और कर्मना स्यामसुन्दर सों हेत। सूरदास मन की सब जानत हमरे मनहिं जितेत॥२७१॥

janu antaramukha pāṃḍu roga bhayo juvatina jo dukha deta|| rasamaya tana mana syāma-dhāma so jyoṃ ujaro saṃketa| kamalanayana ke bacana sudhā se karaṭa ghū~ṭa bhari leta|| ina caturī teṃ loga bāpure kahata dharma ko seta|| māthe parau jogapatha tinake vaktā chapada sameta| locana lalita kaṭāccha moccha binu mahi meṃ jiaiṃ niceta|| manasā bācā aura karmanā syāmasundara soṃ heta| sūradāsa mana kī saba jānata hamare manahiṃ jiteta||271||

⁠मधुकर! मधुमदमातो डोलत। जिय उपजत सोइ कहत न लाजत सूधे बोल न बोलत॥ बकत फिरत मदिरा के लीन्हें बारबार तन घूमत। ब्रीड़ारहित सबन अवलोकत लता-कली-मुख चूमत॥ अपनेहूँ मन की सुधि नाहीं पर्यो आन ही कोठो॥ सावधान करि लेहि अपनपौ तब हम सों करु गोठो। मुख लागी है पराग पीक की, डारत नाहिंन धोई। ताँसों कह कहिए सुनु, सूर, लाज डारि सब खोई॥२७२॥

⁠madhukara! madhumadamāto ḍolata| jiya upajata soi kahata na lājata sūdhe bola na bolata|| bakata phirata madirā ke līnheṃ bārabāra tana ghūmata| brīḍa़ārahita sabana avalokata latā-kalī-mukha cūmata|| apanehū~ mana kī sudhi nāhīṃ paryo āna hī koṭho|| sāvadhāna kari lehi apanapau taba hama soṃ karu goṭho| mukha lāgī hai parāga pīka kī, ḍārata nāhiṃna dhoī| tā~soṃ kaha kahie sunu, sūra, lāja ḍāri saba khoī||272||

⁠मधुकर! ये सुनु तन मन कारे। कहूं न सेत सिद्धताई तन परसे हैं अँग कारे॥ कीन्हो कपट कुंभ विषपूरन पयमुख प्रगट उघारे। बाहिर बेष मनोहर दरसत, अन्तरगत जु ठगारे॥ अब तुम चले ज्ञान-बिष दै हरन जु प्रान हमारे। ते क्यों भले होहिं सूरप्रभु रूप, बचन, कृत कारे॥२७३॥

⁠madhukara! ye sunu tana mana kāre| kahūṃ na seta siddhatāī tana parase haiṃ a~ga kāre|| kīnho kapaṭa kuṃbha viṣapūrana payamukha pragaṭa ughāre| bāhira beṣa manohara darasata, antaragata ju ṭhagāre|| aba tuma cale jñāna-biṣa dai harana ju prāna hamāre| te kyoṃ bhale hohiṃ sūraprabhu rūpa, bacana, kṛta kāre||273||

⁠मधुकर! तुम रसलंपट लोग। कमलकोस में रहन निरंतर हमहिं सिखावत जोग। अपने काज फिरत ब्रज-अंतर निमिष नहीं अकुलात। पुहुए गए बहुरै बेलिन के नेकु न नेरे जात॥ सूर बिधाता धन्य रच्यो जो मधुप स्याम इकगात॥२७४॥

⁠madhukara! tuma rasalaṃpaṭa loga| kamalakosa meṃ rahana niraṃtara hamahiṃ sikhāvata joga| apane kāja phirata braja-aṃtara nimiṣa nahīṃ akulāta| puhue gae bahurai belina ke neku na nere jāta|| sūra bidhātā dhanya racyo jo madhupa syāma ikagāta||274||

कुटिल कटाच्छ बिकट सायक सम, लागत मरम न जाने। मरम गए उर फोरि पिछौं हैं पाछे पै अहटाने॥ घूमत रहत सँभारत नाहिंन, फेरि फेरि समुहाने। टूक टूक ह्वै रहे ढोर गहि पाछे पग न पराने॥ उठत कबंध जुद्ध जोधा ज्यों बाढ़त संमुख हेत। सूर स्याम अब अमृत-बृष्टि करि सींचि प्रान किन देत?॥२७५॥

kuṭila kaṭāccha bikaṭa sāyaka sama, lāgata marama na jāne| marama gae ura phori pichauṃ haiṃ pāche pai ahaṭāne|| ghūmata rahata sa~bhārata nāhiṃna, pheri pheri samuhāne| ṭūka ṭūka hvai rahe ḍhora gahi pāche paga na parāne|| uṭhata kabaṃdha juddha jodhā jyoṃ bāḍha़ta saṃmukha heta| sūra syāma aba amṛta-bṛṣṭi kari sīṃci prāna kina deta?||275||

⁠मधुप! तुम देखियत हौ चित कारे। मधुकर, चिहुर, भुजंग, कोकिला अवधिन हीं दिन टारे। वै अपने सुख ही के राजा तजियत यह अनुहारे॥ कपटी कुटिल निठुर हरि मोहीं दुख दै दूरि सिधारे। बारक बहुरि कबै आवैंगे नयनन साध निवारे॥ उनकी सुनै सो आप बिगोबै चित चोरत बटमारे। सूरदास प्रभु क्यों मन सानै सेवक करत निनारे॥२७६॥

⁠madhupa! tuma dekhiyata hau cita kāre| madhukara, cihura, bhujaṃga, kokilā avadhina hīṃ dina ṭāre| vai apane sukha hī ke rājā tajiyata yaha anuhāre|| kapaṭī kuṭila niṭhura hari mohīṃ dukha dai dūri sidhāre| bāraka bahuri kabai āvaiṃge nayanana sādha nivāre|| unakī sunai so āpa bigobai cita corata baṭamāre| sūradāsa prabhu kyoṃ mana sānai sevaka karata nināre||276||

तिनसों नहिं पहिचान हमारी, फिरि लै दीजो कागर॥ गोपीनाथ, राधिकाबल्लभ, जसुमति नँद कन्हाई। दिन प्रति दान लेत गोकुल में नूतन रीति चलाई॥ तुम तौ परम सयाने ऊधो! कहत और की औरै। सूरदास पंथ के बहँके बोलत हौ ज्यों बौरे॥२७७॥

tinasoṃ nahiṃ pahicāna hamārī, phiri lai dījo kāgara|| gopīnātha, rādhikāballabha, jasumati na~da kanhāī| dina prati dāna leta gokula meṃ nūtana rīti calāī|| tuma tau parama sayāne ūdho! kahata aura kī aurai| sūradāsa paṃtha ke baha~ke bolata hau jyoṃ baure||277||

⁠देखियत कालिंदी अति कारी। कहियो, पथिक! जाय हरि सों ज्यों भई बिरह-जुर-जारी॥ मनो पलिका पै परी धरनि धँसि तरँग तलफ तनु भारी। तटबारू उपचार-चूर मनो, स्वेद-प्रवाह पनारी॥ बिगलित कच कुस कास पुलिन मनो, पंक जु कज्जल सारी। भ्रमर मनो मति भ्रमत चहूं दिसि, फिरति है अंग दुखारी॥ निसिदिन चकई-व्याज बकत मुख, किन मानहुँ अनुहारी। सूरदास प्रभु जो जमुना-गति सो गति भई हमारी॥२७८॥

⁠dekhiyata kāliṃdī ati kārī| kahiyo, pathika! jāya hari soṃ jyoṃ bhaī biraha-jura-jārī|| mano palikā pai parī dharani dha~si tara~ga talapha tanu bhārī| taṭabārū upacāra-cūra mano, sveda-pravāha panārī|| bigalita kaca kusa kāsa pulina mano, paṃka ju kajjala sārī| bhramara mano mati bhramata cahūṃ disi, phirati hai aṃga dukhārī|| nisidina cakaī-vyāja bakata mukha, kina mānahu~ anuhārī| sūradāsa prabhu jo jamunā-gati so gati bhaī hamārī||278||

⁠सुनियत मुरली देखि लजात। दूरहि तें सिंहासन बैठे, सीस नाय मुसकात॥ सुरभी लिखी चित्र भीतिन पर तिनहिं देखि सकुचात। मोरपंख को बिजन बिलोकत बहरावत कहि बात॥ हमरी चरचा जो कोउ चालत, चालत ही चपि जात। सूरदास ब्रज भले बिसार्यो, दूध दही क्यों खात?॥२७९॥

⁠suniyata muralī dekhi lajāta| dūrahi teṃ siṃhāsana baiṭhe, sīsa nāya musakāta|| surabhī likhī citra bhītina para tinahiṃ dekhi sakucāta| morapaṃkha ko bijana bilokata baharāvata kahi bāta|| hamarī caracā jo kou cālata, cālata hī capi jāta| sūradāsa braja bhale bisāryo, dūdha dahī kyoṃ khāta?||279||

किधौं वहि इंद्र हठिहि हरि बरज्यौ, दादुर खाए सेसनि। किधौं वहि देस बकन मग छाँड्यो, धर बूड़ति न प्रबेसनि। किधौं वहि देस मोर, चातक, पिक बधिकन बधे बिसेषनि॥ किधौं वहि देस बाल नहिं झूलति गावत गीत सहेसनि। पथिक न चलत सूर के प्रभु पै जासों कहौं सँदेसनि॥२८०॥

kidhauṃ vahi iṃdra haṭhihi hari barajyau, dādura khāe sesani| kidhauṃ vahi desa bakana maga chā~ḍyo, dhara būḍa़ti na prabesani| kidhauṃ vahi desa mora, cātaka, pika badhikana badhe biseṣani|| kidhauṃ vahi desa bāla nahiṃ jhūlati gāvata gīta sahesani| pathika na calata sūra ke prabhu pai jāsoṃ kahauṃ sa~desani||280||

⁠कोउ सखि नई चाह सुनि आई। यह ब्रजभूमि सकल सुरपति पै मदन मिलिक करि पाई। घन धावन, बगपाँति पटो सिर, बैरख तड़ित सुहाई॥ बोलत पिक चातक ऊँचे सुर, मनो मिलि देत दुहाई। दादुर मोर चकोर बदत सुक सुमन समीर सुहाई॥ सीवँ न चापि सक्यो तब कोऊ, हुते बल कुँवर कन्हाई। अब सुनि सूर स्याम केहरि बिनु ये करिहैं ठकुराई॥२८१॥

⁠kou sakhi naī cāha suni āī| yaha brajabhūmi sakala surapati pai madana milika kari pāī| ghana dhāvana, bagapā~ti paṭo sira, bairakha taḍa़ita suhāī|| bolata pika cātaka ū~ce sura, mano mili deta duhāī| dādura mora cakora badata suka sumana samīra suhāī|| sīva~ na cāpi sakyo taba koū, hute bala ku~vara kanhāī| aba suni sūra syāma kehari binu ye karihaiṃ ṭhakurāī||281||

⁠बरु ये बदराऊ बरसन आए। अपनी अवधि जानि, नँदनंदन! गरजि गगन घन छाए॥ सुनियत है सुरलोक बसत सखि, सेवक सदा पराए। चातक-कुल की पीर जानि कै तेउ तहाँ तें धाए॥ द्रुम किए हरित, हरषि बेली मिलि, दादुर मृतक जिवाए। छाए निबिड़ नीर तृन जहँ तहँ पँछिन हूँ प्रति भाए॥ समझति नहिं सखि! चूक आपनी बहुतै दिन हरि लाए। सूरदास स्वामी करुनामय मधुबन बसि बिसराए॥२८२॥

⁠baru ye badarāū barasana āe| apanī avadhi jāni, na~danaṃdana! garaji gagana ghana chāe|| suniyata hai suraloka basata sakhi, sevaka sadā parāe| cātaka-kula kī pīra jāni kai teu tahā~ teṃ dhāe|| druma kie harita, haraṣi belī mili, dādura mṛtaka jivāe| chāe nibiḍa़ nīra tṛna jaha~ taha~ pa~china hū~ prati bhāe|| samajhati nahiṃ sakhi! cūka āpanī bahutai dina hari lāe| sūradāsa svāmī karunāmaya madhubana basi bisarāe||282||

हरित भूमि, भरे सलिल सरोवर, मिटे मग मोहन आवन के॥ पहिरे सुहाए सुबास सुहागिनि झुंडन झूलन गावन के। गरजत घुमरि घमंड दामिनी मदन धनुष धरि धावन के॥ दादुर मोर सोर सारँग पिक सोहैं निसा सूरमा वन के। सूरदास निसि कैसे निघटत त्रिगुन किए सिर रावन के॥२८३॥

harita bhūmi, bhare salila sarovara, miṭe maga mohana āvana ke|| pahire suhāe subāsa suhāgini jhuṃḍana jhūlana gāvana ke| garajata ghumari ghamaṃḍa dāminī madana dhanuṣa dhari dhāvana ke|| dādura mora sora sāra~ga pika sohaiṃ nisā sūramā vana ke| sūradāsa nisi kaise nighaṭata triguna kie sira rāvana ke||283||

⁠हमारे माई! मोरउ बैर परे। घन गरजे बरजे नहिं मानत त्यों त्यों रटत खरे। करि एक ठौर बीनि इनके पंख मोहन सीस धरे। याही तें हम ही को मारत, हरि ही ढीठ करे॥ कह जानिए कौन गुन, सखि री! हम सों रहत अरे। सूरदास परदेस बसत हरि, ये बन तें न टरे॥२८४॥

⁠hamāre māī! morau baira pare| ghana garaje baraje nahiṃ mānata tyoṃ tyoṃ raṭata khare| kari eka ṭhaura bīni inake paṃkha mohana sīsa dhare| yāhī teṃ hama hī ko mārata, hari hī ḍhīṭha kare|| kaha jānie kauna guna, sakhi rī! hama soṃ rahata are| sūradāsa paradesa basata hari, ye bana teṃ na ṭare||284||

⁠सखी री! हरिहि दोष जनि देहु। जातें इते मान दुख पैयत हमरेहि कपट सनेहु॥ विद्यमान अपने इन नैनन्ह सूनो देखति गेहु। तदपि सूल-ब्रजनाथ-बिरह तें भिदि न होत बड़ बेहु॥ कहि कहि कथा-पुरातन ऊधो! अब तुम अंत न लेहु। सूरदास तन तो यों ह्वै है ज्यों फिरि फागुन मेहु॥२८५॥

⁠sakhī rī! harihi doṣa jani dehu| jāteṃ ite māna dukha paiyata hamarehi kapaṭa sanehu|| vidyamāna apane ina nainanha sūno dekhati gehu| tadapi sūla-brajanātha-biraha teṃ bhidi na hota baḍa़ behu|| kahi kahi kathā-purātana ūdho! aba tuma aṃta na lehu| sūradāsa tana to yoṃ hvai hai jyoṃ phiri phāguna mehu||285||

उघरि आयो परदेसी को नेहु। तब तुम 'कान्ह कान्ह' कहि टेरति फूलति ही, अब लेहु॥ काहे को तुम सर्बस अपनो हाथ पराए देहु। उन जो महा ठग मथुरा छाँड़ी, सिंधुतीर कियो गेहु॥ अब तौ तपन महा तन उपजी, बाढ्यो मन संदेहु। सूरदास बिह्वल भइँ गोपी, नयनन्ह बरस्यो मेहु॥२८६॥

ughari āyo paradesī ko nehu| taba tuma 'kānha kānha' kahi ṭerati phūlati hī, aba lehu|| kāhe ko tuma sarbasa apano hātha parāe dehu| una jo mahā ṭhaga mathurā chā~ḍa़ī, siṃdhutīra kiyo gehu|| aba tau tapana mahā tana upajī, bāḍhyo mana saṃdehu| sūradāsa bihvala bhai~ gopī, nayananha barasyo mehu||286||

⁠हरि न मिले री माई! जन्म ऐसे ही लाग्यो जान। जोवत मग द्यौस द्यौस बीतत जुग-समान॥ चातक-पिक-बयन सखी! सुनि न परै कान। चंदन अरु चंदकिरन कोटि मनो भानु॥ जुवती सजे भूषन रन-आतुर मनो त्रान। भीषण लौं डासि मदन अर्जुन के बान॥ सोवति सर-सेज सूर, चल न चपल प्रान। दच्छिन-रबि-अवधि अटक इतनीऐ जान॥२८७॥

⁠hari na mile rī māī! janma aise hī lāgyo jāna| jovata maga dyausa dyausa bītata juga-samāna|| cātaka-pika-bayana sakhī! suni na parai kāna| caṃdana aru caṃdakirana koṭi mano bhānu|| juvatī saje bhūṣana rana-ātura mano trāna| bhīṣaṇa lauṃ ḍāsi madana arjuna ke bāna|| sovati sara-seja sūra, cala na capala prāna| dacchina-rabi-avadhi aṭaka itanīai jāna||287||

तुम्हरे बिरह ब्रजनाथ अहो प्रिय! नयनन नदी बढ़ी। लीने जात निमेष-कूल दोउ एते मान चढ़ी॥ गोलक नव-नौका न सकत चलि, स्यो सरकनि बढ़ि बोरति। ऊरध स्वासु-समीर तरंगन तेज तिलक-तरु तोरति॥ कज्जल कीच कुचील किए तट अंतर अधर कपोल। रहे पथिक जो जहाँ सो तहाँ थकि हस्त चरन मुख-बोल॥ नाहिंन और उपाय रमापति बिन दरसन छन जीजै। अस्रु-सलिल बूड़त सब गोकुल सूर सुकर गहि लीजै॥२८८॥

tumhare biraha brajanātha aho priya! nayanana nadī baḍha़ī| līne jāta nimeṣa-kūla dou ete māna caḍha़ī|| golaka nava-naukā na sakata cali, syo sarakani baḍha़i borati| ūradha svāsu-samīra taraṃgana teja tilaka-taru torati|| kajjala kīca kucīla kie taṭa aṃtara adhara kapola| rahe pathika jo jahā~ so tahā~ thaki hasta carana mukha-bola|| nāhiṃna aura upāya ramāpati bina darasana chana jījai| asru-salila būḍa़ta saba gokula sūra sukara gahi lījai||288||

⁠हमको सपनेहू में सोच। जा दिन तें बिछुरे नँदनँदन ता दिन तें यह पोच॥ मनो गोपाल आए मेरे घर, हँसि करि भुजा गही। कहा करौं बैरिनि भइ निंदिया, निमिष न और रही॥ ज्यों चकई प्रतिबिंब देखिकै आनंदी पिय जानि। सूर, पवन मिस निठुर बिधाता-चपल कर्यो जल आनि॥२८९॥

⁠hamako sapanehū meṃ soca| jā dina teṃ bichure na~dana~dana tā dina teṃ yaha poca|| mano gopāla āe mere ghara, ha~si kari bhujā gahī| kahā karauṃ bairini bhai niṃdiyā, nimiṣa na aura rahī|| jyoṃ cakaī pratibiṃba dekhikai ānaṃdī piya jāni| sūra, pavana misa niṭhura bidhātā-capala karyo jala āni||289||

⁠अँखियाँ अजान भईं। एक अंग अवलोकत हरि को और हुती सो गई। यों भूली ज्यों चोर भरे घर चोरी निधि न लई। बदलत भोर भयो पछितानी, कर तें छाँड़ि दई॥ ज्यों मुख परिपूरन हो त्यों ही पहिलेइ क्यों न रई। सूर सकति अति लोभ बढ्यो है, उपजति पीर नई॥२९०॥

⁠a~khiyā~ ajāna bhaīṃ| eka aṃga avalokata hari ko aura hutī so gaī| yoṃ bhūlī jyoṃ cora bhare ghara corī nidhi na laī| badalata bhora bhayo pachitānī, kara teṃ chā~ḍa़i daī|| jyoṃ mukha paripūrana ho tyoṃ hī pahilei kyoṃ na raī| sūra sakati ati lobha baḍhyo hai, upajati pīra naī||290||

⁠दधिसुत जात हौ वहि देस। द्वारका हैं स्यामसुंदर सकल भुवन-नरेस॥ परम सीतल अमिय-तनु तुम कहियो यह उपदेस। काज अपनो सारि, हमकों छाँड़ि रहे बिदेस॥ नंदनंदन जगतबंदन धरहु नटवर-भेस। नाथ! कैसे अनाथ छाँड़्यो कहियो सूर सँदेस॥२९१॥

⁠dadhisuta jāta hau vahi desa| dvārakā haiṃ syāmasuṃdara sakala bhuvana-naresa|| parama sītala amiya-tanu tuma kahiyo yaha upadesa| kāja apano sāri, hamakoṃ chā~ḍa़i rahe bidesa|| naṃdanaṃdana jagatabaṃdana dharahu naṭavara-bhesa| nātha! kaise anātha chā~ḍa़yo kahiyo sūra sa~desa||291||

⁠जाहि री सखी! सीख सुनि मेरी। जहाँ बसत जदुनाथ जगतमनि बारक तहाँ आउ दै फेरी॥ तू कोकिला कुलीन कुसलमति, जानति बिथा बिरहिनी केरी। उपवन बैठि बोलि मृदुबानी, बचन बिसाहि मोहिं करु चेरी॥ प्रानन के पलटे पाइय जस सेंति बिसाहु सुजस ढेरी। नाहिंन कोउ और उपकारी सब बिधि बसुधा हेरी॥ करियो प्रगट पुकार द्वार है अबलन्ह आनि अनँग अरि घेरी। ब्रज लै आउ सूर के प्रभु को गावहिं कोकिल! कीरति तेरी॥२९२॥

⁠jāhi rī sakhī! sīkha suni merī| jahā~ basata jadunātha jagatamani bāraka tahā~ āu dai pherī|| tū kokilā kulīna kusalamati, jānati bithā birahinī kerī| upavana baiṭhi boli mṛdubānī, bacana bisāhi mohiṃ karu cerī|| prānana ke palaṭe pāiya jasa seṃti bisāhu sujasa ḍherī| nāhiṃna kou aura upakārī saba bidhi basudhā herī|| kariyo pragaṭa pukāra dvāra hai abalanha āni ana~ga ari gherī| braja lai āu sūra ke prabhu ko gāvahiṃ kokila! kīrati terī||292||

⁠कोउ माई बरजै या चंदहि। करत है कोप बहुत हम्ह ऊपर, कुमुदिनि करत अनंदहि॥ चलत न चपल, रहत रथ थकि करि, बिरहिनि के तन जारे॥ निंदति सैल, उदधि, पन्नग को, सापति कमठ कठोरहिं। ज्यों जलहीन मीन-तन तलफत त्योंहि तपत ब्रजबालहि। सूरदास प्रभु बेगि मिलावहु मोहन मदन-गोपालहि॥२९३॥

⁠kou māī barajai yā caṃdahi| karata hai kopa bahuta hamha ūpara, kumudini karata anaṃdahi|| calata na capala, rahata ratha thaki kari, birahini ke tana jāre|| niṃdati saila, udadhi, pannaga ko, sāpati kamaṭha kaṭhorahiṃ| jyoṃ jalahīna mīna-tana talaphata tyoṃhi tapata brajabālahi| sūradāsa prabhu begi milāvahu mohana madana-gopālahi||293||

⁠जो पै कोउ मधुबन लै जाय। पतिया लिखी स्यामसुंदर को, कर-कंकन देउँ ताय॥ अब वह प्रीति कहाँ गई माधव! मिलते बेनु बजाय। नयन-नीर सारँग-रिपु भीजै दुख सो रैनि बिहाय॥ सून्य भवन मोहिं खरो डरावै, यह ऋतु मन न सुहाय। सूरदास यह समौ गए तें पुनि कह लैहैं आय?॥२९४॥

⁠jo pai kou madhubana lai jāya| patiyā likhī syāmasuṃdara ko, kara-kaṃkana deu~ tāya|| aba vaha prīti kahā~ gaī mādhava! milate benu bajāya| nayana-nīra sāra~ga-ripu bhījai dukha so raini bihāya|| sūnya bhavana mohiṃ kharo ḍarāvai, yaha ṛtu mana na suhāya| sūradāsa yaha samau gae teṃ puni kaha laihaiṃ āya?||294||

⁠हरि परदेस बहुत दिन लाए। कारी घटा देखि बादर की नैन नीर भरि आए॥ पा लागौं तुम्ह, बीर बटाऊ! कौन देस तें धाए। इतनी पतिया मेरी दीजौ जहाँ स्यामघन छाए॥ दादुर मोर पपीहा बोलत सोवत मदन जगाए। सूरदास स्वामी जो बिछुरे प्रीतम भए पराए॥२९५॥

⁠hari paradesa bahuta dina lāe| kārī ghaṭā dekhi bādara kī naina nīra bhari āe|| pā lāgauṃ tumha, bīra baṭāū! kauna desa teṃ dhāe| itanī patiyā merī dījau jahā~ syāmaghana chāe|| dādura mora papīhā bolata sovata madana jagāe| sūradāsa svāmī jo bichure prītama bhae parāe||295||

⁠आजु घन स्याम की अनुहारि। उनै आए साँवरे, ते सजनी! देखि रूप की आरि॥ इंद्रधनुष मनो नवल बसन छवि, दामिनि दसन बिचारि। जनु बगपाँति माल मोतिन की, चितवत हितहि निहारि॥ गरजत गगन, गिरा गोबिंद की सुनत नयन भरे बारि। सूरदास गुन सुमिरि स्याम के बिकल भईं ब्रजनारि॥२९६॥

⁠āju ghana syāma kī anuhāri| unai āe sā~vare, te sajanī! dekhi rūpa kī āri|| iṃdradhanuṣa mano navala basana chavi, dāmini dasana bicāri| janu bagapā~ti māla motina kī, citavata hitahi nihāri|| garajata gagana, girā gobiṃda kī sunata nayana bhare bāri| sūradāsa guna sumiri syāma ke bikala bhaīṃ brajanāri||296||

⁠हर को तिलक, हरि! चित को दहत। कहियत है उडुराज अमृतमय, तजि सुभाव मोकों बन्हि बहत॥ छपा न छीन होय, मेरी सजनी! भूमि-डसन-रिपु काधौं बसत। ससि नहिं गमन करै पच्छिम दिसि, राहु ग्रसत गहि, मोकों न गहत॥ ऐसोइ ध्यान धरत तुम, दधिसुत! मुनि महेस जैसी रहनि रहत। सूरदास प्रभु मोहन मूरति चितै जाति पै चित न सहत॥२९७॥

⁠hara ko tilaka, hari! cita ko dahata| kahiyata hai uḍurāja amṛtamaya, taji subhāva mokoṃ banhi bahata|| chapā na chīna hoya, merī sajanī! bhūmi-ḍasana-ripu kādhauṃ basata| sasi nahiṃ gamana karai pacchima disi, rāhu grasata gahi, mokoṃ na gahata|| aisoi dhyāna dharata tuma, dadhisuta! muni mahesa jaisī rahani rahata| sūradāsa prabhu mohana mūrati citai jāti pai cita na sahata||297||

⁠ए सखि! आजु की रैनि को दुख कह्यो न कछु मोपै परै। मन राखन को बेनु लियो कर, मृग थाके उडुपति न चरै॥ वाही प्राननाथ प्यारे बिनु सिव-रिपु-बान नूतन जो जरै। अति अकुलाय बिरहिनी ब्याकुल भूमि-डसन-रिपु भख न करै॥ अति आतुर ह्वै सिंह लिख्यो कर जेहि भामिनी को करुन टरै। सूरदास ससि को रथ चलि गयो, पाछे; तें रबि उदय करै॥२९८॥

⁠e sakhi! āju kī raini ko dukha kahyo na kachu mopai parai| mana rākhana ko benu liyo kara, mṛga thāke uḍupati na carai|| vāhī prānanātha pyāre binu siva-ripu-bāna nūtana jo jarai| ati akulāya birahinī byākula bhūmi-ḍasana-ripu bhakha na karai|| ati ātura hvai siṃha likhyo kara jehi bhāminī ko karuna ṭarai| sūradāsa sasi ko ratha cali gayo, pāche; teṃ rabi udaya karai||298||

देखौ माई! नयनन्ह सों घन हारे। बिन ही ऋतु बरसत निसिबासर सदा सजल दोउ तारे॥ ऊरध स्वास समीर तेज अति दुख अनेक द्रुम डारे। बदन सदन करि बसे बचन-खग ऋतु पावस के मारे॥ ढरि ढरि बूँद परत कंचुकि पर मिलि अंजन सों कारे। मानहुं सिव की पर्नकुटी बिच धारा स्याम निनारे॥ सुमिरि सुमिरी गरजत निसिबासर अस्रु-सलिल के धारे। बूड़त ब्रजहि सूर को राखै बिनु गिरिवरधर प्यारे॥२९९॥

dekhau māī! nayananha soṃ ghana hāre| bina hī ṛtu barasata nisibāsara sadā sajala dou tāre|| ūradha svāsa samīra teja ati dukha aneka druma ḍāre| badana sadana kari base bacana-khaga ṛtu pāvasa ke māre|| ḍhari ḍhari bū~da parata kaṃcuki para mili aṃjana soṃ kāre| mānahuṃ siva kī parnakuṭī bica dhārā syāma nināre|| sumiri sumirī garajata nisibāsara asru-salila ke dhāre| būḍa़ta brajahi sūra ko rākhai binu girivaradhara pyāre||299||

⁠जौ तू नेक हू उड़ि जाहि। बिबिध बचन सुनाय बानी यहाँ रिझवत काहि॥ पतित मुख पिक परुष पसु लौं कहा इतो रिसाहि। नाहिंनै कोउ सुनत समुझत, बिकल बिरहिनि थाहि॥ राखि लेबी अवधि लौं तनु, मदन! मुख जनि खाहि। तहूँ तौ तन-दगध देख़्यो, बहुरि का समुझाहि॥ नन्दनन्दन को बिरह अति कहत बनत न ताहि। सूर प्रभु ब्रजनाथ बिनु लै मौन मोहि बिसाहि॥३००॥

⁠jau tū neka hū uḍa़i jāhi| bibidha bacana sunāya bānī yahā~ rijhavata kāhi|| patita mukha pika paruṣa pasu lauṃ kahā ito risāhi| nāhiṃnai kou sunata samujhata, bikala birahini thāhi|| rākhi lebī avadhi lauṃ tanu, madana! mukha jani khāhi| tahū~ tau tana-dagadha dekha़yo, bahuri kā samujhāhi|| nandanandana ko biraha ati kahata banata na tāhi| sūra prabhu brajanātha binu lai mauna mohi bisāhi||300||

⁠मधुकर! जोग न होत सँदेसन। नाहिंन कोउ ब्रज में या सुनिहै कोटि जतन उपदेसन। रबि के उदय मिलन चकई को संध्या-समय अँदेस न। क्यों बन बसैं बापुरे चातक, बधिकन्ह काज बधे सन॥ नगर एक नायक बिनु सूनो, नाहिंन काज सबै सन। सूर सुभाय मिटत क्यों कारे जिहि कुल रीति डसै सन॥३०१॥

⁠madhukara! joga na hota sa~desana| nāhiṃna kou braja meṃ yā sunihai koṭi jatana upadesana| rabi ke udaya milana cakaī ko saṃdhyā-samaya a~desa na| kyoṃ bana basaiṃ bāpure cātaka, badhikanha kāja badhe sana|| nagara eka nāyaka binu sūno, nāhiṃna kāja sabai sana| sūra subhāya miṭata kyoṃ kāre jihi kula rīti ḍasai sana||301||

⁠यहि डर बहुरि न गोकुल आए। सुन री सखी! हमारी करनी समुझि मधुपुरी छाए॥ अधरातिक तें उठि बालक सब मोहिं जगै हैं आय। बिनु पदत्रान बहुरि पठवैंगी बनहिं चरावन गाय॥ सूनो भवन आनि रोकैगी चोरत दधि नवनीत। पकरि जसोदा पै लै जैहैं, नाचति गावति गीत॥ ग्वालिनि मोहिं बहुरि बाँधैंगी केते बचन लगाय। एते दुःखन सुमिरि सूर मन, बहुरि सहै को जाय॥३०२॥

⁠yahi ḍara bahuri na gokula āe| suna rī sakhī! hamārī karanī samujhi madhupurī chāe|| adharātika teṃ uṭhi bālaka saba mohiṃ jagai haiṃ āya| binu padatrāna bahuri paṭhavaiṃgī banahiṃ carāvana gāya|| sūno bhavana āni rokaigī corata dadhi navanīta| pakari jasodā pai lai jaihaiṃ, nācati gāvati gīta|| gvālini mohiṃ bahuri bā~dhaiṃgī kete bacana lagāya| ete duḥkhana sumiri sūra mana, bahuri sahai ko jāya||302||

⁠तब तें बहुरि न कोऊ आयो। वहै जो एक बार ऊधो पै कछुक सोध सो पायो॥ यहै बिचार करैं, सखि, माधव इतो गहरु क्यों लायो। गोकुलनाथ कृपा करि कबहूँ लिखियौ नाहिं पठायो॥ अवधि आस एती करि यह मन अब जैहै बौरायो। सूरदास प्रभु चातक बोल्यो, मेघन अम्बर छायो॥३०३॥

⁠taba teṃ bahuri na koū āyo| vahai jo eka bāra ūdho pai kachuka sodha so pāyo|| yahai bicāra karaiṃ, sakhi, mādhava ito gaharu kyoṃ lāyo| gokulanātha kṛpā kari kabahū~ likhiyau nāhiṃ paṭhāyo|| avadhi āsa etī kari yaha mana aba jaihai baurāyo| sūradāsa prabhu cātaka bolyo, meghana ambara chāyo||303||

⁠मेरो मन मथुराइ रह्यो। गयो जो तन तें बहुरि न आयो, लै गोपाल गह्यो॥ इन नयनन को भेद न पाया, केइ भेदिया कह्यो। राख्यो रूप चोरि चित-अन्तर, सोइ हरि सोध लह्यो॥ आए बोलत ता बिन ऊधो 'मनि दै लेहु मह्यो'। निर्गुन साँटि गोबिंदहि माँगत, क्यों दुख जात सह्यो॥ जेहि आधार आजु लौं यह तनु ऐसे ही निबह्यो। सोइ छिंड़ाय लेत सुनु सूर चाहत हृदय दह्यो॥३०४॥

⁠mero mana mathurāi rahyo| gayo jo tana teṃ bahuri na āyo, lai gopāla gahyo|| ina nayanana ko bheda na pāyā, kei bhediyā kahyo| rākhyo rūpa cori cita-antara, soi hari sodha lahyo|| āe bolata tā bina ūdho 'mani dai lehu mahyo'| nirguna sā~ṭi gobiṃdahi mā~gata, kyoṃ dukha jāta sahyo|| jehi ādhāra āju lauṃ yaha tanu aise hī nibahyo| soi chiṃḍa़āya leta sunu sūra cāhata hṛdaya dahyo||304||

⁠लोग सब देत सुहाई बातें। कहतहि सुगम करत नहिं आबै, बोलि न आवत तातें॥ पहिले आगि सुनत चन्दन सी सती बहुत उमहै। समाचार ताते अरु सीरे पाछे कौन कहै॥ कहत सबै संग्राम सुगम अति कुसुमलता करवार। सूरदास सिर दिए सूरमा पाछे कौन बिचार?॥३०५॥

⁠loga saba deta suhāī bāteṃ| kahatahi sugama karata nahiṃ ābai, boli na āvata tāteṃ|| pahile āgi sunata candana sī satī bahuta umahai| samācāra tāte aru sīre pāche kauna kahai|| kahata sabai saṃgrāma sugama ati kusumalatā karavāra| sūradāsa sira die sūramā pāche kauna bicāra?||305||

⁠बिछुरत श्री ब्रजराज आज सखि! नैनन की परतीति गई। उड़ि न मिले हरि-संग बिहंगम ह्वै न गए घनस्याम-मई। यातें क्रूर कुटिल सह मेचक बृथा मीन छवि छीनि लई। रूप-रसिक लालची कहावत, सो करनी कछु तौं न भई॥ अब काहे सोचत जल मोचत, समय गए नित सूल नई। सूरदास याहीं ते जड़ भए जब तें पलकन दगा दई॥३०६॥

⁠bichurata śrī brajarāja āja sakhi! nainana kī paratīti gaī| uḍa़i na mile hari-saṃga bihaṃgama hvai na gae ghanasyāma-maī| yāteṃ krūra kuṭila saha mecaka bṛthā mīna chavi chīni laī| rūpa-rasika lālacī kahāvata, so karanī kachu tauṃ na bhaī|| aba kāhe socata jala mocata, samaya gae nita sūla naī| sūradāsa yāhīṃ te jaḍa़ bhae jaba teṃ palakana dagā daī||306||

हम तौ यह तब तें जिय जान्यौ जबै भए मधुकर अधिकारी॥ एक प्रकृति, एकै कैतव-गति, तेहि गुन अस जिय भावै। प्रगटत है नव कंज मनोहर, ब्रज किंसुक कारन कत आवै॥ कंजतीर चंपक-रस-चंचल, गति सब ही तें न्यारी। ता अलि की संगति बसि मधुपुरि सूरदास प्रभु सुरति बिसारी॥३०७॥

hama tau yaha taba teṃ jiya jānyau jabai bhae madhukara adhikārī|| eka prakṛti, ekai kaitava-gati, tehi guna asa jiya bhāvai| pragaṭata hai nava kaṃja manohara, braja kiṃsuka kārana kata āvai|| kaṃjatīra caṃpaka-rasa-caṃcala, gati saba hī teṃ nyārī| tā ali kī saṃgati basi madhupuri sūradāsa prabhu surati bisārī||307||

⁠हमारे स्याम चलन चहत हैं दूरि। मधुबन बसत आस ही सजनी! अब मरिहैं जो बिसूरि॥ कौने कही, कहाँ सुनि आई? केहि दिसि रथ की धूरि। संगहि सबै चलौ माधव के नातरु मरिबो झूरि। पच्छिम दिसि एक नगर द्वारका, सिन्धु रह्यो जल पूरि। सूर स्याम क्यों जीवहिं बाला, जात सजीवन मूरि॥३०८॥

⁠hamāre syāma calana cahata haiṃ dūri| madhubana basata āsa hī sajanī! aba marihaiṃ jo bisūri|| kaune kahī, kahā~ suni āī? kehi disi ratha kī dhūri| saṃgahi sabai calau mādhava ke nātaru maribo jhūri| pacchima disi eka nagara dvārakā, sindhu rahyo jala pūri| sūra syāma kyoṃ jīvahiṃ bālā, jāta sajīvana mūri||308||

⁠उती दूर तें को आवै हो। जाके हाथ सँदेस पठाऊँ सो कहि कान्ह कहाँ पावै हो॥ सिंधुकूल एक देस कहत हैं, देख्यो सुन्यो न मन धावै हो। तहाँ रच्यो नव नगर नंदसुत पुरि द्वारका कहावै हो॥ कंचन के सब भवन मनोहर, राजा रंक न तृन छावै हो। ह्वा के सब बासी लोगन को ब्रज को बसिबो नहिं भावै हो॥ बहु विधि करति बिलाप बिरहिनी बहुत उपावन चित लावै हो। कहा करौं कहँ जाउँ सूर प्रभु को मोहिं हरि पै पहुँचावै हो॥३०९॥

⁠utī dūra teṃ ko āvai ho| jāke hātha sa~desa paṭhāū~ so kahi kānha kahā~ pāvai ho|| siṃdhukūla eka desa kahata haiṃ, dekhyo sunyo na mana dhāvai ho| tahā~ racyo nava nagara naṃdasuta puri dvārakā kahāvai ho|| kaṃcana ke saba bhavana manohara, rājā raṃka na tṛna chāvai ho| hvā ke saba bāsī logana ko braja ko basibo nahiṃ bhāvai ho|| bahu vidhi karati bilāpa birahinī bahuta upāvana cita lāvai ho| kahā karauṃ kaha~ jāu~ sūra prabhu ko mohiṃ hari pai pahu~cāvai ho||309||

⁠हमैं नंदनँदन को गारो। इन्द्रकोप ब्रज बह्यो जात हो, गिरि धरि सकल उबारो॥ रामकृस्न बल बदति न काहू, निडर चरावत चारो। सगरे बिगरे को सिर ऊपर बल को बीर रखबारो॥ तब तें हम न भरोसो पायो केसि तृनाब्रत मारो। सूरदास प्रभु रङ्गभूमि में हरि जीतो, नृप हारो॥३१०॥

⁠hamaiṃ naṃdana~dana ko gāro| indrakopa braja bahyo jāta ho, giri dhari sakala ubāro|| rāmakṛsna bala badati na kāhū, niḍara carāvata cāro| sagare bigare ko sira ūpara bala ko bīra rakhabāro|| taba teṃ hama na bharoso pāyo kesi tṛnābrata māro| sūradāsa prabhu raṅgabhūmi meṃ hari jīto, nṛpa hāro||310||

ऐसे माई पावस ऋतु प्रथम सुरति करि माधवजू आवै री। बरन बरन अनेक जलधर अति मनोहर बेष। यहि समय यह गगन-सोभा सबन तें सुबिसेष॥ उड़त बक, सुक-बृन्द राजत, रटत चातक मोर। बहुत भाँति चित हित-रुचि बाढ़त दामिनी घनघोर॥ धरनि-तनु तृनरोम हर्षित प्रिय समागम जानि। और द्रुम बल्ली बियोगिनी मिलीं पति पहिचानि॥ हस, पिक, सुक, सारिका अलिपुंज नाना नाद। मुदित मंगल मेघ बरसत, गत बिहंग-बिषाद॥ कुटज, कुन्द, कदम्ब, कोबिद, कर्निकार, सु कंजु। केतकी, करबीर, चिलक बसन्त-सम तरु मंजु॥ सघन तरु कलिका अलंकृत, सुकृत सुमन सुबास। निरखि नयनन्ह होत मन माधव-मिलन की आस॥ मनुज मृग पसु पच्छि परिमित औ अमित जे नाम। सुख स्वदेस बिदेस प्रीतम सकल सुमिरत धाम॥ ह्वै है न चित्त उपाय सोच न कछू परत बिचार। नाहिं ब्रजबासी बिसारत निकट नन्दकुमार॥ सुमिरि दसा दयाल सुंदर ललित गति मृदु हास। चारु लोल कपोल कुण्डल डोल बलित-प्रकास॥ बेनु कर कल गीत गावत गोपसिसु बहु पास। सुदिन कब यहि आँखि देखैं बहुरि बाल-बिलास॥ बार बारहिं सुधि रहति अति बिरह व्याकुल होति। बात-बेग सो लगै जैसो दीन दीपक ज्योति॥ सुनि बिलाप कृपाल सूर दास प्रान प्रतीति। दरस दै दुख दूरि करिहैं, सहि न सकिहैं प्रीति॥३११॥

aise māī pāvasa ṛtu prathama surati kari mādhavajū āvai rī| barana barana aneka jaladhara ati manohara beṣa| yahi samaya yaha gagana-sobhā sabana teṃ subiseṣa|| uḍa़ta baka, suka-bṛnda rājata, raṭata cātaka mora| bahuta bhā~ti cita hita-ruci bāḍha़ta dāminī ghanaghora|| dharani-tanu tṛnaroma harṣita priya samāgama jāni| aura druma ballī biyoginī milīṃ pati pahicāni|| hasa, pika, suka, sārikā alipuṃja nānā nāda| mudita maṃgala megha barasata, gata bihaṃga-biṣāda|| kuṭaja, kunda, kadamba, kobida, karnikāra, su kaṃju| ketakī, karabīra, cilaka basanta-sama taru maṃju|| saghana taru kalikā alaṃkṛta, sukṛta sumana subāsa| nirakhi nayananha hota mana mādhava-milana kī āsa|| manuja mṛga pasu pacchi parimita au amita je nāma| sukha svadesa bidesa prītama sakala sumirata dhāma|| hvai hai na citta upāya soca na kachū parata bicāra| nāhiṃ brajabāsī bisārata nikaṭa nandakumāra|| sumiri dasā dayāla suṃdara lalita gati mṛdu hāsa| cāru lola kapola kuṇḍala ḍola balita-prakāsa|| benu kara kala gīta gāvata gopasisu bahu pāsa| sudina kaba yahi ā~khi dekhaiṃ bahuri bāla-bilāsa|| bāra bārahiṃ sudhi rahati ati biraha vyākula hoti| bāta-bega so lagai jaiso dīna dīpaka jyoti|| suni bilāpa kṛpāla sūra dāsa prāna pratīti| darasa dai dukha dūri karihaiṃ, sahi na sakihaiṃ prīti||311||

⁠चलहु धौं लै आवहिं गोपालै। पायँ पकरि कै निहुरि बिनति कहि, गहि हलधर की बाहँ बिसालै॥ बारक बहुरि आनि कै देखहिं नन्द आपने बालै। गैयन गनत गोप-गोपी-सह, सीखत बेनु रसालै॥ यद्यपि महाराज सुख-सम्पति कौन गनै मोतिन अरु लालै। तदपि सूर आकरषि लियो मन उर घुँघचिन की मालै॥३१२॥

⁠calahu dhauṃ lai āvahiṃ gopālai| pāya~ pakari kai nihuri binati kahi, gahi haladhara kī bāha~ bisālai|| bāraka bahuri āni kai dekhahiṃ nanda āpane bālai| gaiyana ganata gopa-gopī-saha, sīkhata benu rasālai|| yadyapi mahārāja sukha-sampati kauna ganai motina aru lālai| tadapi sūra ākaraṣi liyo mana ura ghu~ghacina kī mālai||312||

तुम्हरे रूप सम हमरे प्रीतम गए निकट जल-सागर॥ पा लागौं द्वारका सिधारौ बिरहिनि के दुखदागर। ऐसो संग सूर के प्रभु को करुनाधाम उजागर॥३१३॥

tumhare rūpa sama hamare prītama gae nikaṭa jala-sāgara|| pā lāgauṃ dvārakā sidhārau birahini ke dukhadāgara| aiso saṃga sūra ke prabhu ko karunādhāma ujāgara||313||

उपमा न्याय कही अँगन की। गए मधुपुरी क्यों फिरि आवैं, सोभा कोटि अनंगन की॥ मोरमुकुट सिर सुरधनु की छबि दूरहिं तें दरसावै। जो कोउ करै कोटि कैसेहु नेकहु छुवन न पावै॥ अलक-भ्रमर भ्रमि भ्रमत सदा बन वहु-बेलीरस चाखै। कमल-कोस-बासी कहियत पै बंस-बंस अपनो मन राखै॥ कुण्डल मकर, नयन नीरज से, नासा सुक कबिकुल गावै। थिर न रहै सकुचै निसि-बस ह्वै, पंजर रहिकै बेनु सुनावै॥ भ्रूधनु प्रान-हरन, दसनावलि हीरक, अधर सुबिंब। सहज कठिन, संगति बुधि-हर्ता, तहँ कीन्हों अवलम्ब॥ भुजा प्रचंड महा-रिपु मारक अंस सो क्यों ठहराय। तामे सप्त-छिद्र- युत मुरली मनहर मन्त्र पढ़ाय॥३१४॥

upamā nyāya kahī a~gana kī| gae madhupurī kyoṃ phiri āvaiṃ, sobhā koṭi anaṃgana kī|| moramukuṭa sira suradhanu kī chabi dūrahiṃ teṃ darasāvai| jo kou karai koṭi kaisehu nekahu chuvana na pāvai|| alaka-bhramara bhrami bhramata sadā bana vahu-belīrasa cākhai| kamala-kosa-bāsī kahiyata pai baṃsa-baṃsa apano mana rākhai|| kuṇḍala makara, nayana nīraja se, nāsā suka kabikula gāvai| thira na rahai sakucai nisi-basa hvai, paṃjara rahikai benu sunāvai|| bhrūdhanu prāna-harana, dasanāvali hīraka, adhara subiṃba| sahaja kaṭhina, saṃgati budhi-hartā, taha~ kīnhoṃ avalamba|| bhujā pracaṃḍa mahā-ripu māraka aṃsa so kyoṃ ṭhaharāya| tāme sapta-chidra- yuta muralī manahara mantra paḍha़āya||314||

⁠बारक जाइयो मिलि माधौ। को जानै कब छूटि जायगो स्वाँस, रहै जिय साधौ॥ पहुनेहु नंद बबा के आबहु देखि लेहुँ पल आधौ। मिल ही में बिपरीत करी बिधि, होत दरस को बाधौ॥ सो सुख सिव सनकादि न पावत जो सुख गोपिन लाधो। सूरदास राधा बिलपति है हरि को रूप अगाधो॥३१५॥

⁠bāraka jāiyo mili mādhau| ko jānai kaba chūṭi jāyago svā~sa, rahai jiya sādhau|| pahunehu naṃda babā ke ābahu dekhi lehu~ pala ādhau| mila hī meṃ biparīta karī bidhi, hota darasa ko bādhau|| so sukha siva sanakādi na pāvata jo sukha gopina lādho| sūradāsa rādhā bilapati hai hari ko rūpa agādho||315||

⁠निसिदिन बरसत नैन हमारे। सदा रहति पावस ऋतु हम पै जब तें स्याम सिधारे॥ दृग अंजन लागत नहिं कबहूँ, उर-कपोल भए कारे। कंचुकि नहिं सूखत सुनु सजनी! उर-बिच बहत पनारे॥ सूरदास प्रभु अंबु बढ्यो है, गोकुल लेहु उबारे। कहँ लौं कहौं स्यामघन सुन्दर बिकल होत अति भारे॥३१६॥

⁠nisidina barasata naina hamāre| sadā rahati pāvasa ṛtu hama pai jaba teṃ syāma sidhāre|| dṛga aṃjana lāgata nahiṃ kabahū~, ura-kapola bhae kāre| kaṃcuki nahiṃ sūkhata sunu sajanī! ura-bica bahata panāre|| sūradāsa prabhu aṃbu baḍhyo hai, gokula lehu ubāre| kaha~ lauṃ kahauṃ syāmaghana sundara bikala hota ati bhāre||316||

⁠आछे कमल कोस-रस लोभी द्वै अलि सोच करे। कनक बेलि औ नवदल के ढिग बसते उझकि परे॥ कबहुँक पच्छ सकोचि मौन ह्वै अंबुप्रवाह झरे। कबहुँक कंपित चकित निपट ह्वै लोलुपता बिसरे॥ बिधु-मंडल के बीच बिराजत अंमृत अंग भरे । एतेउ जतन बचत नहिं तलफत बिनु मुख सुर उचरे॥ कीर, कमठ, कोकिला उरग-कुल देखत ध्यान धरे। आपुन क्यों न पधारौ सूर प्रभु, देखे कह बिगरे॥३१७॥

⁠āche kamala kosa-rasa lobhī dvai ali soca kare| kanaka beli au navadala ke ḍhiga basate ujhaki pare|| kabahu~ka paccha sakoci mauna hvai aṃbupravāha jhare| kabahu~ka kaṃpita cakita nipaṭa hvai lolupatā bisare|| bidhu-maṃḍala ke bīca birājata aṃmṛta aṃga bhare | eteu jatana bacata nahiṃ talaphata binu mukha sura ucare|| kīra, kamaṭha, kokilā uraga-kula dekhata dhyāna dhare| āpuna kyoṃ na padhārau sūra prabhu, dekhe kaha bigare||317||

⁠सबन अबध, सुंदरी बधै जनि। मुक्तामाल, अनंग! गंग नहिं, नवसत साजे अर्थ-स्यामघन॥ भाल तिलक उडुपति न होय यह, कबरि-ग्रँथि अहिपति न सहस-फन। नहिं बिभूति दधिसुत न भाल जड़! यह मृगमद चंदन-चर्चित तन॥ न गजचर्म यह असित कँचुकी, देखि बिचारि कहाँ नंदीगन। सूरदास प्रभु तुम्हरे दरस बिनु बरबस काम करत हठ हम सन॥३१८॥

⁠sabana abadha, suṃdarī badhai jani| muktāmāla, anaṃga! gaṃga nahiṃ, navasata sāje artha-syāmaghana|| bhāla tilaka uḍupati na hoya yaha, kabari-gra~thi ahipati na sahasa-phana| nahiṃ bibhūti dadhisuta na bhāla jaḍa़! yaha mṛgamada caṃdana-carcita tana|| na gajacarma yaha asita ka~cukī, dekhi bicāri kahā~ naṃdīgana| sūradāsa prabhu tumhare darasa binu barabasa kāma karata haṭha hama sana||318||

⁠कोकिल! हरि को बोल सुनाव। मधुबन तें उपटारि स्याम कहँ या ब्रज लै कै आव॥ जाचक सरनहि देत सयाने तन, मन, धन, सब साज। सुजस बिकात बचन के बदले, क्यों न बिसाहत आज॥ कीजै कछु उपकार परायो यहै सयानो काज। सूरदास प्रभु कहु या अवसर बन बन वसँत बिराज॥३१९॥

⁠kokila! hari ko bola sunāva| madhubana teṃ upaṭāri syāma kaha~ yā braja lai kai āva|| jācaka saranahi deta sayāne tana, mana, dhana, saba sāja| sujasa bikāta bacana ke badale, kyoṃ na bisāhata āja|| kījai kachu upakāra parāyo yahai sayāno kāja| sūradāsa prabhu kahu yā avasara bana bana vasa~ta birāja||319||

⁠कहाँ रह्यो, माई! नंद को मोहन। वह मूरति जिय तें नहिं बिसरति गयो सकल-जग-सोहन॥ माखन खात संग ग्वालन के, और सखा सब गोहन॥ ज्यों-ज्यों सुरति करति हौं, सखि री! त्यों त्यों अधिक मनमोहन। सूरदास स्वामी के बिछुरे क्यों जीबहिं इन छोहन॥३२०॥

⁠kahā~ rahyo, māī! naṃda ko mohana| vaha mūrati jiya teṃ nahiṃ bisarati gayo sakala-jaga-sohana|| mākhana khāta saṃga gvālana ke, aura sakhā saba gohana|| jyoṃ-jyoṃ surati karati hauṃ, sakhi rī! tyoṃ tyoṃ adhika manamohana| sūradāsa svāmī ke bichure kyoṃ jībahiṃ ina chohana||320||

⁠परम चतुर सुन्दर सुख सागर तन को प्रिय प्रतिहार। रूप-लकुटरोके रहतो, सखि! अनुदिन नंदकुमार॥ अब ता बिनु उर-भवन भयो है सिव-रिपु को संचार। दुख आवत मन, हटक न मानत, सूनो देखि अगार॥ असुस-उसासजात अँतर तें करत न सकुच बिचार॥ निसा निमेष-कपाट लगे बिनु ससि सत सत सर मार॥ यह गति मेरी भई है हरि बिनु नाहिं कछू परिहार। सूरदास प्रभु बेगि मिलहु तुम नागर नँदकुमार॥३२१॥

⁠parama catura sundara sukha sāgara tana ko priya pratihāra| rūpa-lakuṭaroke rahato, sakhi! anudina naṃdakumāra|| aba tā binu ura-bhavana bhayo hai siva-ripu ko saṃcāra| dukha āvata mana, haṭaka na mānata, sūno dekhi agāra|| asusa-usāsajāta a~tara teṃ karata na sakuca bicāra|| nisā nimeṣa-kapāṭa lage binu sasi sata sata sara māra|| yaha gati merī bhaī hai hari binu nāhiṃ kachū parihāra| sūradāsa prabhu begi milahu tuma nāgara na~dakumāra||321||

⁠ऐसो सुनियत हैं द्वै सावन। वहै बात फिरि फिरि सालति है स्याम कह्यो है आवन॥ तब तो प्रीति करी, अब लागीं अपनो कीयो पावन। यहि दुख सखी निकसि उत जैये जिते सुनै कोउ नावँ न। एकहि बेर तजी हम्ह, लागे मथुरा नेह बढ़ावन। सूर सुरति कत होति हमारी, लागीं नीकीभावन॥३२२॥

⁠aiso suniyata haiṃ dvai sāvana| vahai bāta phiri phiri sālati hai syāma kahyo hai āvana|| taba to prīti karī, aba lāgīṃ apano kīyo pāvana| yahi dukha sakhī nikasi uta jaiye jite sunai kou nāva~ na| ekahi bera tajī hamha, lāge mathurā neha baḍha़āvana| sūra surati kata hoti hamārī, lāgīṃ nīkībhāvana||322||

⁠गोपालहि बालक ही तें टेव। जानति नाहिं कौन पै सीखे चोरी के छल-छेव॥ माखन-दूध धर्यो जब खाते सहि रहती करि कानि। अब क्यों सही परति, सुनि सजनी! मनमानिक की हानि॥ कहियो, मधुप! सँदेस स्याम सों राजनीति समुझाय। अजहूँ तजत नाहिं वा लोभै, जुगुत नहीं जदुराय॥ बुधि बिबेक सरबस या ब्रज को लै जो रहे मुसकाय। सूरदास प्रभु के गुन अबगुन कहिए कासों जाय॥३२९॥

⁠gopālahi bālaka hī teṃ ṭeva| jānati nāhiṃ kauna pai sīkhe corī ke chala-cheva|| mākhana-dūdha dharyo jaba khāte sahi rahatī kari kāni| aba kyoṃ sahī parati, suni sajanī! manamānika kī hāni|| kahiyo, madhupa! sa~desa syāma soṃ rājanīti samujhāya| ajahū~ tajata nāhiṃ vā lobhai, juguta nahīṃ jadurāya|| budhi bibeka sarabasa yā braja ko lai jo rahe musakāya| sūradāsa prabhu ke guna abaguna kahie kāsoṃ jāya||329||

⁠जदपि मैं बहुतै जतन करे। तदपि, मधुप! हरि-प्रिया जानि कै काहु न प्रान हरे॥ सौरभ-युत सुमनन लै निज कर संतत सेज धरे। सनमुख होति सरद-ससि, सजनी! तऊ न अङ्ग जरे॥ चातक मोर कोकिला मधुकर सुर सुनि स्रवन भरे। सादर ह्वै निरखति रतिपति को नैक न पलक परे॥ निसिदिन रटति नंदनँदन, या उर तें छिन न टरे। अति आतुर चतुरंग चमू सजि अनँग न सर सँचरे॥ जानति नाहिं कौन गुन या तन जातें सबै डरे। सूरदास सकुचन श्रीपति के सुभटन बल बिसरे॥३३०॥

⁠jadapi maiṃ bahutai jatana kare| tadapi, madhupa! hari-priyā jāni kai kāhu na prāna hare|| saurabha-yuta sumanana lai nija kara saṃtata seja dhare| sanamukha hoti sarada-sasi, sajanī! taū na aṅga jare|| cātaka mora kokilā madhukara sura suni sravana bhare| sādara hvai nirakhati ratipati ko naika na palaka pare|| nisidina raṭati naṃdana~dana, yā ura teṃ china na ṭare| ati ātura caturaṃga camū saji ana~ga na sara sa~care|| jānati nāhiṃ kauna guna yā tana jāteṃ sabai ḍare| sūradāsa sakucana śrīpati ke subhaṭana bala bisare||330||

⁠माधव सों न बनै मुख मोरे। जिन्ह नयनन्ह ससि स्याम बिलोक्यो ते क्यों जात तरनि सों जोरे। तरुनी-हृदय-कुमुद के बँधन कुंजर क्यों न रहत बिनु तोरे॥ नीलांबर-घनस्याम नीलमनि पैयत है क्यों धूम के भोरे। सूर भृँग कमलन के बिरही चँपक मन लागत कहुँ थोरे॥३३१॥

⁠mādhava soṃ na banai mukha more| jinha nayananha sasi syāma bilokyo te kyoṃ jāta tarani soṃ jore| tarunī-hṛdaya-kumuda ke ba~dhana kuṃjara kyoṃ na rahata binu tore|| nīlāṃbara-ghanasyāma nīlamani paiyata hai kyoṃ dhūma ke bhore| sūra bhṛ~ga kamalana ke birahī ca~paka mana lāgata kahu~ thore||331||

⁠और सकल अँगन तें, ऊधो! अँखियाँ अधिक दुखारी। अतिहि पिराति, सिराति न कबहूँ, बहुत जतन करि हारी॥ एकटक रहति, निमेष न लावति, बिथा बिकल भइ भारी। भरि गइँ विरह-बाय-बिनु दरसन, चितवति रहति उघारी॥ रे रे अलि! गुरु ज्ञान-सलाकहि क्यों सहि सकति तुम्हारी। सूर सुअंजन आनु रूप-रस आरति हरन हमारी॥३३२॥

⁠aura sakala a~gana teṃ, ūdho! a~khiyā~ adhika dukhārī| atihi pirāti, sirāti na kabahū~, bahuta jatana kari hārī|| ekaṭaka rahati, nimeṣa na lāvati, bithā bikala bhai bhārī| bhari gai~ viraha-bāya-binu darasana, citavati rahati ughārī|| re re ali! guru jñāna-salākahi kyoṃ sahi sakati tumhārī| sūra suaṃjana ānu rūpa-rasa ārati harana hamārī||332||

⁠भूलति हौ कत मीठी बातन। ये अलि हैं उनहीं के संगी, चंचल चित्त, साँवरे गातन॥ वै मुरली धुनि कै जग मोहत, इनकी गुंज सुमन-मन-पातन। वै उठि आन आन मन रंजत, ये उड़ि अनत रंग-रस-रातन॥ वै नवतनु मानिनि गृह-बासी, ये निसिदिवस रहत जलजातन। ये षटपद, वै द्विपद चतुर्भुज, इनमें नाहिं भेद कोउ भाँतन॥ स्वारथ-निपुन सर्बरस भोगी जनि पतियाहु बिरह दुख-दातन। वै माधव, ये मधुप, सूर सुनि, इन दोउन कोऊ घटि घाट ना॥३३३॥

⁠bhūlati hau kata mīṭhī bātana| ye ali haiṃ unahīṃ ke saṃgī, caṃcala citta, sā~vare gātana|| vai muralī dhuni kai jaga mohata, inakī guṃja sumana-mana-pātana| vai uṭhi āna āna mana raṃjata, ye uḍa़i anata raṃga-rasa-rātana|| vai navatanu mānini gṛha-bāsī, ye nisidivasa rahata jalajātana| ye ṣaṭapada, vai dvipada caturbhuja, inameṃ nāhiṃ bheda kou bhā~tana|| svāratha-nipuna sarbarasa bhogī jani patiyāhu biraha dukha-dātana| vai mādhava, ye madhupa, sūra suni, ina douna koū ghaṭi ghāṭa nā||333||

⁠हरि सों कहियो, हो, जैसे गोकुल आवैं। दिन दस रहे सो भली कीन्ही, अब जनि गहरु लगावैं॥ नाहिंन कछू सुहात तुमहिं बिनु, कानन भवन न भावैं। बाल बिलख, मुख गउ न चरति तृन, बछरा पीवत पय नहिं धावैं। सूर स्याम बिनु रटति रैनिदिन, मिलेहि भले सचु पावैं॥३३४॥

⁠hari soṃ kahiyo, ho, jaise gokula āvaiṃ| dina dasa rahe so bhalī kīnhī, aba jani gaharu lagāvaiṃ|| nāhiṃna kachū suhāta tumahiṃ binu, kānana bhavana na bhāvaiṃ| bāla bilakha, mukha gau na carati tṛna, bacharā pīvata paya nahiṃ dhāvaiṃ| sūra syāma binu raṭati rainidina, milehi bhale sacu pāvaiṃ||334||

⁠सखी री! मथुरा में द्वै हँस। एक अक्रूर और ये ऊधो, जानत नीके गंस॥ ये दोउ छीर नीर पहिचानत, इनहि बधायों कंस। इनके कुल ऐसी चलि आई, सदा उजागर बंस॥ अजहूं कृपा करौ मधुबन पर जानि आपनो अंस। सूर सुयोग सिखावत अबलन्ह, सुनत होय मनभ्रंस॥३३५॥

⁠sakhī rī! mathurā meṃ dvai ha~sa| eka akrūra aura ye ūdho, jānata nīke gaṃsa|| ye dou chīra nīra pahicānata, inahi badhāyoṃ kaṃsa| inake kula aisī cali āī, sadā ujāgara baṃsa|| ajahūṃ kṛpā karau madhubana para jāni āpano aṃsa| sūra suyoga sikhāvata abalanha, sunata hoya manabhraṃsa||335||

दरसन दै मधुबन को सिधारो, सुख इतनो बहुतेरो॥ भलेहि मिले बसुदेव देवकी जननि जनक निज कुटुँब घनेरो। केहि अवलंब रहैं हम ऊधो! देखि दुःख नँद-जसुमति केरो॥ तुम बिनु को अनाथ-प्रतिपालन, जाजरि नाव कुसँग सबेरो। गए सिंधु को पार उतारै, अब यह सूर थक्यो ब्रज-बेरो॥३३६॥

darasana dai madhubana ko sidhāro, sukha itano bahutero|| bhalehi mile basudeva devakī janani janaka nija kuṭu~ba ghanero| kehi avalaṃba rahaiṃ hama ūdho! dekhi duḥkha na~da-jasumati kero|| tuma binu ko anātha-pratipālana, jājari nāva kusa~ga sabero| gae siṃdhu ko pāra utārai, aba yaha sūra thakyo braja-bero||336||

भलेहि मिले बसुदेव देवकी जननि जनक निज कुटुँब घनेरो। केहि अवलंब रहैं हम ऊधो! देखि दुःख नँद-जसुमति केरो॥ तुम बिनु को अनाथ-प्रतिपालन, जाजरि नाव कुसँग सबेरो। गए सिंधु को पार उतारै, अब यह सूर थक्यो ब्रज-बेरो॥३३६॥ ⁠मानौ ढरे एक ही साँचे। नखसिख कमल-नयन की सोभा एक भृगुलता-बाँचे॥ दारुजात कैसे गुन इनमें, ऊपर अन्तर स्याम। हमको धूम-गयन्द बताबत, बचन कहत निष्काम॥ ये सब असित देह धरे जेते ऐसेई, सखि! जानि। सूर एक तें एक आगरे वा मथुरा की खानि॥३३७॥

bhalehi mile basudeva devakī janani janaka nija kuṭu~ba ghanero| kehi avalaṃba rahaiṃ hama ūdho! dekhi duḥkha na~da-jasumati kero|| tuma binu ko anātha-pratipālana, jājari nāva kusa~ga sabero| gae siṃdhu ko pāra utārai, aba yaha sūra thakyo braja-bero||336|| ⁠mānau ḍhare eka hī sā~ce| nakhasikha kamala-nayana kī sobhā eka bhṛgulatā-bā~ce|| dārujāta kaise guna inameṃ, ūpara antara syāma| hamako dhūma-gayanda batābata, bacana kahata niṣkāma|| ye saba asita deha dhare jete aiseī, sakhi! jāni| sūra eka teṃ eka āgare vā mathurā kī khāni||337||

⁠मानौ ढरे एक ही साँचे। नखसिख कमल-नयन की सोभा एक भृगुलता-बाँचे॥ दारुजात कैसे गुन इनमें, ऊपर अन्तर स्याम। हमको धूम-गयन्द बताबत, बचन कहत निष्काम॥ ये सब असित देह धरे जेते ऐसेई, सखि! जानि। सूर एक तें एक आगरे वा मथुरा की खानि॥३३७॥

⁠mānau ḍhare eka hī sā~ce| nakhasikha kamala-nayana kī sobhā eka bhṛgulatā-bā~ce|| dārujāta kaise guna inameṃ, ūpara antara syāma| hamako dhūma-gayanda batābata, bacana kahata niṣkāma|| ye saba asita deha dhare jete aiseī, sakhi! jāni| sūra eka teṃ eka āgare vā mathurā kī khāni||337||

⁠आए नँदनन्दन के नेव। गोकुल आय जोग बिस्तार्यो, भली तुम्हारी टेव॥ जब बृन्दाबन रास रच्यो हरि तबहि कहाँ तू हेव। अब जुवतिन को जोग सिखावत, भस्म अधारी सेव॥ हम लगि तुम क्यों यह मत ठान्यो ज्यों जोगिन को भोग। सूरदास प्रभु सुनत अधिक दुख, आतुर बिरह-बियोग॥३३९॥

⁠āe na~danandana ke neva| gokula āya joga bistāryo, bhalī tumhārī ṭeva|| jaba bṛndābana rāsa racyo hari tabahi kahā~ tū heva| aba juvatina ko joga sikhāvata, bhasma adhārī seva|| hama lagi tuma kyoṃ yaha mata ṭhānyo jyoṃ jogina ko bhoga| sūradāsa prabhu sunata adhika dukha, ātura biraha-biyoga||339||

⁠मनौ दोउ एकहि मते भए। ऊधो अरु अक्रूर बधिक दोउ ब्रज आखेट ठए॥ बचन-पास बाँधे माधव-मृग, उनरत घालि लए। इनहीं हती मृगी-गोपीजन सायक-ज्ञान हए॥ बिरह-ताप को दवा देखियत चहुं दिसि लाय दए। अब धौं कहा कियो चाहत हैं, सोचत नाहिंन ए॥ परमारथी ज्ञान उपदेसत बिरहिन प्रेम-रए। कैसे जियहि स्याम बिनु सूर चुम्बक मेघ गए॥३४०॥

⁠manau dou ekahi mate bhae| ūdho aru akrūra badhika dou braja ākheṭa ṭhae|| bacana-pāsa bā~dhe mādhava-mṛga, unarata ghāli lae| inahīṃ hatī mṛgī-gopījana sāyaka-jñāna hae|| biraha-tāpa ko davā dekhiyata cahuṃ disi lāya dae| aba dhauṃ kahā kiyo cāhata haiṃ, socata nāhiṃna e|| paramārathī jñāna upadesata birahina prema-rae| kaise jiyahi syāma binu sūra cumbaka megha gae||340||

⁠या ब्रज सगुन-दीप परगास्यो। सुनि ऊधो! भृकुटी त्रिबेदि तर निसिदिन प्रगट अभास्यो॥ सब के उर-सरवनि सनेह भरि सुमन तिली को बास्यो। गुन अनेक ते गुन, कपूर सम परिमल बारह मास्यो॥ बिरह-अगिनि अँगन सब के, नहिं बुझत परे चौमास्यो। ताके तीन फुँकैया हरि से, तुम से, पँचसरा स्यो॥ आन-भजन तृन सम परिहरि सब करतीं जोति उपास्यो। साधन भोग निरञ्जन तें रे अन्धकार तम नास्यो॥ जा दिन भयो तिहारो आवन बोलत ही उपहास्यो। रहि न सके तुम, सींक रूप ह्वै निर्गुन-काज उकास्यो॥ बाढ़ी जोति सो केस-देस लौं, टूट्या ज्ञान-मवास्यो। दुरबासना-सलभ सब जारे जे छै रहे अकास्यो॥ तुम तौ निपट निकट के बासी, सुनियत हुते खवास्यो। गोकुल कछु रस-रीति न जानत, देखत नाहिं तमास्यो॥ सूर, करम की खीर परोसो, फिरि फिरि चरत जवास्यो॥३४१॥

⁠yā braja saguna-dīpa paragāsyo| suni ūdho! bhṛkuṭī tribedi tara nisidina pragaṭa abhāsyo|| saba ke ura-saravani saneha bhari sumana tilī ko bāsyo| guna aneka te guna, kapūra sama parimala bāraha māsyo|| biraha-agini a~gana saba ke, nahiṃ bujhata pare caumāsyo| tāke tīna phu~kaiyā hari se, tuma se, pa~casarā syo|| āna-bhajana tṛna sama parihari saba karatīṃ joti upāsyo| sādhana bhoga nirañjana teṃ re andhakāra tama nāsyo|| jā dina bhayo tihāro āvana bolata hī upahāsyo| rahi na sake tuma, sīṃka rūpa hvai nirguna-kāja ukāsyo|| bāḍha़ī joti so kesa-desa lauṃ, ṭūṭyā jñāna-mavāsyo| durabāsanā-salabha saba jāre je chai rahe akāsyo|| tuma tau nipaṭa nikaṭa ke bāsī, suniyata hute khavāsyo| gokula kachu rasa-rīti na jānata, dekhata nāhiṃ tamāsyo|| sūra, karama kī khīra paroso, phiri phiri carata javāsyo||341||

⁠सब जल तजे प्रेम के नाते। तऊ स्वाति चातक नहिं छाँड़त प्रकट पुकारत ताते॥ समुझत मीन नीर की बातें तऊ प्रान हठि हारत। सुनत कुरङ्ग नादरस पूरन, जदपि ब्याध सर मारत॥ निमिष चकोर नयन नहिं लावत, ससि जोवत जुग बीते। कोटि पतंग जोति बपु जारे, भए न प्रेम-घट रीते॥ अब लौं नहिं बिसरीं वे बातें सँग जो करीं ब्रजराज। सुनि ऊधो! हम सूर स्याम को छाँड़ि देहिं केहि काज?॥३४२॥

⁠saba jala taje prema ke nāte| taū svāti cātaka nahiṃ chā~ḍa़ta prakaṭa pukārata tāte|| samujhata mīna nīra kī bāteṃ taū prāna haṭhi hārata| sunata kuraṅga nādarasa pūrana, jadapi byādha sara mārata|| nimiṣa cakora nayana nahiṃ lāvata, sasi jovata juga bīte| koṭi pataṃga joti bapu jāre, bhae na prema-ghaṭa rīte|| aba lauṃ nahiṃ bisarīṃ ve bāteṃ sa~ga jo karīṃ brajarāja| suni ūdho! hama sūra syāma ko chā~ḍa़i dehiṃ kehi kāja?||342||

⁠ऊधो! मन की मन ही माँझ रही। कहिए जाय कौन सों, ऊधो! नाहिंन परति सही॥ अवधि अधार आवनहि की तन, मन ही बिथा सही। चाहति हुती गुहार जहाँ तें तहँहि तें धार वही॥ अब यह दसा देखि निज नयनन सब मरजाद ढही। सूरदास प्रभु के बिछुरे तें दुसह बियोग-दही॥३४३॥

⁠ūdho! mana kī mana hī mā~jha rahī| kahie jāya kauna soṃ, ūdho! nāhiṃna parati sahī|| avadhi adhāra āvanahi kī tana, mana hī bithā sahī| cāhati hutī guhāra jahā~ teṃ taha~hi teṃ dhāra vahī|| aba yaha dasā dekhi nija nayanana saba marajāda ḍhahī| sūradāsa prabhu ke bichure teṃ dusaha biyoga-dahī||343||

⁠स्याम को यहै परेखो आवै। कत वह प्रीति चरन जावक कृत, अब कुब्जा मन भावै॥ अब वह रूप अनूप कृपा करि नयनन हू न दिखावै॥ जा मुख-सँग समीप रैनि-दिन सोइ अब जोग सिखावै। कर मीड़ति पछताति हियो भरि, क्रम क्रम मन समुझावै। सूरदास यहि भाँति बियोगिनी तातें अति दुख पावै॥३४४॥

⁠syāma ko yahai parekho āvai| kata vaha prīti carana jāvaka kṛta, aba kubjā mana bhāvai|| aba vaha rūpa anūpa kṛpā kari nayanana hū na dikhāvai|| jā mukha-sa~ga samīpa raini-dina soi aba joga sikhāvai| kara mīḍa़ti pachatāti hiyo bhari, krama krama mana samujhāvai| sūradāsa yahi bhā~ti biyoginī tāteṃ ati dukha pāvai||344||

⁠सखी री! मो मन धोखे जात। ऊधो कहत, रहत हरि मधुपुरि, गत आगत न थकात॥ इत देखौं तौ आगे मधुकर मत्त-न्याय सतरात। फिरि चाहौं तौ प्राननाथ उत सुनत कथा मुसकात॥ हरि साँचे ज्ञानी सब झूठे जे निर्गुन-जस गात। सूरदास जेहि सब जग डहक्यो ते इनको डहकात॥३४५॥

⁠sakhī rī! mo mana dhokhe jāta| ūdho kahata, rahata hari madhupuri, gata āgata na thakāta|| ita dekhauṃ tau āge madhukara matta-nyāya satarāta| phiri cāhauṃ tau prānanātha uta sunata kathā musakāta|| hari sā~ce jñānī saba jhūṭhe je nirguna-jasa gāta| sūradāsa jehi saba jaga ḍahakyo te inako ḍahakāta||345||

⁠ब्रज तें द्वै ऋतु पै न गई। पावस अरु ग्रीषम, प्रचंड, सखि! हरि बिनु अधिक भई॥ ऊरध स्वास समीर, नयन घन, सब जलजोग जुरे। बरषि जो प्रगट किए दुख दादुर हुते जे दूरि दुरे॥ बिषम बियोग दुसह दिनकर सम दिनप्रति उदय करे। हरि-बिधु बिमुख भए कहि सूर को तनताप हरे॥३४६॥

⁠braja teṃ dvai ṛtu pai na gaī| pāvasa aru grīṣama, pracaṃḍa, sakhi! hari binu adhika bhaī|| ūradha svāsa samīra, nayana ghana, saba jalajoga jure| baraṣi jo pragaṭa kie dukha dādura hute je dūri dure|| biṣama biyoga dusaha dinakara sama dinaprati udaya kare| hari-bidhu bimukha bhae kahi sūra ko tanatāpa hare||346||

⁠तुमहिं मधुप! गोपाल-दुहाई। हम अहीरि मतिहीन बापुरी हटकत हू हठि करहिं मिताई। वै नागर मथुरा निरमोही, अँग अँग भरे कपट चतुराई॥ साँची कहहु देहु स्रवनन सुख, छाँड़हु जिया कुटिल धूताई। सूरदास प्रभु बिरद-लाज धरि मेटहु ह्याँ की नेकु हँसाई॥३४७॥

⁠tumahiṃ madhupa! gopāla-duhāī| hama ahīri matihīna bāpurī haṭakata hū haṭhi karahiṃ mitāī| vai nāgara mathurā niramohī, a~ga a~ga bhare kapaṭa caturāī|| sā~cī kahahu dehu sravanana sukha, chā~ḍa़hu jiyā kuṭila dhūtāī| sūradāsa prabhu birada-lāja dhari meṭahu hyā~ kī neku ha~sāī||347||

जब तें गंग परी हरिपद तें बहिबो नाहिं निवारै॥

jaba teṃ gaṃga parī haripada teṃ bahibo nāhiṃ nivārai||

⁠ऊधो! धनि तुम्हरो ब्यवहार। धनि वै ठाकुर, धनि वै सेवक, धनि तुम बर्तनहार॥ आम को काटि बबूर लगावत, चन्दन को कुरवार। सूर स्याम कैसे निबहैगी अन्धधुन्ध सरकार॥३५३॥

⁠ūdho! dhani tumharo byavahāra| dhani vai ṭhākura, dhani vai sevaka, dhani tuma bartanahāra|| āma ko kāṭi babūra lagāvata, candana ko kuravāra| sūra syāma kaise nibahaigī andhadhundha sarakāra||353||

⁠जाहु जाहु ऊधो! जाने हौ पहचाने हौ। जैसे हरि तैसे तुम सेवक, कपट चतुरई-साने हौ॥ निर्गुन-ज्ञान कहाँ तुम पायो, केहि सिखए ब्रज आने हौ। यह उपदेस देहु लै कुबजहि जाके रूप लुभाने हौ॥ कहँ लगि कहौं योग की बातैं, बाँचत नैन पिराने हो। सूरदास प्रभु हम हैं खोटी तुम तो बारह बाने हौ॥३५४॥

⁠jāhu jāhu ūdho! jāne hau pahacāne hau| jaise hari taise tuma sevaka, kapaṭa caturaī-sāne hau|| nirguna-jñāna kahā~ tuma pāyo, kehi sikhae braja āne hau| yaha upadesa dehu lai kubajahi jāke rūpa lubhāne hau|| kaha~ lagi kahauṃ yoga kī bātaiṃ, bā~cata naina pirāne ho| sūradāsa prabhu hama haiṃ khoṭī tuma to bāraha bāne hau||354||

⁠मधुबन सब कृतज्ञ धर्मीले। अति उदार परहित डोलत हैं, बोलत बचन सुसीले॥ प्रथम आय गोकुल सुफलकसुत लै मधुपुरिही सिधारे। वहाँ कंस ह्याँ हम दीनन को दूनो काज सँवारे॥ हरि को सिखै सिखावन हमको अब ऊधो पग धारे। ह्वाँ दासी-रति की कीरति कै, यहाँ जोग बिस्तारे॥ अब या बिरह-समुद्र सबै हम बूड़ी चहति नहीं। लीला सगुन नाव ही, सुनु अलि, तेहि अवलंब रही॥ सूर अक्रूर छपद के मन में नाहिंन त्रास दई को॥३५५॥

⁠madhubana saba kṛtajña dharmīle| ati udāra parahita ḍolata haiṃ, bolata bacana susīle|| prathama āya gokula suphalakasuta lai madhupurihī sidhāre| vahā~ kaṃsa hyā~ hama dīnana ko dūno kāja sa~vāre|| hari ko sikhai sikhāvana hamako aba ūdho paga dhāre| hvā~ dāsī-rati kī kīrati kai, yahā~ joga bistāre|| aba yā biraha-samudra sabai hama būḍa़ī cahati nahīṃ| līlā saguna nāva hī, sunu ali, tehi avalaṃba rahī|| sūra akrūra chapada ke mana meṃ nāhiṃna trāsa daī ko||355||

⁠ऊधो! भूलि भले भटके। कहत कही कछु बात लड़ैते तुम ताही अटके॥ देख्यो सकल सयान तिहारो, लीन्हे छरि फटके। तुमहिं दियो बहराय इतै कों, वै कुबजा सों अटके॥ लीजो जोग सँभारि आपनो जाहु तहाँ टटके। सूर, स्याम तजि कोउ न लैहे या जोगहि कटुके॥३५६॥

⁠ūdho! bhūli bhale bhaṭake| kahata kahī kachu bāta laḍa़aite tuma tāhī aṭake|| dekhyo sakala sayāna tihāro, līnhe chari phaṭake| tumahiṃ diyo baharāya itai koṃ, vai kubajā soṃ aṭake|| lījo joga sa~bhāri āpano jāhu tahā~ ṭaṭake| sūra, syāma taji kou na laihe yā jogahi kaṭuke||356||

⁠जोग-सँदेसो ब्रज में लावत। थाके चरन तिहारे, ऊधो! बार बार के धावत॥ सुनिहै कथा कौन निर्गुन की, रचि पचि बात बनावत। सगुन-सुमेरु प्रगट देखियत, तुम तृन की ओट दुरावत॥ हम जानत परपंच स्याम के, बातन ही बहरावत। देखी सुनी न अब लौं कबहूँ, जल मथे माखन आवत॥ जोगी जोग-अपार सिंधु में ढूँढ़े हू नहिं पावत। ह्याँ हरि प्रगट प्रेम जसुमति के ऊखल आप बँधावत॥ चुप करि रहौ, ज्ञान ढँकि राखौ; कत हौ बिरह बढ़ावत। काहे को बिपरीत बात कहि सब के प्रान गँवावत। सोहै सो कित सूर अबलनि जेहि निगम नेति कहि गावत?॥३५७॥

⁠joga-sa~deso braja meṃ lāvata| thāke carana tihāre, ūdho! bāra bāra ke dhāvata|| sunihai kathā kauna nirguna kī, raci paci bāta banāvata| saguna-sumeru pragaṭa dekhiyata, tuma tṛna kī oṭa durāvata|| hama jānata parapaṃca syāma ke, bātana hī baharāvata| dekhī sunī na aba lauṃ kabahū~, jala mathe mākhana āvata|| jogī joga-apāra siṃdhu meṃ ḍhū~ḍha़e hū nahiṃ pāvata| hyā~ hari pragaṭa prema jasumati ke ūkhala āpa ba~dhāvata|| cupa kari rahau, jñāna ḍha~ki rākhau; kata hau biraha baḍha़āvata| kāhe ko biparīta bāta kahi saba ke prāna ga~vāvata| sohai so kita sūra abalani jehi nigama neti kahi gāvata?||357||

⁠कहा भयो हरि मथुरा गए। अब अलि! हरि कैसे सुख पावत तन द्वै भाँति भए॥ यहाँ अटक अति प्रेम पुरातन, ह्वाँ अति नेह नए। ह्वाँ सुनियत नृप-वेष, यहाँ दिन देखियत बेनु लए॥ कहा हाथ पर्यो सठ अक्रूरहिं वह ठग-ठाट ठए। अब क्यों कान्ह रहत गोकुल बिनु जोगन के सिखए॥ राजा राज करौ अपने घर माथे छत्र दए। चिरंजीव रहौ, सूर नंदसुत, जीजत मुख चितए॥३५८॥

⁠kahā bhayo hari mathurā gae| aba ali! hari kaise sukha pāvata tana dvai bhā~ti bhae|| yahā~ aṭaka ati prema purātana, hvā~ ati neha nae| hvā~ suniyata nṛpa-veṣa, yahā~ dina dekhiyata benu lae|| kahā hātha paryo saṭha akrūrahiṃ vaha ṭhaga-ṭhāṭa ṭhae| aba kyoṃ kānha rahata gokula binu jogana ke sikhae|| rājā rāja karau apane ghara māthe chatra dae| ciraṃjīva rahau, sūra naṃdasuta, jījata mukha citae||358||

तुम्हारी प्रीति, ऊधो! पूरब जनम की अब तो भए मेरे तनहु के गरजी। बहुत दिनन तें बिरमि रहे हौ, संग तें बिछोहि हमहिं गए बरजी॥ जा दिन तें तुम प्रीति करी ही घटति न, बढ़ति तूल लेहु नरजी। सूरदास प्रभु तुम्हरे मिलन बिनु तन भयो ब्योंत, बिरह भयो दरजी॥३५९॥

tumhārī prīti, ūdho! pūraba janama kī aba to bhae mere tanahu ke garajī| bahuta dinana teṃ birami rahe hau, saṃga teṃ bichohi hamahiṃ gae barajī|| jā dina teṃ tuma prīti karī hī ghaṭati na, baḍha़ti tūla lehu narajī| sūradāsa prabhu tumhare milana binu tana bhayo byoṃta, biraha bhayo darajī||359||

⁠गोपालहि लै आवहू मनाय। अब की बेर कैसेहु करि, ऊधो! करि छल बल गहि पाय॥ दीजौ उनहिं सुसारि उरहनो संधि संधि समुझाय। जिनहिं छाँड़ि बढ़िया महँ आए ते विकल भए जदुराय॥ तुम सों कहा कहौं हो मधुकर! बातैं बहुत बनाय। बहियाँ पकरि सूर के प्रभु की, नंद की सौंह दिवाय॥३६०॥

⁠gopālahi lai āvahū manāya| aba kī bera kaisehu kari, ūdho! kari chala bala gahi pāya|| dījau unahiṃ susāri urahano saṃdhi saṃdhi samujhāya| jinahiṃ chā~ḍa़i baḍha़iyā maha~ āe te vikala bhae jadurāya|| tuma soṃ kahā kahauṃ ho madhukara! bātaiṃ bahuta banāya| bahiyā~ pakari sūra ke prabhu kī, naṃda kī sauṃha divāya||360||

⁠कै तुम सों छूटैं लरि ऊधो कै रहिए गहि मौन। तुम सी होय सो तुम सों बोलै, लीने जोगहि आए॥ जा काहू कों जोग चाहिए सो लै भस्म लगावै। कहौ सँदेस सूर के प्रभु को, यह निर्गुन अँधियारो। अपनो बोयो आप लूनिए, तुम आपुहि निरवारो॥३६१॥

⁠kai tuma soṃ chūṭaiṃ lari ūdho kai rahie gahi mauna| tuma sī hoya so tuma soṃ bolai, līne jogahi āe|| jā kāhū koṃ joga cāhie so lai bhasma lagāvai| kahau sa~desa sūra ke prabhu ko, yaha nirguna a~dhiyāro| apano boyo āpa lūnie, tuma āpuhi niravāro||361||

⁠ऐसो, माई! एक कोद को हेतु। जैसे बसन कुसुँभ-रंग मिलि कै नेकुचटक पुनि सेत॥ जैसे करनि किसान बापुरो नौ नौ बाहैं देत। एतेहू पै नीर निठुर भयो उमगि आय सब लेत॥ सब गोपी भाखैं ऊधो सों, सुनियो बात सचेत। सूरदास प्रभु जन तें बिछुरें ज्यों कृत राई रेत॥३६२॥

⁠aiso, māī! eka koda ko hetu| jaise basana kusu~bha-raṃga mili kai nekucaṭaka puni seta|| jaise karani kisāna bāpuro nau nau bāhaiṃ deta| etehū pai nīra niṭhura bhayo umagi āya saba leta|| saba gopī bhākhaiṃ ūdho soṃ, suniyo bāta saceta| sūradāsa prabhu jana teṃ bichureṃ jyoṃ kṛta rāī reta||362||

⁠मधुकर, मन सुनि जोग डरै। तुमहू चतुर कहावत अति ही इतो न समुझि परै॥ और सुमन जो अनेक सुगंधित, सीतल रुचि सो करै। दिनकर महाप्रतापपुंज-वर, सबको तेज हरै। उलटोइ ज्ञान सबै उपदेसत, सुनि सुनि जीय जरै। जंबू-वृक्ष कहौ क्यों, लंपट! फलवर अंब फरै॥ मुक्ता अवधि मराल प्रान है जौ लगि ताहि चरै। निघटत निपट, सूर, ज्यों जल बिनु व्याकुल मीन मरै॥३६३॥

⁠madhukara, mana suni joga ḍarai| tumahū catura kahāvata ati hī ito na samujhi parai|| aura sumana jo aneka sugaṃdhita, sītala ruci so karai| dinakara mahāpratāpapuṃja-vara, sabako teja harai| ulaṭoi jñāna sabai upadesata, suni suni jīya jarai| jaṃbū-vṛkṣa kahau kyoṃ, laṃpaṭa! phalavara aṃba pharai|| muktā avadhi marāla prāna hai jau lagi tāhi carai| nighaṭata nipaṭa, sūra, jyoṃ jala binu vyākula mīna marai||363||

⁠बिरचि मन बहुरि राच्यो आय। टूटी जुरै बहुत जतनन करि तऊ दोष नहिं जाय॥ कपट हेतु को प्रीति निरंतर नोइ चोखाई गाय। केरा पास ज्यों बेर निरंतर हालत दुख दै जाय। स्वाति-बूँद ज्यों परे फनिक-मुख परत बिषै ह्वै जाय॥ ऐसी केती तुम जौ उनकी कहौ बनाय बनाय। सूरदास दिगंबर-पुर में कहा रजक-व्यौसाय॥३६४॥

⁠biraci mana bahuri rācyo āya| ṭūṭī jurai bahuta jatanana kari taū doṣa nahiṃ jāya|| kapaṭa hetu ko prīti niraṃtara noi cokhāī gāya| kerā pāsa jyoṃ bera niraṃtara hālata dukha dai jāya| svāti-bū~da jyoṃ pare phanika-mukha parata biṣai hvai jāya|| aisī ketī tuma jau unakī kahau banāya banāya| sūradāsa digaṃbara-pura meṃ kahā rajaka-vyausāya||364||

मंदिर-अरध-अवधि बदि हम सों, हरि-अहार चलि जात॥ ससि-रिपु बरष सूर-रिपु युग वर, हर-रिपु किए फिरै घात। मघ-पंचक लै गए स्यामघन, आय बनी यह बात॥ नखत, बेद, ग्रह जोरि अर्द्ध करि को बरजै हम खात। सूरदास प्रभु तुमहिं मिलन कों कर मीड़ति पछितात॥३६५॥

maṃdira-aradha-avadhi badi hama soṃ, hari-ahāra cali jāta|| sasi-ripu baraṣa sūra-ripu yuga vara, hara-ripu kie phirai ghāta| magha-paṃcaka lai gae syāmaghana, āya banī yaha bāta|| nakhata, beda, graha jori arddha kari ko barajai hama khāta| sūradāsa prabhu tumahiṃ milana koṃ kara mīḍa़ti pachitāta||365||

⁠उधो! मन माने की बात। दाख छुहारा छाँड़ि अमृत-फल विष-कीरा विष खात। मधुप करत घर कोरि काठ में बँधत कमल के पात॥ ज्यों पतंग हित जानि आपनो दीपक सों लपटात। सूरदास जाको मन जासों सोई ताहि सुहात॥३३६॥

⁠udho! mana māne kī bāta| dākha chuhārā chā~ḍa़i amṛta-phala viṣa-kīrā viṣa khāta| madhupa karata ghara kori kāṭha meṃ ba~dhata kamala ke pāta|| jyoṃ pataṃga hita jāni āpano dīpaka soṃ lapaṭāta| sūradāsa jāko mana jāsoṃ soī tāhi suhāta||336||

कर-कंकन तें भुज-टाँड़ भई। मधुवन चलत स्याम मनमोहन आवन-अवधि जो निकट दई॥ जोहति पंथ मनावति संकर बासर निसि मोहिं गनत गई। पाती लिखत बिरह तन व्याकुल कागर ह्वै गयो नीरमई॥ ऊधो! मुख के बचनन कहियो हरि सों सूल नितप्रतिहि नई। सूरदास प्रभु तुम्हरे दरस को बियोगिनि बिकल भई॥३६७॥

kara-kaṃkana teṃ bhuja-ṭā~ḍa़ bhaī| madhuvana calata syāma manamohana āvana-avadhi jo nikaṭa daī|| johati paṃtha manāvati saṃkara bāsara nisi mohiṃ ganata gaī| pātī likhata biraha tana vyākula kāgara hvai gayo nīramaī|| ūdho! mukha ke bacanana kahiyo hari soṃ sūla nitapratihi naī| sūradāsa prabhu tumhare darasa ko biyogini bikala bhaī||367||

फूल बिनन नहिं जाउँ सखी री! हरि बिन कैसे बीनौं फूल। सुन री, सखी! मोहिं रामदोहाई फूल लगत तिरसूल॥ वे जो देखियत राते राते फूलन फूली डार। हरि बिन फूल झार से लागत झरि झरि परत अँगार॥ कैसे कै पनघट जाउँ सखी री! डोलौं सरिता-तीर। भरि भरि जमुना उमड़ि चली है इन नैनन के नीर॥ इन नैनन के नीर सखी री! सेज भई घरनाउ। चाहति हौं याही पै चढ़िकै स्याम-मिलन कों जाउँ॥ प्रान हमारे बिन हरि प्यारे रहे अधरन पर आय। सूरदास के प्रभु सों सजनी कौन कहै समुझाय?॥३६८॥

phūla binana nahiṃ jāu~ sakhī rī! hari bina kaise bīnauṃ phūla| suna rī, sakhī! mohiṃ rāmadohāī phūla lagata tirasūla|| ve jo dekhiyata rāte rāte phūlana phūlī ḍāra| hari bina phūla jhāra se lāgata jhari jhari parata a~gāra|| kaise kai panaghaṭa jāu~ sakhī rī! ḍolauṃ saritā-tīra| bhari bhari jamunā umaḍa़i calī hai ina nainana ke nīra|| ina nainana ke nīra sakhī rī! seja bhaī gharanāu| cāhati hauṃ yāhī pai caḍha़ikai syāma-milana koṃ jāu~|| prāna hamāre bina hari pyāre rahe adharana para āya| sūradāsa ke prabhu soṃ sajanī kauna kahai samujhāya?||368||

ऊधो जू! मैं तिहारे चरनन लागौं बारक या ब्रज करबि भाँवरी। निसि न नींद आवै, दिन न भोजन भावै, मग जोवत भई दृष्टि झाँवरी॥ बहै बृंदावन स्याम सघन बन, बहै सुभग सरि साँवरी। एक स्याम बिनु स्याम न भावै सुधि न रही जैसे बकत बावरी॥ लाज छाँड़ि हम उतहिं आवती चलि न सकति आवै बिरह-ताँवरी। सूरदास प्रभु बेगि दरस दीजै होय है जग में कीरति रावरी॥३६९॥

ūdho jū! maiṃ tihāre caranana lāgauṃ bāraka yā braja karabi bhā~varī| nisi na nīṃda āvai, dina na bhojana bhāvai, maga jovata bhaī dṛṣṭi jhā~varī|| bahai bṛṃdāvana syāma saghana bana, bahai subhaga sari sā~varī| eka syāma binu syāma na bhāvai sudhi na rahī jaise bakata bāvarī|| lāja chā~ḍa़i hama utahiṃ āvatī cali na sakati āvai biraha-tā~varī| sūradāsa prabhu begi darasa dījai hoya hai jaga meṃ kīrati rāvarī||369||

⁠ऊधो! जबहिं जाव गोकुलमनि आगे पैयाँ लागन कहियो। अब मोहिं बिपति परी दर्सन बिनु, सहि न सकत तन दारुन दहियो॥ सूर स्याम बिनु गृह बन सूनो, बिन मोहन काको मुख चहियो?॥३७०॥

⁠ūdho! jabahiṃ jāva gokulamani āge paiyā~ lāgana kahiyo| aba mohiṃ bipati parī darsana binu, sahi na sakata tana dāruna dahiyo|| sūra syāma binu gṛha bana sūno, bina mohana kāko mukha cahiyo?||370||

⁠मेरे मन इतनी सूल रही। वै बतियाँ छतियाँ लिखि राखीं जे नँदलाल कही॥ एक दिवस मेरे गृह आए मैं ही मथति दही। देखि तिन्हैं मैं मान कियो सखि सो हरि गुसा गही॥ सोचति अति पछिताति राधिका मुर्छित धरनि ढही। सूरदास प्रभु के बिछुरे तें बिथा न जाति सही॥३७१॥

⁠mere mana itanī sūla rahī| vai batiyā~ chatiyā~ likhi rākhīṃ je na~dalāla kahī|| eka divasa mere gṛha āe maiṃ hī mathati dahī| dekhi tinhaiṃ maiṃ māna kiyo sakhi so hari gusā gahī|| socati ati pachitāti rādhikā murchita dharani ḍhahī| sūradāsa prabhu ke bichure teṃ bithā na jāti sahī||371||

⁠देखौ माधव की मित्राई। आई उघरि कनक-कलई ज्यों दै निज गये दगाई॥ हम जाने हरि हितू हमारे उनके चित्त ठगाई। छाँड़ी सुरति सबै ब्रजकुल की निठुर लोग बिलमाई॥ प्रेम निबाहिं कहा वै जानैं साँचेई अहिराई। सूरदास बिरहिनी बिकल-मति कर मींजै पछिताई॥३७२॥

⁠dekhau mādhava kī mitrāī| āī ughari kanaka-kalaī jyoṃ dai nija gaye dagāī|| hama jāne hari hitū hamāre unake citta ṭhagāī| chā~ḍa़ī surati sabai brajakula kī niṭhura loga bilamāī|| prema nibāhiṃ kahā vai jānaiṃ sā~ceī ahirāī| sūradāsa birahinī bikala-mati kara mīṃjai pachitāī||372||

मैं जान्यो मोको माधव हित है कियो। अति आदर अलि ज्यों मिलि कमलहि मुख-मकरंद लियो॥ बरु वह भली पूतना जाको पय-संग प्रान पियो। मनमधु अँचै निपट सूने तन यह दुख अधिक दियो॥ देखि अचेत अमृत-अवलोकनि, चलि जु सींचि हियो। सूरदास प्रभु वा अधार के नाते परत जियो॥३७३॥

maiṃ jānyo moko mādhava hita hai kiyo| ati ādara ali jyoṃ mili kamalahi mukha-makaraṃda liyo|| baru vaha bhalī pūtanā jāko paya-saṃga prāna piyo| manamadhu a~cai nipaṭa sūne tana yaha dukha adhika diyo|| dekhi aceta amṛta-avalokani, cali ju sīṃci hiyo| sūradāsa prabhu vā adhāra ke nāte parata jiyo||373||

सुनि री सखी! स्यामसुंदर बिन बाटि बिषम बिष पीजै॥ कै गिरिए गिरि चढ़िकै, सजनी, कैस्वकर सीस सिव दीजै। कै दहिए दारुन दावानल, कै तो जाय जमुन धँसि लीजै॥ सूरदास प्रीतम बिन राधे सोचि सोचि मनही मन खीजै॥३७४॥

suni rī sakhī! syāmasuṃdara bina bāṭi biṣama biṣa pījai|| kai girie giri caḍha़ikai, sajanī, kaisvakara sīsa siva dījai| kai dahie dāruna dāvānala, kai to jāya jamuna dha~si lījai|| sūradāsa prītama bina rādhe soci soci manahī mana khījai||374||

⁠सँदेसो देवकी सों कहियो॥ हौं तो धाय तिहारे सुत की कृपा करत ही रहियो॥ उबटन तेल और तातो जल देखत ही भजि जाते। जोइ जोइ माँगत सोइ सोइ देती करम करम करि न्हाते॥ तुम तौ टेव जानतिहि ह्वैहौ तऊ मोहिं कहि आवै। प्रात उठत मेरे लाल लड़ैतेहि माखन-रोटी भावै॥ अब यह सूर मोहिं निसिबासर बड़ो रहत जिय सोच। अब मेरे अलक-लड़ैते लालन ह्वै हैं करत सँकोच॥३७५॥

⁠sa~deso devakī soṃ kahiyo|| hauṃ to dhāya tihāre suta kī kṛpā karata hī rahiyo|| ubaṭana tela aura tāto jala dekhata hī bhaji jāte| joi joi mā~gata soi soi detī karama karama kari nhāte|| tuma tau ṭeva jānatihi hvaihau taū mohiṃ kahi āvai| prāta uṭhata mere lāla laḍa़aitehi mākhana-roṭī bhāvai|| aba yaha sūra mohiṃ nisibāsara baḍa़o rahata jiya soca| aba mere alaka-laḍa़aite lālana hvai haiṃ karata sa~koca||375||

⁠यद्यपि मन समुझावत लोग। सूल होत नवनीत देखिकै मोहन के मुख-जोग॥ कहियो जाय पथिक! घर आवैं राम स्याम दोउ भैया। सूर वहाँ कत होत दुखारी जिनके मो सी मैया॥३७६॥

⁠yadyapi mana samujhāvata loga| sūla hota navanīta dekhikai mohana ke mukha-joga|| kahiyo jāya pathika! ghara āvaiṃ rāma syāma dou bhaiyā| sūra vahā~ kata hota dukhārī jinake mo sī maiyā||376||

⁠जो पै राखति हौ पहिंचानि। तौ बारेक मेरे मोहन को मोहिं देहु दिखाई आनि॥ तुम रानी बसुदेवगिरहिनी हम अहीर ब्रजबासी। पठै देहु मेरो लाल लड़ैतो बारों ऐसी हाँसी॥ भली करी कंसादिक मारे अवसर-काज कियो। अब इन गैयन कौन चरावै भरि भरि लेत हियो॥ खान, पान, परिधान, राजसुख केतोउ लाड़ लड़ावै। तदपि सूर मेरो यह बालक माखन ही सचु पावै॥३७७॥

⁠jo pai rākhati hau pahiṃcāni| tau bāreka mere mohana ko mohiṃ dehu dikhāī āni|| tuma rānī basudevagirahinī hama ahīra brajabāsī| paṭhai dehu mero lāla laḍa़aito bāroṃ aisī hā~sī|| bhalī karī kaṃsādika māre avasara-kāja kiyo| aba ina gaiyana kauna carāvai bhari bhari leta hiyo|| khāna, pāna, paridhāna, rājasukha ketou lāḍa़ laḍa़āvai| tadapi sūra mero yaha bālaka mākhana hī sacu pāvai||377||

काहू के भाग मों साझो नाहिंन, हरि की कृपा नियारी॥ फलन माँझ जैसे करुई तूमरि रहति जो घूरे डारी। हाथ परी जब गुनी जनन के बाजति राग दुलारी॥ यह सँदेस कुब्जा कहि पठयो अरु कीन्ही मनुहारी। तन टेढ़ी सब कोऊ जानत, परसे भइ अधिकारी॥ हौं तौ दासी कंसराय की, देखहु हृदय बिचारी। सूर स्याम करुनाकर स्वामी अपने हाथ सँवारी॥३७८॥

kāhū ke bhāga moṃ sājho nāhiṃna, hari kī kṛpā niyārī|| phalana mā~jha jaise karuī tūmari rahati jo ghūre ḍārī| hātha parī jaba gunī janana ke bājati rāga dulārī|| yaha sa~desa kubjā kahi paṭhayo aru kīnhī manuhārī| tana ṭeḍha़ī saba koū jānata, parase bhai adhikārī|| hauṃ tau dāsī kaṃsarāya kī, dekhahu hṛdaya bicārī| sūra syāma karunākara svāmī apane hātha sa~vārī||378||

हौं तुम पै ब्रजनाथ पठायो। आतमज्ञान-सिखावन आयो॥ आपुहि पुरुष, आपुही नारी। आपुहि बानप्रस्थ ब्रतधारी॥ आपुहि पिता, आपुही माता। आपुहि भगिनी, आपुहि भ्राता॥ आपुहि पंडित, आपुहि ज्ञानी। आपुहि राजा, आपुहि रानी॥ आपुहि धरती, आपु अकासा। आपुहि स्वामी, आपुहि दासा॥ आपुहि ग्वाल, आपुही गाई। आपुहि आप चरावन जाई॥ आपुहि भँवर, आपुही फूल। आतमज्ञान बिना जग भूल॥ रंक राव दूजो नहिं कोय। आपुहि आप निरंजन सोय॥ यहि प्रकार जाको मन लागै। जरा, मरन, जी तें भ्रम भागे॥ सुनु ऊधो! ह्याँ कौन सयानी?। तुम तौ महापुरुष बड़ज्ञानी॥ जोगी होय सो जोगहि जानै। नवधा भक्ति सदा मन मानै॥ भाव-भगति हरिजन चित धारे। ज्योति-रूप सिव सनक बिचारे॥ तुम कह रचि रचि कहत सयानी। अबला हरि के रूप दिवानी॥ जात-पीर बंझा नहिं जानै। बिनु देखे कैसे रुचि मानैं? फिरि फ़िरि कहे वहै सुधि आवै। स्यामरूप बिनु और न भावै॥ जोग-समाधि जोति चित लावै। परमानंद परमपद पावै॥ नवकिसोर को जबहिं निहारैं। कोटि ज्योति वा छबि पै वारैं॥ सजल मेघ घनस्याम-सरीर। रूप ठगी हलधर के बीर॥ सिर श्रीखंड, कुंडल, बनमाल। क्यों बिसरैं वै नयन बिसाल? मृगमद तिलक अलक घुँघरारे। उन मोहन मन हरे हमारे॥ भृकुटी बिकट, नासिका राजै। अरुन अधर मुरली कल बाजै॥ दाड़िम-दसन-दमक-दुति सोहै। मृदु मुसकानि मदन-मन मोहै॥ चारु चिबुक, उर पर गजमोती। दूरि करत उडुगन की जोती॥ कंकन, किंकिन, पदिक बिराजै। चलत चरन कल नूपुर बाजै॥ बन की धातु चित्र तनु किये। वह छबि चुभि जु रही हम हिये॥ पीत बसन छबि बरनि न जाई। नखसिख सुंदर कुंवर कन्हाई॥ रूपरासि ग्वालन को संगी। कब देखैं वह रूप त्रिभंगी॥ जो तुम हित की बात सुनावौ। मदनगोपालहि क्यों न मिलावौ? ताहि भजहु किन सबै सयानी? खोजत जाहि महामुनि ज्ञानी॥ जाके रूप-रेख कछु नाहीं। नयन मूँदि चितवहु चित माहीं॥ हृदय-कमल में जोति बिराजै। अनहद नाद निरंतर बाजै॥ इड़ा पिंगला सुखमन नारी। सून्य सहज में बसैं मुरारी॥ मात पिता नहिं दारा भाई। जल थल घट घट रहे समाई॥ यहि प्रकार भव दुस्तर तरिहौ। जोग-पंथ क्रम क्रम अनुसरिहौ॥ यह मधुकर! मुख मूँदहु जाई। हमरे चित बित हरि यदुराई॥

hauṃ tuma pai brajanātha paṭhāyo| ātamajñāna-sikhāvana āyo|| āpuhi puruṣa, āpuhī nārī| āpuhi bānaprastha bratadhārī|| āpuhi pitā, āpuhī mātā| āpuhi bhaginī, āpuhi bhrātā|| āpuhi paṃḍita, āpuhi jñānī| āpuhi rājā, āpuhi rānī|| āpuhi dharatī, āpu akāsā| āpuhi svāmī, āpuhi dāsā|| āpuhi gvāla, āpuhī gāī| āpuhi āpa carāvana jāī|| āpuhi bha~vara, āpuhī phūla| ātamajñāna binā jaga bhūla|| raṃka rāva dūjo nahiṃ koya| āpuhi āpa niraṃjana soya|| yahi prakāra jāko mana lāgai| jarā, marana, jī teṃ bhrama bhāge|| sunu ūdho! hyā~ kauna sayānī?| tuma tau mahāpuruṣa baḍa़jñānī|| jogī hoya so jogahi jānai| navadhā bhakti sadā mana mānai|| bhāva-bhagati harijana cita dhāre| jyoti-rūpa siva sanaka bicāre|| tuma kaha raci raci kahata sayānī| abalā hari ke rūpa divānī|| jāta-pīra baṃjhā nahiṃ jānai| binu dekhe kaise ruci mānaiṃ? phiri pha़iri kahe vahai sudhi āvai| syāmarūpa binu aura na bhāvai|| joga-samādhi joti cita lāvai| paramānaṃda paramapada pāvai|| navakisora ko jabahiṃ nihāraiṃ| koṭi jyoti vā chabi pai vāraiṃ|| sajala megha ghanasyāma-sarīra| rūpa ṭhagī haladhara ke bīra|| sira śrīkhaṃḍa, kuṃḍala, banamāla| kyoṃ bisaraiṃ vai nayana bisāla? mṛgamada tilaka alaka ghu~gharāre| una mohana mana hare hamāre|| bhṛkuṭī bikaṭa, nāsikā rājai| aruna adhara muralī kala bājai|| dāḍa़ima-dasana-damaka-duti sohai| mṛdu musakāni madana-mana mohai|| cāru cibuka, ura para gajamotī| dūri karata uḍugana kī jotī|| kaṃkana, kiṃkina, padika birājai| calata carana kala nūpura bājai|| bana kī dhātu citra tanu kiye| vaha chabi cubhi ju rahī hama hiye|| pīta basana chabi barani na jāī| nakhasikha suṃdara kuṃvara kanhāī|| rūparāsi gvālana ko saṃgī| kaba dekhaiṃ vaha rūpa tribhaṃgī|| jo tuma hita kī bāta sunāvau| madanagopālahi kyoṃ na milāvau? tāhi bhajahu kina sabai sayānī? khojata jāhi mahāmuni jñānī|| jāke rūpa-rekha kachu nāhīṃ| nayana mū~di citavahu cita māhīṃ|| hṛdaya-kamala meṃ joti birājai| anahada nāda niraṃtara bājai|| iḍa़ā piṃgalā sukhamana nārī| sūnya sahaja meṃ basaiṃ murārī|| māta pitā nahiṃ dārā bhāī| jala thala ghaṭa ghaṭa rahe samāī|| yahi prakāra bhava dustara tarihau| joga-paṃtha krama krama anusarihau|| yaha madhukara! mukha mū~dahu jāī| hamare cita bita hari yadurāī||

⁠कहँ लौं कहिए ब्रज की बात। सुनहु स्याम! तुम बिनु उन लोगन जैसे दिवस बिहात॥ गोपी, ग्वाल, गाय, गोसुत सब मलिनबदन, कृसगात। परम दीन जनु सिसिर-हेम-हत अंबुजगन बिनु पात॥ जो कोउ आवत देखति हैं सब मिलि बूझति कुसलात। चलन न देत प्रेम-आतुर उर, कर चरनन लपटात॥ पिक, चातक बन बसन न पावहिं, बायस बलिहि न खात। सूर स्याम संदेसन के डर पथिक न वा मग जात॥३८४॥

⁠kaha~ lauṃ kahie braja kī bāta| sunahu syāma! tuma binu una logana jaise divasa bihāta|| gopī, gvāla, gāya, gosuta saba malinabadana, kṛsagāta| parama dīna janu sisira-hema-hata aṃbujagana binu pāta|| jo kou āvata dekhati haiṃ saba mili būjhati kusalāta| calana na deta prema-ātura ura, kara caranana lapaṭāta|| pika, cātaka bana basana na pāvahiṃ, bāyasa balihi na khāta| sūra syāma saṃdesana ke ḍara pathika na vā maga jāta||384||

⁠उन में पाँच दिवस जो बसिये। वह लीला बिनोद गोपिन के देखे ही बनि आवै। मोको बहुरि कहाँ वैसो सुख, बड़भागी सो पावै॥ मनसि, बचन, कर्मना, कहत हौं नाहिंन कछु अब राखी। सूर काढ़ि डार्यो हौं ब्रज तें दूध-माँझ की माखी॥३८५॥

⁠una meṃ pā~ca divasa jo basiye| vaha līlā binoda gopina ke dekhe hī bani āvai| moko bahuri kahā~ vaiso sukha, baḍa़bhāgī so pāvai|| manasi, bacana, karmanā, kahata hauṃ nāhiṃna kachu aba rākhī| sūra kāḍha़i ḍāryo hauṃ braja teṃ dūdha-mā~jha kī mākhī||385||

हरि तिहारे बिरह राधे मैं जो देखी छीन। कहन को संदेस सुंदरि गवन मो तन कीन॥ छुटी छुद्रावलि, चरन अरुझे, गिरी बलहीन। बहुरि उठी सँभारि, सुभट ज्यों परम साहस कीन॥ बिन देखे मनमोहन मुखरो सब सुख उनको दीन। सूर हरि के चरन-अंबुज रहीं आसा-लीन॥३८६॥

hari tihāre biraha rādhe maiṃ jo dekhī chīna| kahana ko saṃdesa suṃdari gavana mo tana kīna|| chuṭī chudrāvali, carana arujhe, girī balahīna| bahuri uṭhī sa~bhāri, subhaṭa jyoṃ parama sāhasa kīna|| bina dekhe manamohana mukharo saba sukha unako dīna| sūra hari ke carana-aṃbuja rahīṃ āsā-līna||386||

⁠माधव! यह ब्रज को ब्योहार। मेरो कह्यो पवन को भुस भयो, गावत नंदकुमार॥ एक ग्वारि गोधन लै रेंगति, एक लकुट कर लेति। एक मंडली करि बैठारति, छाक बांटि कै देति॥ एक ग्वारि नटवर बहु लीला, एक कर्म-गुन गावति। कोटि भांति कै मैं समुझाई नेकु न उर में ल्यावति॥ निसिबासर ये ही ब्रत सब ब्रत दिन दिन नूतन प्रीति। सूर सकल फीको लागत है देखत वह रसरीति॥३८७॥

⁠mādhava! yaha braja ko byohāra| mero kahyo pavana ko bhusa bhayo, gāvata naṃdakumāra|| eka gvāri godhana lai reṃgati, eka lakuṭa kara leti| eka maṃḍalī kari baiṭhārati, chāka bāṃṭi kai deti|| eka gvāri naṭavara bahu līlā, eka karma-guna gāvati| koṭi bhāṃti kai maiṃ samujhāī neku na ura meṃ lyāvati|| nisibāsara ye hī brata saba brata dina dina nūtana prīti| sūra sakala phīko lāgata hai dekhata vaha rasarīti||387||