Surdas Padas (Sur Sagar selections)

मूल श्लोकः

आवहु री सखि! सब मिलि सोचैं ज्यों पावैं नँदलाल॥ घर बाहर तें बोलि लेहु सब जावदेक ब्रजबाल। कमलासन बैठहु री माई! मूँदहु नयन बिसाल॥ षट्पद कही सोऊ करि देखी, हाथ कछू नहिं आई। सुन्दरस्याम कमलदललोचन नेकु न देत दिखाई॥ फिरि भईं मगन बिरहसागर में काहुहि सुधि न रही। पूरन प्रेम देखि गोपिन को मधुकर मौन गही॥ कहुं धुनि सुनि स्रवननि चातक की प्रान पलटि तब आए। सूर सु अबकै टेरि पपीहै बिरहिन मृतक जिवाए॥२१८॥

āvahu rī sakhi! saba mili socaiṃ jyoṃ pāvaiṃ na~dalāla|| ghara bāhara teṃ boli lehu saba jāvadeka brajabāla| kamalāsana baiṭhahu rī māī! mū~dahu nayana bisāla|| ṣaṭpada kahī soū kari dekhī, hātha kachū nahiṃ āī| sundarasyāma kamaladalalocana neku na deta dikhāī|| phiri bhaīṃ magana birahasāgara meṃ kāhuhi sudhi na rahī| pūrana prema dekhi gopina ko madhukara mauna gahī|| kahuṃ dhuni suni sravanani cātaka kī prāna palaṭi taba āe| sūra su abakai ṭeri papīhai birahina mṛtaka jivāe||218||

SP 239