Surdas Padas (Sur Sagar selections)

मूल श्लोकः

सुनु गोपी हरि को सँदेस। करि समाधि अंतर-गति चितवौ प्रभु को यह उपदेस॥ वै अबिगत, अबिनासी, पूरन, घटघट रहे समाय। तिहि निश्चय कै ध्यावहु ऐसे सुचित कमलमन लाइ॥ यह उपाय करि बिरह तजौगी मिलै ब्रह्म तब आय। तत्त्वज्ञान बिनु मुक्ति न होई निगम सुनाबत गाय॥ सुनत सँदेस दुसह माधव के गोपीजन बिलखानी। सूर बिरह की कौन चलावै, नयन ढरत अति पानी॥१६८॥

sunu gopī hari ko sa~desa| kari samādhi aṃtara-gati citavau prabhu ko yaha upadesa|| vai abigata, abināsī, pūrana, ghaṭaghaṭa rahe samāya| tihi niścaya kai dhyāvahu aise sucita kamalamana lāi|| yaha upāya kari biraha tajaugī milai brahma taba āya| tattvajñāna binu mukti na hoī nigama sunābata gāya|| sunata sa~desa dusaha mādhava ke gopījana bilakhānī| sūra biraha kī kauna calāvai, nayana ḍharata ati pānī||168||

SP 196