Surdas Padas (Sur Sagar selections)

मूल श्लोकः

ऊधो! यह निस्चय हम जानी। खोयो गयो नेहनग उनपै, प्रीति-कोठरी भई पुरानी॥ पहिले अधरसुधा करि सींची, दियो पोष बहु लाड़ लड़ानी। बहुरै खेल कियो केसव सिसु-गृहरचना ज्यों चलत बुझानी॥ ऐसे ही परतीति दिखाई पन्नग केंचुरि ज्यों लपटानी। बहुरौ सुरति लई नहिं जैसे भँवर लता त्यागत कुम्हिलानी॥ बहुरंगी जहँ जाय तहाँ सुख, एकरंग दुख देह दहानी। सूरदास पसु धनी चोर के खायो चाहत दाना पानी॥१९९॥

ūdho! yaha niscaya hama jānī| khoyo gayo nehanaga unapai, prīti-koṭharī bhaī purānī|| pahile adharasudhā kari sīṃcī, diyo poṣa bahu lāḍa़ laḍa़ānī| bahurai khela kiyo kesava sisu-gṛharacanā jyoṃ calata bujhānī|| aise hī paratīti dikhāī pannaga keṃcuri jyoṃ lapaṭānī| bahurau surati laī nahiṃ jaise bha~vara latā tyāgata kumhilānī|| bahuraṃgī jaha~ jāya tahā~ sukha, ekaraṃga dukha deha dahānī| sūradāsa pasu dhanī cora ke khāyo cāhata dānā pānī||199||

SP 222