Dhyana

mAtaH shrIlalite prasIda ! lauhityanirjita japAkusumAnurAgAM pAshA~Nkushau dhanuriShUnapi dhArayantIm | tAmrekShaNAmaruNamAlyavisheShabhUShAM tAmbUlapUritamukhIM tripurAM namAmi

mAtaH shrIlalite prasIda ! lauhityanirjita japAkusumAnurAgAM pAshA~Nkushau dhanuriShUnapi dhArayantIm | tAmrekShaNAmaruNamAlyavisheShabhUShAM tAmbUlapUritamukhIM tripurAM namAmi

मधुरान्मधुरा महितान्महिता मृदुलान्मृदुला सुलभात्सुलभा । अरुणादरुणा सदयात्सदया ललिताल्ललिता ललिताऽवतु माम्

madhurānmadhurā mahitānmahitā mṛdulānmṛdulā sulabhātsulabhā | aruṇādaruṇā sadayātsadayā lalitāllalitā lalitā'vatu mām

ललितं चरणसरोजे ललिततरं वदनशीतरुचिबिम्बे । ललिततमं स्मितरोचिषि ललिताख्यं वसतु मे पुरतः

lalitaṃ caraṇasaroje lalitataraṃ vadanaśītarucibimbe | lalitatamaṃ smitarociṣi lalitākhyaṃ vasatu me purataḥ

त्वत्प्रसूतस्त्वदाज्ञप्तस्त्वद्दासस्त्वत्परायणः । त्वन्नामचिन्तनपरस्त्वदर्थेऽहं नियोजितः

tvatprasūtastvadājñaptastvaddāsastvatparāyaṇaḥ | tvannāmacintanaparastvadarthe'haṃ niyojitaḥ

त्वयार्जितमिदं सर्वं तव स्वं परमेश्वरि । त्वदधीनं करोमीह त्वदर्थे तन्नियोजये

tvayārjitamidaṃ sarvaṃ tava svaṃ parameśvari | tvadadhīnaṃ karomīha tvadarthe tanniyojaye

तव देवि वशे वर्ते तवाज्ञामेव पालयन् । तव नामानि गणयन् त्वयि लीये गृहाण माम्

tava devi vaśe varte tavājñāmeva pālayan | tava nāmāni gaṇayan tvayi līye gṛhāṇa mām

एषा भक्त्या तव विरचिता या देवि सेवा स्वीकृत्यैनां सपदि सकलान्मेऽपराधान् क्षमस्व । न्यूनं यत्तत्तव करुणया पूर्णतामेतु सद्यः सानन्दं मे हृदयकमले तेऽस्तु नित्यं निवासः

eṣā bhaktyā tava viracitā yā devi sevā svīkṛtyaināṃ sapadi sakalānme'parādhān kṣamasva | nyūnaṃ yattattava karuṇayā pūrṇatāmetu sadyaḥ sānandaṃ me hṛdayakamale te'stu nityaṃ nivāsaḥ