Lalita Sahasranama

मूल श्लोकः

इति ललितासहस्रनाम्न्युपोद्धातप्रकरणं समाप्तम् ॥ ॥ न्यासः ॥ अस्य श्रीललितासहस्रनामस्तोत्रमहामन्त्रस्य वशिन्यादयो वाग्देवता ऋषयः । अनुष्टुप् छन्दः । श्रीललिता परमेश्वरी देवता । श्रीमद्बाग्भवकूटेति बीजम् । मध्यकूटेति शक्तिः । शक्तिकूटेति कीलकम् । ध्यानम् । मम श्रीललितामहात्रिपुरसुन्दरीप्रसादसिद्धिद्वारा चिन्तितफलावाप्त्यर्थे जपे विनियोगः । ॥ करन्यासः ॥ ऐं अङ्गुष्ठाभ्यां नमः । क्लीं तर्जनीभ्यां नमः । सौः मध्यमाभ्यां नमः । सौः अनामिकाभ्यां नमः । क्लीं कनिष्ठिकाभ्यां नमः । ऐं करतलकरपृष्ठाभ्यां नमः । ॥ अङ्गन्यासः ॥ ऐं हृदयाय नमः । क्लीं शिरसे स्वाहा । सौः शिखायै वषट् । सौः कवचाय हुं । क्लीं नेत्रत्रयाय वौषट् । ऐं अस्त्राय फट् । भूर्भवस्सुवरोमिति दिग्बन्धः । ॥ ध्यानम् ॥ सिन्दूरारुण विग्रहां त्रिनयनां माणिक्यमौलि स्फुरत् तारा नायक शेखरां स्मितमुखीमापीनवक्षोरुहाम् । पाणिभ्यामलिपूर्णरत्नचषकं रक्तोत्पलं बिभ्रतीं सौम्यां रत्न घटस्थ रक्तचरणां ध्यायेत् परामम्बिकाम् ॥ अरुणां करुणातरङ्गिताक्षीं धृतपाशाङ्कुशपुष्पबाणचापाम् । अणिमादिभिरावृतां मयूखैरहमित्येव विभावये भवानीम् ॥ ध्यायेत् पद्मासनस्थां विकसितवदनां पद्मपत्रायताक्षीं हेमाभां पीतवस्त्रां करकलितलसद्धेमपद्मां वराङ्गीम् । सर्वालङ्कारयुक्तां सतत मभयदां भक्तनम्रां भवानीं श्रीविद्यां शान्तमूर्तिं सकलसुरनुतां सर्व सम्पत्प्रदात्रीम् ॥ सकुङ्कुमविलेपनामलिकचुम्बिकस्तूरिकां समन्दहसितेक्षणां सशरचापपाशाङ्कुशाम् । अशेषजनमोहिनीं अरुणमाल्यभूषाम्बरां जपाकुसुमभासुरां जपविधौ स्मराम्यम्बिकाम् ॥ लमित्यादिपञ्चपूजा लं पृथिवीतत्त्वात्मिकायै श्रीललितादेव्यै गन्धं परिकल्पयामि । हं आकाशतत्त्वात्मिकायै श्रीललितादेव्यै पुष्पं परिकल्पयामि । यं वायुतत्त्वात्मिकायै श्रीललितादेव्यै धूपं परिकल्पयामि । रं वह्नितत्त्वात्मिकायै श्रीललितादेव्यै दीपं परिकल्पयामि । वं अमृततत्त्वामिकायै श्रीललितादेव्यै अमृतं महानैवेद्यं परिकल्पयामि । सं सर्वतत्त्वात्मिकायै श्रीललितादेव्यै सर्वोपचारपूजां परिकल्पयामि । (ततः पारायणं कुर्यात् ।) ॥ अथ श्रीललितासहस्रनामस्तोत्रम् ॥ (द्वितीया तापिनी कला १-१०० नामानि) श्रीमाता श्रीमहाराज्ञी श्रीमत्सिंहासनेश्वरी । चिदग्निकुण्डसम्भूता देवकार्यसमुद्यता

iti lalitāsahasranāmnyupoddhātaprakaraṇaṃ samāptam || || nyāsaḥ || asya śrīlalitāsahasranāmastotramahāmantrasya vaśinyādayo vāgdevatā ṛṣayaḥ | anuṣṭup chandaḥ | śrīlalitā parameśvarī devatā | śrīmadbāgbhavakūṭeti bījam | madhyakūṭeti śaktiḥ | śaktikūṭeti kīlakam | dhyānam | mama śrīlalitāmahātripurasundarīprasādasiddhidvārā cintitaphalāvāptyarthe jape viniyogaḥ | || karanyāsaḥ || aiṃ aṅguṣṭhābhyāṃ namaḥ | klīṃ tarjanībhyāṃ namaḥ | sauḥ madhyamābhyāṃ namaḥ | sauḥ anāmikābhyāṃ namaḥ | klīṃ kaniṣṭhikābhyāṃ namaḥ | aiṃ karatalakarapṛṣṭhābhyāṃ namaḥ | || aṅganyāsaḥ || aiṃ hṛdayāya namaḥ | klīṃ śirase svāhā | sauḥ śikhāyai vaṣaṭ | sauḥ kavacāya huṃ | klīṃ netratrayāya vauṣaṭ | aiṃ astrāya phaṭ | bhūrbhavassuvaromiti digbandhaḥ | || dhyānam || sindūrāruṇa vigrahāṃ trinayanāṃ māṇikyamauli sphurat tārā nāyaka śekharāṃ smitamukhīmāpīnavakṣoruhām | pāṇibhyāmalipūrṇaratnacaṣakaṃ raktotpalaṃ bibhratīṃ saumyāṃ ratna ghaṭastha raktacaraṇāṃ dhyāyet parāmambikām || aruṇāṃ karuṇātaraṅgitākṣīṃ dhṛtapāśāṅkuśapuṣpabāṇacāpām | aṇimādibhirāvṛtāṃ mayūkhairahamityeva vibhāvaye bhavānīm || dhyāyet padmāsanasthāṃ vikasitavadanāṃ padmapatrāyatākṣīṃ hemābhāṃ pītavastrāṃ karakalitalasaddhemapadmāṃ varāṅgīm | sarvālaṅkārayuktāṃ satata mabhayadāṃ bhaktanamrāṃ bhavānīṃ śrīvidyāṃ śāntamūrtiṃ sakalasuranutāṃ sarva sampatpradātrīm || sakuṅkumavilepanāmalikacumbikastūrikāṃ samandahasitekṣaṇāṃ saśaracāpapāśāṅkuśām | aśeṣajanamohinīṃ aruṇamālyabhūṣāmbarāṃ japākusumabhāsurāṃ japavidhau smarāmyambikām || lamityādipañcapūjā laṃ pṛthivītattvātmikāyai śrīlalitādevyai gandhaṃ parikalpayāmi | haṃ ākāśatattvātmikāyai śrīlalitādevyai puṣpaṃ parikalpayāmi | yaṃ vāyutattvātmikāyai śrīlalitādevyai dhūpaṃ parikalpayāmi | raṃ vahnitattvātmikāyai śrīlalitādevyai dīpaṃ parikalpayāmi | vaṃ amṛtatattvāmikāyai śrīlalitādevyai amṛtaṃ mahānaivedyaṃ parikalpayāmi | saṃ sarvatattvātmikāyai śrīlalitādevyai sarvopacārapūjāṃ parikalpayāmi | (tataḥ pārāyaṇaṃ kuryāt |) || atha śrīlalitāsahasranāmastotram || (dvitīyā tāpinī kalā 1-100 nāmāni) śrīmātā śrīmahārājñī śrīmatsiṃhāsaneśvarī | cidagnikuṇḍasambhūtā devakāryasamudyatā

LSN 5.1