Verses

.. atha shrImadgosvAmItulasIdAsakR^ita hanumAnabAhuka .. si.ndhu tarana, siya-socha harana, rabi bAla barana tanu . bhuja bisAla, mUrati karAla kAlahu ko kAla janu .. gahana-dahana-niradahana la.nka niHsa.nka, ba.nka-bhuva . jAtudhAna-balavAna mAna-mada-davana pavanasuva .. kaha tulasidAsa sevata sulabha sevaka hita santata nikaTa . guna ganata, namata, sumirata japata samana sakala-sa.nkaTa-vikaTa

.. atha shrImadgosvAmItulasIdAsakR^ita hanumAnabAhuka .. si.ndhu tarana, siya-socha harana, rabi bAla barana tanu . bhuja bisAla, mUrati karAla kAlahu ko kAla janu .. gahana-dahana-niradahana la.nka niHsa.nka, ba.nka-bhuva . jAtudhAna-balavAna mAna-mada-davana pavanasuva .. kaha tulasidAsa sevata sulabha sevaka hita santata nikaTa . guna ganata, namata, sumirata japata samana sakala-sa.nkaTa-vikaTa

स्वर्न-सैल-संकास कोटि-रवि तरुन तेज घन । उर विसाल भुज दण्ड चण्ड नख-वज्रतन ॥ पिंग नयन, भृकुटी कराल रसना दसनानन । कपिस केस करकस लंगूर, खल-दल-बल-भानन ॥ कह तुलसिदास बस जासु उर मारुतसुत मूरति विकट । संताप पाप तेहि पुरुष पहि सपनेहुँ नहिं आवत निकट

svarna-saila-saṃkāsa koṭi-ravi taruna teja ghana | ura visāla bhuja daṇḍa caṇḍa nakha-vajratana || piṃga nayana, bhṛkuṭī karāla rasanā dasanānana | kapisa kesa karakasa laṃgūra, khala-dala-bala-bhānana || kaha tulasidāsa basa jāsu ura mārutasuta mūrati vikaṭa | saṃtāpa pāpa tehi puruṣa pahi sapanehu~ nahiṃ āvata nikaṭa

पञ्चमुख-छःमुख भृगु मुख्य भट असुर सुर, सर्व सरि समर समरत्थ सूरो । बांकुरो बीर बिरुदैत बिरुदावली, बेद बंदी बदत पैजपूरो ॥ जासु गुनगाथ रघुनाथ कह जासुबल, बिपुल जल भरित जग जलधि झूरो । दुवन दल दमन को कौन तुलसीस है, पवन को पूत रजपूत रुरो

pañcamukha-chaḥmukha bhṛgu mukhya bhaṭa asura sura, sarva sari samara samarattha sūro | bāṃkuro bīra birudaita birudāvalī, beda baṃdī badata paijapūro || jāsu gunagātha raghunātha kaha jāsubala, bipula jala bharita jaga jaladhi jhūro | duvana dala damana ko kauna tulasīsa hai, pavana ko pūta rajapūta ruro

भानुसों पढ़न हनुमान गए भानुमन, अनुमानि सिसु केलि कियो फेर फारसो । पाछिले पगनि गम गगन मगन मन, क्रम को न भ्रम कपि बालक बिहार सो ॥ कौतुक बिलोकि लोकपाल हरिहर विधि, लोचननि चकाचौंधी चित्तनि खबार सो। बल कैंधो बीर रस धीरज कै, साहस कै, तुलसी सरीर धरे सबनि सार सो

bhānusoṃ par̤hana hanumāna gae bhānumana, anumāni sisu keli kiyo phera phāraso | pāchile pagani gama gagana magana mana, krama ko na bhrama kapi bālaka bihāra so || kautuka biloki lokapāla harihara vidhi, locanani cakācauṃdhī cittani khabāra so| bala kaiṃdho bīra rasa dhīraja kai, sāhasa kai, tulasī sarīra dhare sabani sāra so

भारत में पारथ के रथ केथू कपिराज, गाज्यो सुनि कुरुराज दल हल बल भो । कह्यो द्रोन भीषम समीर सुत महाबीर, बीर-रस-बारि-निधि जाको बल जल भो ॥ बानर सुभाय बाल केलि भूमि भानु लागि, फलँग फलाँग हूतें घाटि नभ तल भो । नाई-नाई-माथ जोरि-जोरि हाथ जोधा जो हैं, हनुमान देखे जगजीवन को फल भो

bhārata meṃ pāratha ke ratha kethū kapirāja, gājyo suni kururāja dala hala bala bho | kahyo drona bhīṣama samīra suta mahābīra, bīra-rasa-bāri-nidhi jāko bala jala bho || bānara subhāya bāla keli bhūmi bhānu lāgi, phala~ga phalā~ga hūteṃ ghāṭi nabha tala bho | nāī-nāī-mātha jori-jori hātha jodhā jo haiṃ, hanumāna dekhe jagajīvana ko phala bho

गो-पद पयोधि करि, होलिका ज्यों लाई लंक, निपट निःसंक पर पुर गल बल भो । द्रोन सो पहार लियो ख्याल ही उखारि कर, कंदुक ज्यों कपि खेल बेल कैसो फल भो ॥ संकट समाज असमंजस भो राम राज, काज जुग पूगनि को करतल पल भो । साहसी समत्थ तुलसी को नाई जा की बाँह, लोक पाल पालन को फिर थिर थल भो

go-pada payodhi kari, holikā jyoṃ lāī laṃka, nipaṭa niḥsaṃka para pura gala bala bho | drona so pahāra liyo khyāla hī ukhāri kara, kaṃduka jyoṃ kapi khela bela kaiso phala bho || saṃkaṭa samāja asamaṃjasa bho rāma rāja, kāja juga pūgani ko karatala pala bho | sāhasī samattha tulasī ko nāī jā kī bā~ha, loka pāla pālana ko phira thira thala bho

कमठ की पीठि जाके गोडनि की गाड़ाइं मानो, नाप के भाजन भरि जल निधि जल भो । जातुधान दावन परावन को दुर्ग भयो, महा मीन बास तिमि तोमनि को थल भो ॥ कुम्भकरन रावन पयोद नाद ईधन को, तुलसी प्रताप जाको प्रबल अनल भो । भीषम कहत मेरे अनुमान हनुमान, सारिखो त्रिकाल न त्रिलोक महाबल भो

kamaṭha kī pīṭhi jāke goḍani kī gār̤āiṃ māno, nāpa ke bhājana bhari jala nidhi jala bho | jātudhāna dāvana parāvana ko durga bhayo, mahā mīna bāsa timi tomani ko thala bho || kumbhakarana rāvana payoda nāda īdhana ko, tulasī pratāpa jāko prabala anala bho | bhīṣama kahata mere anumāna hanumāna, sārikho trikāla na triloka mahābala bho

दूत राम राय को सपूत पूत पौनको तू, अंजनी को नन्दन प्रताप भूरि भानु सो । सीय-सोच-समन, दुरित दोष दमन, सरन आये अवन लखन प्रिय प्राण सो ॥ दसमुख दुसह दरिद्र दरिबे को भयो, प्रकट तिलोक ओक तुलसी निधान सो । ज्ञान गुनवान बलवान सेवा सावधान, साहेब सुजान उर आनु हनुमान सो

dūta rāma rāya ko sapūta pūta paunako tū, aṃjanī ko nandana pratāpa bhūri bhānu so | sīya-soca-samana, durita doṣa damana, sarana āye avana lakhana priya prāṇa so || dasamukha dusaha daridra daribe ko bhayo, prakaṭa tiloka oka tulasī nidhāna so | jñāna gunavāna balavāna sevā sāvadhāna, sāheba sujāna ura ānu hanumāna so

दवन दुवन दल भुवन बिदित बल, बेद जस गावत बिबुध बंदी छोर को । पाप ताप तिमिर तुहिन निघटन पटु, सेवक सरोरुह सुखद भानु भोर को ॥ लोक परलोक तें बिसोक सपने न सोक, तुलसी के हिये है भरोसो एक ओर को । राम को दुलारो दास बामदेव को निवास। नाम कलि कामतरु केसरी किसोर को

davana duvana dala bhuvana bidita bala, beda jasa gāvata bibudha baṃdī chora ko | pāpa tāpa timira tuhina nighaṭana paṭu, sevaka saroruha sukhada bhānu bhora ko || loka paraloka teṃ bisoka sapane na soka, tulasī ke hiye hai bharoso eka ora ko | rāma ko dulāro dāsa bāmadeva ko nivāsa| nāma kali kāmataru kesarī kisora ko

महाबल सीम महा भीम महाबान इत, महाबीर बिदित बरायो रघुबीर को । कुलिस कठोर तनु जोर परै रोर रन, करुना कलित मन धारमिक धीर को ॥ दुर्जन को कालसो कराल पाल सज्जन को, सुमिरे हरन हार तुलसी की पीर को । सीय-सुख-दायक दुलारो रघुनायक को, सेवक सहायक है साहसी समीर को

mahābala sīma mahā bhīma mahābāna ita, mahābīra bidita barāyo raghubīra ko | kulisa kaṭhora tanu jora parai rora rana, karunā kalita mana dhāramika dhīra ko || durjana ko kālaso karāla pāla sajjana ko, sumire harana hāra tulasī kī pīra ko | sīya-sukha-dāyaka dulāro raghunāyaka ko, sevaka sahāyaka hai sāhasī samīra ko

रचिबे को बिधि जैसे, पालिबे को हरि हर, मीच मारिबे को, ज्याईबे को सुधापान भो । धरिबे को धरनि, तरनि तम दलिबे को, सोखिबे कृसानु पोषिबे को हिम भानु भो ॥ खल दुःख दोषिबे को, जन परितोषिबे को, माँगिबो मलीनता को मोदक दुदान भो । आरत की आरति निवारिबे को तिहुँ पुर, तुलसी को साहेब हठीलो हनुमान भो

racibe ko bidhi jaise, pālibe ko hari hara, mīca māribe ko, jyāībe ko sudhāpāna bho | dharibe ko dharani, tarani tama dalibe ko, sokhibe kṛsānu poṣibe ko hima bhānu bho || khala duḥkha doṣibe ko, jana paritoṣibe ko, mā~gibo malīnatā ko modaka dudāna bho | ārata kī ārati nivāribe ko tihu~ pura, tulasī ko sāheba haṭhīlo hanumāna bho

सेवक स्योकाई जानि जानकीस मानै कानि, सानुकूल सूलपानि नवै नाथ नाँक को । देवी देव दानव दयावने ह्वै जोरैं हाथ, बापुरे बराक कहा और राजा राँक को ॥ जागत सोवत बैठे बागत बिनोद मोद, ताके जो अनर्थ सो समर्थ एक आँक को । सब दिन रुरो परै पूरो जहाँ तहाँ ताहि, जाके है भरोसो हिये हनुमान हाँक को

sevaka syokāī jāni jānakīsa mānai kāni, sānukūla sūlapāni navai nātha nā~ka ko | devī deva dānava dayāvane hvai joraiṃ hātha, bāpure barāka kahā aura rājā rā~ka ko || jāgata sovata baiṭhe bāgata binoda moda, tāke jo anartha so samartha eka ā~ka ko | saba dina ruro parai pūro jahā~ tahā~ tāhi, jāke hai bharoso hiye hanumāna hā~ka ko

सानुग सगौरि सानुकूल सूलपानि ताहि, लोकपाल सकल लखन राम जानकी । लोक परलोक को बिसोक सो तिलोक ताहि, तुलसी तमाइ कहा काहू बीर आनकी ॥ केसरी किसोर बन्दीछोर के नेवाजे सब, कीरति बिमल कपि करुनानिधान की । बालक ज्यों पालि हैं कृपालु मुनि सिद्धता को, जाके हिये हुलसति हाँक हनुमान की

sānuga sagauri sānukūla sūlapāni tāhi, lokapāla sakala lakhana rāma jānakī | loka paraloka ko bisoka so tiloka tāhi, tulasī tamāi kahā kāhū bīra ānakī || kesarī kisora bandīchora ke nevāje saba, kīrati bimala kapi karunānidhāna kī | bālaka jyoṃ pāli haiṃ kṛpālu muni siddhatā ko, jāke hiye hulasati hā~ka hanumāna kī

करुनानिधान बलबुद्धि के निधान हौ, महिमा निधान गुनज्ञान के निधान हौ । बाम देव रुप भूप राम के सनेही, नाम, लेत देत अर्थ धर्म काम निरबान हौ ॥ आपने प्रभाव सीताराम के सुभाव सील, लोक बेद बिधि के बिदूष हनुमान हौ । मन की बचन की करम की तिहूँ प्रकार, तुलसी तिहारो तुम साहेब सुजान हौ

karunānidhāna balabuddhi ke nidhāna hau, mahimā nidhāna gunajñāna ke nidhāna hau | bāma deva rupa bhūpa rāma ke sanehī, nāma, leta deta artha dharma kāma nirabāna hau || āpane prabhāva sītārāma ke subhāva sīla, loka beda bidhi ke bidūṣa hanumāna hau | mana kī bacana kī karama kī tihū~ prakāra, tulasī tihāro tuma sāheba sujāna hau

मन को अगम तन सुगम किये कपीस, काज महाराज के समाज साज साजे हैं । देवबंदी छोर रनरोर केसरी किसोर, जुग जुग जग तेरे बिरद बिराजे हैं । बीर बरजोर घटि जोर तुलसी की ओर, सुनि सकुचाने साधु खल गन गाजे हैं । बिगरी सँवार अंजनी कुमार कीजे मोहिं, जैसे होत आये हनुमान के निवाजे हैं

mana ko agama tana sugama kiye kapīsa, kāja mahārāja ke samāja sāja sāje haiṃ | devabaṃdī chora ranarora kesarī kisora, juga juga jaga tere birada birāje haiṃ | bīra barajora ghaṭi jora tulasī kī ora, suni sakucāne sādhu khala gana gāje haiṃ | bigarī sa~vāra aṃjanī kumāra kīje mohiṃ, jaise hota āye hanumāna ke nivāje haiṃ

जान सिरोमनि हो हनुमान सदा जन के मन बास तिहारो । ढ़आरो बिगारो मैं काको कहा केहि कारन खीझत हौं तो तिहारो ॥ साहेब सेवक नाते तो हातो कियो सो तहां तुलसी को न चारो । दोष सुनाये तैं आगेहुँ को होशियार ह्वैं हों मन तो हिय हारो

jāna siromani ho hanumāna sadā jana ke mana bāsa tihāro | r̤haāro bigāro maiṃ kāko kahā kehi kārana khījhata hauṃ to tihāro || sāheba sevaka nāte to hāto kiyo so tahāṃ tulasī ko na cāro | doṣa sunāye taiṃ āgehu~ ko hośiyāra hvaiṃ hoṃ mana to hiya hāro

तेरे थपै उथपै न महेस, थपै थिर को कपि जे उर घाले । तेरे निबाजे गरीब निबाज बिराजत बैरिन के उर साले ॥ संकट सोच सबै तुलसी लिये नाम फटै मकरी के से जाले । बूढ भये बलि मेरिहिं बार, कि हारि परे बहुतै नत पाले

tere thapai uthapai na mahesa, thapai thira ko kapi je ura ghāle | tere nibāje garība nibāja birājata bairina ke ura sāle || saṃkaṭa soca sabai tulasī liye nāma phaṭai makarī ke se jāle | būḍha bhaye bali merihiṃ bāra, ki hāri pare bahutai nata pāle

सिंधु तरे बड़ए बीर दले खल, जारे हैं लंक से बंक मवासे । तैं रनि केहरि केहरि के बिदले अरि कुंजर छैल छवासे ॥ तोसो समत्थ सुसाहेब सेई सहै तुलसी दुख दोष दवा से । बानरबाज ! बढ़ए खल खेचर, लीजत क्यों न लपेटि लवासे

siṃdhu tare bar̤ae bīra dale khala, jāre haiṃ laṃka se baṃka mavāse | taiṃ rani kehari kehari ke bidale ari kuṃjara chaila chavāse || toso samattha susāheba seī sahai tulasī dukha doṣa davā se | bānarabāja ! bar̤hae khala khecara, lījata kyoṃ na lapeṭi lavāse

अच्छ विमर्दन कानन भानि दसानन आनन भा न निहारो । बारिदनाद अकंपन कुंभकरन से कुञ्जर केहरि वारो ॥ राम प्रताप हुतासन, कच्छ, विपच्छ, समीर समीर दुलारो । पाप ते साप ते ताप तिहूँ तें सदा तुलसी कह सो रखवारो

accha vimardana kānana bhāni dasānana ānana bhā na nihāro | bāridanāda akaṃpana kuṃbhakarana se kuñjara kehari vāro || rāma pratāpa hutāsana, kaccha, vipaccha, samīra samīra dulāro | pāpa te sāpa te tāpa tihū~ teṃ sadā tulasī kaha so rakhavāro

जानत जहान हनुमान को निवाज्यो जन, मन अनुमानि बलि बोल न बिसारिये । सेवा जोग तुलसी कबहुँ कहा चूक परी, साहेब सुभाव कपि साहिबी संभारिये ॥ अपराधी जानि कीजै सासति सहस भान्ति, मोदक मरै जो ताहि माहुर न मारिये । साहसी समीर के दुलारे रघुबीर जू के, बाँह पीर महाबीर बेगि ही निवारिये

jānata jahāna hanumāna ko nivājyo jana, mana anumāni bali bola na bisāriye | sevā joga tulasī kabahu~ kahā cūka parī, sāheba subhāva kapi sāhibī saṃbhāriye || aparādhī jāni kījai sāsati sahasa bhānti, modaka marai jo tāhi māhura na māriye | sāhasī samīra ke dulāre raghubīra jū ke, bā~ha pīra mahābīra begi hī nivāriye

बालक बिलोकि, बलि बारें तें आपनो कियो, दीनबन्धु दया कीन्हीं निरुपाधि न्यारिये । रावरो भरोसो तुलसी के, रावरोई बल, आस रावरीयै दास रावरो विचारिये ॥ बड़ओ बिकराल कलि काको न बिहाल कियो, माथे पगु बलि को निहारि सो निबारिये । केसरी किसोर रनरोर बरजोर बीर, बाँह पीर राहु मातु ज्यौं पछारि मारिये

bālaka biloki, bali bāreṃ teṃ āpano kiyo, dīnabandhu dayā kīnhīṃ nirupādhi nyāriye | rāvaro bharoso tulasī ke, rāvaroī bala, āsa rāvarīyai dāsa rāvaro vicāriye || bar̤ao bikarāla kali kāko na bihāla kiyo, māthe pagu bali ko nihāri so nibāriye | kesarī kisora ranarora barajora bīra, bā~ha pīra rāhu mātu jyauṃ pachāri māriye

उथपे थपनथिर थपे उथपनहार, केसरी कुमार बल आपनो संबारिये । राम के गुलामनि को काम तरु रामदूत, मोसे दीन दूबरे को तकिया तिहारिये ॥ साहेब समर्थ तो सों तुलसी के माथे पर, सोऊ अपराध बिनु बीर, बाँधि मारिये । पोखरी बिसाल बाँहु, बलि, बारिचर पीर, मकरी ज्यों पकरि के बदन बिदारिये

uthape thapanathira thape uthapanahāra, kesarī kumāra bala āpano saṃbāriye | rāma ke gulāmani ko kāma taru rāmadūta, mose dīna dūbare ko takiyā tihāriye || sāheba samartha to soṃ tulasī ke māthe para, soū aparādha binu bīra, bā~dhi māriye | pokharī bisāla bā~hu, bali, bāricara pīra, makarī jyoṃ pakari ke badana bidāriye

राम को सनेह, राम साहस लखन सिय, राम की भगति, सोच संकट निवारिये । मुद मरकट रोग बारिनिधि हेरि हारे, जीव जामवंत को भरोसो तेरो भारिये ॥ कूदिये कृपाल तुलसी सुप्रेम पब्बयतें, सुथल सुबेल भालू बैठि कै विचारिये । महाबीर बाँकुरे बराकी बाँह पीर क्यों न, लंकिनी ज्यों लात घात ही मरोरि मारिये

rāma ko saneha, rāma sāhasa lakhana siya, rāma kī bhagati, soca saṃkaṭa nivāriye | muda marakaṭa roga bārinidhi heri hāre, jīva jāmavaṃta ko bharoso tero bhāriye || kūdiye kṛpāla tulasī suprema pabbayateṃ, suthala subela bhālū baiṭhi kai vicāriye | mahābīra bā~kure barākī bā~ha pīra kyoṃ na, laṃkinī jyoṃ lāta ghāta hī marori māriye

लोक परलोकहुँ तिलोक न विलोकियत, तोसे समरथ चष चारिहूँ निहारिये । कर्म, काल, लोकपाल, अग जग जीवजाल, नाथ हाथ सब निज महिमा बिचारिये ॥ खास दास रावरो, निवास तेरो तासु उर, तुलसी सो, देव दुखी देखिअत भारिये । बात तरुमूल बाँहूसूल कपिकच्छु बेलि, उपजी सकेलि कपि केलि ही उखारिये

loka paralokahu~ tiloka na vilokiyata, tose samaratha caṣa cārihū~ nihāriye | karma, kāla, lokapāla, aga jaga jīvajāla, nātha hātha saba nija mahimā bicāriye || khāsa dāsa rāvaro, nivāsa tero tāsu ura, tulasī so, deva dukhī dekhiata bhāriye | bāta tarumūla bā~hūsūla kapikacchu beli, upajī sakeli kapi keli hī ukhāriye

करम कराल कंस भूमिपाल के भरोसे, बकी बक भगिनी काहू तें कहा डरैगी । बड़ई बिकराल बाल घातिनी न जात कहि, बाँहू बल बालक छबीले छोटे छरैगी ॥ आई है बनाई बेष आप ही बिचारि देख, पाप जाय सब को गुनी के पाले परैगी । पूतना पिसाचिनी ज्यौं कपि कान्ह तुलसी की, बाँह पीर महाबीर तेरे मारे मरैगी

karama karāla kaṃsa bhūmipāla ke bharose, bakī baka bhaginī kāhū teṃ kahā ḍaraigī | bar̤aī bikarāla bāla ghātinī na jāta kahi, bā~hū bala bālaka chabīle choṭe charaigī || āī hai banāī beṣa āpa hī bicāri dekha, pāpa jāya saba ko gunī ke pāle paraigī | pūtanā pisācinī jyauṃ kapi kānha tulasī kī, bā~ha pīra mahābīra tere māre maraigī

भाल की कि काल की कि रोष की त्रिदोष की है, बेदन बिषम पाप ताप छल छाँह की । करमन कूट की कि जन्त्र मन्त्र बूट की, पराहि जाहि पापिनी मलीन मन माँह की ॥ पैहहि सजाय, नत कहत बजाय तोहि, बाबरी न होहि बानि जानि कपि नाँह की । आन हनुमान की दुहाई बलवान की, सपथ महाबीर की जो रहै पीर बाँह की

bhāla kī ki kāla kī ki roṣa kī tridoṣa kī hai, bedana biṣama pāpa tāpa chala chā~ha kī | karamana kūṭa kī ki jantra mantra būṭa kī, parāhi jāhi pāpinī malīna mana mā~ha kī || paihahi sajāya, nata kahata bajāya tohi, bābarī na hohi bāni jāni kapi nā~ha kī | āna hanumāna kī duhāī balavāna kī, sapatha mahābīra kī jo rahai pīra bā~ha kī

सिंहिका सँहारि बल सुरसा सुधारि छल, लंकिनी पछारि मारि बाटिका उजारी है । लंक परजारि मकरी बिदारि बार बार, जातुधान धारि धूरि धानी करि डारी है ॥ तोरि जमकातरि मंदोदरी कठोरि आनी, रावन की रानी मेघनाद महतारी है । भीर बाँह पीर की निपट राखी महाबीर, कौन के सकोच तुलसी के सोच भारी है

siṃhikā sa~hāri bala surasā sudhāri chala, laṃkinī pachāri māri bāṭikā ujārī hai | laṃka parajāri makarī bidāri bāra bāra, jātudhāna dhāri dhūri dhānī kari ḍārī hai || tori jamakātari maṃdodarī kaṭhori ānī, rāvana kī rānī meghanāda mahatārī hai | bhīra bā~ha pīra kī nipaṭa rākhī mahābīra, kauna ke sakoca tulasī ke soca bhārī hai

तेरो बालि केलि बीर सुनि सहमत धीर, भूलत सरीर सुधि सक्र रवि राहु की । तेरी बाँह बसत बिसोक लोक पाल सब, तेरो नाम लेत रहैं आरति न काहु की ॥ साम दाम भेद विधि बेदहू लबेद सिधि, हाथ कपिनाथ ही के चोटी चोर साहु की । आलस अनख परिहास कै सिखावन है, एते दिन रही पीर तुलसी के बाहु की

tero bāli keli bīra suni sahamata dhīra, bhūlata sarīra sudhi sakra ravi rāhu kī | terī bā~ha basata bisoka loka pāla saba, tero nāma leta rahaiṃ ārati na kāhu kī || sāma dāma bheda vidhi bedahū labeda sidhi, hātha kapinātha hī ke coṭī cora sāhu kī | ālasa anakha parihāsa kai sikhāvana hai, ete dina rahī pīra tulasī ke bāhu kī

टूकनि को घर घर डोलत कँगाल बोलि, बाल ज्यों कृपाल नत पाल पालि पोसो है । कीन्ही है सँभार सार अँजनी कुमार बीर, आपनो बिसारि हैं न मेरेहू भरोसो है ॥ इतनो परेखो सब भान्ति समरथ आजु, कपिराज सांची कहौं को तिलोक तोसो है । सासति सहत दास कीजे पेखि परिहास, चीरी को मरन खेल बालकनि कोसो है

ṭūkani ko ghara ghara ḍolata ka~gāla boli, bāla jyoṃ kṛpāla nata pāla pāli poso hai | kīnhī hai sa~bhāra sāra a~janī kumāra bīra, āpano bisāri haiṃ na merehū bharoso hai || itano parekho saba bhānti samaratha āju, kapirāja sāṃcī kahauṃ ko tiloka toso hai | sāsati sahata dāsa kīje pekhi parihāsa, cīrī ko marana khela bālakani koso hai

आपने ही पाप तें त्रिपात तें कि साप तें, बढ़ई है बाँह बेदन कही न सहि जाति है । औषध अनेक जन्त्र मन्त्र टोटकादि किये, बादि भये देवता मनाये अधीकाति है ॥ करतार, भरतार, हरतार, कर्म काल, को है जगजाल जो न मानत इताति है । चेरो तेरो तुलसी तू मेरो कह्यो राम दूत, ढील तेरी बीर मोहि पीर तें पिराति है

āpane hī pāpa teṃ tripāta teṃ ki sāpa teṃ, bar̤haī hai bā~ha bedana kahī na sahi jāti hai | auṣadha aneka jantra mantra ṭoṭakādi kiye, bādi bhaye devatā manāye adhīkāti hai || karatāra, bharatāra, haratāra, karma kāla, ko hai jagajāla jo na mānata itāti hai | cero tero tulasī tū mero kahyo rāma dūta, ḍhīla terī bīra mohi pīra teṃ pirāti hai

दूत राम राय को, सपूत पूत वाय को, समत्व हाथ पाय को सहाय असहाय को । बाँकी बिरदावली बिदित बेद गाइयत, रावन सो भट भयो मुठिका के धाय को ॥ एते बडे साहेब समर्थ को निवाजो आज, सीदत सुसेवक बचन मन काय को । थोरी बाँह पीर की बड़ई गलानि तुलसी को, कौन पाप कोप, लोप प्रकट प्रभाय को

dūta rāma rāya ko, sapūta pūta vāya ko, samatva hātha pāya ko sahāya asahāya ko | bā~kī biradāvalī bidita beda gāiyata, rāvana so bhaṭa bhayo muṭhikā ke dhāya ko || ete baḍe sāheba samartha ko nivājo āja, sīdata susevaka bacana mana kāya ko | thorī bā~ha pīra kī bar̤aī galāni tulasī ko, kauna pāpa kopa, lopa prakaṭa prabhāya ko

देवी देव दनुज मनुज मुनि सिद्ध नाग, छोटे बड़ए जीव जेते चेतन अचेत हैं । पूतना पिसाची जातुधानी जातुधान बाग, राम दूत की रजाई माथे मानि लेत हैं ॥ घोर जन्त्र मन्त्र कूट कपट कुरोग जोग, हनुमान आन सुनि छाड़त निकेत हैं । क्रोध कीजे कर्म को प्रबोध कीजे तुलसी को, सोध कीजे तिनको जो दोष दुख देत हैं

devī deva danuja manuja muni siddha nāga, choṭe bar̤ae jīva jete cetana aceta haiṃ | pūtanā pisācī jātudhānī jātudhāna bāga, rāma dūta kī rajāī māthe māni leta haiṃ || ghora jantra mantra kūṭa kapaṭa kuroga joga, hanumāna āna suni chār̤ata niketa haiṃ | krodha kīje karma ko prabodha kīje tulasī ko, sodha kīje tinako jo doṣa dukha deta haiṃ

तेरे बल बानर जिताये रन रावन सों, तेरे घाले जातुधान भये घर घर के । तेरे बल राम राज किये सब सुर काज, सकल समाज साज साजे रघुबर के ॥ तेरो गुनगान सुनि गीरबान पुलकत, सजल बिलोचन बिरंचि हरिहर के । तुलसी के माथे पर हाथ फेरो कीस नाथ, देखिये न दास दुखी तोसो कनिगर के

tere bala bānara jitāye rana rāvana soṃ, tere ghāle jātudhāna bhaye ghara ghara ke | tere bala rāma rāja kiye saba sura kāja, sakala samāja sāja sāje raghubara ke || tero gunagāna suni gīrabāna pulakata, sajala bilocana biraṃci harihara ke | tulasī ke māthe para hātha phero kīsa nātha, dekhiye na dāsa dukhī toso kanigara ke

पालो तेरे टूक को परेहू चूक मूकिये न, कूर कौड़ई दूको हौं आपनी ओर हेरिये । भोरानाथ भोरे ही सरोष होत थोरे दोष, पोषि तोषि थापि आपनो न अव डेरिये ॥ अँबु तू हौं अँबु चूर, अँबु तू हौं डिंभ सो न, बूझिये बिलंब अवलंब मेरे तेरिये । बालक बिकल जानि पाहि प्रेम पहिचानि, तुलसी की बाँह पर लामी लूम फेरिये

pālo tere ṭūka ko parehū cūka mūkiye na, kūra kaur̤aī dūko hauṃ āpanī ora heriye | bhorānātha bhore hī saroṣa hota thore doṣa, poṣi toṣi thāpi āpano na ava ḍeriye || a~bu tū hauṃ a~bu cūra, a~bu tū hauṃ ḍiṃbha so na, būjhiye bilaṃba avalaṃba mere teriye | bālaka bikala jāni pāhi prema pahicāni, tulasī kī bā~ha para lāmī lūma pheriye

घेरि लियो रोगनि, कुजोगनि, कुलोगनि ज्यौं, बासर जलद घन घटा धुकि धाई है । बरसत बारि पीर जारिये जवासे जस, रोष बिनु दोष धूम मूल मलिनाई है ॥ करुनानिधान हनुमान महा बलवान, हेरि हँसि हाँकि फूंकि फौंजै ते उड़आई है । खाये हुतो तुलसी कुरोग राढ़ राकसनि, केसरी किसोर राखे बीर बरिआई है

gheri liyo rogani, kujogani, kulogani jyauṃ, bāsara jalada ghana ghaṭā dhuki dhāī hai | barasata bāri pīra jāriye javāse jasa, roṣa binu doṣa dhūma mūla malināī hai || karunānidhāna hanumāna mahā balavāna, heri ha~si hā~ki phūṃki phauṃjai te ur̤aāī hai | khāye huto tulasī kuroga rār̤ha rākasani, kesarī kisora rākhe bīra bariāī hai

राम गुलाम तु ही हनुमान गोसाँई सुसाँई सदा अनुकूलो । पाल्यो हौं बाल ज्यों आखर दू पितु मातु सों मंगल मोद समूलो ॥ बाँह की बेदन बाँह पगार पुकारत आरत आनँद भूलो । श्री रघुबीर निवारिये पीर रहौं दरबार परो लटि लूलो

rāma gulāma tu hī hanumāna gosā~ī susā~ī sadā anukūlo | pālyo hauṃ bāla jyoṃ ākhara dū pitu mātu soṃ maṃgala moda samūlo || bā~ha kī bedana bā~ha pagāra pukārata ārata āna~da bhūlo | śrī raghubīra nivāriye pīra rahauṃ darabāra paro laṭi lūlo

काल की करालता करम कठिनाई कीधौ, पाप के प्रभाव की सुभाय बाय बावरे । बेदन कुभाँति सो सही न जाति राति दिन, सोई बाँह गही जो गही समीर डाबरे ॥ लायो तरु तुलसी तिहारो सो निहारि बारि, सींचिये मलीन भो तयो है तिहुँ तावरे । भूतनि की आपनी पराये की कृपा निधान, जानियत सबही की रीति राम रावरे

kāla kī karālatā karama kaṭhināī kīdhau, pāpa ke prabhāva kī subhāya bāya bāvare | bedana kubhā~ti so sahī na jāti rāti dina, soī bā~ha gahī jo gahī samīra ḍābare || lāyo taru tulasī tihāro so nihāri bāri, sīṃciye malīna bho tayo hai tihu~ tāvare | bhūtani kī āpanī parāye kī kṛpā nidhāna, jāniyata sabahī kī rīti rāma rāvare

पाँय पीर पेट पीर बाँह पीर मुंह पीर, जर जर सकल पीर मई है । देव भूत पितर करम खल काल ग्रह, मोहि पर दवरि दमानक सी दई है ॥ हौं तो बिनु मोल के बिकानो बलि बारे हीतें, ओट राम नाम की ललाट लिखि लई है । कुँभज के किंकर बिकल बूढ़ए गोखुरनि, हाय राम राय ऐसी हाल कहूँ भई है

pā~ya pīra peṭa pīra bā~ha pīra muṃha pīra, jara jara sakala pīra maī hai | deva bhūta pitara karama khala kāla graha, mohi para davari damānaka sī daī hai || hauṃ to binu mola ke bikāno bali bāre hīteṃ, oṭa rāma nāma kī lalāṭa likhi laī hai | ku~bhaja ke kiṃkara bikala būr̤hae gokhurani, hāya rāma rāya aisī hāla kahū~ bhaī hai

बाहुक सुबाहु नीच लीचर मरीच मिलि, मुँह पीर केतुजा कुरोग जातुधान है । राम नाम जप जाग कियो चहों सानुराग, काल कैसे दूत भूत कहा मेरे मान है ॥ सुमिरे सहाय राम लखन आखर दौऊ, जिनके समूह साके जागत जहान है । तुलसी सँभारि ताडका सँहारि भारि भट, बेधे बरगद से बनाई बानवान है

bāhuka subāhu nīca līcara marīca mili, mu~ha pīra ketujā kuroga jātudhāna hai | rāma nāma japa jāga kiyo cahoṃ sānurāga, kāla kaise dūta bhūta kahā mere māna hai || sumire sahāya rāma lakhana ākhara dauū, jinake samūha sāke jāgata jahāna hai | tulasī sa~bhāri tāḍakā sa~hāri bhāri bhaṭa, bedhe baragada se banāī bānavāna hai

बालपने सूधे मन राम सनमुख भयो, राम नाम लेत माँगि खात टूक टाक हौं । परयो लोक रीति में पुनीत प्रीति राम राय, मोह बस बैठो तोरि तरकि तराक हौं ॥ खोटे खोटे आचरन आचरत अपनायो, अंजनी कुमार सोध्यो रामपानि पाक हौं । तुलसी गुसाँई भयो भोंडे दिन भूल गयो, ताको फल पावत निदान परिपाक हौं

bālapane sūdhe mana rāma sanamukha bhayo, rāma nāma leta mā~gi khāta ṭūka ṭāka hauṃ | parayo loka rīti meṃ punīta prīti rāma rāya, moha basa baiṭho tori taraki tarāka hauṃ || khoṭe khoṭe ācarana ācarata apanāyo, aṃjanī kumāra sodhyo rāmapāni pāka hauṃ | tulasī gusā~ī bhayo bhoṃḍe dina bhūla gayo, tāko phala pāvata nidāna paripāka hauṃ

असन बसन हीन बिषम बिषाद लीन, देखि दीन दूबरो करै न हाय हाय को । तुलसी अनाथ सो सनाथ रघुनाथ कियो, दियो फल सील सिंधु आपने सुभाय को ॥ नीच यहि बीच पति पाइ भरु हाईगो, बिहाइ प्रभु भजन बचन मन काय को । ता तें तनु पेषियत घोर बरतोर मिस, फूटि फूटि निकसत लोन राम राय को

asana basana hīna biṣama biṣāda līna, dekhi dīna dūbaro karai na hāya hāya ko | tulasī anātha so sanātha raghunātha kiyo, diyo phala sīla siṃdhu āpane subhāya ko || nīca yahi bīca pati pāi bharu hāīgo, bihāi prabhu bhajana bacana mana kāya ko | tā teṃ tanu peṣiyata ghora baratora misa, phūṭi phūṭi nikasata lona rāma rāya ko

जीओ जग जानकीजीवन को कहाइ जन, मरिबे को बारानसी बारि सुरसरि को । तुलसी के दोहूँ हाथ मोदक हैं ऐसे ठाँऊ, जाके जिये मुये सोच करिहैं न लरि को ॥ मोको झूँटो साँचो लोग राम कौ कहत सब, मेरे मन मान है न हर को न हरि को । भारी पीर दुसह सरीर तें बिहाल होत, सोऊ रघुबीर बिनु सकै दूर करि को

jīo jaga jānakījīvana ko kahāi jana, maribe ko bārānasī bāri surasari ko | tulasī ke dohū~ hātha modaka haiṃ aise ṭhā~ū, jāke jiye muye soca karihaiṃ na lari ko || moko jhū~ṭo sā~co loga rāma kau kahata saba, mere mana māna hai na hara ko na hari ko | bhārī pīra dusaha sarīra teṃ bihāla hota, soū raghubīra binu sakai dūra kari ko

सीतापति साहेब सहाय हनुमान नित, हित उपदेश को महेस मानो गुरु कै । मानस बचन काय सरन तिहारे पाँय, तुम्हरे भरोसे सुर मैं न जाने सुर कै ॥ ब्याधि भूत जनित उपाधि काहु खल की, समाधि की जै तुलसी को जानि जन फुर कै । कपिनाथ रघुनाथ भोलानाथ भूतनाथ, रोग सिंधु क्यों न डारियत गाय खुर कै

sītāpati sāheba sahāya hanumāna nita, hita upadeśa ko mahesa māno guru kai | mānasa bacana kāya sarana tihāre pā~ya, tumhare bharose sura maiṃ na jāne sura kai || byādhi bhūta janita upādhi kāhu khala kī, samādhi kī jai tulasī ko jāni jana phura kai | kapinātha raghunātha bholānātha bhūtanātha, roga siṃdhu kyoṃ na ḍāriyata gāya khura kai

कहों हनुमान सों सुजान राम राय सों, कृपानिधान संकर सों सावधान सुनिये । हरष विषाद राग रोष गुन दोष मई, बिरची बिरञ्ची सब देखियत दुनिये ॥ माया जीव काल के करम के सुभाय के, करैया राम बेद कहें साँची मन गुनिये । तुम्ह तें कहा न होय हा हा सो बुझैये मोहिं, हौं हूँ रहों मौनही वयो सो जानि लुनिये

kahoṃ hanumāna soṃ sujāna rāma rāya soṃ, kṛpānidhāna saṃkara soṃ sāvadhāna suniye | haraṣa viṣāda rāga roṣa guna doṣa maī, biracī birañcī saba dekhiyata duniye || māyā jīva kāla ke karama ke subhāya ke, karaiyā rāma beda kaheṃ sā~cī mana guniye | tumha teṃ kahā na hoya hā hā so bujhaiye mohiṃ, hauṃ hū~ rahoṃ maunahī vayo so jāni luniye