Phalashruti

एषा विद्या महासिद्धिदायिनी स्मृतिमात्रतः । अग्निवातमहाक्षोभे राजाराष्ट्रस्य विप्लवे

eṣā vidyā mahāsiddhidāyinī smṛtimātrataḥ | agnivātamahākṣobhe rājārāṣṭrasya viplave

लुण्ठने तस्करभये सङ्ग्रामे सलिलप्लवे । समुद्रयानविक्षोभे भूतप्रेतादिके भये

luṇṭhane taskarabhaye saṅgrāme salilaplave | samudrayānavikṣobhe bhūtapretādike bhaye

अपस्मारज्वरव्याधिमृत्युक्षामादिजे भये । शाकिनी पूतनायक्षरक्षःकूष्माण्डजे भये

apasmārajvaravyādhimṛtyukṣāmādije bhaye | śākinī pūtanāyakṣarakṣaḥkūṣmāṇḍaje bhaye

मित्रभेदे ग्रहभये व्यसनेष्वाभिचारिके । अन्येष्वपि च दोषेषु मालामन्त्रं स्मरेन्नरः

mitrabhede grahabhaye vyasaneṣvābhicārike | anyeṣvapi ca doṣeṣu mālāmantraṃ smarennaraḥ

सर्वोपद्रवनिर्मुक्तस्साक्षाच्छिवमयोभवेत् । आपत्काले नित्यपूजां विस्तारात्कर्तुमारभेत्

sarvopadravanirmuktassākṣācchivamayobhavet | āpatkāle nityapūjāṃ vistārātkartumārabhet

एकवारं जपध्यानं सर्वपूजाफलं लभेत् । नवावर्णदेवीनां ललिताया महौजसः

ekavāraṃ japadhyānaṃ sarvapūjāphalaṃ labhet | navāvarṇadevīnāṃ lalitāyā mahaujasaḥ

एकत्र गणनारूपो वेदवेदाङ्गगोचरः । सर्वागमरहस्यार्थः स्मरणात्पापनाशिनी

ekatra gaṇanārūpo vedavedāṅgagocaraḥ | sarvāgamarahasyārthaḥ smaraṇātpāpanāśinī

ललिताया महेशान्या माला विद्या महीयसि । नरवश्यं नरेन्द्राणां वश्यं नारीवशङ्करम्

lalitāyā maheśānyā mālā vidyā mahīyasi | naravaśyaṃ narendrāṇāṃ vaśyaṃ nārīvaśaṅkaram

अणिमादिगुणैश्वर्यं रञ्जनं पापभञ्जनम् । तत्तदावरणस्थायि देवतावृन्दमन्त्रकम्

aṇimādiguṇaiśvaryaṃ rañjanaṃ pāpabhañjanam | tattadāvaraṇasthāyi devatāvṛndamantrakam

मालामन्त्रं परं गुह्यां परं धामप्रकीर्तितम् । शक्तिमाला पञ्चधा स्याच्छिवमाला च तादृशी

mālāmantraṃ paraṃ guhyāṃ paraṃ dhāmaprakīrtitam | śaktimālā pañcadhā syācchivamālā ca tādṛśī

तस्माद्गोप्यतराद्गोप्यं रहस्यं भुक्तिमुक्तिदम्

tasmādgopyatarādgopyaṃ rahasyaṃ bhuktimuktidam

इति श्रीवामकेश्वरतन्त्रे उमामहेश्वरसंवादे देवीखड्गमालास्तोत्ररत्नं समाप्तम् । Encoded by Sarada Susarla Proofread by Sarada Susarla; Anantanarayanan, Sunder Hattangadi, Ajit Krishnan Please send corrections to sanskrit@cheerful.com Last updated https://sanskritdocuments.org

iti śrīvāmakeśvaratantre umāmaheśvarasaṃvāde devīkhaḍgamālāstotraratnaṃ samāptam | Encoded by Sarada Susarla Proofread by Sarada Susarla; Anantanarayanan, Sunder Hattangadi, Ajit Krishnan Please send corrections to sanskrit@cheerful.com Last updated https://sanskritdocuments.org