Verses

त्रिदलं त्रिगुणाकारं त्रिनेत्रं च त्रियायुधम् । त्रिजन्मपापसंहारं एकबिल्वं शिवार्पणम्

tridalaṃ triguṇākāraṃ trinetraṃ ca triyāyudham | trijanmapāpasaṃhāraṃ ekabilvaṃ śivārpaṇam

त्रिशाखैः बिल्वपत्रैश्च ह्यच्छिद्रैः कोमलैः शुभैः । शिवपूजां करिष्यामि ह्येकबिल्वं शिवार्पणम्

triśākhaiḥ bilvapatraiśca hyacchidraiḥ komalaiḥ śubhaiḥ | śivapūjāṃ kariṣyāmi hyekabilvaṃ śivārpaṇam

अखण्ड बिल्व पत्रेण पूजिते नन्दिकेश्वरे । शुद्ध्यन्ति सर्वपापेभ्यो ह्येकबिल्वं शिवार्पणम्

akhaṇḍa bilva patreṇa pūjite nandikeśvare | śuddhyanti sarvapāpebhyo hyekabilvaṃ śivārpaṇam

शालिग्राम शिलामेकां विप्राणां जातु चार्पयेत् । सोमयज्ञ महापुण्यं एकबिल्वं शिवार्पणम्

śāligrāma śilāmekāṃ viprāṇāṃ jātu cārpayet | somayajña mahāpuṇyaṃ ekabilvaṃ śivārpaṇam

दन्तिकोटि सहस्राणि वाजपेय शतानि च । कोटिकन्या महादानं एकबिल्वं शिवार्पणम्

dantikoṭi sahasrāṇi vājapeya śatāni ca | koṭikanyā mahādānaṃ ekabilvaṃ śivārpaṇam

लक्ष्म्यास्तनुत उत्पन्नं महादेवस्य च प्रियम् । बिल्ववृक्षं प्रयच्छामि ह्येकबिल्वं शिवार्पणम्

lakṣmyāstanuta utpannaṃ mahādevasya ca priyam | bilvavṛkṣaṃ prayacchāmi hyekabilvaṃ śivārpaṇam

दर्शनं बिल्ववृक्षस्य स्पर्शनं पापनाशनम् । अघोरपापसंहारं एकबिल्वं शिवार्पणम्

darśanaṃ bilvavṛkṣasya sparśanaṃ pāpanāśanam | aghorapāpasaṃhāraṃ ekabilvaṃ śivārpaṇam

काशीक्षेत्रनिवासं च कालभैरवदर्शनम् । प्रयागमाधवं दृष्ट्वा ह्येकबिल्वं शिवार्पणम् ॥ मूलतो ब्रह्मरूपाय मध्यतो विष्णुरूपिणे । अग्रतः शिवरूपाय ह्येकबिल्वं शिवार्पणम्

kāśīkṣetranivāsaṃ ca kālabhairavadarśanam | prayāgamādhavaṃ dṛṣṭvā hyekabilvaṃ śivārpaṇam || mūlato brahmarūpāya madhyato viṣṇurūpiṇe | agrataḥ śivarūpāya hyekabilvaṃ śivārpaṇam